استفساراتكم عن تطعيمات الأطفال....ارجو التثبيت

[كيت كات]

حبيبتي بنتي الكبيره عمره اربع سنين وصارت بسوريا احنا مقيمين بكويت ...بسوريا من يوم صارت لحد عمرها 8 شهور يعطونه كل شهر تطعيم واخر مره طعمته كان عمرها 8شهور وقالت لي سستر بتنج خلصت تطعيماته لكن بكويت اخته عمره 3سنين وللحين يعطونه تطعيمات ساءلت السستر بالكويت عن بنتي الكبيره قالت يبي دفتر التطعيماته حتى اشوفه لكن الدفتر ضايع ومادري شسوي انزين اذا دخلت الروضه الها تطعيم وفي حالات الحمله الي تصير مرات يصير تتطعم على البطاقه المدنيه او تامين الصحي ارجو مساعدتي ووالله يعطيك العافيه

حبيبتي ييبي شهادة ميلادها لاقرب مركز صحة وقائية
ووريهم الشهادة واهم يعطونها كل الللي فاتها

السلااااااااااااااااااااااام حبيباتي ساعدوني ولدي حبيبي طعمته اول امس تطعيم الشهر الرابع وريله وحده منهم ورمت عليه واناااااااااااا وايد خايفه مع ان حطيتله كمادات وعطيته ادوووووووول شسوي موقادره انام كل شوي اقوم اشوف ريله حبيبي ما اتحمل اشوفه جذي مزاجه متعكر ماله خلق بعد عمري شنو تنصحوني اوديه طبيب يشوفه

كمادات دافية وادول وتروح ان شاء الله ترا اغلب اليهال جذي

السلام عليكم

بنات انا امس طعمت بنتى تطعيم ثلاث سنوات و نص زياده عليه قالت لى السستر ان فيه تطعيم ناسينه الى اهوmmr

حياتى بنتى مسخه وايد و ريلها ما تعبر تمشى منها عدل

سؤالى الى متى تتم السخونه ؟

عطتها السستر ثلاث ابره اثنين على فخذها و وحده في ايدينا زائد النقط في الفم صح

عقب ما قالت لى انهم نسو شى انا قمت اخاف لان انا حريصه اوديها بتوقيت التطعيم

هلا ياعمري
ان شاء الله هذا اخر الالام والحصبة باليد الmmr

السلام عليكم

انا لنتي عمرها بيصير 3 شهور وعندها تطعيم تاريخ 19 /3 بس حبيت اعرف هل هذا التطعيم يصاحبه حراره بعد او ل وشكراا

اللي ب3 شهور هذا الدرن ولا حرارة ولا شي سهالات ان شاء الله

 

[OM_CoCo]

مشكور يا كيت كات ما تقصير و ربى يخليه بميزان اعمالج انشالله

 

[SARA*]

حبيبتي كيت كات مشكوره وجزاك الله الف خير

 

[ميلك شيك]

السلام عليكم

انا ولدي يكمل الشهرين يوم الخميس .. وصادف عطله رسميه ... قالتلي السسترر عادي خل يتطعم يوم الاحد .. احسن من انج تطعميه قبلها بيوم ... هل هذا الكلام صحيح .. وذا تأخر في التطعيم عادي ولا يأثرررر .. وشكرا

 

[تانغو]

مرحبا اختي انا بنتي الاحد تكمل شهرين واحنا ساكنين الضاحيه هل مستوصف الضاحيه في تطعييييييييييييييييم ؟؟

 

[فاميليا]

السلام عليكم .. اعرف بنية تطعمت الدرن صارلها سنتين وللحين المكان احمر وحجمه كبير مع ان اخوها تطعم وخلال سبع شهور صار ابيض وحجمه صغير هذا طبيعي ولا لا؟؟ وشكرا

 

[Laymo0ona]

حبيباتي تطعيم السنة ونص جم ابرة؟ اليوم بطعم ولدي

 

[toota]

..من فضلك .. بنتي تطعمت عمر 2 ولما شفت الموعد التالي لقيت لما يصير عملاها 3 **السؤال هو متى التطعيم بعد السنتين ؟ وما هو؟ وشكرا لك ...لأني خايفة يكون في غلط بالموعد

 

[كيت كات]

بنات سامحوني
لابتوبي خربان وانا استعمل حاليا
الميني لابتوب وااااااي مو حلووو

السلام عليكم

انا ولدي يكمل الشهرين يوم الخميس .. وصادف عطله رسميه ... قالتلي السسترر عادي خل يتطعم يوم الاحد .. احسن من انج تطعميه قبلها بيوم ... هل هذا الكلام صحيح .. وذا تأخر في التطعيم عادي ولا يأثرررر .. وشكرا

