تجمع امهات 2008 حياكم

[al_gardenia]

هلا الجاردينيا سلاماااااات

شفتي عاد شلون يخورون بس الحمد لله انها عدت على خير الله يشافيج يا رب وترتاحين من الجرعات والأدوية كلها

آنا الحمد لله وعيالي كلو تمام التمام

الله يسلمك يا رب ان شاء الله ربنا يرحم بحاله مسكين زوجي يقولي يتكلم ويفصل مو صاحي كلش صايبته جلطه بالدماغ الله يشافيه يا رب

امين يارب تسلمين ام جوجو

مسكين عم زوجج عسى الله يرحم حاله ويخفف عليه يارب

والحمدالله انكم بخير وعسى دوم يارب

 

[al_gardenia]

هاي ياعسولين



انا هالجم يوم مصرقعتني استبرق حبيبتي الله يعينها كل شي صار مع بعض
غير الحراره وغير الضروس وغير الاحتقان امس حبيبتي قعده تركض وتلعب ولا دووف تطيح على الكمودينو الي عند السرير وبالزاويه عند عينها والحمدالله يات عند عينها مو بعينها وطبعا انجرحت وورمت واليوم بعد ورمت اكثر وديناها الطبيب عطاها مرهم للجرح وقال اليوم كل فتره حطوا لها كيس ثلج لي تنام وباجر من الظهر كمادات دافيه طبعا صراع مع استبرق لما نبي نحط الثلج حبيبتي كاسره خاطري الله يشافيها

واييييييييي حبيبتي بروقه ماتشوف شر عاد هالمكان حدهههههههه يعور والله حفظها والحمدالله انها يت على جذي

عاد لا تخرعينها من الثلجخليها تمسكه وتلعب فيه عشان اتعرف انه مافيه شي الف سلامه عليها ماتشوف شر

 

[al_gardenia]

ماتنشوفين شر جاردينا انت وبروقه حافظكم الله جاردينا الخبر الي قلت لج عنه ترى محد يدري عنه الا انا والوالده والله كريم يارب

ام وجيه الله يعينه ويثبته عند السؤال يارب شلونج انت ويرد ريلج

انا اقول بعد لا اتقولين حق احد عشان لا يبطل مفعول الفرحه _03ba:

 

[al_gardenia]

يسلم قلبج يالغاليه
وبالعافيه عليج تكسرينه بالعافيه

الله يعافيج بعد قلبي انتي

اي والله حب هالكلمه اكسره بالعافيه

وتمي اقري على بروقه عساس اتوخرين عنها العين اسم الله عليها صارت العين عليها ديري بالج

 

[al_gardenia]

الحمدلله انج عال العال :dddds:

الله يشافيج و يعافيج يا رب

شقور جنه اعجبتج عال العال ترى انا حدي عبيطه :dddds:

امين الله يسلمج

 

[al_gardenia]

اخيييييييييييييييييييه

سألوني عن تلفونها القديم

خمسين مرة نعيد الاتصال

سوالفنا ما تخلص

:gathering:

الله لا يفرقنا

وي شقور جم ارى اتهدد اقول مادري اروح بيتها اقول لها السالفه وارد من كثر ماكان باط

لا بس الحمدالله فرق الحين مشالله

امين يارب عسها دوم هالعلاقه مستمره ولا تنقطع وانكلم بعض واحنه عيايز خخخخخ

 

[al_gardenia]

بروقة

ذاك اليوم انفلعت شوشو بنتي و طقتها الديرفة تحت حتجبها وورمت عينها

عاد قامت يدتي و خذت خبزة قطعت منها شوية و نقعتها بماي بااااارد و حطتها على الفلعة و ضغطت عليها مدة

و لزقت الخبزة و لما فتحناها عقب ساعة

ولا الجرح ناشف و الورام كله رايح و لله الحمد

اول مرة اسمع بسالفة الخبزة هذي

احد منكم يعرف هالسالفة ؟

شقور !!!!!

انا سامعه رماد .......قهوه .........بس خبز مامر علي دوري بكتاب التراث يمكن يطلع له روايه

 

[كويتيه وافتخر]

دخل ولدي غرفه العمليه
والعمليه وقتها قريب الاربع ساعات
الله يستر

يا كره لحظه البنج لمن تكونين يمه واعي ويبتسم وبلحظه يتغير كل شيء

 

[al_gardenia]

كويتيه اسم الله عليه انشالله ماعليه الا العافيه

انشالله يصحى من البنج احسن من اول

عسى يقومه بالسلامه يارب

 

[كويتيه وافتخر]

امين يارب
كاني ناطره هالدقايق صايره سنين على قلبي
الله يسمع منج يا الجاردينيا ويشافيج ويشافي مرضى المسلمين

 

[كويتيه وافتخر]

بنات اذا الله عافى وليدي من العمليه
باجيب ولدي الكبير خلاص مو متحمله فراقه هو بالذااااااات
وذبحني اليوم لمن قال ماما ابي اجي عندكم خلاص

 

[al_gardenia]

واي مسكين حده وله عليكم

بس منو بيوصله لكم واخاف يتملل هناك اهني بالكويت متعود على اهلج بياذيج ترى

 

[mrs_sugar]

شقور !!!!!

انا سامعه رماد .......قهوه .........بس خبز مامر علي دوري بكتاب التراث يمكن يطلع له روايه

اي الرماد و القهوة اعرفهم بس ما حبيت احط

بس الخبزة نظيفة و ما تدمر ولا شي

و حق الورام مو طبيعية

 

[mrs_sugar]

دخل ولدي غرفه العمليه
والعمليه وقتها قريب الاربع ساعات
الله يستر

يا كره لحظه البنج لمن تكونين يمه واعي ويبتسم وبلحظه يتغير كل شيء

الله كريم

يطلعه من العملية سالم غانم و احسن من الأول

 

[mrs_sugar]

بنات اذا الله عافى وليدي من العمليه
باجيب ولدي الكبير خلاص مو متحمله فراقه هو بالذااااااات
وذبحني اليوم لمن قال ماما ابي اجي عندكم خلاص

يا قلبي عليه حبيبي

كبير يفهم و فاقدكم يا حياتي

الله يردكم له بالسلامة بأسرع وقت

 

[كويتيه وافتخر]

الحمدلله ولدي طلع والعمليه ناجحه بفضل الله

يارب تهدي اللي عالجوا ولدي للاسلام جزاء حسن عملهم واخلاصهم وطيبتهم

تكفووون بنات مو مصدقه اللي اشوفه الحمدلله الحمدلله يارب يتحسن اكثر واكثر

باجر عنده اشعه رنين الصبح الله يكتب له الخير

 

[كويتيه وافتخر]

هلا الجارديينا - شوقر
ايه ولدي فاقدنا وكاتم بقلبه
بس انا خلاص مو متحمله
كلمت اخوى يقول بيحاول ياخذ اجازه يارب يعطونه

ميخالف يقعد عندي يرد روحي
هو غير كبير بعد عمري

 

[كولوراديه]

صباااح الخيير

 

[mrs_sugar]

صبحكم الله بالخير و السعادة

شخباركم

انا بالشاليه

و اليهال مكيفين عالجو و الهيصة

و عواشة مو مصدقة توها بادية تفهم على سوالف الهياتة و اللعب بالهواء الطلق

تراكض و تصارخ من امس مو مصدقة

مع انه الاسبوع اللي فات كنا هناك بس هالاسبوع احسها تأقلمت عالمكان

 

[mrs_sugar]

كويتية و افتخر

الحمدلله على سلامة البطل

الله يقومه بالسلامة