أبي أفكار حلوة ويديدة حق عيد ميلاد اليهال

[جوري الحلوة]

شلونكم بنوتات؟










بنات انا بسوي عيد ميلاد بنتي وعندي افكار وايد للتزيين والمسابقات وهدايا حق اليهال واللبس وكل شي مزهبته بس شيين ناقصيني
المكان والكيكة


في البيت سويت بس عزمت اهلي لان المكان مو كبير :0bee2e8d89:
مطاعم طقه ماكادونالدز سويت كانت حفله حلوة بس ماابي مره ثانية و ماابي برجر كنج او ليتل سيزر لان نفس الشي
بيتزا اكسبرس سويت وكان روعة

عطوني اماكن يديدة بليز يعني قاعه صغيرة تناسب حفلات اليهال او مطاعم انتوا سويتوا حفلات او اعياد ميلاد حق عيالكم او يمكن رحتوا عيد ميلاد يهال وعجبكم واذا عندكم افكار يديدة واذا عندكم افكار حق الشغلات اللي اوزعها حق اليهال لا تبخلون علي بس اهم شي المكان

وثاني شي الكيكة

مليت من الكيك العادي واللي احط صورتها وهالسوالف ابي شكل كيكه عجيبه او فكرة يديدة _03BA:


بليز بنات لا تكشتون

ثانكيو

 

[جوري الحلوة]

 

[لـولـيـتـا]

انا اقولج في عيدميلادي لما كان عمري 10 سنين

ولاني احب الباربي اامي سوتلي كيكه على باربي واقفه مثل هالشكل


عاد انتي اختاري شنو بنتج تحب وحطي الشخصيه اللي تحبها

تحياتي لج
واذا اعجبتج الفكره عزميني على العيد الميلاد
ههههههههههههههههههههههههه

 

[جوري الحلوة]

هههههههههههههههههههه

مشكورة وايد

بس ماعندج اقتراح على المكان؟؟؟

 

[<< أزيان >>]

والله ياحياتي انا نفسج ومشكلتي ماني متحمسه ومالي خلق اسوي لها عيد ميلادها 14-3 مابقى شي واهي تحن كبرت وتفهم

المكان حسب عمره بنوتج الله يخليها لج شوفي بروي سمعت عنه انا اللي عندي تبي ماكدونلدز وانا مااحبه واحسه قديم

 

[لـولـيـتـا]

عندي عندي كل شي
ههههههههههههههههههههههه
انا اقولج ليش ماتخلين الحفله تنكريه حق اليهال
فكره حلووووووووة
وبالنسبه للمكان مالج الا مطعم روبي تيوسدي اللي بالسالميه شارع سالم المبارك
واااااااااايد حلو المكان حق اعياد الميلاد وعشاهم لذيذ
والنفر على 5 دنانير

 

[جوري الحلوة]

والله ياحياتي انا نفسج ومشكلتي ماني متحمسه ومالي خلق اسوي لها عيد ميلادها 14-3 مابقى شي واهي تحن كبرت وتفهم

المكان حسب عمره بنوتج الله يخليها لج شوفي بروي سمعت عنه انا اللي عندي تبي ماكدونلدز وانا مااحبه واحسه قديم

حرام زهبي عيد ميلادها من الحين خليها تستانس

شلون بروي؟ تعرفين طريقتهم ؟ شكلي بروح اسأل باجر :ada:

 

[جوري الحلوة]

عندي عندي كل شي
ههههههههههههههههههههههه
انا اقولج ليش ماتخلين الحفله تنكريه حق اليهال
فكره حلووووووووة
وبالنسبه للمكان مالج الا مطعم روبي تيوسدي اللي بالسالميه شارع سالم المبارك
واااااااااايد حلو المكان حق اعياد الميلاد وعشاهم لذيذ
والنفر على 5 دنانير

مره وديتها عيد ميلاد وكانت حفله تنكرية كانت حفله حلوة بس تصدقين بالصور شكل اليهال مو حلو اللي جنه مفصخ واللي لبسه ضيج لوووووووول مادري صايرين مرقعين شويه :dddds:

روبي تيوسدي؟ لازم امرهم واشوف وسعرهم زين والله

مشكورة حبيبتي افكارج حلوة :ggdw:

بس هم ابي بعد ههههههههههههههه طماعة :dddds:

 

[<< أزيان >>]

حرام زهبي عيد ميلادها من الحين خليها تستانس

شلون بروي؟ تعرفين طريقتهم ؟ شكلي بروح اسأل باجر :ada:

مالي خلق ماادري شفيني عمري ماسويت لها بمطعم وتشوف بنات خالتها ورفيجاتها وتبي وانا متكيسله اسوي لها بالبيت

واتفنن بالكيك والهدايا وتصوير اهم شي للذكرى شنج شيشتيني بتابع موضوعج يمكن احد يعطينا افكار حلوه

