حملة (( رشاقتي مع لذوذه )) بالصور--انتهت الحمله وبانتظار النتائج

[لبي قلبك يالغلااا]

رد: حملة (( رشاقتي مع لذوذه )) بالصور

صافيه حبيبتي ياريتني كنت بديرتج جان وفرت عليج لدواره واللفه عشان العداد

انا شاريته من الصيدليه من عندنا بس بالكويت مااعرف وين بالضبط بس اعرف بنات وايد شارينه من عندكم من الصيدليه

واظن جاب عندها واحد ياريت تقدر تفيدج وهي دايما ماتقصر

 

[لبي قلبك يالغلااا]

رد: حملة (( رشاقتي مع لذوذه )) بالصور

جست مي الحلوه هلا وغلا ومبروووووووووك عليج النص كيلو عالأقل احسن من غيرج اللي زادوا مانقصو بس معليش بنات لأن الحلوه خلاص قربت ((ابي ارقع)):eh_s(2):

 

[لبي قلبك يالغلااا]

رد: حملة (( رشاقتي مع لذوذه )) بالصور

بنات انا اليوم فطوري نسكافيه و توست اسمر مع تشيز لايت

والغدا راس سمجه كبير تقولون خروف حشا اكثر من نص ساعه وانا اكل فيه وتبوله

لا تستغربون مادري ليش اترك كل لسمجه واكل الراس اموووت عليه بس لازم تكون كبيره بس اذا صغيره اكلها كلها

واعذروني صورت غداي بس مااقدر انزل الصور مثل ماقلت لكم نو بلوتوث للأسف:0bee2e8d89:

وانا راجعه من الدوام مريت كارفور وماحصلت وصله للبلوتوث وبعدين رحت مكس للألكترونيات وفيرجين وابد ماحصلت باشوف بكره يمكن اروح جرير ويارب احصل عندهم

تعرفون شنو اكبر غلطه غلطتها اني شريت هالاب توب بدون بلوتوث ولازم احط وصله بصراحه تعذيب بس انا شاريته من 3 سنوات وحاطه ابالي اخذ لي بيبي لاب توب كامل المواصفات

 

[فهههده]

رد: حملة (( رشاقتي مع لذوذه )) بالصور

السلام عليكم
هلا بكل خواتي

صافيه صفو
الله يسهل امورك من كل جهه لك فقده بس معليش يالغاليه لاتجهدين نفسك بهالردود الطويله شكي الي تبين كلهم شكه وحده
وعسى يارب تنحفين اكثر وحده فينا وانا الثانيه معليش متنازله لك خخخخ

فراوله
الله يعينك بدون شغاله ويحفظ عيالك وينجحك وبتفوق بامتحانك يارب

قاب الكبيره
هلابك وصورك.. وجبتك شكلها صدق سندويش حميه الله ينزلك من غير شر

بنت عطا
حياك الله ممتاز

جست مي
حرااااام عليييك وش هالصينيه جريمه صباحيه الله يسامحك بس تهبلللل (ودي افاجيء فيها زميلاتي فطووور باكر وااااو كان ينهبلون)

عنييييد
سلاماااات وين كنتي غااااطه فقدناك الله يعينك ويسهلك

ديجيتل
مبروك النزول واصلي

طير الحب
تستاهلين الشعار بس شدي حيلك وخذيه بجداره مو بواسطه خخ

قلبك يالغلا
هاه اتركي عنك الكاكاوات مامنها الا الشحيمات المزعجات(شوفي من ينصح قاعده الحين على قهوة مر مع كتكات عشقي) خخ

 

[فهههده]

رد: حملة (( رشاقتي مع لذوذه )) بالصور

نجي الحييين للكلام الجد !!!
انا للاسف مانزلت لا وبعد زايده غرامات بس اقل من كيلو :ssssso:
ليش لاني بمكه طحت بفطور الفندق ومطاعم الابراج وال البيت شسوي بعد مشي مشي وبسفر مااقدر لازم اكل :ada:
بس ناويه ان شاااءالله انزل من اليوم الا اذا سافرت بعد نهاية الاسبوع هذا الله يسهل لان في خطة يومين القصيم :gathering:

اليوووم... اكلي
افطرت نخاله مع جبن كرفت اشتهيته جايبينه بالمكتب .. ودردبت بعده كم كاس شاهي خضر وزنجبيل
تغديت سلطه ... وصحن صغيرخضار صيني ...وبرتقاله

الحين العصر قبل المغرب بشوي بالمصيبه قهوة مر مع اصبعين كتكات غصب ولدي عطاني ومارديته وانا اصلا ماقاومت عرضه ابد > ابي هوش وزف صح

والحمدلله على كل حال اهم شي الصحه والعافيه والنزول بدون حرمان ولهفه على الممنوعات > العب على نفسي

 

[فهههده]

رد: حملة (( رشاقتي مع لذوذه )) بالصور

هلا ملكة روحي
شلونك وينك اشوى طليتي علينا لاتخلينا
وماشاء الله على نزولك ممتاز بس لاتشدين بعدين تفلتين بنتايج عكسيه للاعلى انتبهي الله يستر

انا نزلت ثم نزلت ثم اخ اخ زدت بس بدون حميه هه تقليل وتعديل يعني نظام طويل المدى
المهم تقريبا نزولي كيلويين بهالحدود طول الشهر بس عموما زين
لان لو استمر على كل شهر كيلوين بس انا كسبانه
لان بعد ست شهور على يعني رمضان بكون نازله 12 ايه 6×2=12 ممتاز

 

[A7la-SmiLe]

