{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

السلام عليج يا دكتوره
عندي استفسار
ولدي عمره ست سنوات دايما اذا نام يعرق بغزاره .هو شي طبيعي ام اعرضه علي دكتور .
الله يعطيج العافيه .

نور الضي

لا ما يحتاج دكتور

طبيعي بعض الأطفال يتعرقون بشكل كبير وقت النوم خصوصا الأولاد

اذا ما عنده مشاكل ثانية ماله داعي تودينه مكان

 

[د. رشــا الصفــي]

مرحباا دكتورتنا شلونج حبيبتي
دكتوره ولدي معاه سهااال من امس وديته الطبيب وقالي اغير حليبه سميلاك اف ام معنه حليبه ماشي معاه تتوقعين الاسهال من الحليب او نه قاعد يسنن او من بدياشور لاني قاعده اشربه انا موكلته بسكوت دايجستف زين ولا لاء؟شنو اوكله عن الاسهال؟

ثاني شي مايشتهي ياااكل من يشوف الاكل يقعد يرجع وان وكلته رجعه كله شسوي دكتوره واللله قااعده احاااتي عايش على الحليب وشريتله فاتح شهيه appetito bimbi اشرايج في اعطي وله لا ودكتور قايل وزنه زين بس انا اشوفه وااايد ضعيف؟؟

ولك الف شكر

SweeTa_4ever

الاسهال مو من الحليب بس الدكتور غير الحليب علشان يقلل الاسهال لأنه خالي من اللاكتوز فيريح الطفل وقت الاسهال

ممكن من التسنين او انه حايشه فايرس عادي و البيدياشور هم ما يسوي عادة اسهال

و بالنسبة للأكل وقت الاسهال يكون عيش و بطاط و جزر مسلوق

ممكن روب مع نشا

ممكن صمون خالي بدون جبن و لا لبنه

و عصير تفاح


بالنسبة للأكل اذا ما يشتهي الأكل هالفترة اللي هو تعبان فيها فهذا طبيعي راح يتحسن بروحه لما يتحسن الاسهال

و اذا ما ياكل من الأصل فلازم تسوين شي غير المشهي

الولد اذا يشرب حليب زين معناته شهيته جيدة بس هو يحب الحليب و بالتالي ما يبي ياكل علشان يشرب حليب

فأنتي قللي الحليب و خليه يجوع علشان ياكل

و المشهي اللي خذيتيه زين بس احنا ما ننصح بالمشهيات اذا الوزن طبيعي

ممكن تقولين لي وزنه و عمره اذا سمحتي ؟​

 

[د. رشــا الصفــي]

مساء الخير دكتوره يعطيج العافيه انا بنتي عنرها 9 سنواتبس قاعد يصير معاها بالمنطقه الي تحت احمرار وبين فخوذها مادري شنو اسويلها ابيج تشورين علي ومره سالتج عن المنطقه الي تحت قلتيلي استخدم الماكينه بس مادري
احس اخاف استخدمها احسها توهاااا صغيره مشكورة

نور**الدنيا

حبيبتي لازم تراجعين فيها الطبيب يفضل طبيب اطفال يفحص و يشوف نوع الاحمرار شنو؟

فطريات ولا حساسية

ما اقدر احدد جذي

و بالنسبة لشعر العانة تقدرين تتركينه لغاية ما تكبر شوية بس تعلمينها تهتم بنظافته الشخصية طبعا و اكيد انتي معلمتها هالشي​

 

[د. رشــا الصفــي]

مشكوووووووووووورة دكتورة

يعني عادي احمس لها شوية بصل مع زيت وبعدين اضيف عدس وخضار وعيش وشويه طماط وكمون

مع ماجي شرايج؟؟

اقول لج طريقة احسن ؟

سلقي الخضر و العيش و الطماط و خلطيه بالخلاط

بدون الكمون و لا الزيت ولا الماجي

تو الناس

 

[فروحة الكويتية]

