بليز تجمع للمصابين بالقولون وامراض واضطرابات المعده والجهاز الهضمي

[تنآهيد ..~]

يسعدلي صبــآحج يآقمـرهم ~



يآآحـــلآآآآتي

 

[dr.nouraa]

انا حاشني من 5 سنوات
حبيبتي اهو اصلا ماله علاج لانه مو مرض عضوي هو اعتلال وظيفي مؤقت للجهاز الهضمي
يعني في حالة القولون العصبي حركة عضلات الجهاز الهضمي تكون مو طبيعيه يعني تكون عشوائيه
وفي نوعين : ناس تكون عندهم حركه هالعضلات سريعه وعندها يكون البراز مائي مثل الإسهال لان الاكل ما ياخذ وقته بالامعاء الغليظه عشان يمتص منها الماي
وفي ناس تكون عندهم الحركه بطييئه فيصير عندهم امساك لان الاكل اخذ وقت باللامعاء وامتص كل الماي الي فيه فيصير البراز صلب وصعب خروجه


أعراض وعلامات حالة القولون العصبي:

1. ألم في البطن متكرر ومفاجئ مصحوب بالرغبة في التغوط وعادة ما يذهب الألم بالتغوط.

2. تغير في حالة التغوط الطبيعي إما بإسهال أو إمساك.

3. ظهور غازات عبر الفم والشرج.

4. انتفاخ بالبطن وأحيانا تقلصات مرئية.

5. عدم الارتياح أثناء التغوط والإحساس بعدم التغوط الكامل .

اسبابه حبيبتي الحاله النفسييييه ابتعدي عن القلق والاكتئاب كثر ماتقدرين
والي فيهم امساك انصحهم بالماااااي
وفي بعض الاكلات حاولي تبعدين عنهم
الفلافل ؛ الشطة الحارة الخضروات الغير مطبوخة كالخيار أو الفجل ؛ الفول ؛ العدس وشرب القهوة

وحاولي تلعبين رياضه

وترا النعناع وايد زييين يهدي الاعصاب ويريح العضلات

هذي بعض الادويه
1. Chlordiazepoxide + clidinium bromide - Librax

2. Dicyclomine hydrochloride - Bentyl

3. Hyoscyamine sulfate - Levsin

4. Diphenoxylate hydrochloride - Lomotil

5. Loperamide - Imodium

6. Imipramine - Tofranil

7. Amitriptyline - Elavil


انا عن نفسي توني شاريه دوا يديد امدحولي اياه بس مادري اذا في بالكويت او لا سألي عنه انا يبته من مصر اسمه ((colona))

وماتشوفون شر حبايبي

 

[روروو]

يسعد صباحكم ياحلوين

والله انك صادقه ياختي باعراض العصبي والاصوات لما تطلع من الفم تفشل بالذات لو كنتي عند ناس وكلهم ساكتين ويطلع صوت من حلقك :eh_s(22):​

 

[الاسطورية]

شلونكم حبايبي

تناهيد شلونج

دكتوره نورا بس انا الي فيني حتى لوفرحانه يعورني لما اسهر ومن اغلب انواع الاكل

ومشكوره عالدويه شلون تجربتج مع الدوا اليديد


رورو لوووووووووول اصوات البطن اكثر شي يفشل

 

[الاسطورية]

هاي ياحلوييييييين
اليوم حيل حيل تعبت والسبب اني حاولت اواصل عشان اعدل نومي فيتني لوعه واضطراب بالمعده ومزاجي تعكررررررررر

هالمرض يخليني عصبيه ومنفسه اغلب الوقت

وتذكرتكم ودعيتلكم وددعيتلي

شلوننننننكم

 

[تنآهيد ..~]

دكتـوره نـوره ماتقصـرين يالغاليه

وماتشوفين شر إن شاء الله

رورو لج وحششه ياوحشه


الأسطوريه

بخير ياحيـاتي دامج بخيـر

تصدقين من قطعت أدويـة المعـده وأنا مرتـاحه

جزاج الله خير ياقلبووش وماقصرتي ~

 

