نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

[مزيونه وشقره]

(( بسم الله الرحمن الرحيم ))

السلام عليكم ورحمة الله وبركاته

اليوم وانا بالدوام قاعده اطالع البنات والحريم واسلوبهم مع بعض شفت ناس ما عندهم اسلوب وناس ماشاء الله لسانها يقطر عسل وتشدج بالكلام


موضوعي ان كل وحده تكتب فيكم جم كلمه وجم موقف تعلمنا فيه الكلام الحلو والذرابه والاسلوب وهم مثلا اذا احرجتج وحده اشلون تسكتينها باسلوووب راااقي وما تكونين غلطتي عليها

يعني عطونه جم كلمه حلوه وجم جمله وطريقه تشدين وتحببين فيها الناس فيج

والله الموضوع ما يستهان فيه لان في بنات كلش ما يعرفون يردون باسلوب حلو وتلاقين اهيا ذربه وسنعه وطيبه بس ما عندها كلمات تساعدها

لاتستغربون انا كنت جذيه والله وحفظت جم كلمه وجم موقف والحمدلله احس اني استفدت وااايد

تكفون الكل يشارك للفايده وانا اول وحده ​

 

[هدوي]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

جبتيها عالجرح يامزيونتنا
انا مشكلتي الناس اللي ماعندهم أسلوب !!! محاصريني بكل مكان ولاأقدر عليهم بأسلوبهم لأنه أساساً ماعندهم أسلوب

بس أقولهم <------ وكلهم من الحريم !!!
مشكورة
من ذوقج
مو غريبة عليج <------ قوية
الله يعطيج على قد نيتج <------ يكرهون هالكلمه


ولي عوده
موضوع فله

 

[مزيونه وشقره]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

اذكر قبل الزواج اذا كنت في مناسبه يقولولي نفنوفج حلو والا شكلج حلو ومكياجج

عاد انا الحلوه شقول اقول: شكراً <<< جنه معطينها علج

وعاد اذكر مره قبل الزواج شافتني وحده اقول حق وحده ثانيه عجبها مكياجي قالتلي المكياج طالع عليج حلووو قلت لها شكراً

عاد يتني وقالتلي شنو شكراً قولي مشكوره ياعمري عيونج الحلوه

عاد كل ماقل احد عن شي فيني حلو اقولهم حلة دنياج والا عيونج الحلوه


----------------------


ومرت فيني مواقف العكس مثلا تقولي وحده اسم بنتج مو حلو وماله معنى عاد انا سكت وقلت فيني نفسي بعدين شلون كنت المفروض ارد عليها وعاد ما لقيت لي كلمه مناسبه

المهم ومره من المرات كنت كاااشخه حدي مشتطه والكل عاجبه لبسي وشكلي الا وحده يتني جان تقول وي شكلج مو حلو كلللش بدون سبب عاد انا انجعمت وانصدمت

وسالت وحده عندها اسلوب وذربه قالتلي جان رديتي عليها وقلتي لها من ذوقج

عاد مره ثانيه صار معاي هالموقف مع وحده ثانيه وتطنز بدون سبب قلت لها مشكوره من ذوقج تفاجأة المراه وانجعمت ماردت بولا كلمه واشوي والا تسولف وتتحسف علي قالته بطريقه غير مباشره


ها اشرايكم​

 

[زلابية]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

مزيونة دايما متميزة بالمواضيع الحلوة والملفتة
صار هالموقف باختي كانت اختي غايبة اسبوع عن الدوام وبهالاسبوع توظفت وحده يديدة عندهم بالقسم واقعدت على مكتب اختي...
عاد اختي دشت وانصدمت ان ما عندها مكان عاد سلمت مع ابتسامه وقالت لها حياج الله بقسمنا حبيبتي وعلى فكرة هذا اللي انتي قاعده عليه مكتبي بس عادي خلج قاعده انا وانتي واحد ...
عاد البنت استحت وقامت من مكتبها والحين تحترم اختي وايد وتحبها ...
اشرايج بالموقف
واذا تذكرت شي بعد بقولج

 

[me'3tarba]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

انا صراحه احرص على انه يكون اسلوبي حلو اولا " الكلمه الطيبه صدقه"



ثانيا عشان اكسب الناس

 

