تجنيس أبناء الكويتيات

[!!wawie!!]

مايتجنسون بس يعاملون معامله سنعه


نبي يوفرولهم وضيفه وسكن


اماالجننسيه فلا تعطى الا الكويتي



مو اي واحد ياخذ جنسيه كويتيه

شنو مثلا واحد امه كويتيه وابوه سوري ياخذ جنسيه كويتيه ؟؟

لا طبعاا


العيال يتبعون الابو بالتجنيس مو الام


والجنسيه الكويتيه للكويتي فقط





وذبحتونا بسالفة الام تتجنس ترى انا امي مصريه وابوي كويتي

وهمن امي ماتجنست اصلا ماتبي غير جنسيتها المصريه مافرطت فيها وهي للحينها مصريه


كل واحد وجنسيته بس مع انهم يوفرولهم السكن والوظيفه والعيش الكريم

بالضبط..نفس الكلام اللي كنت بقوله..

 

[عنب أحمر]

على راسي و الله اضم صوتي معاااج

الصراحة مساكين ليش الريال مرته تتجنس و المرأة عيالها ما يتجنسون

انا اقول الريال مو ضروري بس من حقها عيالها يكونون نفسها

خااصة الي متزوجة بدون يعني حرام يضيع مستقبل عيالها

والي يقول الجنسية بس للكويتي خلاص عيل الكويتي عياله بس يتجنسون و مرته مو لازم

شكو تتجنس عيل !!! حالها حال الكويتية الي ريلها ما يتجنس

و الي يقول محد قالها تاخذ واحد مو كويتي مادري شنوو!!

ترى الزواج نصيب يمكن ألف كويتي يخطبها بس الله كاتب نصيبها مع الغير كويتي

ومن حقها عيالها يتجنسون سواء عندهم ولا ما عندهم جنسية

و الله يعينهم

(( اختلاف الاراء لا يفسد للود قضية ))

علشان لا يروح مخكم بعيد ترى انا كويتية أصيلة ابا عن جد ههههههههه

ياحياتي
:eh_s(6):
ما قصرتي
صج لا يقولون مانتخلا عن جنسيتنا الأصليه
(( الظاهر من مزدوجين الجنسية ))

:jumpon:
واللي تبي تلبس عيالها علم بلادها وهى عايشة بالكويت
صج حرتني
:eh_s(13):
حبيبتي أتحدى مليون مرة من يقول أمي ترفض الجنسية الكويتية وتبي تعيش على جنسيتها الأصليه أصلا الوحدة ما تتزوج الكويتي إلا حاطة جدام عينها كل السبل والوسائل المتاحه وغير المتاحه لكي يجنسها
:ioljnmlk:
وبعدين شوفوا شنو تسوي
مايبقى أخو خال عم أخت عمه بنت أخت ماتجيبهم بكرت زيارة وتعالوا شوفوا الدنيا ببيت الكويتي
:050103nbh_prv:
وطبعا العيال فرحانين بخوالهم من (( الهند السند بنغلادش العراق سوريا الأردن فلسطين مصر ---- كل الخارطة ميتين على ريحه الكويتي لو شنوا

عيل سورية عمرها 20 سنه تزوجت من جم شهر من رجل عمرة 55سنه على ثلاث حريم
سالفه صارت بشارعنا من فترة قصيرة يامال الضربه شنو تبي هذي من العود عياله أكبر منها واللي جابتها خالتها السورية ماخذة من العايلة نفسها مو خطط والله خطابات يشتغلن لبعض
_03BA:
لا تواخذوني بس اللي قاعد يصير غلط بغلط
الكويتي يجنس عياله وبس المرة تقعد على جنسيتها مثل السعودية الله يعزها ما يجنسون الغير سعودية بس العيال
نفس الشئ الكويتية لازم يساوونها بالكويتي
يجنسون عيالها وخلو زوجها مو لازم يجنس
صح الكلام ؟؟؟
أيوه صح !!!​

 

[حساويه]

