سؤال للكويتيين اللي عاشوا فترة الغزو الصدامي

[قماير]

مرحبا الساع

عندي سؤال محيرني كثير .. ليه تغيرت نظرة الكثيرين
تجاه المقبور المجرم صدام حسين بعد ما تم اعدامه وصار في نظر البعض
المناضل البطل الأسد .. والغريب ان لي صديقه انولدت بالكويت
وعاشت على ارضها الى ان انهت الثانويه وبعدها صار الغزو
وأضطرت هي واهلها للنزوح للسعوديه وخسرت هي واهلها الكثير
المهم الآن هي تمدح صدام وتمجده وتقول عنه بطل وشهيد ...!
قلت لها معقول انتي تقولي كذا عنه بعد الدمار اللي حل بك وبالكويت
واهلها .. قالت لي هو ما عمل شي وقالت كلمه ما أحب اني
اذكرها .. معقول حتى اللي شتتهم صاروا يمدحونه
ايش رايكم يا أهل الكويت بهذي القضيه وانا سمعت ان
في كويتيين عايشين بالداخل صارت لهم نفس النظرة
وهم الحين يمدحون المقبور ويترحمون عليه وان في كويتيين
ترحموا عليه بعد ما هلكت حتى في الفضائيات
ايش رايكم

 

[نور الكويت]

احنا ظلينا بفترة الغزو مارضينا نطلع الكويت كبرتنا وعلمتنا من اول مشكله طلعوا

اما الناس اللي عايشين بينا بغض النظر عن جنسياتهم حتى اذا كانوا كويتيين ويمدحون صدام هذيله ما اقدر اقول الا انهم مو كفو نعمه

 

[عاشقة الكاكاو]

انا اقول هالاشكال اللي تمدح هالنذل صدام مو كفو يمشون على تراب الكويت

وهذوله ناكرين للجميل اللي عطته اياهم الكويت

وصداموو الله لا يرحمه بالاخره

يكفي اللي سواه

ذبح وعذب وشتت وليلحين في ناس تعاني من اللي سواه

الله ياخذ بحقنا منه

والحمدالله والشكر شوفوا ديرته الحين عايشه في غزو

لان الدنيا دواراه

وهو نهايته لقوه في بالوعة مجاري لان هذا مستواه

الكويت مو محتاجه حق هالاشكال اللي تمدح صدامو واشكاااله

وعيال الديره الاصليين واللي يحبون الكويت مستحيييل يقولون هالحجي

مالت على صدامووو النذل وتواابعه

 

[qomerq8]

حبيبتي مستحيل اي كويتي يمدح صدام لان الحمدلله احنا عايشين تحت احلى ظل اسرة حاكمة ليش نترحم وانا ابصملج ان كل عايلة فيها اسير او شهيد

 

[جورجيت]

لا تمدحووووووووووووووووووووووووووه ولا تمجدوووووووووه



ولكن





بعد أن مات














لا تسبووووووووووووووووووووووووووووووووووووووووووووووووووووووووووهـ
ليس لأنه بطل ولكن لأنه مات وقد افضى لربه ما فعل وقد شهدنا جميعاً نطقه للشهادتين قبل شنقه فهذه حجته امام الله بأنه ورغما عنا جميعا اخونا المسلم .

انا لا ادافع عن افعاله فقد كانت مؤلمة حقا بشعه الى حد كبير ولكن ان نجعل في ذممنا حقوق لأخينا الميت فوالله انني اخشى ان ينتزع حقه من رقابنا يوم القيامه ....

 

[قماير]

جورجيت ..
هل كل من نطق الشهادتين قبل ان يموت صار شهيد
وهل قبل الله توبة فرعون حين قال قبل ان يموت
آمنت بالذي آمنت به بنو اسرائيل ؟
وأينك انت من جرائمه اليست عند الله بحساب
لكنها ليست فيك او في أحد من اهلك فلو كانت
كذلك للعنتيه ولكن قالوا قديما .. ضربة مو فيك ضربة
في جدار

 

[ScarletteO'Hara]

حبيبتي قماير, اسمحيلي اصحح لج, اسمه غزو عراقي مو غزو صدامي

و الصراحة يفترض من الي مو كويتيين ما يسوون فتنه, لا تسبون و غيره, موضوع مالج دخل فيه و الي يرحم والديج لا تتدخلين, بنسب و عيالنا بيسبون محد له شغل!!!

 

[عاشقة الكاكاو]

خل يولي الله لا يرحمه

لا هو ولا عياله مالت عليه

وفعلا راح نضل نسبه ونسبه كيفنا

 

[زينة الشرق]

صاحبة الموضوع ياليتج طرحتي شئ مفيد شئ يرفع الراس لكن تطرحين موضوع مثل هذا ؟؟؟

يعني حتى وهو ميت مانفتك من خرابه ؟؟؟


فرقنا وفرق العرب وبهدلنا وخلانه صغار بعيون الغرب شتتنا ورجعنا 50 سنة ورا ؟؟؟


والحين لما بدوا العرب والمسلمين يردون شتاتهم ولو انه متأخر حيل واجتماع القادة العرب و المسلمين بالقمة الاقتصادية الأخيرة

عشان نرد اللحمة الوطنية والقومية ونلملم جراحنا ونحاول نلحق غيرنا من تطور وحضارة نقعد نلف وندور بمتاهات احنا في غنى عنها !!!

