مركز عبير 2 ؟؟

[بنت الكويت1]

السلام عليكم حبيباتي منو فيكم سمعت عن مركز عبي2 انا كلمتهم عشان اعرف شنو عندهم تفاجأت بشي روووعة ما تصدقون انه موجود بالكويت صراااحة فرحت وااايد عندنا علاج طبيعي بالخيل وطبعا هذا علاج مهم جدا لاطفالنا يقويهم ويخليهم يمشون بس الصدمة انهم قالولي انهم يستقبلون حالات الداون والتوحد بس الشلل الدماغي ما استقبلنا الاحالة وحدة كان مايمشي والحين يمشي وما ادري اذا يقبلون بنتي ولا لأ اذا فيكم احد\ يعرف المركز يقولنا عنه عشان نستفيد بارك الله فيكم وعسى يكون بداية خيير :klhfl:

 

[فالنسيا الكويت]

اول مرة اسمه فيــه
ياليت اللي عتدها خبر عنها تفيدنــا
مشكووورة اخيتي على المعلومــة

 

[ريحانة_14]

السلام عليكم

مركز عبير 2 سموه لأن البنتين إللي ماسكينه ثنتينهم إسمهم عبير .. وصديقات عزيزات على قلبي وايد

إللي أعرفه عنهم شخصيا إنهم شقرديات ومجتهدات لأبعد حد .. وعبير الصفران حاليا تكمل ماجستير أتوقع (فئات خاصه ) بالبحرين لكنها حاليا متواجده بالكويت ...

أهو مركز تطوعي تحت رعاية الشيخة أمثال الأحمد وأرباحه جدا رمزية .. يعني هدفه مو تجاري والربح المادي وباعتقادي إن هذا شي جدا يطمن لأن العطاء فيه يكون نابع من الذات بدون أهداف ماديه وهذا إللي يحتاجه الطفل المعاق ..

لكن ماسمعت إن عندهم إعاقات حركية .. أغلب الفئات إللي يستقبلونها أهم الداون + التوحد

وفي طبعا جلسات تدريبية لكن ماعندي علم إلى أي مدى هذي الجلسات

راح أحاول أتصل في عبير باجر وأسألها وأييبلكم الأخبار إن شالله .. لكن ياريت أي وحده عندها أي سؤال ثاني تقوله الحين علشان بالمره أسألها لكم

 

[Emanova]

انا رحت لهم و ما عجبني المكان لان خالطين الحالات .... و الخيل انا رحت شفت نادي للفروسيه و بشرك ولدي فيه جلسات فرديه لحد ما يتعلم و بعدين جماعيه علشان يختلط

 

[بنت الكويت1]

السلام عليكم

مركز عبير 2 سموه لأن البنتين إللي ماسكينه ثنتينهم إسمهم عبير .. وصديقات عزيزات على قلبي وايد

إللي أعرفه عنهم شخصيا إنهم شقرديات ومجتهدات لأبعد حد .. وعبير الصفران حاليا تكمل ماجستير أتوقع (فئات خاصه ) بالبحرين لكنها حاليا متواجده بالكويت ...

أهو مركز تطوعي تحت رعاية الشيخة أمثال الأحمد وأرباحه جدا رمزية .. يعني هدفه مو تجاري والربح المادي وباعتقادي إن هذا شي جدا يطمن لأن العطاء فيه يكون نابع من الذات بدون أهداف ماديه وهذا إللي يحتاجه الطفل المعاق ..