السعوديه مثل الكويت يجنسون مرت السعودي
والسعوديه اللي مزوجه اجنبي اعيالها ماياخذون الجنسيه
والمفروض بنت البلدعيالها ياخذون جنسية الام لان لعيال دائما مع الام ويحبون بلد امهم
اعرف عراقيه مزوجه سعودي اعيالها يحبون العراق ويطنزون على بلد ابوهم
نسو ان كل هالخير من ابوهم مومن امهم لو انهم في العراق جان صدام موتهم من الجوع
مالت عليهم وعلى امهم

 

[MoonDiamond]

انا اعتقد العيال اللي امهم الكويتيه يعاملون معاملة الكويتي وما يتجنس واللي موعاجبه يروح ديرته اللي بتكون (مصر والا سوريا والا العراق والا لبنان واللللللللللا ) لانها ديرتهم اساسا بس اذا ابوهم متوفي يتمون قاعدين بالكويت عند امهم لان مالهم الا امهم وتطلعلهم اوراق رسمية ويشتغلون ويدرسون للمرحلة الجامعيه ولهم كل الحقوق بس مو جنسيه اما اذا ابوهم حي واكيد ما قدر ياخذ كويتيه ولا الكويتيه رضت فيه الا اكيد عنده خير ونعمه ولا تقولون ما عندهم محد متبرتع بهالديره كثر الاجانب ويطلعون فلوس من تحت الارض (المصريين دوامين واذا مدرس يدرس خصوصي الحصة بالشيء الفلاني واذا سوري بنجرجية حولي والشويخ كلهم سوريين واذا بدون مو مخلين مكاتب افراح محلات تلفونات ومكاتب الليموزين وسوق الجمعة وووووو كلهم بدون) وانا ما اقلل من قيمة احد ابدا بس انا اعرف هالناس معرفة جيدة وما عليهم قاصر وما دام الكويتية عارفة مصير عيالها ليش تييبهم وتتوهق فيهم واذا مثل ما قالوا البنات الكويتيه شذنبها ما خطبها كويتي تعتقد ليش خطبها الاجنبي (لانه يظن الكويتيه بتبيض له ذهب بتوفرله البيت ببلاش والعيال برعايتهم الصحيه والتعليمية والوظيفيه) ليش ما ياخذ الكويتيه .. ياخذهاااااااااااااااااااااااااااااا ونص .. والله والله والله اعرف كويتيات متزوجين من غير كويتي مطلعين عيونهم ولا يعايرونهم بالكويت وياخذون معاشاتهم ومبهذلينهم..

والكويتي اللي ماخذ عراقيه ومصريه وسوريه وفلبينيه وسيلانيه .. عياله لو يروحون لهالدول ويقولولهم نبي نسكن عندكم ونتعلم بمدارسكم ونتعالج بمستشفياتكم .. تدرون شبيسون فيهم ؟؟؟؟؟؟؟؟؟؟؟؟؟؟؟؟؟؟؟

بيضحكون عليهم الا بيموتون من الضحك عليهم .. شلون يتركون الكويت وييون عندهم لان مافي منطق معقول بهالسالفه.. انتوا عكسوا اللي فوق وحطوا مصريه وعراقيه وسوريه ماخذين كويتي بس قاعدين بديرتهم مو ييايين الكويت.. هل تضنون هالدول بتعطي الكويتيين الجناسي .. والله ما راح تعطييهم وبتقول الابناء يتبعون الاب ..

يا بنات حدث العاقل بما يعقل وهذا واقع محد يقدر يغيره وانا اوافق عالجنسيه للي ابوه متوفي (حتى لو له معيل في ديرة ابوه يتم بالكويت لان بناتنا ما تنحرق قلوبهم على عيالهم وبديرتهم احسن لهم) بس اذا مو متوفي لا والله يكد عليهم ابوهم والا هذا قوانين الدولة واهما عارفينها قبل لا يتزوجون...


واتمنى محد يزعل مني بس هذا رأيي.


