ساعدوووووني بعد مرور 12 سنه اكتشفت شي غريب بعيالي .. شسوي ساعدوني تكفووون

[حصة اللولو]

السلام عليكم ورحمة الله وبركاته


ببدأ معاكم كلامي

و بقولكم قصه غريبه وحتى اغرب من الخيال

انا ام عندي 3 اطفال كنت اتعامل معاهم في بداية الامر كأي ام واتعذب معاهم واتعب بالمعامله

لانهم كانو يتصرفون تصرفات غريبه وانا كنت حاطه فبالي انهم يعاندوني او ان الاشياء اللي يسوونها طبيعيه مع انها غريبه

يعني لما اكون قاعده قدامهم ابجي وحزينه ولا يهمهم ومايحسون فيني وساعات يضحكون


وانا معتقده ان الاشياء اللي يسوونها طبيعيه تصير لكل اليهال ..

ولكن بعد مرور 12 سنه كبروو اطفالي

وجلست يوم اشوف التلفزيون وسمعت دكتور يقول اشياء عن مرض التوحد

وقتها حسيت الدنيا مو شايلتني وصعقت

لان كلشي قاله الدكتور عيالي كانو يسوونه

مثل : الهز << ولدي عمره 10 سنين مازال يهز حتى ينام من كان عمره 4 شهور وهو يهز وانا اضربه ضرب فضيع كنت اقوله لاتسوي جذي ويعاند ولما كبر قالي شي عمري ماانساه دماغي يعورني اصدع اذا ماسويت جذي

اللف في مكان واحد فتره طويله << لما كان صغير

والدوخه الغريبه << بنتي من عمرها 6 سنوات تشكي من صداع و دوخه وتقول راسي يدور وتصارخ شوي ويروح

وبعدها انتبهت وصرت اطبق كلام قاله الدكتور عن طريقة التصرفات واراقبهم فلاحظة مع انه ماكان شي جديد

انهم فاشلين بالدراسه بسبب النسيان الغير طبيعي (( يحفظون الدرس عن ظهر غيب وبعد ساعه او ساعتين ينسون ومايفهمون السؤال وكأنه شي مامر عليهم ))

وانا الان في حيره من امري

انا اسأل اشلون اتعامل معاهم وهل لهم اكل خاص

وهل لهم معامله خاصه او مدارس خاصه

بعد هذا العمر

ارجوكم ساعدوني ​

 

[%عـجـمـيـه صـريـحـه%]

أختي حصه حياج بقسم ذو الإحتياجات الخاصه وخواتي ما راح يقصرون معاج

 

[ظلال القرآن]

لازم تودينهم لمختصين يفحصونهم ويسون لهم اختبارات
بس غريبه بعد 12 سنه اكتشفتي ؟؟
التوحد يبين من ثلاث سنين وعيالج يتكلمون هذا الي فهمته من موضوعج
واذا على الدراسه مو شرط يكونون توحد يمكن بطيئي التعلم
المهم لا تضيعين الوقت وابتدي بفحصهم وطمنينا يالحبيبه

 

[ظلال القرآن]

مثل : الهز << ولدي عمره 10 سنين مازال يهز حتى ينام من كان عمره 4 شهور وهو يهز وانا اضربه ضرب فضيع كنت اقوله لاتسوي جذي ويعاند ولما كبر قالي شي عمري ماانساه دماغي يعورني اصدع اذا ماسويت جذي

انا اسأل اشلون اتعامل معاهم وهل لهم اكل خاص

وهل لهم معامله خاصه او مدارس خاصه
​

حبيبتي ذكرتي انج تضربين ولدج
ليش؟؟؟ وضرب فضيع!! حرام عليج
وسعي صدرج واذا بغيتي تطقين عيالج تخيلي ان احد يطقج شنو يكون شعورج تجاهه :eh_s(14):
اكيد تحقدين على هالانسان وعمرج ما تسامحينه
ترا الضرب اهانه

 

[@شمس الضحى@]

دامهم يتكلمون ويفهمون ويمشون الحمدلله ان شاء الله مافيهم الا العافيه بس وديهم للطبيب وتطمني عليهم

 

[بمبة المفترسة]

وديهم مركز التوحد وشوفي شيقولون لج او يعلمونج على مختصين
موجود المركز بالخالدية بروضة السيد عمر
وبعدين اللي فيهم توحد مايحبون الحساب ولا القراءة
ولاتييبين عيال اذا عيالج فيهم توحد خلاص حرام تظلمينهم بعد

 

[Emanova]

12 سنه صعبه الصراحه !!!!!!!!!!

