OoO *هــذا التجــمع غيــر الجزء الخامس *OoO (تم التمديد لغايه 10-3)

[سنفوره]

بنات انا نزلت 4 كيلو باسبوع او يمكن 5 لان ما وزنت نفسى و سويت رجيم بس اللى اعرفه وزنى كان ما بين 58-59 و الحين صرت 54 حدى مستانسه لان اكثر التجمعات راحت على اهنى و كل ما اشوف تجمع و بشارك يكون موقفين التسجيل بس الحمدالله شديه حيلى بنفسى
و الحين ناويه اوصل ل50 و خلاص لان انا مو طويله انا 153 - اللى قاهرنى ابى الكريشه تروح و شكلها مع الرجيم ما راح تروح يبيلها تمارين معده و لما اسوى اوصل لل45 مره و اتعب خلاص ماشاء الله الشباب 300 مره عفيه عليهم و انا ماقدر فمادرى شسوى مع هالكرشه ولا الوزن اقدر اوصل له
الحمدلله قدرت اول يومين اكل ريوق بس نص خبزه و مع اى نوع جبن لا تخافون و الاهم الريوق تتريقون مالكم شغل و مرات اخذ اى نوع من الفواكه معاه و الظهر بالدوام اخذ لى جاى حليب لووول و بس صدقونى ما راح تندمون تحسون بيووع بس مسكو نفسكم عقبها بساعه بس لهو نفسكم بالمنتدى مثلى و يروح الجوع
العصر طبعا قطع خاص = فلما اكون بالبيت اللى كنت اسويه اول يومين انتبهوا كنت اخذ همبرجر و اشويها و اكل معاه سلطه و ثانى يوم يبت زهره و فلفل اخضر و مشروم و حطيت كلاس ماى بالجدر و على نار هاديه و بس و بليل شوربه - تفاح -برتقاله
طبعا عقببها الظهر بس عصير اناناس و جم حبه تمر و هكذا باقى الايام قللت االاكل و تقدرون تقولون ما فى اكل لوووووول

و صراحة شى ضعفت بسرعه

بس الحين الكريشه شنسوى التمارين يبيلها وحده تقدر ووواى تعبت شنسوى ؟؟؟؟؟؟؟

 

[dream]

كل ما اشوف تجمع و بشارك يكون موقفين التسجيل بس الحمدالله شديه حيلى بنفسى

سنفورة !

اذا تبين تشتركين حيــااااااج الله معانــا .. أنــا من التجمع الجزء الأول دايمن اقول التسجيل في تجمعنــا مفتوووح ..

تفضلي سجلي عــاااااادي

 

[dream]

بنات اليوم عندي وايد أشغااااااااااال عفية ادعولي الله يسهل الأمور

وإن شاء الله كل شي يمشي تمام بدون أي عوااااااااقب

يالله يسهل عليج امووووورج يا منمن الغالية

السلام عليكم..
دريم موفقه ان شاء الله برجيمات المطوع بدعي لج من قلبي

وعليكم السلام والرحمة ..أسوووم فديت قلبج والله

 

[dream]

وعندي زيت من مركز سلطان كلش مافيه ولاسعره حراريه ومايمتن ارشه علييه واخليه

شيووووووخ ..!!

أطالبج بصورتين ؟!

صورة لــ كريم التخسيس skin وصورة للزيت اللي مافيه سعرات حرارية ..؟؟

والله سوالفج حلوووة سنعة ودي اشتريهم ..

اشرايكم بنات انسوي حملة للوضع الكريم التخسيس مثل ما سوينــا بالتجمعات اللي طافت حملة المشي ...؟!

ترى خاصة الكريم يبيله تشجييييييييييع من قلب .. ويبيله صبرررر .. ويبيله التزام ..

وانــا حاسة ماشاء الله البعض منكم ملتزم بالمشي والحركة والمشي ليش ما نضرب عصفورين بحجر..؟!

(كريم + حركة )

..


هذا اقتراح بانتظار أرائكم حبيباتي ؟؟

 

[شيخه***البنات]

شلوووووونج دريم متى راح تبدين ان شاءالله برجيم المطوع ..