تقبلوني بود

 

[MoonDiamond]

الكويتي اللي ياخذ اجنبيه (مالت عليه طبعا) اهوا اللي طاق بابها ترفض ؟؟؟!!!!!!!! طبعا ما ترفض والا تطلع غبيه حدها- الكويتي ما يتخلى بتلاقي الخير لها ولأهلها وبتشتغل كروت الزياره غير الشحن اللي بيشبع من وراها طبعا.. انا اعرف وحده مصريه ومطلعة الجنسيه وبعد عمر وعيالها ريياييل تطلقت من زوجها وتزوجت واحد من اهلها صعيدي وحطته بالبيت وبغى يموت الرييال من الحره .. بس عيالها خلوا الصعيدي يطلق امهم وقالوا لها مو شرط تردين لابونا بس زواج ما في.. واعرف شايب وبدوي متزوج عراقيه وكان عمرها 12 سنه (حسبي الله على اهلها) الحين زوج بناتها اللي اعمارهم بال16 ونازل بالسعوديه بلا عرس ولا مهور ولا شي واخذوا منها عيالها اثنين صبيان وطردها بالشارع وزر عقل المره المسكينه وقعدت فتره بملحق ناس يزاهم الله خير وماشاء الله بنتها الكبيره طلع زوجها ولد حلال وسكن بالكويت عشان ام زوجته ودوامه بالخفجي وروح ويرد عليهم..



فا يابنات الدنيا حظوظ .. ومو شرط اللي ماخذه كويتي مستانسه ولا اللي ماخذه مو كويتي بتنحل مشاكلها وتعيش بسلام وبدون مشاكل بل بالعكس شنو شعورها ان الريال اللي متزوجته عاله عليها وعايش على افاها وكل شي من عندها وما تقدر تستند عليه .. هل في داخلها بتحترمه وتحس ان وراها ظهر ؟؟!!!!!!!!!!!

 

[حمام شاقني فنه]

الكويتي اللي ياخذ اجنبيه (مالت عليه طبعا) اهوا اللي طاق بابها ترفض ؟؟؟!!!!!!!! طبعا ما ترفض والا تطلع غبيه حدها- الكويتي ما يتخلى بتلاقي الخير لها ولأهلها وبتشتغل كروت الزياره غير الشحن اللي بيشبع من وراها طبعا.. انا اعرف وحده مصريه ومطلعة الجنسيه وبعد عمر وعيالها ريياييل تطلقت من زوجها وتزوجت واحد من اهلها صعيدي وحطته بالبيت وبغى يموت الرييال من الحره .. بس عيالها خلوا الصعيدي يطلق امهم وقالوا لها مو شرط تردين لابونا بس زواج ما في.. واعرف شايب وبدوي متزوج عراقيه وكان عمرها 12 سنه (حسبي الله على اهلها) الحين زوج بناتها اللي اعمارهم بال16 ونازل بالسعوديه بلا عرس ولا مهور ولا شي واخذوا منها عيالها اثنين صبيان وطردها بالشارع وزر عقل المره المسكينه وقعدت فتره بملحق ناس يزاهم الله خير وماشاء الله بنتها الكبيره طلع زوجها ولد حلال وسكن بالكويت عشان ام زوجته ودوامه بالخفجي وروح ويرد عليهم..



فا يابنات الدنيا حظوظ .. ومو شرط اللي ماخذه كويتي مستانسه ولا اللي ماخذه مو كويتي بتنحل مشاكلها وتعيش بسلام وبدون مشاكل بل بالعكس شنو شعورها ان الريال اللي متزوجته عاله عليها وعايش على افاها وكل شي من عندها وما تقدر تستند عليه .. هل في داخلها بتحترمه وتحس ان وراها ظهر ؟؟!!!!!!!!!!!

مالت عليه ؟!!!


هذا اسلوب نقاش بذمتج
؟!

نص الكويتيين امهاتهم اما سعوديات ولا سوريات ولا مصريات ولا قطريات ولا بحرينيات ولا ولا ...الخ


هذا لفظ يلفظ لاهل ديرتج


وتبين تتناقشين بسياسة الجناسي بعد ؟!