اشلن علاثتهم ااجتماعيه و اشلون يتكلمون و اشلون بنتج تقدر تشتكي من دوخه و راسها يعورها؟؟؟؟؟؟؟؟؟؟

عندج الصباح قسم الطب النطوري

بس ما اظن توحد.... انا اتوقع عند هم atension deficet hyperactive discorder ADHD

اللي اهي ضعف التركيز و الاستيعاب و الانتباه و فرط النشاط .... يعني فيهم شطانه و نشاط زايد و بالتالي ما يستوعبون

 

[الصابرة المحتسبة]

حياج الله أختي بينا
لازم تودينهم الطب التطوري وتاخذين موعد وتابعين الحاله لأن عمر 12 سنه كبير حيل ومتقدم وانشالله مع العلاج المكثف والسريع بتحسن حالتهم وخلاص من اليوم ورايح تغيرين معاملتج معاهم لأنهم أمانة ماهم مهانه
والله يطمنج عليهم

 

[حـــــلا]

الله يشافيهم ويخليج لهم

 

[كشوخه]

حبيبتي لازم تراجعين دكتور مختص بهالحالات ما يصير تسكتين ... وان شاء الله تطمنين عليهم والله يشافيهم ويخليهم لج

 

[noooura]

ان شاء الله مو توحد..... لأن التوحد يصعب التواصل معهم
ممكن تفحصينهم عند الطب التطوري ...اخذي التحويل من المستوصف المنطقة
أو دقي عليهم وأخذي موعد وهذا رقمهم 4819002 وداخلي 338/329

 

[ام السيف1]

بنات انا بنت اختى عمرها 4 سنوات ماتتحجى وكله تدور على نفسها يعنى فيها توحد؟؟؟؟؟؟؟؟؟؟؟؟؟؟؟؟ الله يخليكم جاوبونى

 

[الصابرة المحتسبة]

أم السيف: لو كل أخت تنطر راي الخوات وعلى كلامهم بتشخص الحاله ماراح توصل للحل فأنتي حبيبتي اخذي البنية ووديها الطبيب ومع الكشوفات والتحاليل ببين كل شي وانشالله ما فيه إلا العافية

 

[حلم الامس]

ان شاء الله مافيهم الا العافيه

 

[أم سلومي]

بنات انا بنت اختى عمرها 4 سنوات ماتتحجى وكله تدور على نفسها يعنى فيها توحد؟؟؟؟؟؟؟؟؟؟؟؟؟؟؟؟ الله يخليكم جاوبونى

ام السيف.. دام انها ما تتكلم ضروري تجيكون على أذونها ..يمكن ما تتحجى لأنها ما تسمع.. لا تودونها أي دكتور ..لازم استشاري انف و اذن وحنجرة..
أنصحج بعيادة الدكتور عبدالله العلي لأن خبره بهالحالات.. واذا ما تقدرون تنطرون وايد لأن مواعيده زحمة دشوا عند الدكتوره سيمون شيرازي اللي معاه بالعيادة ,هم ممتازه ماشاءالله

 

[HearT ChocolaTe]

عسى الله يشفيهم بس اختي لازم تغيرين معاملتج معاهم
وتقدرين تستفيدين مع الخوات اللي عندهم نفس الحاله
وعسى الله يعينج

 

[حصة اللولو]

