اي المصايب اشد بالنسبه للحريم ,,دشي صوتي

[اموره وحلوه]

بسم الله الرحمن الرحيم

صوتج امانه:eh_s(6):

دشي صوتي لاتطلين:68_asmilies-com:


طبعا مافي انسان خالي من المشاكل ولافي انسان كملت له الدنيا


وانا حطيت لكم التصويت صوتي للي تشوفين ان مصيبتها اعظم

هل هي المرأة العانس

هل هي المرأة المتزوجه ولكنها عقيم

هل هي المرأة المطلقه

هل هي المرأة المعلقه (زوجها موراضي يطلقها سنين في بيت اهلها)

ام هي الارمله ام العيال

يلا صوتوا نبي ارائكم وتفاعلكم

 

[عزوبيه]

المرأة المتزوجه ولكنها عقيم

يعطيج العافيه

 

[قلبك وحشني :(]

متزوجه لكنها عقيم

 

[music_teacher88]

متزوجه لكن عقيم
احس الباجي لهم حلول
يسلموو على الموضوع

 

[أفوق الوصف]

المرأة المتزوجة ولكنها عقيم ..

اتوقع هذي اصعب المصايب بالنسبه للحريم ..

لان مثل ماذكرت music_teacher88 الباجي لهم حلول الا هذا لان الانجاب حتى لو الطب تقدم بس الحل بيد الله سبحانه ..

ومشكووره عالـ موضوع ..

.
.

 

[كويتيه مذهله 87]

وي صوت غلط

انا فهمتج غلط
صوت حق العاانس

انا علباالي اي من المراه حياتهم اهون من البااجي

الصراحه اصوت للمراه العقيم والارمله

 

[اموره وحلوه]

شاكرة مروركم الطيب

فعلا المراة العقيم تعاني معاناة الله يرزق كل عقيم يارب

وناطرة اصوات الباجي وارائكم

 

[grumpy22]

المراه العقيم

 

[** حسناء**]

ماأدري أنأ بقول وجهة ظري ....

هل هي المرأة العانس ........راح تنحل مشكلتها وأنا أعتقد أنها مهي مشكله بحد ذاته ولكنها نصيب والله ماكتب لها الزواج لربما في خيره لها من الزواج برجل يمكن يسئ معاملتها ...

هل هي المرأة المتزوجه ولكنها عقيم........أما هذي أعتقد بأنها راح تصير عليها مشكله حيييييييييييييييل متعبة نفسيا أذا ماقدرت تتأقلم مع الواقع لان مافي شئ راح يعوضها في الدنيا ...بس هم وأقول أن هذا نصيبها من الله سبحانه تشكره عليه ...لربما تنجب عيال يكونون عاق بوالديه ......

هل هي المرأة المطلقه ............وهذي الحاله كل شئ بيدها توافق علي حياة جديدة أو أنها تضل مثل ماهي ...وحاله سهله

هل هي المرأة المعلقه (زوجها موراضي يطلقها سنين في بيت اهلها) ........... الحل بيدها ويد أهلها يخلصوها من اللي هي فيه ...

ام هي الارمله ام العيال .......... أذا حبت الحياة وتأقلمت مع الوضع اللي هي فية مع عيالها فأنا ماعتقد في مشكلة ...

والله يخلينا بناتنا وخواتنا وأمهاتنا ويحفظهم ويستر عليهم يارب ............. ...الدنيا كلها مشاكل الله يكفينا شرها ..:yaaaaaarb:


​

 

[SaD FaCe]

يمكن تكون المعلقه

وشكرا

 

[اموره وحلوه]

شاكرة مروركم ياحلوين وحسناء فعلا محد خالي والحمد لله على كل حال

 

[اللوحة الناقصة]

مادري احس كلهم اهون من العانس ،،، لان الباقي مثل المطلقة والارملة تعيش بقية عمرها مع عيالها وتمشي عمرها

وحتى العقيم صج وضعها صعب بس على الاقل يكون في لها سند مستقبلا اهو زوجها وعندها بيتها مملكتها الخاصة فيها ،،، يعني ماراح تنذل عند ريل اخت ولا مرت اخو مثل حالة العانس الي حتى تلقينها من المشاعر والعواطف محرومة

ومشكوورة عالموضوع ​

 

[اموره وحلوه]

اللوحه الناقصه كلامج بالضبط نفس كلام اختي,,
الله يرزق كل بنات المسلمين ويسترهم,, امين

 

[㋡..PRINCESS..㋡]

المرأة المتزوجه ولكنها عقيم ..

مشكوووووره عالموضوع ..

 

[iTaLiyA]

بالنسبه لي الارمله و معاها عيال وايد صعبه

 

[مس دايموند]

بالنسبه لي الارمله و معاها عيال وايد صعبه

هم انا اوافق الاخت صج صعبه
والله ياجرهم جميعا​

 

[بنت باباتي]

العانس امرها محلول
والمعلقه امرها محلول
والمطلقه امرها محلول
انا صوت للعقيم حتى لو هي قنعت في زوج يحن او يتشفق الله يرزق الكل الضنا
وبعد لو في صوت ثاني كنت راح اصوت للارمله ام العيال الحمل يصير عليها كبير الله يواجرها

 

[*دنــيـQ8 ــا الوله*]

الارمله ام العيال ... لان المسؤليه اكبر عليها

 

[brettey]

ماراح اصوت لان كلهم مصايب

 

[q8_hala]

صوتنا
وعلى قولة أختي بريتي كلهم مصايب الله يبعدنا عنهم ان شاء الله
بس اعتقد اشدها انه المره تكون عقيم..لان احلى شي بالدنيا الأمومه
هذا من وجهة نظري