[الاسطورية]

انا ماحب الادويه ولا انتظم عليها لاتعودين معدتج علاادويه
وان شاءالله ماتحتاجينهم

 

[روروو]

تسلمين حبيبتي تناهيد طمنيني عنك ؟؟ كيف نتايج تحاليلك ؟؟

الاسطوريه اصوات البطن ممكن تخفينها بس الحلق مايمديك عليها >>مجربه​

 

[كويتيه فنتك]

يارب مع اول صوت اذان اسمعه انه يشفينا وياكم قولو امين..
الله يشفيكم ويهون عليكم ويفرج عليكم ويريحكم يارب العالمين.
اللهم بأسمائك العلى انه تشفي كل مصاب ومبتلى ياكريم يارحيم..
دعواتكم لي ..طلبتكم..

 

[الاسطورية]

رورو انا اعرف اتحكم بحلجي هههههه مايطلع بدون اذوني بس البطن امبيه اذا هدوء غصبن عنج ذاك اليوم بطبيب الاسنان حدي انحرجت هدوء لما يركب الحشوه بس الي هون علي ان الدكتور بعد بطنه يطلع اصوات هههههههههههههه

شلونكم

 

[الاسطورية]

كويتيه ياحلو دعائج عالصبح صبحت فيه يبرد عالقلب

امييييييييييين يارب العالمييييييين

 

[كويتيه فنتك]

جعلج دوم متصبحه بالخير بنت عمي..وربي يديم عليج وعلينا العافيه..

 

[dr.nouraa]

شلونكم حبايبي

تناهيد شلونج

دكتوره نورا بس انا الي فيني حتى لوفرحانه يعورني لما اسهر ومن اغلب انواع الاكل

ومشكوره عالدويه شلون تجربتج مع الدوا اليديد


رورو لوووووووووول اصوات البطن اكثر شي يفشل

العفو حبيبتي ..صارلي يومين من جربته للحين اووكي مريحني احسه احسن من الباجي
جربي النعناع وقوليلي شيصير معاج ؟؟؟؟

 

[الاسطورية]

كويتيه مشكوره حبيبتي كلج ذوووق

دكتوره النعناع زين يريحني بس مودايما
اليوم بطني يعوررررررني وايد
السبب انو نومتي معتفسه

صايره يوميا انام 4 العصر واقوم 9 بليل بس 5 ساعات يويما وبوقت غلط ماني عارفه شسوي لانمت بليل 1 مثلا اقوم 2 بس ساعه


وقاعده احاول كثر ماقدر اعدلها بس تعبت

وبعد ماكله ورق عنب بدعت ههههههه ورق العنب موزين للقولون

 

[كويتيه فنتك]

بكل ليله مع نزول رب السموات السبع الى هذه الدنيا عندما يقول تبارك وتعالى(هل من داعي استجيب له)انا ادعي لكم ولتفسي بأن الله يشفينا ويريح بالنا.
أدري بتقولون شنو هالغثيثه اللي بتدش وتقعد تحجى ولانستفيد منها شيء؟
بس انا من الناس اللي الله حاط لهم ايمان قوي بأن هناك دعاء يستجاب له بإذن الله تعالى.
أدعوا لكم بالشفاء.
وترى كل ماجيتوا على بالي راح ادش هني وادعيلكم وسبحان الله انتم ماتعرفوني وانا ماعرفكم بس زين المسلم يدعو لاخيه بظهر الغيب لربما تستجاب تلك الدعوات الطيبه الطاهره ويشفين الله تعالى من الامراض والهموم والتعب والوساوس وكل غم.
قولوا أمين يارب العالمين.
دعواتي لكم ومن كل قلبي الى بنات عمي كل اللي يقرأون كلامي.

