مـــطـــاعــمــنا ويا تقيمي الشخصي لها##متجدد## بالصور

[C'est La Vie]

رد: مـــطـــاعــمــنا ويا تقيمي الشخصي لها##متجدد## بالصر

مشالله خوووووش تقرير
عليكم بالعافية
وننطر جديدج حبيبتي

 

[brown eye]

رد: مـــطـــاعــمــنا ويا تقيمي الشخصي لها##متجدد## بالصر

بالعاافيه عليكم

بس انا اطالع واقول عيش ولحم وقيمات ............؟ مايصير هههههههههههههههههه

الله يعافيج يارب لوووووووول تعليقج اينن جنج امي تقول لحم وراه خالي موزين لول

عليكم بالعافية
والله شكله وايد حلو
إن شاء الله نجربه
موضوعج حلو وبانتظار التجديد

الله يعافيج ياااااااارب وصراحتا انا وايد عجبني وان شاء الله بنزل شي يديد اليوم

يمي يمي شوقتيني

جربيه وبيعجبج

الله خوش موضوع
كثري من روحاتج المطاعم
و لا تنسينا بالصور
عاد انا بخاطري اروح لمطعم عاد الحين
و انا مغمضه

لووووووووووووووول لاتوصين حريص :krkrkr: وعليكم بالعافيه مقدمااااااااا

ألف بالعافية عليكم عزيزتي

و الله أشوف صور الشوارع و أنا خانقتني العبرة :eh_s(2):

يا حلاة الكويت و جو الكويت

و صج شكل المطعم يشوق ، و ديكوراته تهبل

خصوصا المخمتين إللي معلقينهم بالحمام ( و أنتوا بكرامة ) :eh_s(6):

أدعيلي أرجع الكويت عن قريب ، و أنا ما أخلي مطعم ما أدشه ، و لا شارع ما افتر فيه

بقز الكويت قز

بس خل أرجع ( إنشاء الله :yaaaaaarb: )

يابعد روحي والله امبيه احس بتأنيب الضمير ماحب جذي والله يابعد عمري الله يردج بالسلامه ياااااااارب وتقر عين اهلج وحبايبج بأذن الرحمن
وان شاء الله تفرفين الكويت كلها والبانزين علي لوووووووووول:ggdw:

طلعتكم حلوووووووه عليكم بالعافيه قلبي

الله يعافيج ياحياتي منوره

خوووش مووووضوع احب مواضيع جذي هخخخ حق البلع زاهبين الله خير
خوش تقرير وبالف عافيه حبيبتي
يلا نبي مجبوس من تحت ايدج

لووووووووووووول الله يعافيج يارب اي والله ماعندنا سالفه غير وين نتعشا وين نتغدا
والمجبوس ماظنتي بسويه اخاف من الجوله

عليكم بالعافيه إن شاء الله

ما شاء الله خوش مطعم

لازم نجربه

تسلم ايدج

الله يعافيج غاليتي ولازم تجربينه وبتستانسون ويا الاهل خصوصا تغير والجو غير ونظيف وايد
والله يسلمج

عليج بالعافية... خوش تصوير..وخوش أكلات مبين لذيذة

بس حسافة ما دليت المكان جان اقول حق أهلي عنه عشان نروح له

الله يعافيج احرجتيني والله على هالكلام الحلو والكل جدا رائع
ومكانه بحاول اوصفلج بالظبط وان شاء الله تدلينه
شوفي على البحر لمه يصير المركز العلمي على يسارج تلاقينه يمينج وين البيتزا اللي قبل كراون بلازا اهوا قبل البيتزا شوي
مايبيله شي
شوفي طريج ثاني وين باتشي السالميه وبافلوز يصير يسارج وليلى هارموني يمينج؟ كملي سيده سيده قبل لاتطلعين شارع البحر يكون يمينج

ان شاء الله دليتي

 

[eng.q8]

رد: مـــطـــاعــمــنا ويا تقيمي الشخصي لها##متجدد## بالصر

يعطيك العافية على الموضوع

 

[brown eye]

رد: مـــطـــاعــمــنا ويا تقيمي الشخصي لها##متجدد## بالصر

روووووووووووعه ماشاء الله وموضوع ومتميز والفريد من نوعه هههههههه <<عشتوا تعرف تعلق
تسلمين يالغلااااااا

واااااي والله ونسني ردج اللي فريد من نووووووعه :ggdw: والله يسلمج حبيبتي

واي حده يونس ... انا ماحب اكل العيش وهالاكلات الخليجيه ..
بس شكل الاكل عادي مادري عن طعمه بصراحه على يوم بعزم ريلي فيه
هو يحب هالنظام ..

