للبنات فقط <<< بدون انتقاد بليز

[برنسيسة زمااني]

صح كلامج

واللي مصدقه ان كل اللي يحبون يتزوجون بعض فأنتي غلطانه

اقرب مثال القصه اللي انكتبت امس عن وحده حبت واحد 6سنين اخرتها دق عليها يبشرها بملجته على وحده ثانيه

شوفوا امس نفسيتها اشلون كنت البنت

فتحوا عيونكم على هالعلل الشباب

 

[السنافيه]

انا من كلام اختي عااااشقه الكاكاوو
والله يهدي ويستر علي بنات المسلمين

 

[ميمونيه]

اول شئ واهم شئ حــــــــرام
ومن ترك شيئا لله عوضه الله خير منه
وبعدين احنا عندنا
_shh_:

 

[AL-BaNDry]

ماعندي استعداد اخسر رضا الله سبحانة و تعالى و رضا والديني عشان شنو عشان اكلم و امشي بهالطريق

صح كلامج

اما باقي البنات اللي يدافعون

:nocommint:

 

[kekat kakaw]

لا تعليق ؟؟؟


بس يعطي العافية على النصائح

 

[قلبك وحشني :(]

ماحبيت امر مرور الكرام قلت لازم اعلق.. إلي تكلم واحد يمكن يمكن يكون بينهم حب مو اكيدد. بس إلي تكلم مليون هذي فيها نقص او مرت بتجربه فاشله وتبي تفرغ هذا تفسيري من حالات عاصرتهاا .. الله يستر علينا فوق الارض وتحت الارض ويوم العرض

 

[honey lust]

في بنات مع الاسف الحب يعميهم و ينجرفون بالعلاقه و اخر شي يندمون
و موضوعج مفيد و ياليت الكل يستفيد منه

 

[**خذاني الشوق**]

مشكورين بنات على الموضوع وعلى الطرح الراقي ويعطيكم العافيه والله يهدي بنات المسلمين واذا تبين راي انا مع الزواج التقليدي ما اؤيد الحب قبل الزواج ومشكورين

 

[dloo3a-kool]

السلام عليكم

اولا حرام ان البنت تكلم اي شخص كصديق او حبيب لان الله قال بالقران ولا متخذات اخدان ( يعني النساء مالهم صديق او حبيب )
ما عدا محارمها طبعا

طبعا كل وحده تكلم شخص متأكدة 100 % انه ماراح يتزوجها لان الشاب ما راح يتزوج وحدة كان يكلمها لان دايما بيشك فيها

فانا برايي البنات اللي يكلمون شباب يكذبون على انفسهم عشان يصدقومن الوهم اللي عايشين فيه
وانا برايي كل بنت تكلم شاب مو زينه

اولا لانها اتخذت لنفسها صديق وخالفت ربها اولا

ثانيا خانت ثقة والديها واخوانها وتعرضهم باي وقت للفضيحة الله يستر عليهم

ثالثا تخدع نفسها

الله يهديهم
ويستر عليهم

عسل وربي
كلامج كله صح..

 

[مـعـجـبـة]

- لاتحبين واحد مو من مذهبج ولا يناسبج وتكملين معاه وانتي عارفه ان مالكم نهايه اذا كملتي بقولج شي باذونج ..."انتي تعدين من البنات القليلات الادب " اسفه بس هذا الصج قاعده تلعبين معناته قاعده تستمرين بعلاقه فااشله .


اسفه اني طولت عليكم انطر ردودكم حبايبي ​

نعم أختي ؟!
يعني هذي فتوى يديدة .. أو تحريم يديد ؟؟
ياما ناس خذوا بعض ورغم كل الفوارق وبالنهاية تزوجوا ما شاء الله تبارك الله ..
رب العالمين يقول: { وجعلناكم شعوباً وقبائل لتعارفوا }
من انتي عشان تحرمين الزواجات اللي من مذاهب مختلفة ؟؟
تبين تزرعين الطائفية مثلا ً ، ولا تبين تعززين القبلية اللي أصلا صايرة مثل النار في الهشيم هالأيام !