اللي صار صار وهذا قضاء الله وقدره الكويت تعرضت لغدر جار مدت له يد العون وفي ظلام الليل وبالغدر الكويت راحت


الله سبحانه وتعالى سخر لنا أرجاء المعمورة مسيح ومسلمين وسخرهم لنصرة الحق وانتصرنا والناصر الله سبع شهور شفنا فيهم الويل


كان مستبد على شعبه واستبد على ايران ومن ثم احتل الكويت وحاول دخول السعودية طبعا محد ينسى هالشئ بس الله أكبر دحره الى حيث لا رجعة ؟؟؟؟؟

فخلونا من النقطة السوداء بتاريخ العرب والمسلمين صفحة مضت وانطوت ناخذ منها العبر والحكم ونستفيد منها بأن الحرية وكرامة أهم ما في الوجود

يارب اجعل هذا البلد آمنا واحفظ الكويت من كل حاسد

 

[noreez]

انتي تقولين صديقتج انولدت بالكويت وتربت فيها يعني صديقتج مو كويتيه ولو كويتيه صج جان ماقالت هالحجي وحتى لو اهيه خسرت الكثير على قولتج اول وتالي هذي مو ديرتها وماخسرت كثر ما خسروا اهل الديره

مافي كويتي تأثر من الغزو وتأذى منه يقدر يترحم على صدام ويقدر يذكره بالخير

بالاخير موضوعج مامنه فايده وغير هادف

 

[ii DareeN ii]

الله لايرحمة لا اهو ولا العرب الجاحدين الي طعنو لكويت

الي فضلها عليهم قلبي مايصفي لا حق عراقي ولا فلسطينيي

عسى ربي ياخذ حقنا منهم ونشوف بعينا حوبتنا فيهم الجاحدين

 

[^SwEeTa^]

شنو الهدف من الموضوع؟

شي راح و انتهى .. عموما الكويتيين موقفهم واحد و معروف

 

[xxx]

سؤال غريب !!

وموضوعج أغرب

أول شي الغزو عراااااااااااقي مو صداااااااااامي مثل ماتقولين

وجرح الغزو للحين ما برى .. ولا راح يبرى لو تمر عليه قروون


بقولج حجي طالع من قلبي .. واقوله حق كل واحد يشكك بالكويتين الاصيلين


يوم إعدامه كان يوم عيد الاضحى .. والعيد صار عيدين

سبحان الله يمهل ولا يهمل

وحركاته الي سواها .. ماسك المصحف و ويقول الشهادة !!

سوالف ماتمشي علينا ولا على غيرنا


على شنو نسامحه ولا نترحم علييييييييه ؟؟؟

انتهك حرمة جااااااااارة

دمر ديرتنااااااااااااااااا

اعتدى على بنااااااتنا

ذبح عيالنااااااااااااااا

شلون ننسى كل هذا .. ونفكر نساااااااامحه ؟؟!!


ما أقول الا عسى الله يحفظ الكويت من كل مكرووووووه

ويخلينا دوووووم على قلب واحد

(موناسين ولا مسامحين الي تعدى علينااا)


وأخيرااااااا

:eh_s(14): الفتنة نائمة لعن الله من أيقظها :eh_s(14):

 

[^الزين^كله^]

اختي انا اقول خل رفيجتج تسكت بلاها ماجربت لو ابوها اسير او اخوها شهيد او خذوها اهي جدام ابوها وعتدوا عليها.. واهي ماهي كويتيه عشان تسألينها عن مشاعرها ورجاءا اللي موكويتي لايدش ويسوي روحه يعرف الدين احسن منه والصراحه ماله سالفه موضوعج شنو يعني تعيدين المواجع؟؟؟؟؟؟؟ عسى الله لايرحمه زين الحمدالله شفنا حوبتنا فيه بالدنيا وان شاء الله بنشوف بالاخره بعد تشتت وماتوا عياله جدامه واهو مثل الفار طلع من جحره.. وبعدين لاتقولين ليه تغيرت نظرة الكويتين:eh_s(14): ماتغير تظرتنا لو 100 سنه جدام... وارد اقولج موضوعج ماله معنا اسمحيلي:eh_s(14): ​

 

[al7anona]

بصراحه تحملي الردود اللي بتكون بموضوعج

وماراح اكثر بالكلام

الخوات ماقصرو وتكلمو وقالو

وعلى قولت بنت الكويت

الفتنة نائمة لعن الله من أيقظها

 

[amani]

أي شي شكو احنا برفيجتج ناكره الجميل تفاهمي معاها وهذي مو كفو تكون صديقه إلي ما تحس بألمي وجرحي وبارده امبرده تقول هالكلام هذي ما تستحي عايشه بالكويت بس علشان فلوس ديرتنا مو علشان حبها فيها لا تكلمينها خليها تولي يعني لي متى احنا نسامح ناس ما يستحقون؟:eh_s(14):
رفيجتج مثل القطوه تاكل من البيت وتدعي عليهم الله يستر من رفيجتج شنو داخل قلبها أكيد أعظم لو أنا منج ما أكلمها لأنها ما تستحق تكون صديقه خلها تروح تعيش بالعراق تترحم على صدام كل يوم:eh_s(13):

 

[^SwEeTa^]

هالموضوع لي الحين ما تسكر؟؟؟

و الله توقعت يتسكر من أول شي!!

لأنه باختصار ((غير هادف البتة))

 

[قهوة برية]

طيب السؤال بينج وبين رفيتج الجاحده .!

شكو حاطته بموضوع اشعندج؟!

وصدام ماهو محلل ليوم الدين

وابرك يوم يوم انحروه بعيد الأضحى ..!!

 

[قهوووه]

شهالاسئله الغريبه !!

شوفى حبيبتى كلنا نكره صدام واللى يقولج احبه هذاا مو كويتى

 

[عاشقة الكاكاو]

صج موضوع تافهه