الذوّيِقات يصفّون طابور يالله 8_8 (أفكار لهدية)

[حمام شاقني فنه]

السلام عليكم بنات

صباح الخير اشلون النعومات البنوتات فديتهم عساكم بخير بس

الحمد لله



مادري وين احط الموضوع عاد قلت احطه بهالقسم



المهم


بنات بغيت افكار لهديه بهديها لرفيجتي لعيد ميلادها

بس ابي فكره جديده مابي قلم ولا ساعه ولا خاتم ولا قرآن <<لاني اهديتلها اياهم بالسنين الي طافو

ولا ابي بديات >>ماتحبهااوانا مااحب هالنوعيه من الهدايا



ومابي شغلات تخص الكمبيوتر لانه مو من اهتماماتها


تكفون ابي افكار جديده وياليت لوسمحتو لو تحطون الاماكن الي فيها اشكال وحركات حلوة وجديده للهدايا >>ابيها ناعمه وذربه




تكفون لا تردوني :friends:

 

[حمام شاقني فنه]

رد: الذوّيِقات يصفّون طابور يالله 8_8

على فكره

وايد شايفين نفسكم >>لووووول مدري اشفيني معلقه على هالجمله ه اليومين



يالله بنات اشفيكم


ليش ماتعطون وجه

 

[softlady]

رد: الذوّيِقات يصفّون طابور يالله 8_8

حمام سوي نفسي رحت دفعت بسبا تايم ويبت لها الكرت وراحت استانست على حسابي لووووووووووول لا والله وناسه حيل استانست وريحت اعصابها

 

[الغاليه نونو]

رد: الذوّيِقات يصفّون طابور يالله 8_8

طرشيلها علج مر وربطه ديرم وزينيهم بشريطه مخمل يمه"

 

[اللوحة الناقصة]

رد: الذوّيِقات يصفّون طابور يالله 8_8

في عندج بسيفورا الي بالافنيوز خوش اطقم من بودي لوشن وبودي سكرب وباث ببلز الوانهم وروايحهم حدها تشوق يعني مو تقليدية مثل البدي شوب وبوتس ،،، اخذت منهم حق رفيجتي امس كان عيد ميلادها

مادري عاد اذا تحبين جذي والا لا ​

 

[حمام شاقني فنه]

رد: الذوّيِقات يصفّون طابور يالله 8_8

حمام سوي نفسي رحت دفعت بسبا تايم ويبت لها الكرت وراحت استانست على حسابي لووووووووووول لا والله وناسه حيل استانست وريحت اعصابها

خوش

حلوة ولله هديتج

تسلمين لي يالغلا

طرشيلها علج مر وربطه ديرم وزينيهم بشريطه مخمل يمه"

ولْ

ولله يالغاليه انا بهدي رفيجتي مو ام خماس ولا ام سلُوم >لووول اضحك

مشكوره

في عندج بسيفورا الي بالافنيوز خوش اطقم من بودي لوشن وبودي سكرب وباث ببلز الوانهم وروايحهم حدها تشوق يعني مو تقليدية مثل البدي شوب وبوتس ،،، اخذت منهم حق رفيجتي امس كان عيد ميلادها

مادري عاد اذا تحبين جذي والا لا ​

الا احب جذي

بروح اذا الله راد الافنيوز وامر على سيفورا مشكوره >لوحه ناقصه >حلو نكج

 

[MaZyOoOoNa]

رد: الذوّيِقات يصفّون طابور يالله 8_8

اخذي طقم للجسم مع بجامه حلوه من ماركس سبينسر
وغلفيييهم عند بوابة الهدايه او من دبنهامز

 

[شوق والدمعه]

رد: الذوّيِقات يصفّون طابور يالله 8_8

شوفي ياقبلي عجبتني فكره الكرت من سبا تايم حييييل حلوه بس ياليت الاخت تشرح وين مكانهم حيل حلوه الفكره

 

[gazl~q8]

رد: الذوّيِقات يصفّون طابور يالله 8_8

عاد انا اقفــــــــــــــــــــــل عند سوالف الهدايا


مثل ماقالوا البنات افكارهم حلوه..

 

[روح البنفسج]

رد: الذوّيِقات يصفّون طابور يالله 8_8

انا احب اهدي رفيجاتي بعيدميلادهم ورد احي الورد

 

[روح البنفسج]

رد: الذوّيِقات يصفّون طابور يالله 8_8

احي =احب سوري بدليه

 

[حمام شاقني فنه]

رد: الذوّيِقات يصفّون طابور يالله 8_8

اخذي طقم للجسم مع بجامه حلوه من ماركس سبينسر
وغلفيييهم عند بوابة الهدايه او من دبنهامز

احلى ىىى

ولله انكم حركات :jbdwjbd:

شوفي ياقبلي عجبتني فكره الكرت من سبا تايم حييييل حلوه بس ياليت الاخت تشرح وين مكانهم حيل حلوه الفكره

حلوة

وتهبل بعد

دامها جت من راس سوفت ليدي الفكره اجل اكييد حلوة
سبا تايم شوق المطر بالرقعي فيه وبالمهلب

بس المشكله ان البنت بيتوتيه واهلها مو فري يعني مايخلونهاا تروح لا سبا تايم ولا غيره

ولا الفكره حلوة حيل عجبتني

عاد انا اقفــــــــــــــــــــــل عند سوالف الهدايا


مثل ماقالوا البنات افاكرهم حلوه..