بالنسبه لبروي مره قريت موضوع وقالوا انه يسوي عيد ميلاد شنه ب 200 دينار بس احسن تروحين وتسألين

شوفي حولي بارك يمكن يسوون وارض الاحلام ماادري الاطفال اللي بالاوقاف عندهم صاله

 

[جوري الحلوة]

انا لما سويتلها في بيتزا اكسبرس طلع اكثر من 200 بس بصراحه يسوى خوش مكان واليهال صج صج استانسوا وشكل اليهال حلو بالصور صج كانوا مستانسين

بروي باجر ان شاء الله اكيد بسأل، وحولي بارك اللي اعرفه في صاله هم بشوفها ومو مشكله التزيين بتصل على شركة اللي يزينون ويعدلون


عندج افكار للكيك بعد؟

 

[لـولـيـتـا]

انـــــزيــــــــــــن ليش ماتسوين فـكـرة
(( ممكن ترسمون على ويوه اليهال الموجودين في الحفله ( مو كل اليهال بس الي ترضى أمه عشان بعضهم فيهم حساسيه من الألوان او امهاتهم نحيسين ))
هههههههههههههههههههههههههههههه


+ سوي بطايق دعوة يعني فنتق ههههههههههه
ووزعيهم قبل العيد ميلاد بيومين على الاقل وكتبي عليها اسم الطفل المدعو وخلي كل بطاقة دعوه عليها رقم... واخر
الحفله.... سوي سحب على الارقام الموجوده بالدعوات ... وحطي هديه وشوفي منو دعوته اللي تفوز
ههههههههههههههههههههههههه
شرايج

 

[جوري الحلوة]

الفكرة الاولي سويتها

الفكرة الثانية شكلي بسويها

 

[F.A]

جورى ريز ون اللى عالبحر حلو ومرتب
خلى البنات اجبارى كلهم يلبسون وردى
والأولاد أزرق
بالتصوير وايد حلوين يطلعون
واذا تبين الحفله ملمومه
كنتاكى العديليه حلو
وكل عام وبنوتج بألف خير وصحه وسلامه

عاد أنا وبنتى عيد ميلادنا 9-6 مع بعض
أول عيد ميلاد فصلت بدلتين لى ولها نفس الشي بس طلعنا شي

 

[جوري الحلوة]

واي اف ايه افكارج حلوة

انا ريز ون فكرت فيه مع التزيين احس يطلع روعة

هم حلوة فكرة الازرق والوردي شي يديد

ولما لبستي نفس بنتج شلون سويتي نفس الموديل ولا الخام بس؟؟؟

 

[روح آلمشآعر]

رفيجتي سوت كيكة ولد آختهآ عند جوكليت بآر ( آلبدع ) وكآنت روعهـ




،

 

[F.A]

واي اف ايه افكارج حلوة

انا ريز ون فكرت فيه مع التزيين احس يطلع روعة

هم حلوة فكرة الازرق والوردي شي يديد

ولما لبستي نفس بنتج شلون سويتي نفس الموديل ولا الخام بس؟؟؟

نفس الموديل والخام وقصة الشعر أثنينه كاريه فرنسي واهى أم سنه وايد شكلنا حلو
لا وخليت بنات حمواتى ثنتين كبر بعض يرقصون رقصه منفرده لهم:O_SHH_: ماكريناااااااا :nocommint:

بس والله الكل استانس واستغرب
والحين ثنتينهم معانا بالمنتدى
:eh_s(13): فينى اذا قروا

 

[<< أزيان >>]

ها جوري حبيبتي شن ماكو شي يديد رحتي شفتي بروي ؟

 

[جوري الحلوة]

روح المشاعر مشكورة على الفكرة يعطيج العافيه عاد انا احب تشوكلت بار احس يبدعون

 

[جوري الحلوة]

ماركية

ايه حبيبتي رحت اليوم الصبح ورتني غرفتين وحده حق 25 ياهل والثانية حق 30 ياهل وفوق
وقالت لي مانحسب عدد الكبار بس الاطفال واسعارهم مختلفه حسب العرض اللي ابيه

حطيت موعد عندهم وقتلها ارجعلج بعد يومين لان هم بفتر اشوف
بس القاعة روعة لان كانوا مزينينها حق عيد ميلاد ثاني

 

[جوري الحلوة]

نفس الموديل والخام وقصة الشعر أثنينه كاريه فرنسي واهى أم سنه وايد شكلنا حلو
لا وخليت بنات حمواتى ثنتين كبر بعض يرقصون رقصه منفرده لهم_shh_: ماكريناااااااا :nocommint:

بس والله الكل استانس واستغرب
والحين ثنتينهم معانا بالمنتدى
:eh_s(13): فينى اذا قروا

وناسة الله يخليها لج ان شاء الله وتشوفينها عروس

احس شكلكم حلو بالصور