ديوانية بيت العمر

[sara3]

السلام عليكم

رقي حبيبتي افضل تقسيمه للتكييف

البيت كله سنترال ماعدا المطابخ سواء داخلية او خارجية وغرف الخدم والغسيل يكونون وحدات (يونيت)

انا مسويه جذي كل البيت سنترال ماعدا المطابخ وطابق الخدمات الي فيه غرف الخدم والغسيل والأوتي وحدات (يونيت)

وعساه منزل مبارك ان شاءالله

كلام DooNy سليم وايد ناس حطوا سنترال بالمطبخ واتوهقوا

 

[اخت فروحه]

انا بالنسبة لي حاطين مكاين سنترال صغيرة

صج كلفت علينا وتعبتنا حيييييييييل بالتخطيط بس الحمدلله ضبطت

خليت المطبخ والمخزن وغرففة الخامة ماكينه بروح



انا ماحبيت الوحدة بالمطبخ : على ما تشغلينها وعلى ما تبرد خصوصا بالصييييييييييييييييييييييف يصير المطبخ لا يطاق وخصوصا الخبز والصمونوبعض الاشياء اللي ماتنحط بالثلاجة تتأثر بالحر الشديد


وهذي وجهة نظري

 

[moon2009]

size="3"]أمسي وأصبح على كل من يمر على مشاركتي[ وعندي طلب صغيرون وهو: ودي أعرف تكاليف بناء البيت أسود وتكاليف تمديد الكهرباء والصحي وأسعار المصاعد وأسعار التصميم فيا ليت كل من بنت بيتها تساعد المبتدئين أمثالي مع ذكر عدد الطوابق ،أدري طولتها بس متوهقة أخاف أقط الفلوس على شغلة وتوهق بالباقي لكن لما يكون عندي علم أعمل حسابي/SIZE]
اشدعوة ولا وحدة عبرتني،ليش خواتي مطلبي جدا بسيط واللي ترد علي راح اتحصل دعوة من قلبي اشكبرهاو اذا ما تقدرون يسلم راسكم SIZE]

 

[رقي]

مون
والله مانعرف
انتي تبين كل شي واحنا تونا

 

[DooNy]

دزني
الله يبارج بعمرج تسلمين
والله موبيدي
ريلي اهوا مسوي كل شي

تصدقين أريح لج :eh_s(6):

وترى كل من يسوي اللي يناسبه
انا جربت سنترال البيت كامل في البيت الي ساكنه فيه ألحين كلش موشي يشفط لج ريحة المطبخ كله لي عندج
ففضلت اسوي كل مطابخ البيت اليديد معزوله تماما عن السنترال غير الفريش اير الي ركبته بالمطبخ الخارجي الرئيسي الي يصير فيه الطبخ الثقيل
اما المطابخ الداخليه ماركبت فريش اير ليش مافيها طبخ زايد مجرد وحدات عاديه مختلفة القياسات كل مطبخ وحجمه
وشركة التكييف الي متعاملة وياها ترين (العيسى) السنترال والوحدات واهم الي سولي خريطة السنترال شغلهم فوق الممتاز

 

[DooNy]

كلام doony سليم وايد ناس حطوا سنترال بالمطبخ واتوهقوا

يسلم حالج ويخليلج عيالج حبيبتي

 

[OM-3ABADY]

السلام عليكم بنات

انا من زمان متابعة المنتدى

وكل ما يطري على بالي سؤال ألاقي اجابته في المنتدى


بس حبيت اشارك بهالموضوع بالذات لأني على وشك ترميم!!!!!

وااااااااايد خايفه من الموضوع

الله يسلمكم انا كنت شاريه بيت من 6 سنين بس لظرف ما أجرناه

والحين ناويه اسكن ان شاء الله بس ناطرين المؤجرة تطلع

تصدقون الهواش والنجرة مع ابو العيال بدت من قبل لا نستلم البيت :tomato2:

ادري طولت عليكم بس حبيت اكون واضحة من البداية

أول سؤال : (البيبان)

هل تكلفه اصلاحهم (يعني بغير شكلهم بالمره) اقل من اني احط بيبان يديده ؟

الصراحه انا شايفه بيبان في ابل وااايد اعجبوني وابو العيال يقول ان خشبهم زين وحسافه نغيرهم!!!![/COLOR]

 

[لباآاقلبي]

السلام عليكم ..