 

[شيخه***البنات]

شيووووووخ ..!!

أطالبج بصورتين ؟!

صورة لــ كريم التخسيس skin وصورة للزيت اللي مافيه سعرات حرارية ..؟؟

والله سوالفج حلوووة سنعة ودي اشتريهم ..

اشرايكم بنات انسوي حملة للوضع الكريم التخسيس مثل ما سوينــا بالتجمعات اللي طافت حملة المشي ...؟!

ترى خاصة الكريم يبيله تشجييييييييييع من قلب .. ويبيله صبرررر .. ويبيله التزام ..

وانــا حاسة ماشاء الله البعض منكم ملتزم بالمشي والحركة والمشي ليش ما نضرب عصفورين بحجر..؟!

(كريم + حركة )

..


هذا اقتراح بانتظار أرائكم حبيباتي ؟؟

وي بعد عمرررري افا عليج الحين طيران اصووورهم لج ماطلبي شي يالغاليه ...

والله انا اموووت على التجمعات يالله فوووووووقه :ggdw: ..

ترى سوووووسكن هالجل عجييييييييب اصلن يخقق ورب الكعبه ومايبيله صبر لاتحاتين هذا الكريم صج عجيب ..

الحين اصورهم وارجع لج برب ..

 

[شيخه***البنات]

هذي صورت الزيت اللي ينرش الاصفر احلى والاخضر على زيت زيتون بس مادري طعمه موذاك الزود بس الاصفر ماتحسين بشي

وماركته مازولا تلاقينه بمركز سلطان السالميه بركن الزيوت ..



وهذا جل So Skin الحراري .. ولما تاخذينه لازم معاه كريم شد لان بالصيدليه مالقيت So Skin الشد حسافه فستعملت

كريم نيفيا للشد انتي اذا رحتي ولقيتيهم اثنينهم اخذيهم والله نتيجتهم ممتاااااازه بس لاتستعملينه بدون كريم شد مانصحج ..

وهذي صورته من صيدليه العديليه بـ 13 وشي والشد بـ 11 وشي .. بس ماعندي صوره كريم الشد ..

 

[dream]

شلوووووونج دريم متى راح تبدين ان شاءالله برجيم المطوع ..

هلااااا والله بـــ (قلبي)

شيوووخة

أفـــاااااا عليج شيوووخة انا بديت من اليووووم

صدقيني ( دريم) القديمة مسحتهــااااا

أنــا الحين ماشية على نصياحكم الطيبة

عسى الله لا يخليني منكم ..

وأنــا ماشية على النظام الأول للمطوع وان شاء الله اتكون النتايج مبشرة بالخير


:ggdw:

 

[dream]

يعطيييييييييج الــ 1000 عافية يا شيووووخة ع الصور الحلوةةةة

فديت هالقلب الطيب

وتسلم الأيادي

 

[شيخه***البنات]

الله يووووووووووووفقج ياااااا درييييم تستاهلين كل خيير يالغاليه ..

 

[dream]

وهذا جل so skin الحراري .. ولما تاخذينه لازم معاه كريم شد لان بالصيدليه مالقيت so skin الشد حسافه فستعملت

كريم نيفيا للشد انتي اذا رحتي ولقيتيهم اثنينهم اخذيهم والله نتيجتهم ممتاااااازه بس لاتستعملينه بدون كريم شد مانصحج ..

وهذي صورته من صيدليه العديليه بـ 13 وشي والشد بـ 11 وشي .. بس ماعندي صوره كريم الشد ..

انزين شيوووخة ..؟

جم سؤال اذا سمحتي ..

كريم سو سكن بس للأفخاذ وغيره ؟

وهل يحررررق حيل اذا حطيته ؟

وهل فيه ريحة لانه تدرين بعض الكريمات ريحة قوية وتفضح ؟

انزين انحط كريم التخسيس وعليه الشد ؟ ولا شنو الطريقة ؟

***********

اشرايج نبتدي حملة الكريم تاريخ 2/3 الأحد الى 8/3 الأحد ..؟ وانشوف النتايج بعد مرور أسبوع ..؟

وهاليومين نترك للعضوات فرصة حق اللي تبي تشتري الكريم وتنضم الى الحملة ..؟

 

[dream]

يقولون : اذا أردت شيئــا وبشدة لابد ان تتخيله بصورة واضحة وبالألــوان حتى يتحقق !!

