يا بنات تعلموا درس من المجلس السابق .......

[كريستال ليدي]

السلام عليكم


مبروك يا أهل الكويت على حل المجلس السابق

و لو ان مو خبر يتباركون فيه و لكن هذا كان الحل الأسلم للزوبعة اللي كانت صارة بالديرة من ورا هالمجلس التعيس


و الحييييييييييييييييييييين


يا بنات الانتخابات ياية و السيناريوهات راح ترجع تعيد نفسها

الله يخليكم يا بنات تعلموا درس من اللي صار

اذا قلنا ليش ما تعلمتوا درس من الغزو قالوا الغزو من زمان و نسيناه !!!!

انزين الحين ما يمديكم تنسون .. حرام عليكم الكويت ليلحين قلبها ينزف و عينها تذرف

الكويت ما تستاهل منا جذي .. مثل ما عطتنا كل الفخر انا نمشي باي مكان بالعالم رافعين روسنا و نقول احنا كويتيين

خلونا على الاقل نرد لها بعض هذا الجميل

حرام اللي قاعدين نسوي بروحنا و بديرتنا و بأميرنا حراااااااااااااااام

ادري طولت عليكم بس ودي الناس تصحى

خلالالالاص شفتوا خياس نواب المجلس السابق

شفتوهم شسوا فينا و بالديرة ...

تذكرون الاستجوابات ..

تذكرون الدبكة ...

تذكرون التأبين ...

تذكرون حفل غزة ...

تذكرون موضوع القروض ...

تذكرون موضوع شيكات النواب ...

تذكرون تطاولهم على الوزراء و الشيوخ ...

اتمنى انكم تذكرون ............


مرة ثانية اقولكم الكويت ما تستاهل هالجرح منا ... ترى صوتج امانة

لا تحددين مصير شعب كامل لأسباب تخصج أنتي بس !!

شفتي القهر اللي عاشوا فيه الكويتيين الفترة اللي طافت ؟؟

شفتي الظلم اللي صار لبعض الكويتيين ؟؟

شفتي التهكم على بعض الوزراء و الشيوخ ؟؟

هذا كله انتي مسؤولة عنه ... اي نعم انتي مسؤولة و ربج راح يحاسبج و هالكلمة بذمتى انا

لأنج لو احسنتي الاختيار من البداية ما كانت هذا النهاية








ارجوكم ... حافظوا على الكويت ترى ما تستاهل الا كل خييييييير

 

[galaxy]

والله اختي المفروض انه تعلمنا الدرس


وفهمناه


وحفظناه



نبي مجلس جديد

تكفون



وعسى استعوبتوا الدرس



وقالها الامير امس


اختارو عدل هالمرة

 

[سهارا]

اى والله يابنات تعبنا من الاوضاع اللى مرينا فيها نبي ناخذ درس

نبي يكون لنا موقف مانبي القبليه والمذهب يسيطر على الاختيار بس مايمنع اذا من القبيله وفيه الخير نوقف معاه بس موعلى حساب الكويت اللى مانفعونا قبل نحط عليهم خط واللى سببو ازمات نحطلهم خطييين
ترى احنا اللى نطلعم واحنا اللى نوصلهم بيدنا نصنع المجلس

ديرتنا وشوخنا ماقصرو ويانا خلونا نرد الجميل والله ماتستاهل الكويت اللى يصير فيها

طول عمرها الكويت عروووووس الخليج خلونا نحافظ على هالعروس

اكثرو الدعاااااااااااااااااااء يابنات هالايام

اللهم احفظ الكويت ,,,, اللهم أحفظ اميرها وولى عهدها ,,,, اللهم ألف بين قلوب النواب والوزراء

اللهم آآآآآآآآآآآآآمييين

 

[gozeya]

نبى هذى المرة ------نساء فى المجلس نبى نغير ------يمكن المراة تكون احرص وهذا الااتمناة

 

[Miss_Moon]

تعبنا وملينا من النواب هذول مااانبيييهم

 

[كريستال ليدي]