يعطيكم العااافية بغيت أحسن نوع سيرااميك والواانه نهره للصاله والدواانية والمطبخ ..


وأحسن محالات لكبت المطبخ يكووون كد ومد ..

ومحلاات أبواااب نوعيتهم ممتاازة ..

 

[اخت فروحه]

اشدعوة ولا وحدة عبرتني،ليش خواتي مطلبي جدا بسيط واللي ترد علي راح اتحصل دعوة من قلبي اشكبرهاو اذا ما تقدرون يسلم راسكم SIZE][/QUOTE]


اهلين حبيبتي :

والله معبرينج بس سؤالج يبيله استعانه بصديق (( ريلي )) :gathering: وهالصديق بالضبط موعارف

يعني احنا تقريبا بنقط فوق السبعين خمسين إلى الان تقريبا والله مادري بالضبط نقط مني ومناك وهذا يزيد وهذا ينقص والله المستعان

 

[اخت فروحه]

أم عبادي بالنسبة للأبواب يعتمد على نوع الخشب نفسه اللي في بيتكم زين ولا لأ

أبواب أبل زينه وعندج الغانم والفحام

انتي اتأكدي من نوعية الخشب وبعدين قارني الاسعار

 

[اخت فروحه]

السلام عليكم ..

يعطيكم العااافية بغيت أحسن نوع سيرااميك والواانه نهره للصاله والدواانية والمطبخ ..


وأحسن محالات لكبت المطبخ يكووون كد ومد ..

ومحلاات أبواااب نوعيتهم ممتاازة ..

محلات المطابخ واااايد

اخذي جوله عليهم وشوفي مميزات الالومنيوم وقرري

عندج مثلا الفارسي الرياض الواوان الوليد المورد الكويتي وفي شكثر بعد


والابواب جاوبت عليه

 

[سنعه ومنعه]

سلام شخباركم شمسويننننن


شخبارجج فروحة

الى تسألل عن الاأبواب فية بعد أبواب دريم بالبرازيلية وفية بعد مطابخ أنتىى فرى وقرى أحنا الغرة أخذت منا سنتييييين هههههههههه عدل فروحة؟

 

[سنعه ومنعه]

اتعب مافى الشغلة هى الفرارة على ما أتقرين


ألحين بركب الدرج لأن التبلط بالدور الأول خلص

والسبورتات تتركب والاصباغ بالطرييييج والا[وبواب والمطابخ والشفاطات وبعد ماأدرى أحس مخى
ضارب

 

[رقي]

دوني
حتا احنا ترين
وثل ماقلت لج المطبخ والمعيشه وغرفة الخدامه والمخرزن مع بعض
تعالي كم مكينه حاطين احنا حاطين 7 ب 10 الاف

 

[مجموعة انسان]

size="3"]أمسي وأصبح على كل من يمر على مشاركتي[ وعندي طلب صغيرون وهو: ودي أعرف تكاليف بناء البيت أسود وتكاليف تمديد الكهرباء والصحي وأسعار المصاعد وأسعار التصميم فيا ليت كل من بنت بيتها تساعد المبتدئين أمثالي مع ذكر عدد الطوابق ،أدري طولتها بس متوهقة أخاف أقط الفلوس على شغلة وتوهق بالباقي لكن لما يكون عندي علم أعمل حسابي/size]
اشدعوة ولا وحدة عبرتني،ليش خواتي مطلبي جدا بسيط واللي ترد علي راح اتحصل دعوة من قلبي اشكبرهاو اذا ما تقدرون يسلم راسكم size]