مشكووووووووورة حبيبتي


أدري اذيتج سامحيني دكتورة

ما عندنا غيرج نسأله

 

[د. رشــا الصفــي]

مشكووووووووورة حبيبتي


أدري اذيتج سامحيني دكتورة

ما عندنا غيرج نسأله

حياج الله يالغالية

و لا يهمج

حاضرين​

 

[عمشه المنتفشه]

السلام عليكمم دكتوره يعطيج العافيه

انا ولدي عمره سنه و9 شهور بس ضعيف حيل مايحب ياكل وساعات ايوعه عشان اذا يا وقت الوجبه السنعه ياكل بس هم ياكل شوي حيل

وحيل ضعيف يعني القفص الصدري كله بره وهدومه مالت الصيف اللي طاف يلبسهم كلش مافرق معاي جسمه من الصيف للصيف

فحبيت اعرف فاتح الشهيه هل فعلا مثل ماسمعت يبين وقت البلوغ؟؟ يعني بعدين يبين المتن وتكون الشهيه مفتوحه ؟؟

هل تنصحيني اجربه ؟؟

اهو قبل سويناله تحاليل وطلع فيه فقر دم بس مع الحديد الحمدلله الحين زين



ومشكلتي الثانيه اللي من بدا ياكل للحين اعاني منها اهي الامساك

وديته كذا دكتور وصفوله كذا ملين والياف وخروع وتحاميل وحقنة شرجيه مانفع ابد او ينفع اول شي بعدين يتعود وما يأثر فيه

واخر شي سووله اشعه وعطاني الدكتور ملين مادري شسمه والله بس لونه ابيض ومن داخل شفاف مرتين باليوم 5ر ملي والحمدلله الحين معاه يخرج طبيعي بس قالي استمري عليه ليما من الله يتعدل وممكن ياخذ سنين وممكن للبلوغ

صج هالكلام ؟؟ وشرايج استمر عليه ؟ والا شنو اسوي ؟؟

جربت معاه برتقال وتمر وكيوي وكوسه وكلشي كلشي ماخليت شي بس مانفع الا هالدوا الاخير

ياريت تساعديني ماعليج امر ويزاج الله خير

 

[د. رشــا الصفــي]

السلام عليكمم دكتوره يعطيج العافيه

انا ولدي عمره سنه و9 شهور بس ضعيف حيل مايحب ياكل وساعات ايوعه عشان اذا يا وقت الوجبه السنعه ياكل بس هم ياكل شوي حيل

وحيل ضعيف يعني القفص الصدري كله بره وهدومه مالت الصيف اللي طاف يلبسهم كلش مافرق معاي جسمه من الصيف للصيف

فحبيت اعرف فاتح الشهيه هل فعلا مثل ماسمعت يبين وقت البلوغ؟؟ يعني بعدين يبين المتن وتكون الشهيه مفتوحه ؟؟

هل تنصحيني اجربه ؟؟

اهو قبل سويناله تحاليل وطلع فيه فقر دم بس مع الحديد الحمدلله الحين زين

اول شي بالنسبة للوزن قولي لي جم وزنه علشان اقول لج طبيعي ولا لأ

او راجعي الموضوع اللي بتوقيعي يفيدج

وايد أطفال يكون شكلهم ضعاف حيل بس هم طبيعيين

و بطبيعتنا كأمهات نحب يكون الياهل متبتب و متين

و المشهى ما ننصح فيه بصراحة كلش

الا اذا في حالات معينة​

ومشكلتي الثانيه اللي من بدا ياكل للحين اعاني منها اهي الامساك

وديته كذا دكتور وصفوله كذا ملين والياف وخروع وتحاميل وحقنة شرجيه مانفع ابد او ينفع اول شي بعدين يتعود وما يأثر فيه