والله انا مثلج مو من ربع العيوش بس ريلي لزم اروحله لانه بالويك اند اللي طاف ودا خالتي وحمواني وحماتي عازمهم عليه وانا كنت تعبانه ولا احب العيوش وقال لازم اوديج بتستانسين عليه وفعلا وايد وايد وايد استانست وترا الاكل شكله عادي بس طعمه موووووووووووووصج لذيذ

يم يم حدي جوعانة

ويه يابعدعمري والله

الموضوع روعة

يعطيج العافيه

من ذوقج والله ويعافيج يارب

بالعافية عليكم

ووين مكانه بالضبط؟؟؟؟

شوفيه اهوا مكانه على البحر قبل الكراون بلازا قبل اشاره شوبيز تلاقينه يمينج بس شويه داخل بس ركزي على اليسار ويكون قبل البيتزا

مشالله خوووووش تقرير
عليكم بالعافية
وننطر جديدج حبيبتي

الله يعافيج يااااارب وهذا من ذوقج غاليتي وان شاء الله فيه شي يديد

 

[brown eye]

رد: مـــطـــاعــمــنا ويا تقيمي الشخصي لها##متجدد## بالصر

حبيباتي مشكورين على تشجيعكم لي ووايد استانست من ردودكم وارد اقول لكم الناس اذواق انا ممكن يعجبني وايد وممكن ناس عندهم عادي وممكن ناس موشي واهوا يعتمد على الحزات سواء غدا ولا عشا زحمه مو زحمه وهكذا

ساعات الوقت يحكم مثلا انا من الناس اروح تشيليز واحبه ومره رحت له احس خترب اكلهم وقلت اكس من قلب تالي انجبرت اروح وطلع واو..ألخ يعني ساعات اوكي ساعات لا وهكذا اتمنى فهمتوا قصدي



واخيرا الاختلاف بالراي لايفسد للود قضيه


اليوم غدانا كان بمطعم شهريار اللي بمنطقه شرق اتوقع؟ يكون يم الدورا اللي فيه المخفر اللي يم سوق القواري عرفتوه:ggdw: وصفي عجيب لول اتمنى دليتو




للأمانه اول مره نروحله شفنا من بره شكله صخه نزل ريلي جان يقول مبطل بس تحت



دشينا المطعم

التقييم بحطه اخر شي

المنيو



يت الجرسونه قلنا نبي سيزر سالاد قالت ماكو سلطه السلطه بوفيه وقالت لاتطلبون بوفيه الاطباق الرئيسيه وياها سلطه قلنا ماشي

طلبنا

شيش طاووق+بوفيه سلطه حقي
ريلي نص ديايه مشويه + سلطه بوفيه

الشراب بيبسي دايت
وحطولنا ماي كبير محسوب علينا وماشربنا منه ولاقطره كنا دايخين من الدوام ما انتبهنا لول
وكنسلنا البطاط الشبس بسوتيه يعني مسوين رجيم لول

بوفيه السلطه ماعجبني كلللللللللللش ملش ((رايي الشخصي))
وريلي يقول واهوا ياخذ مايشجع جنه مال بيتزا هت احلى بوايد

صحني




صحن ريلي اهوا نوع وايد وقال لي لابأس شكله موشي بس طعمه محلو بس مو واو




الخبز كان فله عجيب وحار بس ماكليت الا نتفه مابي اخرب رجيمي ريلي يحب اليابس قلم يطقطق




طبق ريلي نص ديايه مشويه وكانت ترررررررررفه وتينن ذقت منها شوي





طبقي شيش طاووق وكان ذايب وحلو






التقييم



المكان والديكور: ضعيف مادري بيعدلونه لانه كلش مومقبول بالنسبه لي

نظافة المكان: جيد

نظافة الاكل: ممتاز (عد بوفيه السلطه احسه بايت)

جودة الاكل: ممتاااااز جدا

السعر: كان ب7 دنانير و100 فلس


هل راح تعيدين الكره وتيين المطعم: مادري بس اغلب ظني لا ​

 

[brown eye]