هلا حبيبتي أنا بانيه سرداب + ثلاث أدوار كلفني الأسود 45 ألف والصحي 3500من غير مواد مع التمديدات الداخليه لحمام السباحه تكاليف التمديد الكهربائي سألت زوجي يقولي نسيت و المصعد كلفني 4000 بس على حسب التشطيبات الي تطلبينه يزيد أو ينزل السعر وسعر التصميم الهندسي مع الاشراف 750 وانشالله أكون فدتج حياتي

 

[moon2009]

أخت فروحة ـرقى ـ مجموعة انسان شكرا على المرور وانا بحاول مادام أنا في البداية أسجل كل شي عشان

أساعد كل منهو في البدايات لأني حاسة فيهم وعسى ربي يكتبلنا التوفيق كلنا:eh_s(6)::eh_s(6):

 

[moon2009]

هلا حبيبتي أنا بانيه سرداب + ثلاث أدوار كلفني الأسود 45 ألف والصحي 3500من غير مواد مع التمديدات الداخليه لحمام السباحه تكاليف التمديد الكهربائي سألت زوجي يقولي نسيت و المصعد كلفني 4000 بس على حسب التشطيبات الي تطلبينه يزيد أو ينزل السعر وسعر التصميم الهندسي مع الاشراف 750 وانشالله أكون فدتج حياتي

أقدر أعرف منو المكتب اللي تعاملتي معاه وشنو اسم المهندس اذا ممكن وراح أطمع أكثر وأخاطر وأسأللج عن مقاولكم-

المكتب اللي رحتله اليوم قالي سعر التصميم مع الاشراف950 وفيه ناس قالولي عن المتوكل للعقارات عشان يبني البيت مع أنهم ماجربوه

 

[OM-3ABADY]

سلااااام مربع للكل

وشكر خاص للردوا علي

انا قصدي تكلفه تعديل الباب من صبغ وحفر ارخص ولا اشتري باب يديد احسن وأوفر
احنا البيبان اللي عندنا خشب سوليد يعني ما في منه في السوق الحين أغلب الموجود مدخلين وياه مواد ثانية

يعيني ريلي متحسف على نوع الخشب لا أكثر ولا أقل

 

[رقي]

سلام
مادري ام عبود
احنا تونا في الدور الاول

 

[مجموعة انسان]

أقدر أعرف منو المكتب اللي تعاملتي معاه وشنو اسم المهندس اذا ممكن وراح أطمع أكثر وأخاطر وأسأللج عن مقاولكم-

المكتب اللي رحتله اليوم قالي سعر التصميم مع الاشراف950 وفيه ناس قالولي عن المتوكل للعقارات عشان يبني البيت مع أنهم ماجربوه

هلا حبيبتي اسم المكتب مكتب المهندس سالم العازمي ومكانه في مجمع الأوقاف بس الي صمملي البيت مهندس لبناني سألت ريلي عن اسمه يقول نسيته بس أهم عندهم مهندسين أثنين واحد صمم بيتي والثاني صمم بيت أخوي وبصراحه اثنينهم حلو شغلهم بس ترا أنا وزوجي كنه عارفين شنو نبي يعني احنا نقول و أهو ينفذ بس الحجي في التصميم الانشائي أهو الي تعب المهندس حيل لأنه أنا قلتلهم مابي عمدان في البيت وصج والله ما طلعلي الا عامود واحد و الباقي أهو صرفهم بطريقه مايكونون ضاهرين

والمقاول اسمه أبو محمود وشغله حلو و أمين و هذا رقمه |( 99708395 )

واخذي راحتج حبيبتي لأني أنا يوم كنت أبني كنت نفسج بس قاعده و حاتي والله حتى يوم اصيغو واجهة البيت أنا كنت في المستشفى امسويه عمليه و يوم طلعت من المستشفى قلت الريلي لاتحاول اطلع فيني على البيت بشوف اللون حلو ولا بايخ و مارتحت الا يوم شفته فالله يكون بعونكم​