 

[تنآهيد ..~]

تسلمين حبيبتي تناهيد طمنيني عنك ؟؟ كيف نتايج تحاليلك ؟؟​

الاسطوريه اصوات البطن ممكن تخفينها بس الحلق مايمديك عليها >>مجربه​

الحمد لله بخيـر يالغاليه ونتايج تحاليلي سليمه إن شاء الله بس هالأنيميا ذابحتني

الله كريم إن شاء الله ~

 

[تنآهيد ..~]

بكل ليله مع نزول رب السموات السبع الى هذه الدنيا عندما يقول تبارك وتعالى(هل من داعي استجيب له)انا ادعي لكم ولتفسي بأن الله يشفينا ويريح بالنا.
أدري بتقولون شنو هالغثيثه اللي بتدش وتقعد تحجى ولانستفيد منها شيء؟
بس انا من الناس اللي الله حاط لهم ايمان قوي بأن هناك دعاء يستجاب له بإذن الله تعالى.
أدعوا لكم بالشفاء.
وترى كل ماجيتوا على بالي راح ادش هني وادعيلكم وسبحان الله انتم ماتعرفوني وانا ماعرفكم بس زين المسلم يدعو لاخيه بظهر الغيب لربما تستجاب تلك الدعوات الطيبه الطاهره ويشفين الله تعالى من الامراض والهموم والتعب والوساوس وكل غم.
قولوا أمين يارب العالمين.
دعواتي لكم ومن كل قلبي الى بنات عمي كل اللي يقرأون كلامي.

الله يجـزاج كل خيــر ياحيـاتي

لج مثلـه إن شاء الله ~ :eh_s(6):

 

[تنآهيد ..~]

الأسطوريـه شلوونج اليـووم ؟


وبآجي البنات وينكم ~

 

[dr.nouraa]

كويتيه مشكوره حبيبتي كلج ذوووق

دكتوره النعناع زين يريحني بس مودايما
اليوم بطني يعوررررررني وايد
السبب انو نومتي معتفسه

صايره يوميا انام 4 العصر واقوم 9 بليل بس 5 ساعات يويما وبوقت غلط ماني عارفه شسوي لانمت بليل 1 مثلا اقوم 2 بس ساعه


وقاعده احاول كثر ماقدر اعدلها بس تعبت

وبعد ماكله ورق عنب بدعت ههههههه ورق العنب موزين للقولون

واااااي حياتي ليش معذبه نفسج جذي حاولي سوي اي شي نامي على الاقل 8 ساعات
انتي عكس بنت خالتي طول اليوم نايمه لوول تاكل حبوب تمتن وادوخها جربي اذا انتي ضعيفه اكلي هالحبوب جود تنومج:eh_s(6):
انا الحمدالله خف حيييييييل عندي القولوون عقبالكم انشالله :eh_s(6):

 

[dr.nouraa]

بكل ليله مع نزول رب السموات السبع الى هذه الدنيا عندما يقول تبارك وتعالى(هل من داعي استجيب له)انا ادعي لكم ولتفسي بأن الله يشفينا ويريح بالنا.
أدري بتقولون شنو هالغثيثه اللي بتدش وتقعد تحجى ولانستفيد منها شيء؟
بس انا من الناس اللي الله حاط لهم ايمان قوي بأن هناك دعاء يستجاب له بإذن الله تعالى.
أدعوا لكم بالشفاء.
وترى كل ماجيتوا على بالي راح ادش هني وادعيلكم وسبحان الله انتم ماتعرفوني وانا ماعرفكم بس زين المسلم يدعو لاخيه بظهر الغيب لربما تستجاب تلك الدعوات الطيبه الطاهره ويشفين الله تعالى من الامراض والهموم والتعب والوساوس وكل غم.
قولوا أمين يارب العالمين.
دعواتي لكم ومن كل قلبي الى بنات عمي كل اللي يقرأون كلامي.

امييين
جزاج الله الف خير حبيبتي
ولا تحرمينا من دعواتج يالغاليه