رد: مـــطـــاعــمــنا ويا تقيمي الشخصي لها##متجدد## بالصر

يعطيك العافية على الموضوع

الله يعافيج ياقلبي

 

[Cute mama]

رد: مـــطـــاعــمــنا ويا تقيمي الشخصي لها##متجدد## بالصر

بالعاااافيه عليكم الاكل
انا من امس يوم شفت اللقيمات وانا مو على بعضي لوول
حتى من كثر مافكرت فيهم حلمت اني قاعده اكل لقيمات

 

[عطورات شرقيه]

رد: مـــطـــاعــمــنا ويا تقيمي الشخصي لها##متجدد## بالصر

ماشاء الله خوووووووش موضوع
بصراحه يفيدني انا شخصيا لاني احب انبش وادور بالردوود عن المطاعم الحلوه والغريبه بالكويت على شان لاجينا ان شاء الله رحنا لها
ماابي اروح لمطاعم معروفه عندنا تشيليز وهالطقه .....
مشكوره حبيبتي مره ثانيه وحمستيني اروح لاول مطعم ان شاء الله نجي الكويت قريب وانوي عليه

 

[krkooora]

رد: مـــطـــاعــمــنا ويا تقيمي الشخصي لها##متجدد## بالصر

حبيبتي وين صاير بالضبط ؟ وين يم المركز ؟؟

 

[βνĹĂĢŔĨ-Q8]

رد: مـــطـــاعــمــنا ويا تقيمي الشخصي لها##متجدد## بالصر

عوافى

 

[C'est La Vie]

رد: مـــطـــاعــمــنا ويا تقيمي الشخصي لها##متجدد## بالصر

الوصف عجيب لوووول :dddds:
اعتقد في شهريار ثاني بالخالدية ورا البنك التجاري
قبل هب ابوي فيه بس ما عجبني كلش
ناطرين جديدج حبيبتي @@

 

[نيلفار]

رد: مـــطـــاعــمــنا ويا تقيمي الشخصي لها##متجدد## بالصر

شكثر امر على المطعم بس ولا مره شدني ادخله


بس شكل الشيش طاووق يشوق

 

[MiSs SaLsA]

رد: مـــطـــاعــمــنا ويا تقيمي الشخصي لها##متجدد## بالصر

واااااااااااااااااااااااو صراحة الموضوع و لا أروع بس مشكلة أنا ما رح أقدر أستفيد منه إلا أطالع و أجوع لأني مو من الكويييت



امبيييييييييييه 8 دانير يعني 8 ريالات عماينة بسسسسسسسسس؟؟؟؟؟!!!!!!!؟؟؟؟

 

[بشرى]

رد: مـــطـــاعــمــنا ويا تقيمي الشخصي لها##متجدد## بالصر

الله يعطيج العافيه متابعه وياج وبسالج عن مطعم فريج صويلح زين

 

[brown eye]

رد: مـــطـــاعــمــنا ويا تقيمي الشخصي لها##متجدد## بالصر

بالعاااافيه عليكم الاكل
انا من امس يوم شفت اللقيمات وانا مو على بعضي لوول
حتى من كثر مافكرت فيهم حلمت اني قاعده اكل لقيمات

الله يعااااااافيج يارب لوووووووول موتيني ظحك روحيله وذوقيه بيعجبج:ggdw:

ماشاء الله خوووووووش موضوع
بصراحه يفيدني انا شخصيا لاني احب انبش وادور بالردوود عن المطاعم الحلوه والغريبه بالكويت على شان لاجينا ان شاء الله رحنا لها
ماابي اروح لمطاعم معروفه عندنا تشيليز وهالطقه .....
مشكوره حبيبتي مره ثانيه وحمستيني اروح لاول مطعم ان شاء الله نجي الكويت قريب وانوي عليه

العفوا ولو وحياج الله والديره ديرتج وبتنور بوجودكم وانا اغلب المطاعم اللي بحطها راح تكون فيه كباين واكلها هندي وصيني وامريكي واهم شي الكل يستفيد بأذن الله

حبيبتي وين صاير بالضبط ؟ وين يم المركز ؟؟

غاليتي خلي مركز العلمي يسارج وجنج رايحه شوبيز قبل اشاره شوبيز بشوي خلي عيونج يمين بتلاحظينه يكون دورين ومكتوب فوق زمان اول