انا اقول روحي تعلمي اشلون تتكلمين مع العالم بعدين تناقشي ترى مخج توه مبين عليه صغير >مالت عليج <هذي يقولونها بالنقاشات الطفوليه يعني متهاوشه مع بنت صفي على صمونه او محارببه رفيجتي سسوالف الجهال هذي بطلوها
>مالت عليج وسليمه تصكج وماوالاها من الفاظ :eh_s(6):



الله يهديكم تناقشو مثل الاوادم يابنات ديرتي لا تخلونهم يقولون عنكم يا امه ضحكت من جهلها الامم >حتى اسلوب الحوار جاهلينه

 

[انصاريه قمره]

ام يعقووب اذكري الله حبيبتي شنوو مصلحتهم يكونون كويتييين ليش احناااا شماخذين ؟؟؟؟؟؟؟؟؟ حالنا حال دول الخليج اللي اقل واحد معاشه اكثر من اكثر واحد عندناا ولا شنووو ولا يبون الجنسيه علشان يشتغلون غسالين مووتى ؟؟؟؟
ليش ترضين بنت ديرتج تغادر وتتغرب مع زوجها وتبتعد عن اهلهااا وتخلي الديره حق الفلبن وغيرهم بغض النظر عن كل هذااااا هذي قضيه انسانيه
وابناااااااااء الكويتيته كويتييين

 

[انصاريه قمره]

اذكرواا الله محنا قاعدين بجبراا حبيببات قلبي والله لو ما بينكم شاشه جان كل وحده اكمشت الثانيه

 

[انصاريه قمره]

وعلى فكره الطباااخ والخداامه والبنجرجي اللي تجنسواا على بند الاعمال الجليله مووو احسن من عيااال بنت البلد قاااااااال ايييييييه قاااال اعمال جليله شر البليه ما يضحك !!!!

 

[النمساوية]

اذا الكويتية تزوجت غير كويتي اولا هذا نصيب والله كاتبة محد يتدخل فية مو تقولون اهي تعرف القوانين ليش خذته؟

ثانيا اعتقد القوانين قبل عشرين سنة اوبالاحرى قبلالغزو كانت الامور سهالات مو مصعبينهاعلى ابناء الكويتيات مثل هلايام
يعني كانوا يدشون جامعة الكويت ووايد بدون تخرجوا منها ودكاترة بعد حتى العلاج بلاش

بس بعد الغزو بدت الامور تصعب وتأخذ مجرى ثاني
اهل الكويت قبل ماكنا ننظر للشخص هذا شنو جنسيته وشنو وظيفته بس تو بدت الناس بدت تفرق
وشكرا

 

[البرنسييسه]

انا اعتقد العيال اللي امهم الكويتيه يعاملون معاملة الكويتي وما يتجنس واللي موعاجبه يروح ديرته اللي بتكون (مصر والا سوريا والا العراق والا لبنان واللللللللللا ) لانها ديرتهم اساسا بس اذا ابوهم متوفي يتمون قاعدين بالكويت عند امهم لان مالهم الا امهم وتطلعلهم اوراق رسمية ويشتغلون ويدرسون للمرحلة الجامعيه ولهم كل الحقوق بس مو جنسيه اما اذا ابوهم حي واكيد ما قدر ياخذ كويتيه ولا الكويتيه رضت فيه الا اكيد عنده خير ونعمه ولا تقولون ما عندهم محد متبرتع بهالديره كثر الاجانب ويطلعون فلوس من تحت الارض (المصريين دوامين واذا مدرس يدرس خصوصي الحصة بالشيء الفلاني واذا سوري بنجرجية حولي والشويخ كلهم سوريين واذا بدون مو مخلين مكاتب افراح محلات تلفونات ومكاتب الليموزين وسوق الجمعة وووووو كلهم بدون) وانا ما اقلل من قيمة احد ابدا بس انا اعرف هالناس معرفة جيدة وما عليهم قاصر وما دام الكويتية عارفة مصير عيالها ليش تييبهم وتتوهق فيهم واذا مثل ما قالوا البنات الكويتيه شذنبها ما خطبها كويتي تعتقد ليش خطبها الاجنبي (لانه يظن الكويتيه بتبيض له ذهب بتوفرله البيت ببلاش والعيال برعايتهم الصحيه والتعليمية والوظيفيه) ليش ما ياخذ الكويتيه .. ياخذهاااااااااااااااااااااااااااااا ونص .. والله والله والله اعرف كويتيات متزوجين من غير كويتي مطلعين عيونهم ولا يعايرونهم بالكويت وياخذون معاشاتهم ومبهذلينهم..