لكن ماسمعت إن عندهم إعاقات حركية .. أغلب الفئات إللي يستقبلونها أهم الداون + التوحد

وفي طبعا جلسات تدريبية لكن ماعندي علم إلى أي مدى هذي الجلسات

راح أحاول أتصل في عبير باجر وأسألها وأييبلكم الأخبار إن شالله .. لكن ياريت أي وحده عندها أي سؤال ثاني تقوله الحين علشان بالمره أسألها لكم

مشكورة حبيبتي واحنا ناطرينج تجيبين معلومات اكثر والله يوفقهم :klhfl:

 

[بنت الكويت1]

انا رحت لهم و ما عجبني المكان لان خالطين الحالات .... و الخيل انا رحت شفت نادي للفروسيه و بشرك ولدي فيه جلسات فرديه لحد ما يتعلم و بعدين جماعيه علشان يختلط

مشكورة اختي على المشاركة بس انا مافهمت يعني علاج الخيل زين ولا لأ وولدج الله يحفظة شنو مرضه بالضبط وهل مستفيد منه

 

[ريحانة_14]

مشكورة حبيبتي واحنا ناطرينج تجيبين معلومات اكثر والله يوفقهم :klhfl:

هلا فيج حبيبتي بنت الكويت

ياريت بس توضحينلي إستفساراتج بالضبط :eh_s(17):

 

[Emanova]

مشكورة اختي على المشاركة بس انا مافهمت يعني علاج الخيل زين ولا لأ وولدج الله يحفظة شنو مرضه بالضبط وهل مستفيد منه

انا ولدي عنده صفات توحد

شنو يعني علاج بالخبل ؟!؟!؟! اهم يودون اليهال مره بالاسبوع النادي

انا ولدي بدخله الاسبوع الياي التدريب بالنادي اللي يم المسيله ... جلسات ابروحه اول شيء لحد ما يتعود و يتعلم بعدين التدريب الجماعي علشان يختلط

و انا اللي ما عجبني بعبير2 تقولي علشان اذا انتي تبين تسيرين ولا عندج موجب اتيبين ولدج عندنا !!!!!

ليش انا ابي افتك من ولدي؟!؟!؟! انا ما ابي افتك منه انا ابيه يستفيد كثر ما يقدر سواء مدرس ايلينا البيت طلعه مع يهال يتعلم منهم

نادي صيفي ... نادي خيل ...او تدريب سباحه

اللي انا صج شفت ولدي استفاد فيه النادي مال مدسه التربيه النموذجيه ..و لما شافوا ولدي استفاد قالوا لي يبيه لنا السنه اليايه يدرس و اقبلوه على طول

و الحمدالله هالمدرسه وايد زينه و ولدي تغير 180 درجه

 

[الصابرة المحتسبة]

انشالله يقبلونه والخوات مايقصرون بالإفادة

 

[أم دناش]

ولدي شلل دماغي وقابلينة عندهم

 

[بنت الكويت1]

أم دناش ولدج شنو اعاقته بالضبط ما عليج امر يعني يدرك وتتكلم حواليه ويتكلم ويمشي لانه بنتي ولاشي تسويه مماسبق وودي انها تمشي عشان تفيد نفسها وكم المدة اللي صارله في المركز وهل مستفيد ؟ وشكرا

 

[بنت الكويت1]

انا ولدي عنده صفات توحد

شنو يعني علاج بالخبل ؟!؟!؟! اهم يودون اليهال مره بالاسبوع النادي

انا ولدي بدخله الاسبوع الياي التدريب بالنادي اللي يم المسيله ... جلسات ابروحه اول شيء لحد ما يتعود و يتعلم بعدين التدريب الجماعي علشان يختلط

و انا اللي ما عجبني بعبير2 تقولي علشان اذا انتي تبين تسيرين ولا عندج موجب اتيبين ولدج عندنا !!!!!