تقفلين ؟!!ليه هو النهارده الجمعه >لووول اضحك

حلوة ولله افكاركم ياكويتيات


نبي بعد



عندي فكره الماغ زين بس ودي يكون داخله قلب احمر

بس من وين القى الماغ الي يجي شكله دلع وبنااتي


؟؟>>>>من وين تهقون القى




مشكورين بناات


ونبي بعد افكار :fun:

 

[حمام شاقني فنه]

رد: الذوّيِقات يصفّون طابور يالله 8_8

مشكوره روح البنفسج

 

[iTaLiyA]

رد: الذوّيِقات يصفّون طابور يالله 8_8

شوفي حبيبتي انا احب اشتري بجايم لرفيجاتي عندج اويشو اللي بالافنيوز و في منه بالمرينا اخذيلها بجامه شورت او بنطرون و حتى فيه نفانيف للبيت تينن مع ملابسهم الداخليه و نعال للبيت (تكرمين) و من دابنهامز اشتري طقم عطر مه الشاور جل و اللوشن و حطيهم بصندوق حلو و مرتب اللون اللي اهي نفضله و خلاص
و كل عام و اهي بخير

 

[& دلوعه زوجها &]

رد: الذوّيِقات يصفّون طابور يالله 8_8

اهديها هذي الكلماااااااااااااات

قولي لها

الله جعل في السنه عيديين

هههههههههههههههههههه

ياحبيلك لاتزعلين بس ترا مايجوز عيد الميلاد والله اعلم

تقبلي مودتي

 

[حمام شاقني فنه]

رد: الذوّيِقات يصفّون طابور يالله 8_8

مشكورين بنات
مشكوره ايتالي

ومشكوره ام تذكار على التذكير

 

[جوك احلى جو]

رد: الذوّيِقات يصفّون طابور يالله 8_8

فكره حلوه سبا تايم

 

[Whisper ~]

رد: الذوّيِقات يصفّون طابور يالله 8_8

انا اهديت خالتي قبل فتره بطريقه حلوه وتصلح لرفيجتج اذا تحب الشغلات البناتيه
وكلها شغلات موجوده بسنتر بوينت
اول شي خذيت صندوق من صناديق سنتر بوينت الكيوتيه في منهم على ورود وخطوط ملونه والخ ... اختاري اللي يعجبج
واقعدي عبيه من القسم اللي فيه شغلات بنوتيه
دبدوب .. ميداليه .. نوت .. فريمات للصور .. وزينه للغرفه .. كوب .. وغيره وغيره لين تحسين الصندوق امتلى
عاد انتي اذا تبين نثري فيه من داخل ورد مجفف أو شرايط أو فلين ملون عشان يعطيه شكل أحلى
وبس

 

[نسمة]

رد: الذوّيِقات يصفّون طابور يالله 8_8

حبيبتي زهبي الهدية

واهم شي طرشي ورد مع الهدية واللة شي عجيب له معنى ثاني

 

[BaTTy]

رد: الذوّيِقات يصفّون طابور يالله 8_8

شلونج حمام شخبارج ؟؟
اممم مادري مو ابالي شي فكرة سوفت ليدي وايد حلوه
و بميلادي الي طاف رفيجتي فديتها يابت لي هذا المنكير المنزلي ادواته و جذي و الجهاز ينشحن من بوتس اينن و استانست عليه وايد والله
و بقولج على شغله تساعدج يمكن لا اكييييد بتساعدج اذا ما عجبج شي من الي قلناه
روحي محل مال اثاث اهوا و كماليات البيت و هيك موجود بالافنيوز نسيت اسمه بس شفتي وين الغانم جنج رايحه هناك تلقينه على ايدج اليمين يم السلم المتحرك وااااااااااااايد حلوو حتى لو تبين ماغ شكله غريب و عجيب و اينن و بنووتي هناك في و سوالف تنحط بالدار وااايد حلوه
و عندهم شغله جذي على جسم باربيه بس مو باربيه و لبسهم عجييب اشكال و الوان و كل الستايلات تنحط عالتسريحه و اهيا اساسا تعليقه حق التراجي و الاكسسوارات عرفتي روحي هناك و انتي تمشين الف فكره بتييلج انصحج فيه و بقوة لوول