والكويتي اللي ماخذ عراقيه ومصريه وسوريه وفلبينيه وسيلانيه .. عياله لو يروحون لهالدول ويقولولهم نبي نسكن عندكم ونتعلم بمدارسكم ونتعالج بمستشفياتكم .. تدرون شبيسون فيهم ؟؟؟؟؟؟؟؟؟؟؟؟؟؟؟؟؟؟؟

بيضحكون عليهم الا بيموتون من الضحك عليهم .. شلون يتركون الكويت وييون عندهم لان مافي منطق معقول بهالسالفه.. انتوا عكسوا اللي فوق وحطوا مصريه وعراقيه وسوريه ماخذين كويتي بس قاعدين بديرتهم مو ييايين الكويت.. هل تضنون هالدول بتعطي الكويتيين الجناسي .. والله ما راح تعطييهم وبتقول الابناء يتبعون الاب ..

يا بنات حدث العاقل بما يعقل وهذا واقع محد يقدر يغيره وانا اوافق عالجنسيه للي ابوه متوفي (حتى لو له معيل في ديرة ابوه يتم بالكويت لان بناتنا ما تنحرق قلوبهم على عيالهم وبديرتهم احسن لهم) بس اذا مو متوفي لا والله يكد عليهم ابوهم والا هذا قوانين الدولة واهما عارفينها قبل لا يتزوجون...


واتمنى محد يزعل مني بس هذا رأيي.


تقبلوني بود

ابي افهم يعني شنو اذا مو عاجبه يروح ديرته اذا ابوه متوفي يروح يبكي على الاطلال مثلا
حبيبتي مايحس بالنار غير واطيها وحضرتج ماراح تحسين بمعاناتهم الا اذا عشتيها

 

[حبة توت]

أضم صوتي معاااكم

وفعلا عيال الكويتية أولى من غيرها

وإنشاءالله بإذن واحد أحد يحطون قرار بتجنيس عيال الكويتية لأنهم مايستاهلون هالمعاناة كلها

 

[MiSs Roma]

ياحياتي
:eh_s(6):
ما قصرتي
صج لا يقولون مانتخلا عن جنسيتنا الأصليه
(( الظاهر من مزدوجين الجنسية ))

:jumpon:
واللي تبي تلبس عيالها علم بلادها وهى عايشة بالكويت
صج حرتني
:eh_s(13):
حبيبتي أتحدى مليون مرة من يقول أمي ترفض الجنسية الكويتية وتبي تعيش على جنسيتها الأصليه أصلا الوحدة ما تتزوج الكويتي إلا حاطة جدام عينها كل السبل والوسائل المتاحه وغير المتاحه لكي يجنسها
:ioljnmlk:
وبعدين شوفوا شنو تسوي
مايبقى أخو خال عم أخت عمه بنت أخت ماتجيبهم بكرت زيارة وتعالوا شوفوا الدنيا ببيت الكويتي
:050103nbh_prv:
وطبعا العيال فرحانين بخوالهم من (( الهند السند بنغلادش العراق سوريا الأردن فلسطين مصر ---- كل الخارطة ميتين على ريحه الكويتي لو شنوا

عيل سورية عمرها 20 سنه تزوجت من جم شهر من رجل عمرة 55سنه على ثلاث حريم
سالفه صارت بشارعنا من فترة قصيرة يامال الضربه شنو تبي هذي من العود عياله أكبر منها واللي جابتها خالتها السورية ماخذة من العايلة نفسها مو خطط والله خطابات يشتغلن لبعض
_03BA:
لا تواخذوني بس اللي قاعد يصير غلط بغلط
الكويتي يجنس عياله وبس المرة تقعد على جنسيتها مثل السعودية الله يعزها ما يجنسون الغير سعودية بس العيال
نفس الشئ الكويتية لازم يساوونها بالكويتي
يجنسون عيالها وخلو زوجها مو لازم يجنس
صح الكلام ؟؟؟
أيوه صح !!!​

فديتج عين العقل :ggdw:

تعجبيني والله

كلمة الحق تنقال

يعني العيال منو الي يربيهم !!! الأم صح و لو تلاحظون اغلب اليهال ياخذون طبايع امهم

و دايما العيال عند امهاتهم يعني اكيد بتربيهم على حب الكويت و ما اتوقع في واحد امه كويتية ما يحب الكويت

بعدين احنا نطالب بالعدل و المساواة

يا انه يخلون بس العيال يتجنسون سواء الام كويتية أو الاب كويتي

و الزوج أو الزوجة الغير كويتي اذا عندهم جنسية مو إلا !!