[مسك 3]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

يعني انا اذا أحد مدح لبسي أو شكلي يعتمد
اذا أحبها وايد أقول لها حياتي تحلا أيامج
واذا احبها شويه مشكوره من ذوقج يا قلبي
واذا ما أحبها كلش أقول لها شكرا أو عيونج الحلوه
واذا ذموا ما حصل موقف ذم فعليا بس لما يقولون لي متنتي حسافه على جسمج هم يعتمد على غلاتها وعاده هالكلمه تطلع من الدعل اللي ما ينحبون :eh_s(13):
فتلقين على حسب العمر اذا من طقتي ومتزوجه اقول لها المهم انه عاجب
واذا من طقتي ومو متزوجه أقول لها عادي 30 سنه موديل ايطالي و30 سنه موديل دراريع وهم حلو والا شرايج؟
واذا مره كبيره أقول لها صج باستغراب معاه ابتسامه (تعني موشغلج)أقول لها عاد سبحان الله تصدقين خالتي انتي أول وحده تعلق كلهم يقولون لي زوغه :eh_s(6):
واذا أحد مدح شي انا مسويته طبق (وهذي حاله نادره اني أسوي طبق )أو تركيبه ألوان أو شغله عاديه او قصه او صبغه شعر أقول لها بعض ما عندكم يا قلبي اذا أحبها
واذا انتقدت أقول لها كلج ذوق حبيبتي المره اليايه بستشيرج مع الابتسامه المشار اليها أعلاه
وعندج ناس وايد تعلق تعليقات سخيفه بالدوام مثلا أقول لهم من صجكم والا تتغشمرون هني تلقائيا تلقينهم يقلبون الموجه
ومشكوره يا حبيبتي مزيونه وشقرا على الموضوع الحلو والفريد
دائما متألقة تبارك الرحمن

 

[@ دهن العود @]

انا صراحه احرص على انه يكون اسلوبي حلو اولا " الكلمه الطيبه صدقه"



ثانيا عشان اكسب الناس

بالضبط نفس اختى المغتربه والحمدلله على طوووول السانى يقول كلام حلو وعلى فكره

الناس الحين تكسبينها باسلوبج

بس انا فينى عيب انا اذا احد حاول يحرجنى او يقط على كلام نغزات بعض المرات ارد جنى بلبل وبعض المرات انجعم ولا اعرف شنو اقول وعقب ما يخلص الموقف بساعه يتسطر الكلام بمخى والاقى كلام يسكتهم لو اقوله بس للاسف ما اقدر اقوله لانه الموضوع خلص :eh_s(16):

ومشكوره يا حبيبتي مزيونه وشقرا على الموضوع الحلو:eh_s(17):

 

[لوكريسيا]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

حبوبة مزيونة و شقرة موضوعج اينن .. لي عودة انشالله

 

[مزيونه وشقره]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

هدوي ننطر عودج ياقلبي موتنسين

و
مشكــــ يالغاليه ـــــوره​

 

[مزيونه وشقره]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

زلابيه حلو الموقف ردت باسلوب حلو وخذت حقها وننطرج بعد

مشكــــ يالغاليه ـــــوره​

 

[مزيونه وشقره]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

مغتربه فعلا الكلمه الطيبه صدقه وانا ماشيه بعد على هالاسلوب بس نبي مواقف وتجارب عشان نستفيد اكثر

مشكــــ يالغاليه ـــــوره​

 

[مزيونه وشقره]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

مسك

حبيبتي اسلوبج حلو عاد انا بالدوام يوم متنت اشوي وي جسمج اخترب والا موحلو ويوم ضعفت وصار جسمي حلو الحمدلله كل اللي يقول جسمج اخترب انجعم ولا وحده منهم قالتلي جسمج احلو


مشكــــ يالغاليه ـــــوره​

 

[مزيونه وشقره]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

دهن العود نفسي يمر الموقف وما اعرف اتصرف فيه ما تحضرني كلمات تساعدني عالرد بشكل منمق

مشكــــ يالغاليه ـــــوره​

 

[مزيونه وشقره]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

لوكريسا
ننطرج
و
مشكــــ يالغاليه ـــــوره​

 