والله اختي المفروض انه تعلمنا الدرس


وفهمناه


وحفظناه



نبي مجلس جديد

تكفون



وعسى استعوبتوا الدرس



وقالها الامير امس


اختارو عدل هالمرة

والله اتمنى فعلا انا تعملنا درس و ما نشوف ولا ويه من ويوه المجلس السابق يا رب

 

[كريستال ليدي]

اى والله يابنات تعبنا من الاوضاع اللى مرينا فيها نبي ناخذ درس

نبي يكون لنا موقف مانبي القبليه والمذهب يسيطر على الاختيار بس مايمنع اذا من القبيله وفيه الخير نوقف معاه بس موعلى حساب الكويت اللى مانفعونا قبل نحط عليهم خط واللى سببو ازمات نحطلهم خطييين
ترى احنا اللى نطلعم واحنا اللى نوصلهم بيدنا نصنع المجلس

ديرتنا وشوخنا ماقصرو ويانا خلونا نرد الجميل والله ماتستاهل الكويت اللى يصير فيها

طول عمرها الكويت عروووووس الخليج خلونا نحافظ على هالعروس

اكثرو الدعاااااااااااااااااااء يابنات هالايام

اللهم احفظ الكويت ,,,, اللهم أحفظ اميرها وولى عهدها ,,,, اللهم ألف بين قلوب النواب والوزراء

اللهم آآآآآآآآآآآآآمييين

الله يحفظها يا رب

 

[كريستال ليدي]

نبى هذى المرة ------نساء فى المجلس نبى نغير ------يمكن المراة تكون احرص وهذا الااتمناة

حريم ولا رياييل كلهم فيهم الخير و البركة اذا قلبهم على الكويت

 

[كريستال ليدي]

تعبنا وملينا من النواب هذول مااانبيييهم

اي والله ملينا يا رب ما نشوف ولا ويه فيهم بالمجلس القادم

 

[girl_in_abottle]

أي والله صاجة
الأمير قالها "احسنو الإختيار"
يعني بالكويتي الفصيح "الوجوه إلي شفتها بالمجلس إلي فات مابي اشوفها مرة ثانية"

بس من تكلمين و من تفهمين؟
صدقيني هذا و يهي إذا نفس الوجوه إلي بالمجلس من سنة 81 بترد, و نرجع على نفس الموال

الكويت صارت عار على الديمقراطية

 

[بتبوتااا]

انا عن نفسي اذا بصوت مارح اصوت حق الي صوت لهم بصوت لغيرهم لانه صج بينت ويوهم ورا الانتخابات

ويمكن ما اصوت بعد وكلام الامير عدل احسنو الاختيار تكفوون مانبي نشوف الويوه نفسها نفسهاا :\

 

[زهر الرمان]

صح كلامكم والمرتشي قبل لا يبيع صوتة خل يفكر اشوي انك مو بس بعت صوتك بعت ديرتك وعيالك ونفسك وكل الحجي اللي قالوه لك خرابيط ابسط شي تذكروا دعايات حدس شنو كانت عنه عن الصحة والتعليم اشوف لما وصلتوا المجلس الحجي صار غير مايبتوا لا طاري صحة وله تعليم تكفووووون ديرتكم وعيالكم لا اتبيعونهم بس رجعنا 20 سنة ورا والدير اللي حولنا اللي كنا نطنز عليها صارت واستوت وانتوا وين صرتوا؟ ماشبعتوا بوق؟ لي وين تبي كرشك يوصل؟
تكفووووون لا اتبيعون عيالكم المرتزقة اللي كانوا بالمجلس اللي طاف مانبيهم نبي ناس تخاف على عيالها وديرتها

 

[ScarletteO'Hara]

للاسف نفس السناريو راح يتكرر
كل سنه هذا الكلام نقوله
ما نبي نفس الويوه
و نفس الويوه ترجع و بعد الي يقهر بأعلى الاصوات
منو قاعد يوصلهم للكرسي غير اصواتنا؟؟
نبي ناس يدد يخافون على الكويت قبل ما يخافون على مصالحهم الشخصية و جيوبهم