و اذا بدون << لازم يحلون هالمشكلة طبعا هذه مشكلة ثانية مابي اتطرق لها لان مو موضوعنا

خلاصة الامر : الكويتية لها حق بمطلبها بتجنيس عيالها و الي يقول انه يحب دولة ابوه اكثر

فأقولج تأثير الام اكثر على العيال و الدليل

انه العيال يتاثرون بعادات امهم اكثر من أبوهم خااااصة البنت

و كان الله غفوا رحيما

انتهينا ههههههههههههههههههه >> شفيها المندمجة لووول

 

[نيــلــوفــر]

اي صح لي متى
لازم ياخذون الجنسية و لهم الحق

انا سمعت انه اذا كملوا 21 ياخذون الجنسية اذا كانت امهم كويتية ؟؟ صج هالحجي ؟

 

[MoonDiamond]

مايتجنسون بس يعاملون معامله سنعه


نبي يوفرولهم وضيفه وسكن


اماالجننسيه فلا تعطى الا الكويتي



مو اي واحد ياخذ جنسيه كويتيه

شنو مثلا واحد امه كويتيه وابوه سوري ياخذ جنسيه كويتيه ؟؟

لا طبعاا


العيال يتبعون الابو بالتجنيس مو الام


والجنسيه الكويتيه للكويتي فقط





وذبحتونا بسالفة الام تتجنس ترى انا امي مصريه وابوي كويتي

وهمن امي ماتجنست اصلا ماتبي غير جنسيتها المصريه مافرطت فيها وهي للحينها مصريه


كل واحد وجنسيته بس مع انهم يوفرولهم السكن والوظيفه والعيش الكريم

كلامج مثل كلامي وما اختلفنا وأما سالفة (مالت عليه) فا انا اقصد اللي ماخذين من هالجنسيات الاسيويه مثل الفلبينيات والسيلانيات بس اعتذر اني ما كتبتها ما اعتذر عن كلمة( مالت عليه!!!!) يعني اللي ماخذين جنسيات عربيه احسن بوايد من هالجنسيات .. وانا اساسا امي مو كويتيه بس مو مثل امج .. لا والله امي ماخذه الجنسيه وما تبي جنسيتها لانها على قولتها وين ما يكون ريلي وعيالي انا معاهم وما سحبتنا وقالت خلوا الكويت وتعالوا اعطيكم جنسية ديرتي..

انت زعلتي على حقج لان كلامي كان ناقص والحين كملته لج ولو سمحتي اقري ردج لي وبتعرفين منو اللي ما عندها ذوق !! خصوصا اني ما كنت اتكلم عن شخص بذاته انا كنت اتكلم بالعموم والحين تكلمت بالخصوص على اللي متزوجين اسيويات وحبيبتي الموضوع مطروح للنقاش وطرح الآراء!! وكلامي مو ملزم لا لج ولا لغيرج وانا لو ادري اني ابشارك ناس مثلج ما تؤمن بالرأي و الرأي الاخر جان ما شاركت ......

 

[MoonDiamond]

ابي افهم يعني شنو اذا مو عاجبه يروح ديرته اذا ابوه متوفي يروح يبكي على الاطلال مثلا
حبيبتي مايحس بالنار غير واطيها وحضرتج ماراح تحسين بمعاناتهم الا اذا عشتيها