واخر شي سووله اشعه وعطاني الدكتور ملين مادري شسمه والله بس لونه ابيض ومن داخل شفاف مرتين باليوم 5ر ملي والحمدلله الحين معاه يخرج طبيعي بس قالي استمري عليه ليما من الله يتعدل وممكن ياخذ سنين وممكن للبلوغ

صج هالكلام ؟؟ وشرايج استمر عليه ؟ والا شنو اسوي ؟؟

جربت معاه برتقال وتمر وكيوي وكوسه وكلشي كلشي ماخليت شي بس مانفع الا هالدوا الاخير

ياريت تساعديني ماعليج امر ويزاج الله خير

الامساك مشكلة مزمنة مع الكبار و الصغار

اهم شي زيادة الألياف و السوائل بالنظام الغذائي

و الملينات نعطيها لمدة اسبوعين متواصل ثم نبدا نقللها بالتدريج لغاية ما نوقفها و تتحسن الحالة بروحها

و في ناي يتم معاهم الامساك مزمن ما يروح و مع الوقت يكتشفون أشياء تريح بطنهم ​

 

[مبدعة]

السلام عليكم

دكتورة الله يرضى عليج بغيت اسألج عن رضعات بنتي

اهيا الحين كملت 6 شهور اسم الله عليها و بديت معاها الاكل من 3 اسابيع و اهيا بس تاخذ وجبة وحده باليوم للحين و حليبها بس تشرب 3 رضعات باليوم ابتاميل كمفورت 2 و تشرب 7 اونس باليوم

هل هذا كافي لها و الا شويه 3 رضعات ؟ لان مكتوب على علبة الحليب بس 3 رضعات ..

و عقب الوجبة بشكثر اعطيها حليب ؟ لاني احسها عقب ما تشرب رضعتها تطول على ما اتيوع بس اذا كلت تقريبا عقب ساعتين تبجي فاعطيها حليب

اخاف انها مو قاعده تاخذ كفايتها

و عندي سؤال بعد ما عليج امر .. متى ابدي معاها الوجبة الثانيه و شنو تكون بالعادة بس فاكهه ؟

بانتظار ردج

 

[SweeTa_4ever]

sweeta_4ever

الاسهال مو من الحليب بس الدكتور غير الحليب علشان يقلل الاسهال لأنه خالي من اللاكتوز فيريح الطفل وقت الاسهال

ممكن من التسنين او انه حايشه فايرس عادي و البيدياشور هم ما يسوي عادة اسهال

و بالنسبة للأكل وقت الاسهال يكون عيش و بطاط و جزر مسلوق

ممكن روب مع نشا

ممكن صمون خالي بدون جبن و لا لبنه

و عصير تفاح


بالنسبة للأكل اذا ما يشتهي الأكل هالفترة اللي هو تعبان فيها فهذا طبيعي راح يتحسن بروحه لما يتحسن الاسهال

و اذا ما ياكل من الأصل فلازم تسوين شي غير المشهي

الولد اذا يشرب حليب زين معناته شهيته جيدة بس هو يحب الحليب و بالتالي ما يبي ياكل علشان يشرب حليب

فأنتي قللي الحليب و خليه يجوع علشان ياكل

و المشهي اللي خذيتيه زين بس احنا ما ننصح بالمشهيات اذا الوزن طبيعي

ممكن تقولين لي وزنه و عمره اذا سمحتي ؟​

هلاا دكتوره طلع ولدي في فايرس وديته الطبيب حطوله ادرب لانه كله ترجيع واسهال بس اليوم الحمد الله وااايد احسن خف الترجيع والاسهااال

دكتوره ولدي عمره سنه وبدش الشهر وزنه 8 ونص !!

