عيب! بنت تدرس بره ؟؟ آنزين ليييييييش؟؟

[a7la-dlo3a]

بنت تـدرس وتتغـرب بـره !


شي أكيد مو الكل يتقبلـه

شلون بنت كويتيـه أو " خليجيـه " تروح وتسافر وتدرس برره
ماعندنا جامعات بالكويت ؟ ماعندهـا أهل ؟

قبل كل شي
أقصد بالغربـه .. غربـة أمريكـا - بريطانيـا - ايرلندا - كنـدا

ما أقصد الاردن ومصر والبحرين وغيـره !!

غربـة ديره ما تتحجى نفس لغتـك .. ديانتها عاداتها عطلهـا غيـرر !!

في ناس مابي أقول عايشـه بـ " 1900 وحطبـه "
لأن هالشي حريـه شخصيـه !

بس شنو يعنـي بنت كويتيـه تتغـرب وتدرس بـرره

.. مثلاً ..

بتسافـر وبترجـع لنـا مسيحيـه ؟
بتسافـر وبتدمن عالمخدرات ولا المشـروب ؟
بتسافر وبتنسى شي اسمه تتحجى عربـي ؟
بتسافـر وتنسى عاداتها وتقاليدهـا ؟

لا يبـاا الحمدللـه كل بناتنـا أحسـن بنات ولو نلـف الدنيـا ما نلقى مثلهـن " وآنا واثقه من هالجملـه : ( "

أما اللي يشـكـ ببنتـه ولا اخته فـ هالشي راجع لـه
أتكلم بشكـل عام

الحمدللـه محد قاعد يرفع راسنا ويشرفنـا بالغربـه كثر هالطلاب والطالبات اللي مهتميـن بدراستهـم


وفي مثال للبنت الكويتيه الي شرفتنا
في امرييكا

طالبه كويتيه بجامعـة هيوسـتن

طالعه من الأوائل عالجامعه
وبمـا أن " أوبامـا " رئيس العالم أو رئيس أمريكـا راح يسوي القسـم
تمت دعوتهـا لـ حضور القسـم


وفي أهم من مناسبة تنصيـب رئيس أمريكا وتقعد مع كبار الشخصيـات

طالبه من الكويـت تقعد بين الكبـار

يا زين هالشـي واللـه


وكا بناااتنا وشباابنا قاعديين يشرفون والله
واحنا والله نفتخر فييهم

ونفتخر بكل وااحد رفع اسم الكويت
واسم ديرته



ويا جماعه انا تكلمت عن البنات
لانهم اهم بس الي يوااجهوون الرفض
اما الشباب عادي



والحين ابي راايكم
باجاباتكم على الاسئله

1- ما رأيك في دراسة البنت في الخارج؟
2- رأيك بما يقوله البعض بأن دراسة البنت بالخارج تعني تحرر من القيم الأخلاقيه؟


منــقــول

 

[z8rtia]

عادي حبيبتي الدراسه بدول أجنبيه بس بشرط يكون معاها محرم .. أبوها أخوها ريلها ولدها.. مافيها شي

بس بروحها مايجوز مو بس انه كعادات .. وفي نااس عادي عندهم .. وكل واحد على حسب بيئته اللي تربى فيها .. في بنت تخاف تروح السوق بالكويت بروحها .. هالدور تروح ديره بروحها .. يرجع لللبيئه اللي اهي متربيه فيها

 

[BlueGirl]

لأ اكيد مو عيب .. بالعس هذا شي يشرف ان البنت تطلب العلم و تسافر عشانه
بس شنسوي ببعض العقول المتحجرة اللي مو راضيه تتطور

 

[a7la-dlo3a]

عادي حبيبتي الدراسه بدول أجنبيه بس بشرط يكون معاها محرم .. أبوها أخوها ريلها ولدها.. مافيها شي

بس بروحها مايجوز مو بس انه كعادات .. وفي نااس عادي عندهم .. وكل واحد على حسب بيئته اللي تربى فيها .. في بنت تخاف تروح السوق بالكويت بروحها .. هالدور تروح ديره بروحها .. يرجع لللبيئه اللي اهي متربيه فيها

اي عااادي بس لاازم معااهااا محرم ماافيههاا شيءءء وصح مثل مااقلتي اذاا بروحهااا ماايجووز

 

[a7la-dlo3a]

لأ اكيد مو عيب .. بالعس هذا شي يشرف ان البنت تطلب العلم و تسافر عشانه
بس شنسوي ببعض العقول المتحجرة اللي مو راضيه تتطور

اي صح بالعكس تشرفناااااااا بس كل وااحد علىىى حسب البيئه الىى فيهااا

 

[gazl~q8]

لاا اكيد مو عيب اذا معها محرم شي يشرف..

 

[Pwincess]

انا وحده تغربت و من البدايه بروحي .. وكاني الحمدلله صرت احسن وشخصيتي اقوى من قبل !!
مافيها عيب و ماله علاقه بالعادات و التقاليد واللغه
لغتنا قاعدين نستخدمها مع اهلنا لمن نتواصل معاهم حتى واحنا اهناك
و عاداتنا مثل ما اهي ..احنا اساسا بالكويت معظمنا متحرر من "بعض" العادات .. وهالشي عادي لان العادات و التقاليد شي يفرضه المجتع مو الدين !
بالاخير كل بنت و تربيتها شفت بناات والله ما تسمعين لهم حس و مجابلين دراستهم و بس و في بنات شوهوا سمعه الكويتيات .. =)

 

[سكادا بلو]

بالعكس موووو عيب ... واطلبووووووو العلم ولوووو بالصين ...
بس اهم شي انها تسافر مع محرم لها لان البنت مهما كان تحتاج حق احد يمهااا ابسط مثال لو بنشرت سيارتج عند بيتكم مستحيل راح تفككينها ..