ما يبيلها فهم (المصري يروح مصر والسوري يروح سوريا والعراقي يروح العراق) لان العيشه بالكويت مو عاجبتهم .. ويا حياتي اذا ماني غلطانه ترى اللي امه كويتيه يتمتع باغلب المميزات يعني عايش حياة زينه بالكويت ومو مثل ما تقولون .. اعرف كويتيه عيالها بدون(عراقيين اصلا ) يدرسون ببلاش ويتعالجون ببلاش وواحد من عيالها مدرب بالجيش والثاني عنده مكتب سيارات وزوجها دلال على العقارات والحين طلعلهم لياسن وعندهم جوازات ورايحين رادين للامارات والبحرين وبعرس واحد من عيالها كان بفندق وبناتها كلهم لابسين ذهب وفرقة زفت المعرس والكوشه بالمبلغ الفلاني والعروس كويتيه ونص بناتها ماخذين كويتيين ومطلعين جناسي والله ما عليهم قاصر وثلاثه من خواتها متزوجين بدون وحده بالامارات ووحده بكندا ووحده ببريطانيا ووحده فيهم توفى زوجها . فا ويت تروح ؟؟ تروح العراق تبكي عالاطلال على قولتج ؟!!! طبعا لا .. كويتيه تروح للعراق؟؟!!!! مع ان زوجها عنده خوان هناك بس لا .. يت الكويت واصرفتلها الدوله مساعده ماديه شهريه ودخلت عيالها المدارس اما الكبار قاعدين يدورون وظائف.. وعلى فكره في كويتيين ومعاهم شهادات مولاقين وظائف!!! والله ديرتنا مو مقصره مع احد وخيرها مغطي الجميع.. والجنسيه مايصير تنعطى للي موكويتي وعلى قولتكم شي يحر الجنسيه تنعطى للطباخ والسواق والفنان والمغني تحت بند اعمال جليله .. هالشي غلط لانهم دخلوا علينا ناس ما يشرفونا لاهم اطباء ولا علماء ولا مبدعين ولا مخترعيين بس للاسف شي وصار وفتحلنا باب لناس يطالبون بالجنسيه ..


وحضرتي ما عندها غير هالكلام وهذا رايي تري​

 

[الشيخه]

حبيبتى ام يققوب منو اللى يربى الاطفال غيرامهم الكويتيه اكيد بتربيهم على حبهم للكويت ولائهم لها اما اللى تقولين ولائهم حق جنسيتهم ماعمرى سمعت ولاشفت عيال امهم كويتيه يحبون ديره غير ديرة امهم لان الكويتيه تزرع فيهم حب الكويت مثل ماهو مزروع فيها وشكرررررررررررررررررررررررررررررررررررا

 

[ms.mercedes]

يا حبايبي انا ما قلت الكل راح يكونون يحبون جنسيتهم الأصلية في ناس عندهم ولاء لديره الي ربيتهم ( لو خليت خربت ) انا قلت البعض ...

بعدين ليش تناقضون نفسكم حلات الثوب رقعته منه وفيه يعني المصري يحب المصرية الي تتحجى مثلة وتعرف عاداتهم وتقاليدهم واللبناني كذلك والسوري ...الخ

شالله حاده ياخذ كويتيه مو نفس الحجي والطبايع مختلفه غير يبي يأمن له حيات كريمة ويضمن نفسه واهله بعد على أفى هالكويتية ..

هذا يدرون عيالهم ما يجنسون على امهم وميتين ياخذون كويتية هدور يقولولهم اخذ كويتية وعيالك كويتيين بسألكم شنو تعتقدون راح يكون مصير الديره ؟؟؟

بعدين الكويت مو ملحقة على عيالهم تجنس عيال غيرها ...

الزواج قسمة ونصيب صح وانا ما اقول لا يعطونهم شي لا والله بنت الديره تستاهل يعاملون عيالهم معاملة الكويتي يدرس بمدارس الحكومة وكل شي ووظفونه وامنون له عيشة كريمة ...

والبنات الي يقولون الي تزوجت كويتي رفضت الكويتية وحافظت على جنسيتها (( سؤال يوم اهيا تحب جنسيتها وديرتها ليش ما تزوجت الي من ديرتها ؟؟؟)) ...

 

[الأمومه حياتي]

الموضوع واضح ومفروغ منه ... بدليل مافي تحرك حكومي بس كلام بكلام

المره تتبع الريال .... سواء اجنبيه و كويتي ... او كويتيه و اجنبي

تحياتي

 

[عاشقة الأنغام]

(( سؤال يوم اهيا تحب جنسيتها وديرتها ليش ما تزوجت الي من ديرتها ؟؟؟)) ...

نصيبهاا ..

:eh_s(6): << داشه عرضض