 

[te2cher]

السلام عليكم دكتورة
أنا عندي بنت الله يحفظها واهي أول بيبي عمرها بتكمل الثلاث شهور بعد 4 أيام ان شاء الله
اهيا ترضع صناعي حليب نان 1 اتش أ
رضعاتها غير منتظمة يعني متى ماياعت رضعتها ... هل هذا الشي صحي ؟ ومرات ما انطرها تبجي عشان ارضعها يعني بس اشوف ان طافت كذا ساعة على آخر رضعة واهي نايمة ارضعها وزنها أعتقد صار 4 ونص اذا مواكثربشوي
ألحين بهالعمر ألاحظها وايد قامت تبجي وخصوصاً بالليل قبل لاتنام وخشمها مسدود على طول بسبب التكييف أعتقد مع اني يبتلها الجهاز اللي ينظف ويرطب الجو على حسب ماقالت دكتورتها بس مافي تحسن كلش
وانا احطلها بخاخ اللي اسمه اوشين سبراي ... واحس ان الامر يزيد يعني قاعد اشوف نفس بلغم لما اترجع شوي من الحليب بعد الرضاعة واخراج الهوا
ودكتورة بنتي اتعرق وايد شسويلها ؟ اهي نفس ابوها بالنسبة للتعرق ؟ وأحسها ماتتحمل الحر؟
مادري هل اشغلها التكييف عادي واشلون على خشمها؟
دكتورة بعد عندي سؤال : أحس ان جتفها يعورها لما احاول امسكها بشكل بسيط يعني نفس التهمييز ؟ من شنو ؟ اهي اتحب تنام على بطنها ترتاح بهالنومة؟ هل هذي النومة أتأذيها؟ طبعاً مرات اتنام على جنب ومرات على ظهرها بس اكثر شي على بطنها.
أنا آسفة اني قرقت وايد ويمكن كلامي داش ابعضه بس عذريني انا عضوة يديدة ومومتعودة على النت والمنتديات بس المنتدى هذا يشجع وخصوصاً اني فيه اللي يفيدنا ... وانا سعيده بوجودج في هالمنتدى :tek:
​

 

[Cacawa]

السلام عليكم دكتورة اشلونج ؟

انا ولدي عمره 6 اشهر واول الشهر الياي بسافر دبي وباخذه معاي
وانا الصراحة قاعده احاتي الوضع بالطيارة مع الضغط شنو تنصحيني فيه

وماقصرتي

 

[katko_ota]

السلام عليكم دكتوره
انا بنتي عمرها 3 سنوات قبل ما اولد بنتي كان اكلها طبيعي تاكل كل شي بس عقب ولادتي صارت ما تاكل ولا شي الا العيش الابيض مع الروب وفي بعض المرات يسبب لها الامساك فحبيت اسالج شنو اسوي عشان اخليها ترد مره ثانيه وتاكل وصايره وايد ضعيفه وخااصه اني قطعت عنها المميه يا ريت تنصحيني شنو اللي اسويه معاها ؟؟؟؟؟؟
معلومه : بنتي مصابه بتكسر الدم (ممنوع عليها البقوليات )
وشكرا

 

[لولي]

السلام دكتورة ...... حبيت اسال انا تونى ولادة صارلى اسبوع والحمدالله ارضع بنتى من صدرى طبيعى بس ساعات صراحة اتعب
لانها باردة على ما تشرب ....... قلت اجرب حليب صناعى بس بالليل سيميلاك ادفانس ( العلبة البيضة ) ....
واذا اشربت الحليب سواء من صدرى او صناعى تطول وايد تقريبا ساعة وبعد كل هذا ما تشربها كلها .......
وسؤالى الثانى ؟ ...... وايد تسهل عادى وايد قالوا لى لانها ترضع من صدرج ...... وناطرة ردج ومشكورة

 

[مهندسة طموحة]

السلام عليكم
انا ولدي عمره 8 شهور و للحين ما بدا يتحرك او يزحف على الارض و كل الاطفال الي بعمره تقريبا عندنا في العايله يتحركون و ويحاولون يوقفون مع العلم ان ولدي بدا التسنين من عمر 6 شهور
و انا قلقه من ناحيه عدم الحركه حتى الان !!