كلامها صحيح% لانه لازم يم شهرين من التطعيم اللي فايت مو ناقص .... زايد عادي

مرحبا اختي انا بنتي الاحد تكمل شهرين واحنا ساكنين الضاحيه هل مستوصف الضاحيه في تطعييييييييييييييييم ؟؟

الافضل انج تودين البيبي للفيحاء علشان التسجيل

السلام عليكم .. اعرف بنية تطعمت الدرن صارلها سنتين وللحين المكان احمر وحجمه كبير مع ان اخوها تطعم وخلال سبع شهور صار ابيض وحجمه صغير هذا طبيعي ولا لا؟؟ وشكرا

عرضيها على طبيب الصحة الوقائية افضل

حبيباتي تطعيم السنة ونص جم ابرة؟ اليوم بطعم ولدي

اسفه على التاخير وسلامات

..من فضلك .. بنتي تطعمت عمر 2 ولما شفت الموعد التالي لقيت لما يصير عملاها 3 **السؤال هو متى التطعيم بعد السنتين ؟ وما هو؟ وشكرا لك ...لأني خايفة يكون في غلط بالموعد

الموعد التالي 3 ونص مو سنتين

 

[om hmni]

انا طعمت ولدي تطعيم الدرن مال ثلاث شهور بالكتف والحمدلله ما سخن ولا تألم
اليوم صار له تقريبا شهر إلا جم يوم من هالتطعيم شوف مكان الابره إللي بكتفه اشوي وارم واحمر وولدي من المغرب متعسر ويبجي وموقادر ينام وقست حرارته الحمدلله ما فيه حراره اتهقون من الابره مالت الثلاث شهور ؟؟؟

تذكرت كلام السستر يوم طعمت ولدي سألتها قلت لها اسوي له كمادات ؟ قالت لا ما يحتاج اي شي اصلن مفعول الابرة راح يبين بعد شهر

ما ادري شسوي قمت احاتي واكيد اذا ما صار احسن من اهنيه ليه باجر بوديه الطبيب الحين عطيته ادول وطخ اشوي ونام

 

[ام عفاف الكويت]

قلبي كيت كات يعطيج العافيه
بسألج بنتي تطعيمها الشهر الياي يوم 20 - 4 تكمل سنتين
شنو تطعيمها ابره او قطره ؟
واقدر اجدمها يوم لانه ولدي تطعيمه 3 اشهر يوم 19 - 4

 

[كيت كات]

ام حمني حبيبتي هذا طبيعي جدا بس عرضي ايده للشمس شوييييي
وام عفاف تطعيم السنتين سحايا ابر بالكتف مافي الا العافية
ولا تجدمين الموعد اخري موعد ولدج يوم وخليهم مع بعض

 

[نووووونا]

كت كات فى تطعين حق بعد عمر اكبر من 3سنوات ونص


ويسلمووو

 

[كيت كات]

هلا نجد نورتيني
لا اخر تطعيم 3 ونص
وحياج الله

 

[Assolah]

اكو تطعيم حق سنتين ونص؟

 

[pink-rose]

هلا اختي :eh_s(17):

ولدي عنده تطعيم لعمر الشهرين

بغيت اعرف يسخن عقبه ؟؟؟ ولا عادي ما يسخن ؟؟؟

 

[روعة خيال]

اليوم بنت اختي عندها تطعيم السنة و حدهااااا خايفة على بنتها

شنو نظاام هالتطعيم لعوزتني كل شوي سإلي و سإلي

 

[as.as]

السلام عليكم ورحمه الله وبركاته ........ الله يعافيج على المعلومات المفيده الله يجعله في ميزان حسناتج ... بغيت اسال عن التطعيم بو 3 ونص وايد خوفوني منه .. صج يتعب الياهل صخونه ويتم فتره طويله ما يقدر يمشي .... وفي وحده انصحتني اعطيه ابره وااجل الثانيه لي الشهر الي وراه ,علشان اخفف عليه ... فشرايج بالفكره تايدينها ولا لا .....

 

[كيت كات]

اكو تطعيم حق سنتين ونص؟

اهلين
مافي لغوه في 3 ونص

هلا اختي :eh_s(17):

ولدي عنده تطعيم لعمر الشهرين

بغيت اعرف يسخن عقبه ؟؟؟ ولا عادي ما يسخن ؟؟؟

هلا ياقلبي الاغلبية يسخنون وان شاء الله ولدج مايسخن

 

[كيت كات]

اليوم بنت اختي عندها تطعيم السنة و حدهااااا خايفة على بنتها

شنو نظاام هالتطعيم لعوزتني كل شوي سإلي و سإلي

هلا حبيبتي ان شاء الله ماعليها الا العافية تطعيم السنة اغلب
الاطفال مايصير لهم شي