وازيدج من الشعر بيت ، ترى الحالات اللي اعرفها فهي حالات زواج ناجحة مو فاشلة ...
أما قلة أدب فاسمحي لي ووفري ألفاظج الحلوة لنفسج ، والعاقل يا يقول خير أو " فليصمت " ،،،

 

[غنج اهلها]

تسلمين على كلامج

 

[غزلان]

كلامج عددل ياارهووومه فديتج

 

[ريحانة_14]

أختي عاشقة الكاكاو كلامج صحيح

أأيدج

والأخت صاحة الموضوع أثرتي موضوع مهم جدا وحيوي وصاير موضة العصر

وأتمنى من الأخوات يلزمون بشرو الطرح علشان البنات الصغار يستفيدون من نصايح الكبار

 

[dl3-fashion]

نعم أختي ؟!
يعني هذي فتوى يديدة .. أو تحريم يديد ؟؟
ياما ناس خذوا بعض ورغم كل الفوارق وبالنهاية تزوجوا ما شاء الله تبارك الله ..
رب العالمين يقول: { وجعلناكم شعوباً وقبائل لتعارفوا }
من انتي عشان تحرمين الزواجات اللي من مذاهب مختلفة ؟؟
تبين تزرعين الطائفية مثلا ً ، ولا تبين تعززين القبلية اللي أصلا صايرة مثل النار في الهشيم هالأيام !

وازيدج من الشعر بيت ، ترى الحالات اللي اعرفها فهي حالات زواج ناجحة مو فاشلة ...
أما قلة أدب فاسمحي لي ووفري ألفاظج الحلوة لنفسج ، والعاقل يا يقول خير أو " فليصمت " ،،،

فديييتج قلتي الي بقوله بالضبط :sfg:

بس بزيد عليج شغله

الحب مو انتي الي تختارينا وتختارين المذهب الي تبين تحبينا :bbbiu:

وبعدين لا اذا كان في بينهم حب لا مذهب ولا غيرا يقدر يأثر عليهم وعلى علاقتهم

 

[Miss.6Mo7]

الله يعطيج العآفيه ع هالنصايح

 

[*أم*خالد*]

كلامج صح

 

[MaZyOoOoNa]

الله يستر على بناتنا ويحفظهم يارب

 

[gazl~q8]

اول شي حراام ثم حراام مثل هالعلاقات!!

بس على قولتج لاخر سطر وصح كلاامج كلــه!!

والله يستر على بنات المسلمين ويهديهم..


والبنات الي هجموا على البنت بسالفت اختلاف المذاهب ترا اهيا مو قصدها طائيفيه!!


اهيا قصدها ان في ناس من مذاهب مختلفه ومستحيل يتزوجون ويستمرون بالعلاقه يعني هني شنو مصير العلاقه!!


هذا المقصود يعني ياليت لحد يخرب الموضوع!!

 

[•°• قمــ الگـويت ـــر •°•]

ماعندي استعداد اخسر رضا الله سبحانة و تعالى و رضا والديني عشان شنو عشان اكلم و امشي بهالطريق

انا معاج

مو مستعده اخسر رضاهم عشان اكلم !!

وعسى الله يهديهم يارب

 

[روحـي تـحـبـك]

يسلمووووووو عالموضوع


فعلا في ناس يتزوجون عن حب


انا بنت خالتي ماخذها لاعب وماخذها عن حب 6 سنين


وتقدم لها اكثر من مرتين لانه خالتي ماكانت موافقه


بس يوم شافة بنتها متنحه ع الآخر وخلاص قفلة تبيه


وافقة وتزوجوا والحين عندها عيالها 3 بس وين المشكله المشكله بعد


الزواج



والله اتقولي تدرين لو الزمن يرجع والله لو اموت مااخذه


لانه يوم كان حبيب كان شي


ويوم صار زوجها وابو عيالها صار شي ثاني


وعنده علاقات واهي عايشه بضيم وقهر


فعشان جذي الزواج عن علاااااااااااااااقه يعني كان يكلمها ويشوفها هذا ما اايده


لكن لو كان الحب مثلا يحبها بس ماكلمها مثلا زميلهه بالدوام او معاه بالمحاضره


وماكلمها ومابينهم شي بس انجذب لها وحبها وتقدم لها هذا ايه اوافق عليه