[شاهة]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

اخ يا مزيونة انا احب الكلام الحلو بس يا حسرة ماكو مرات يطلع من محبة الانسانة الي جدامي بس اذا الي جدامي انسانة عادية لا ما يطلع شي بس شفتي فلم صمت الحملان هذا سووه بسبتي الناس تقطط نقزات علي وانا اسوي نفسي جني ماسمعت مو ما اعرف ارد بس ارفع نفسي عنهم ( ترقع حق روحها هههههههههههههه والصراحة احس مكاني غير والكل يحترمني والبنات الي يقطون علي نقزات بطلوا لان شافو هالاسلوب ما يثيرني بالعكس صار يكسبني احترام الناس وتقديرهم بس ودي ارد باسلوب راقي يحرج الي جدامي واعطيها له في مقتل لان في صنف ناس تخاف ماتختشيش مال تجعم
ومشكوووووووورة يا مزيونتنا علي الموضوع الذرب

 

[bnt q8 in usa]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

والله انا يعتمد :يعني ولله الحمد لحد الحين ماصادفوني وايد الي يقطون علي حجي وعادة انا اسلوبي وايد حلو مع طبعا الي يستاهل اما الي من النوع تقط نغزات وهالسوالف من نظرة عيوني تعرف ف ماتتجراء تقول

اذكر اول زواجي:بنت عمته قالت شلون خذاج اهو طويل وانتي قصيره عاد صج طويل بس مووايد يعني مو 10 جان اطفر منها بس مابينت قتلها اهو حبني جذي وبالعكس دايما يقولي الرياييل يحبون البنت الفرفوره
عاد حدها انجعمت خاصه انها كانت حاطه عينها عليه قطع


عموما انا في اسلوب دايما يقهر الي جدامي ولله الحمد ابدا ماعطي اي تعبير او حركه حق الي جدامي لمن يقط علي كلمة تنرفزني تلاقوني بارده صج مضايقه من داخل بس ابدا مابين وهالشي تري يقهر الي جدامج وبنفس الحزه ارد عليها ف تنقلب الايه وتنقهر اهي ههههههههههه لعانه

 

[روعة]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

ذكرتوني بموقف صار لي وانا في صف ثالث اعدادي

كان بداية السنة والمعلمات ما يعرفون اسمائنا وكل معلمة تدخل علينا تتعرف على اسمائنا

المهم دخلت علينا معلمة العلوم واسمها رقية وقالت شنو اسمج قلت لها ............ قالت لي اسمج كريييييييييه شكلج حلو ومقبول بس اسمج يلوع الجبد

والله يا بنات قهرتني وانصدمت انا اسمي عادي ما فيه شي يعني مو حلو بس مو كريه مو لدرجة يلوع الجبد اسمي احلى من اسمها رقية مال العيايز

انصدمت وما عرفت ارد عليها كل اللي قدرت اقوله لها شكرا استاذة هذي وجهة نظر احترمها وكفاية جدا اني مقتنعة في اسمي

مدري من وين جتني الجرأه ولا ادري منين طلع هالكلام

خزتني بعينها وكملت على باقي البنات وصلت لحد بنت اسمها فرح جان تقول لها يا سلام هذا الاسم حلو موب ............. تقصد اسمي

وضليت مقهورة عليها لنهاية السنة بس اثبت جدارتي في الصف وعلى طول اشارك وتقومني وقامت تدلعني باسمي بعد

عقب ما تزوجت اكتشفت انها تصير بنت خالة زوج حماتي ههههههه

 

[تفاحة حمرة]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

بصراحه الموضوع حلو حييييييييل ماشاء الله عليج حياتي مواضيعج كلها اعجبتني

انا بطبعي خجوله شوي... مرات انصدم من الكلام اللي انقال علي ووجهي يعطي الوان ... بس هم مرات وحتى مع الالوان ااذا كا نت تعلق على بدلتي او لونها اقولها صج سبحان الله الاذواق تختلف فتسكت وتختفي الواني

والله ناسيه المواقف اذا تذكرت اقولج
بس اللي ودي اركز عليه هو الناس اللي يتلقفون بحياتج شلون تردين عليه يعني يسالون عن اشياء خااصه مو من حقهم يسالون عنها مرات مااعرف شلون ارد عليهم .. مرات ابين لهم انه شي خاصي بس ماكو مايفهمون

 

[رقي]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

انا ماعرف ارد فافضل اني اسكت عشان ما احرج روحي

 

[ابراج الكويت]

رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

انا ماعرف ارد فافضل اني اسكت عشان ما احرج روحي

:eh_s(15):
نفسي تماما بس ان شاء الله بتعلم منكم:eh_s(3):