لازم تودينهم لمختصين يفحصونهم ويسون لهم اختبارات
بس غريبه بعد 12 سنه اكتشفتي ؟؟
التوحد يبين من ثلاث سنين وعيالج يتكلمون هذا الي فهمته من موضوعج
واذا على الدراسه مو شرط يكونون توحد يمكن بطيئي التعلم
المهم لا تضيعين الوقت وابتدي بفحصهم وطمنينا يالحبيبه

يارتنا مستخدمه نكي عشان تساعدونها

اهي حرمه كبيره ومصريه ماتعرف شي فقيره لله

احنا لاحظنا على عيالها غباء مو طبيعي بليديييييييين وتصرفاتهم غريبه

بنتها الكبيره عمرها 12 تدرس وتذبح عمرها ولو تحرك راسها يمين او يسار تنسى اللي حفظته ومو بس تنسى الا تقول شنو هذا اول مره اشوفه

وماتحب تقعد مع احد انطوائيه


ولدها عمره 10 سنين

عمري ماشفته يلعب مع اللي بكبره يوقف من بعيدد ويطالعهم نااادر مااشوفه يضحك وتقول انه للحين يقعد ويهز نفسه يعني يقعد ويودي نفسه جدام ويرد لي ورا لين ينام
وهالحركه تقول انه يسويها من يوم عمره 4 شهور لما قعد يعني وكانت تطقه لانها تحاسب انه يعاندها
وكان يدوووور بمكان واحد مايتعب

ويلعب بلعبه اذا خذوها منه يمووووت من البجي

واهو بعد ينسى ويشوف امه تبجي يطالعها وعيونه مو فاهمه شي مع انه كبير
يضحك عليها

وماتكلم الا لما صار عمره 5 سنين او 6

وبنتها الصغيره عمرها 8 سنين
تخااااااااااااااف بصووووره غير طبيعيه
تخاف من ظلها
ولما تسبح وتحط شامبو عيونها امبطله ماتغمضهم لو غمضت تصاااااارخ وتتخيل اشياء

وانطوائيه

وهذا اللي اعرفه عنهم

وهي ماتقدر تتصرف لانها غريبه بهالديره وريلها سخيف ومايسمح لها تتكلم عن عيالها يعني لو بتقوله ان فيهم جذي بيزفها

مايفهم صعيدي

اللي تبي تعرفه اشلون تتعامل وتتصرف وياهم
لان عيالها فاشلين بالدراسه وماينجحون ابدا
وامرهم كل ماله ويزيد سوء​

 

[الصابرة المحتسبة]

جزاج الله خير أختي والدال على الخير كفاعله ويارب يشفيهم ويساعدهم
بس ضروري تحرصين عليها انها توديهم الطبيب وتفحصهم

 

[حصة اللولو]

حبيبتي ذكرتي انج تضربين ولدج
ليش؟؟؟ وضرب فضيع!! حرام عليج
وسعي صدرج واذا بغيتي تطقين عيالج تخيلي ان احد يطقج شنو يكون شعورج تجاهه :eh_s(14):
اكيد تحقدين على هالانسان وعمرج ما تسامحينه
ترا الضرب اهانه

اي صح

ماادري ليش جذي تطقهم تذبحهم وتعضهم كانت
كانو اييون لنا اشوفه مزورق الصبي والبنيه يقول ماما ضربتني

والله امرها غريب

وتقول لما شافت هالدكتور بالتلفزيون تذكرت ان كل شي قاله صار لها

ووعدت نفسها ماتطقهم ولا تغصب عليهم دراسه

 

[حصة اللولو]

جزاج الله خير أختي والدال على الخير كفاعله ويارب يشفيهم ويساعدهم
بس ضروري تحرصين عليها انها توديهم الطبيب وتفحصهم

حرصت عليها والله

بس تقولي مااقدر اتصرف هني لازم اروح مصر عالاقل امشي واعرف وين انا رايحه

زوجها مخه مقفل من النوع اللي ماتتفاهمين معاه

ماادري مايشوف عياله يرسبون وماينججحون بالمدرسه ويعيدون السنه واصفااااار علاماتهم هذا دليل انهم تعبانين

بس الله يعينهم