رد: حملة (( رشاقتي مع لذوذه )) بالصور

مرحبااا بناات
اقولكم Keep goIInG
صورة غداي اليوم

بنات نصيحه لاتاخذون تبولة امريكانا الله يزيد النعمه كلش موشي

والعشا

اشتهيت اكل لي شي حلو :/​

​

 

[سارونه87]

رد: حملة (( رشاقتي مع لذوذه )) بالصور

وزني هالاسبوع
نازله 3 و300 جرا

 

[لبي قلبك يالغلااا]

رد: حملة (( رشاقتي مع لذوذه )) بالصور

احلى سمايل عليج بالعافيه

غداج اليوم نفس غداي تقريبا بس انا زياده عليج سمج وبدون العصير يعني تغديت تبوله وسمج:ggdw:

وبعد المغرب شربت جاي اخضر:nbptr: وتعشيت 4 حبات كفتة دجاج وربع خبز اسمر فول

وبعد شوي باشرب جاي اخضر مره ثانيه:nbptr:

 

[لبي قلبك يالغلااا]

رد: حملة (( رشاقتي مع لذوذه )) بالصور

فهده معليش حبيبتي اهم شي انج مازدتي مثل بعض الناس ((انا)) :tongue22: وان شاءالله الأسبوع الجاي نتناصف الشعار انا وانتي:friends:

وحق كل اللي ضعفوا مليووووووووووووووووووووووووووووووووووووووووووووووووون مبروك :nbvppw:[/

 

[لذوذه]

رد: حملة (( رشاقتي مع لذوذه )) بالصور

مبروك للجميع ماشاء الله عليكم
سااارونه والله بدعتي ما شاء الله
والشعار باين انه لج هالاسبوع يالغاليه تستاهلين والله
سارونه ولا عليج امر ابي منج تكتبين رجيمج بالتفصيل
اذا عجبني راح اسويه :tek:
.....................
غااااااب بشري سويتي رجيم اليومين او لا
ومبروك النزول
.....................
صاااافيه ان شاء الله تعوضين الاسبوع الياي وتنزلين اكثر
....................
وكل البنات اللي زادو او ما نزلو الله ينزل اوزانكم ابصحه ان شاء الله
.....................
اما اناااا على هالتعب اللي تعبته هالاسبوع :cxxxp:
ومنتظمه بالحميه ومسويه يومين قاسي :jumpon:
والقهر اني مانزلت الا بس 800 غرام
صج صج صج صج قمة القهر :eh_s(14):
بس يالله الحمد لله اني نزلت
وهاذي صورة وزني​

​

​

(( ابي امدد الموضوع شهر قبل ما يحذفونه
بس مو عارفه اي مشرفه اكلم ياليت تسااااعدوني ))
:33_1185028183:​

 

[just-me]

رد: حملة (( رشاقتي مع لذوذه )) بالصور

صباح الخير جميعا ​

[/url][/IMG]

 

[سيدة الذوق]

رد: حملة (( رشاقتي مع لذوذه )) بالصور

هلا هلا صباح النور جسوته شلونج امس رحت فلم بنجامين لبراد بيت يمه الافنيوز كله محجوز رحت الفنار شخباري الفنار من زمان مو رايحتله عزاه قبل كان زحمه الحين ماكو يصفر مافي اوادم

ملوكه ان ضعفت5كيلو بس

 

[just-me]

رد: حملة (( رشاقتي مع لذوذه )) بالصور

صج ... عسى عجبج الفلم ...؟؟؟
صاجة والله الفنار من زمان عنها .. وحتى المحلات اختلفت

 

[just-me]

رد: حملة (( رشاقتي مع لذوذه )) بالصور

من حقه اللقب هالاسبوع ما عرفتو ؟؟؟ <<<< أكيد مو جقج :dddds:

 

[سيدة الذوق]

رد: حملة (( رشاقتي مع لذوذه )) بالصور

ولا حقي ظاهر يالسارونه ولاملوكه

بس صج سارونه حامل حرام قاعده تضعف شلون يتغذي البيبي

الفلم عجبني كسر خاطري يوم مات يوم يطالعه وبعدين غمض عيونه والمره العجوز اللي بالوبرا يوم ماتت دمعت عيني

بس زوجي يوم طلع يقول شنو هذا فلم هندي كاااااااااااك

 

[just-me]

رد: حملة (( رشاقتي مع لذوذه )) بالصور

لو انا اتنسى و مشتركة معاكم جان بالاسبوع انزل من 4 الى 6 كيلوات ... نساتي جايدة و تقطني بالمستشفى بعيد عنكم ... عموما الهدف اهوه تقوية الارادة وتشجيج بعض ... الفلم صج حلو بالماكياج والاداء بس القصة مو زود ولا اكو تشويق يمكن لان احنا عارفين شبيصير .. بس واي شفتيه لمن كان رضيع بيبي ...واي يخرع

 

[سيدة الذوق]

رد: حملة (( رشاقتي مع لذوذه )) بالصور

اول شي يمه يخرع والله مالوم ابوه يوم تخرع وبغي يقطه بس رجاءا انا وحده رومانسيه وتاثرت بالقصه واقعد يومين متاثره بالفلم وعلبالي انا البطله ههههههههه

 

[just-me]

رد: حملة (( رشاقتي مع لذوذه )) بالصور

شلونج مع الريجيم والرياضة؟؟؟ تكفين قدرتي تقاومين النفيش بالفلم؟؟؟

 

[سيدة الذوق]

رد: حملة (( رشاقتي مع لذوذه )) بالصور

لالالالالا انا معي العم وحيد قاعد علي جبدي ممنوع النفيش لازم تضعفين ولا لو مو هو جان صاكه الاميه كيلو عن جداره