 

[نجمه*]

اي والله ملييييييييييييييييييييييييييييينا من هالنواب ماكو غيرهم

يبا نبي حريم هالمره يمكن الحال يتسنع

 

[ورود وبس]

الله يحفظ الكويت ويحرسها
ومثل ما قال الامير
احسنــــــــــــــــــــــــــــــــــــــتو الاختيـــــــــــــــــــــــــــــــار


ترا الكويت ما تستاهل اللي صارلها

 

[*مارلين_مونرو*]

اي والله عيزززنا و احنا نتكللم ونقووووول ونصرررخ باعلى صووت مانبيهم بس عمك اصمخ مااااكو فااااااايده ..


(( لا لنواب اسقاط القروض ))

(( لا لنواب الاستجوابات التاااااااااافهة ))

(( لا لنواب الدبكة ))

(( لا لنواب التأبين ))

(( لا لنواب حفل غزة ))

(( لا لنواب يضيعون الكويت بتفاهاتهم و قضاياهم السخيفه ورفعهم للاحذيه و التطاول على رموز البلاد ))


ياااااااااااااااارب


ياااااااااااااااااااااااااارب

كلهم يطيحون و يسقطون واحد ورا الثااااني يــــــــــــــــــارب .. ماشفنا منهم الا العااااااااااار و الفشيلة لحساب نفسهم و مصالحهم ..

 

[عهود الحب]

الكويت ماتستاهل
واحنا ما نستاهل
افكر ما اصوت هالمرة
وجان زين يريحونا منهم سنتين

 

[حلاتي بصلاتي]

يعطيج العافية صاحبت الموضوع ...واللة انج صاجة.....
والحمداللة اهلنة معانة وفاهمين الي صار .وانشالة مانصوت الا للي يبي الكويت
الي يحب الكويت....مو بس ربة لحية خلاص نصوتلة....وفي واجد واللة انفضحوا...
وانشالة ماراح نصوتلهم....يمنعون انا نستانس بعيد تحريرنة ..
وهم يرقصون بحفلة حق حركة وسلطة. تتمنة زوالنا وحاسدتنا ,,,يقولون حراام وهم يرقصون
ويغنون .

 

[ياقلبي سرينا]

السلام يابنات الكويت الوفيات فديتكم وربي يحفظ الكويت من كل شر

انا لي وجهة نظر وأتمنى تتقبلونها

بنات افهموووو موكل النواب بياعين حجي وكلام فاضي في الزين وفي الشين والنائب موبيده يقلب الوضع في اقتراحات والاقتراح يحول ويدرس والقرار مو بايد النائب !!! يابنات افهموووو صح في ناس تقدم استجواب بقصد شخصي لكن في استجوابات لازم تقدم ؟!! شفايدة المجلس اذا موعينه ع الخطأ ومحااااسبة المخطئ ؟!! ليش احنا وصلناهم للمجلس موعشان يحافظون على ثرواتنا من البوق والاختلاس ؟!!

احناااا ماندري شقاعد يصير شي مهول بووووق وسرقة واحتيالات وهدم وكل من يركض ورا مصلحته بس كاااااااااافي اختارو الأصلح صححح بس الحل مو في الغاء المجلس أبداااااااا ..... والغلط مو على النااائب وحده ... أتمنى تتفهمون اللي قاعد يصير وانا أقول كلامي هذا وأقسم بالله مالي اي علاقه بأي نائب أو عضو أوحتى فراش المجلس ...

قلبي ع الكويت وبسسسسسسس ... آآآآسفه ع الاطاله

 

[طال السكوت]

ياقلبي سرينااا

لا تتعبين نفسج حبيبتي ......كلن عقله في راسه وعارف خلاصه

فيه ناس تنظر للقشور وتترك اللب

تنظر لسفاسف الامور وتترك عظامهااا



والشعب هو اللى راح يختااااار وراح يقول كلمته