 

[thundercats]

السلام عليكم اختي انا ولدي عمره 4 سنوات و عصبي جدا جدا ما ادري شسوي فيه و ساعات ما اعرف اتعامل معاه و صارلي فتره ما اوديه معاي مكان لان لمه نطلع يعصب على اشياء تافهه و يشد نفسه وايد و يعض اضروسه تخيلي حته وجهه يصير احمر واعروج وجهه يطلعون حاولت معاه وايد طرق ماكو فايده قالولي لا اتوكلينه وجبات سريعه بس احس انه ماله سغل لان اعيال حماي ياكلون على طول وجبات سريعه ما يسوون جذي و حته ساعات لمه يروح عند امي اول ما يدش امي اترحب فيه بالأغاني و القبل احس انه مستانس بس يسوي روحه امعصب و يقط روحه على الأرض و يبينه نسكت يبط الشبد لمه يسوي جذي ، و انا الصراحه حاسه إب يأس أبي حل و يعطيج العافية

 

[بطة هريسة]

سلام عليكم
شخباركم بناتوووووووووووووووووو
سؤاليحق دكتورنا العزيزه انا ولدي كمل 6 شهور متى اعطيه حليب رقم 2 اول الشهر 6 ولا اخره
ومشكووووووووووووووووووره وايد

 

[توته كيوته]

السلام عليكم يعطيج العافيه دكتوره
عندي سؤال :
ولدي عمره سنه و 4 شهور كنت استعمله حليب نان من اول ما ولدته بس توني صارلي 5 ايام غيرته و قمت اعطيه بروجرس لانه الكل يمدحه و يقدر يشربه لي 3 سنين
بس لاحظت انه ويه قاب حساسيه و حمار و يحك حيل .. يمكن يكون من الحليب ؟؟؟ مع العلم انه اكله مثل ما هو ما غيرت فيه شي الشي الوحيد اللي تغير عليه الحليب
اشرايج دكتوره ؟؟؟ اشتنصحيني فيه ؟؟
ارد على نان 3 ؟؟ و نان 3 لي اي عمر يقدر يشربه مكتوب من عمر 10 اشهر بس مو حاطين لي اشكثر ؟؟


اسفه طولت عليج

 

[خنين العود]

الله يوفقك ويسعدك يا دكتورتنا الفاضلة
يا ليت تنصحيني بدكتور مسالك بولية زين لعلاج مشكلة التبول اللاارادي الليلي عند بناتي واعمارهم فوق العشر سنين تدرين الموضوع حساس ومو اي دكتور ممكن يفيد
ومشكورة على كل شي

 

[د. رشــا الصفــي]

السلام عليكم

دكتورة الله يرضى عليج بغيت اسألج عن رضعات بنتي

اهيا الحين كملت 6 شهور اسم الله عليها و بديت معاها الاكل من 3 اسابيع و اهيا بس تاخذ وجبة وحده باليوم للحين و حليبها بس تشرب 3 رضعات باليوم ابتاميل كمفورت 2 و تشرب 7 اونس باليوم

هل هذا كافي لها و الا شويه 3 رضعات ؟ لان مكتوب على علبة الحليب بس 3 رضعات ..

و عقب الوجبة بشكثر اعطيها حليب ؟ لاني احسها عقب ما تشرب رضعتها تطول على ما اتيوع بس اذا كلت تقريبا عقب ساعتين تبجي فاعطيها حليب

اخاف انها مو قاعده تاخذ كفايتها

و عندي سؤال بعد ما عليج امر .. متى ابدي معاها الوجبة الثانيه و شنو تكون بالعادة بس فاكهه ؟

بانتظار ردج

كمية الحليب كافية اذا تشبع ووزنها يزيد

و عقب الوجبة بساعتين تقريبا تعطينها حليب

الوجبة الثانية تقدرين تبلشين فيها بأي وقت تبين عادي ماله وقت معين و غالبا تكون وقت المغربية و تكون فواكه