أجــل يا جمــاعة أنـــا بتخيل نفسي ماريا كاري ..!!

(ملكة الاغراء)

اتهقون أصير جذذذذي ...؟!

 

[mn.mn]

مسااااااااااااااااء الخير

شلونكم وشخباركم

دريم .......... مبروك بداية الرجيم والاهم الاستمرار بعون الله

شيوخ .......... صار لي اسبوع بروح مركز سلطان عشان أشتري الزيت بس ما صار

وبالنسبة للكريم بنات أنا لما امشي أحط كريم بارتنر لوف وللحين عندي ما خلص

إذا خلص بشتري سوسكن واستخدمه لما أمشي

 

[dream]

مسااااااااااااااااء الخير

شلونكم وشخباركم

دريم .......... مبروك بداية الرجيم والاهم الاستمرار بعون الله

هلا بالزين

والله احنــا تمااام وانتي ؟

عسى الصداع خف ؟

الله يباركـ فيج وان شاء الله النتايج الطيبة

 

[mn.mn]

أنا الحمد الله تمام والصداع الحمد الله خف امس قبل ما انام

محتارة قاعدة افكر بالعشا شنو باكل شي خفيف

عندي توست أسمر شكلي باكل معاه بيضة مفيوحة

والمفروض اليوم ألعب على الاوربتراك أعوض أمس لاني ما لعبت

 

[dream]

..:: يومياتي ::..

الفطور : نيسكافيه + 2 بسكويت

الغدا: سلطة + صلصلة ثاوزن ايلند اللي تبع الريجيم لذيذة + 2 همبرغر +دايت بيبسي

السنــاكـ : نيسكافيه

العشا : تو الناس ومادري شنو اكل ؟

بس أنــا اخذها من ماركة american gorden مو كرافت

 

[dream]

محتارة قاعدة افكر بالعشا شنو باكل شي خفيف

عندي توست أسمر شكلي باكل معاه بيضة مفيوحة

منمن .. لووول انتي نفسي هم أنــا محتارة ..؟!

وعن جد حاسة باليوع ؟

ليش ما تشترين سندويشات امريكـانا لذيذة .. انا احب ساندويشة الدجاج بالمايونيز عجيبة ..

 

[mn.mn]

منمن .. لووول انتي نفسي هم أنــا محتارة ..؟!

وعن جد حاسة باليوع ؟

ليش ما تشترين سندويشات امريكـانا لذيذة .. انا احب ساندويشة الدجاج بالمايونيز عجيبة ..

أمس عشاي صمونة أمريكانا اللي فيها خضار مشوية

لاني ما احب سندويجات التونة واللحوم

واليوم عندي توست اسمر بالبيت احتمال آكله مع بيض أو جبن

واكيد باكل خس وطماط وخيار وبعدين بشرب كوب أعشاب

 

[dream]

أمس عشاي صمونة أمريكانا اللي فيها خضار مشوية

لاني ما احب سندويجات التونة واللحوم

واليوم عندي توست اسمر بالبيت احتمال آكله مع بيض أو جبن

واكيد باكل خس وطماط وخيار وبعدين بشرب كوب أعشاب

عليج بــ 1000 عافية مقدمـــا

منمن بتودين اعيالج (الله يحفظهم) للمسيرة ؟!

:gr4uu:

 

[mn.mn]

عليج بــ 1000 عافية مقدمـــا

منمن بتودين اعيالج (الله يحفظهم) للمسيرة ؟!

:gr4uu:

لا والله احنا مو ربع المسيرة

الصراحة ما تعجبني الاجواء

واحنا غالبا بعطلة العيد الوطني يا نروح المزرعة

أو نسافر الخبر والبحرين وشكلنا بنعزم ونمشي الاربعا الفير

ادعولي الله يحفظنا من شر الطريج ويسهل الامور والله يهدي عيالي وما يأذوني