عوافى

الله يعافيج يارب

الوصف عجيب لوووول :dddds:
اعتقد في شهريار ثاني بالخالدية ورا البنك التجاري
قبل هب ابوي فيه بس ما عجبني كلش
ناطرين جديدج حبيبتي @@

لوووول افا عليج اعجبج بالوصف لول وانا شاللي ينجحني بالعربي غير التعبير :23_asmilies-com:
فيه شهريار بجمعية القادسيه فوق ويتراوالي اللي رحناله قاعدين يعدلونه
وانا بعد ماعجبني ولاقعد راسي مع انه ااكل رخيص وحلو بس انا اهم شي جو المطعم والنظافه

حبيبتي وين صاير بالضبط ؟ وين يم المركز ؟؟

اذا تقصدين زمان اول المطعم الاول شوفي خلي المركز العلمي يسارج وجنج بتروحين شوبيز الاشاره اللي قبل شوبيز ركزي على اليمين بتلاقينه شوي داخل بس مجابل البحر واعتقد فيه لفه قبل الاشاره ب500 متر او كيلوا
ومطعم شهريار خلي سوق القواري على يسارج ايلج دوار واهوا بالدوار لونه برتقالي

شكثر امر على المطعم بس ولا مره شدني ادخله


بس شكل الشيش طاووق يشوق

شوفي الظاهر المطعم قاعدين يعدلونه لانه الاثاث والديكور موشي بتاتا والاكل وايد حلو بالنسبه للمشويات

واااااااااااااااااااااااو صراحة الموضوع و لا أروع بس مشكلة أنا ما رح أقدر أستفيد منه إلا أطالع و أجوع لأني مو من الكويييت



امبيييييييييييه 8 دانير يعني 8 ريالات عماينة بسسسسسسسسس؟؟؟؟؟!!!!!!!؟؟؟؟

يابعد قلبي انتي والله وحياج الله بيناتنا وياهلا بأهل عمان فديتهم انا وان شاء الله تيين الكويت وتروحين لهم :ggdw:

الله يعطيج العافيه متابعه وياج وبسالج عن مطعم فريج صويلح زين

الله يعافيج غلاتي شوفي فريج صويلح انا مارحتله امانتاً بس ريلي ودا خالتي وحماتي وانا كنت مسافره ويا اهلي وسألت خالتي قالت لي حلو بس اللي رحناله تالي احلى اللي اهوا زمان اول وريلي يقول الديكور والنظافه زمان اول احلى ومادري والله يكمن اروحله ويمكن لا واذا اي اكيد بوثقه بالصووووور

 

[supermarket]

رد: مـــطـــاعــمــنا ويا تقيمي الشخصي لها##متجدد## بالصر

عليج بالعافية خوش مطعم

انا جربته عشا بالعيد بس حسافة كانت اللقيمات خالصة

وبانتظااار تجاربج اليديدة

 

[brown eye]

رد: مـــطـــاعــمــنا ويا تقيمي الشخصي لها##متجدد## بالصر

حبيباتي اليوم تعشينا بمطعم وااااااااايد على البحر


تتوقعون اي مطعم؟؟؟؟؟؟؟





:ada:





يالله اخلي التخمين لكم على ما انزل الصور وارتبها والشاااااطره اللي بتعرف لها جائزه








همتكم بالتخمين على ما انزل الصور وارتبهم

 

[brown eye]

رد: مـــطـــاعــمــنا ويا تقيمي الشخصي لها##متجدد## بالصر

عليج بالعافية خوش مطعم

انا جربته عشا بالعيد بس حسافة كانت اللقيمات خالصة

وبانتظااار تجاربج اليديدة

الله يعافيج يااااارب وانصحج تجربينه غدا الجو وايد حلو وخصوصا اللقيمات متوفررررره وفرش بس هاا مو بالويك اند وتنطرون دور وتدعون علي

روحي بأيام السبوع تمااااااااااااام:ggdw:

 

[نيلفار]

رد: مـــطـــاعــمــنا ويا تقيمي الشخصي لها##متجدد## بالصر

يلا ناطريين المطعم اليديد

انا اخت نيلفار بس موضوعج شوقني ورديت عليه

 

[Ftooosha]

رد: مـــطـــاعــمــنا ويا تقيمي الشخصي لها##متجدد## بالصر

اممممممممممممم


امممم



امم



ام


فرايديز ؟