بالعكس العلم نووور والبنت لو تغربت مو يعني انها تنحل اخلاقها بالعكس يتمسكووون اكثر بالقيم والاخلاقيات

 

[إنسانه بكل حالاتي]

1- ما رأيك في دراسة البنت في الخارج؟ أنا مع هالشي بشرط وجود محرم أما إذا بروحها فهالشي غلط حتى لو كانت أحسن البنات راح تتأثر بغيرها لو كانت بروحها وياما ناس راحت وردت بشهاده وفخر وفي ناس راحت وردت بسواد ويه
2- رأيك بما يقوله البعض بأن دراسة البنت بالخارج تعني تحرر من القيم الأخلاقيه؟ لا غلط هالشي لأنه العلم نور ولابد من وجود محرم معاها

 

[a7la-dlo3a]

لاا اكيد مو عيب اذا معها محرم شي يشرف..

اي والله بعدين هي رااح تشرف الكوويت بره ماافيههاا شيءء واذاا معاهاا محرم

 

[a7la-dlo3a]

انا وحده تغربت و من البدايه بروحي .. وكاني الحمدلله صرت احسن وشخصيتي اقوى من قبل !!
مافيها عيب و ماله علاقه بالعادات و التقاليد واللغه
لغتنا قاعدين نستخدمها مع اهلنا لمن نتواصل معاهم حتى واحنا اهناك
و عاداتنا مثل ما اهي ..احنا اساسا بالكويت معظمنا متحرر من "بعض" العادات .. وهالشي عادي لان العادات و التقاليد شي يفرضه المجتع مو الدين !
بالاخير كل بنت و تربيتها شفت بناات والله ما تسمعين لهم حس و مجابلين دراستهم و بس و في بنات شوهوا سمعه الكويتيات .. =)

اي والله الله يووووووفقج قلبووو وصج كل وحده وتربيتهااااااا وااايد بناات رااحوو وردوو الكوويت والحمدالله بس كل وحده وتربيتهاااا

 

[a7la-dlo3a]

بالعكس موووو عيب ... واطلبووووووو العلم ولوووو بالصين ...
بس اهم شي انها تسافر مع محرم لها لان البنت مهما كان تحتاج حق احد يمهااا ابسط مثال لو بنشرت سيارتج عند بيتكم مستحيل راح تفككينها ..

بالعكس العلم نووور والبنت لو تغربت مو يعني انها تنحل اخلاقها بالعكس يتمسكووون اكثر بالقيم والاخلاقيات

اي والله اهم شيءءءءءءءءء المحرم مهماااااا كاان هي بنت ماتتحمل مسؤؤليه نفسهااا

 

[a7la-dlo3a]

1- ما رأيك في دراسة البنت في الخارج؟ أنا مع هالشي بشرط وجود محرم أما إذا بروحها فهالشي غلط حتى لو كانت أحسن البنات راح تتأثر بغيرها لو كانت بروحها وياما ناس راحت وردت بشهاده وفخر وفي ناس راحت وردت بسواد ويه
2- رأيك بما يقوله البعض بأن دراسة البنت بالخارج تعني تحرر من القيم الأخلاقيه؟ لا غلط هالشي لأنه العلم نور ولابد من وجود محرم معاها

اي صح البنت بسرعه تتاثر والله لو كنت متربيه صح اي شيءءء يجذبهااا لاااااااازم محرم اي والله والعلم مو غلط

 

[Bionic Girl]

مافيها شي اذا معااها محرم

 

[''chOcoLate]

لاء مو عيب بس لازم يكون محرم وياها

 

[PO PO22]

مادري انا عن نفسي اخاف وراح يضيق خلقي لاتركت اهلي والسالفه مو سالفة عيب ومشكوره على الموضوع اول مره احس انج عاقله هههههههههه

 

[اميرة-الاحجار]

اذا معاها ريال فماتوقع فيها عيب او حرام ؟؟

 

[[]نهاوند[]]

مو عن عيب او ما يجوز لكن من ناحية الحلال والحرام فما يجوز تسافر المره من غير محرم

واذا وحده سافرت بره تدرس ومعاها محرم فمحد راح يتكلم ​

 

[مـعـجـبـة]

I don't mind at all

بالعكس هذي فرصة

واللي بيقولون البنت ممكن تخترب >> اسمحوا لي بليز

البنت اللي تبي تخترب وتخربط سواء بديرتها وإلا بديرة برة راح تخربط

واللي عارفة طريجها وماشية عليه ، والله لو شنو راح تتم على اللي اهيه عليه

والله يحفظها أصلا من كل مكروه

والحمد لله رب العالمين على النعمة ،،،

 

[SeDuCTive]

اللي معدنه اصيل اصيل ما تغيره الايام..
هذا اللي اقدر اقوله..
البنت سواء بالغربه واللا بديرتها محد ياثر عليها..
بالعكس في بنات ما حلت شخصيتهم ولا انصقلت الا من تجاربهم بالغربه واعتمادهم على نفسهم ..
بس طبعا بكل مجال بالدنيا في الشين والزين وللاسف مثل مافي نماذج مشرفه .. في نماذج سيئه بعد..
تقبلي مروري حبيبتي وتسلمين على الموضوع ..