ليش انا ابي افتك من ولدي؟!؟!؟! انا ما ابي افتك منه انا ابيه يستفيد كثر ما يقدر سواء مدرس ايلينا البيت طلعه مع يهال يتعلم منهم

نادي صيفي ... نادي خيل ...او تدريب سباحه

اللي انا صج شفت ولدي استفاد فيه النادي مال مدسه التربيه النموذجيه ..و لما شافوا ولدي استفاد قالوا لي يبيه لنا السنه اليايه يدرس و اقبلوه على طول

و الحمدالله هالمدرسه وايد زينه و ولدي تغير 180 درجه

حبيبتي انا قلت العلاج بالخيل اي ركوب الخيل ومشكورة على المعلومات المفيدة بس وين مكان التربية النموذجية عشان اسجل بنتي

 

[Emanova]

التربيه النموذجيه يم جمعيه شرق

في مدرستين وحده ملونه و ازقرتيه من بره اسمها هوب و اهي حدها فاشله ولدي كان فيها و الثانيه اتربيه النموذجيه

ندهم من ضمن البرنامج سباحه و يودونهم الجمعيه يشترون اغراض و ما يرجعون يسون سندويشاتهم و عندهم يوم بااسبوع طلعه المارينا او سوق شرق

و ياخذ الياهل جلسه نطق و جلسه العلاج بالعمل .... روحي و شوقي اذا يعجبونج ...و يعطون واجبات علشان اياهل يتقوى

 

[Miss-LuLu]

انشالله انا ناوية اتطوع عندهم

 

[mosa3ada]

هذا موقع المركز ومكتوب فيه كل شي

www.abeer2.com

 

[الصابرة المحتسبة]

انشالله انا ناوية اتطوع عندهم

عساج على القوة

 

[الصابرة المحتسبة]

التربيه النموذجيه يم جمعيه شرق

في مدرستين وحده ملونه و ازقرتيه من بره اسمها هوب و اهي حدها فاشله ولدي كان فيها و الثانيه اتربيه النموذجيه

ندهم من ضمن البرنامج سباحه و يودونهم الجمعيه يشترون اغراض و ما يرجعون يسون سندويشاتهم و عندهم يوم بااسبوع طلعه المارينا او سوق شرق

و ياخذ الياهل جلسه نطق و جلسه العلاج بالعمل .... روحي و شوقي اذا يعجبونج ...و يعطون واجبات علشان اياهل يتقوى

ام نوفا: يعطيج العافية انا رحت التربية والصراحة ارتحت لها بس قابلت المدير واهو أجنبي وقال لي ان التسجيل فل واذا بغيتي تحطينه احتياط وتنطرين .

 

[الصابرة المحتسبة]

هذا موقع المركز ومكتوب فيه كل شي

www.abeer2.com

جزاج الله خير

 

[مشاعل الشمري]

حبايبي انا بغيت ادخل بمشاركه وما ادري حبيت اطرح رأي
يوم دريت بحبيبي فيه توحد كان مو هامني الا اني الاقي له مكان يستقبله يعتني ويطور ويمكن ولدي حبيبي ماشاءالله يتعلم بسرعه بس راحت عليه السنين وكبر وهو ماشاء الله كل سنه يكون احسن من قبلها
انا اقل اللي تحس فيكم ان الحاله اللي عندها ممكن تتعلم وتأخذ شهاده فلا اتضيع عمر وليدها او ابنيتها في مكان صحيح ان يطور في السلوك
قصدي عشان ما ينحرم من حقه في التعليم

 

[Emanova]

ام نوفا: يعطيج العافية انا رحت التربية والصراحة ارتحت لها بس قابلت المدير واهو أجنبي وقال لي ان التسجيل فل واذا بغيتي تحطينه احتياط وتنطرين .

انا لما رحت لهم شهر 4 اللي طاف قالوا لي فل و حطوا حمودي على الانتظار ... و سجلته عندهم بالنادي الصيفي

المدرسه مالت النادي الصيفي اهي راحت كلمت الاداره و قالت لهم ان حمودي تعلم و استفاد ... فعلطول نادوني و سويت اوراقه و نقلته عندهم....

فانتي دخليه النادي الصيفي و ان شاء الله يستفيد و في طلبه يطلعون بالصيف من المدرسه فيدش باذن الله عندهم