التشريبه ....مالنا غناة عنها... حياكم

[امون حبيبة زوجها]

مشاركة: التشريبه ....مالنا غناة عنها... حياكم

نفيشه شسوي بعد انا كيك عادي احط بواميه والف سؤال تبيني اعرف التشريبه ؟؟؟؟

مطفوقو احنا بعد نحط لومي موبس انتو شنو<<<واي ليش محتره

جولي الله يرحم الوالده ويغمد روحها الجنه يارب

 

[لازانيا]

مشاركة: التشريبه ....مالنا غناة عنها... حياكم

جولي.. حياج الله اني تايم انتي تؤموري... بالنسبه للايدام والله مادري انا احب احط لحم والخضره صح مقصصه صغار,,,,, اي صح ذكرتني كشكش حشو القرصان الاصلي يفركونه بس بملح ولومي ناعم وبهار بدون حماس بس انا افضله محموس .....تعرفين لزوم التكنلوجيا...خخخخخخ

 

[jolie_q8]

مشاركة: التشريبه ....مالنا غناة عنها... حياكم

كشكش

خوش وصفه..تسلم ايد الوالده وايد اللي كتبت الوصفه

أمون

تسلمين يا عمري

لازانيا

مشكوره على الاضافه..ما قصرتي


*** كلمه حق ***

بنات المنتدى (كويتيات) صج تبيضون الويه

ويعتمد عليكم في وقت الضيق

ما قصرتوا

 

[ام بنتها]

التشريبة الكويتيه الاصليه عااجل دشوا كلكم

بناااات عفيه ضروري ضروري ضروري علمونيي طريقة الترشيبه الاصليه تشريب اللحم
اخوي الكبير بخاطره و امي الي تسويها يقول عنها خفيفه لان ضايق في بيت رفيجه و يقول غير شوي ثقيله و الخبز شارب اقوله حط تشريب شوي بالخبر و تشرب يقول مايها غير
وانا صج الي امي تسويها شوي خفيفها بس حراام ا فيها شي و تحط معاها بطاط و طماط و بصل و يمكن ثوم واللحم او الديااي

واهو حراام بيسافر يوم السبت لان يدرس بره رجع من شهر عشاان العطله
و بخاطري اسويها له قبل لا يساافر
عفيه علموني
وعفيه مو تنقلوون الموضوع ركن الاستفسارات

ناااااااااطرتكم بنات

 

[الغاليه نونو]

رد: التشريبة الكويتيه الاصليه عااجل دشوا كلكم

ياغالي والطلب تشريبه قصدي رخيص"

تدلليى دام كيبوردي يديد طبي حياج فديتج""

تشربتي غير ولي سويتيها ادعيلي ونتي تاكلينها

شوووفي يمه تاخذين اللحم وتغسلينه زين وبعدين تحطينه بجدر تفوحينه شوي لما تشوفين مثل الرغوه علي سطح الماي ترا هذي زفرة اللحم تكتين الماي وتغسلين اللحم شوي وتالي تحطينه بجدر وعليه ماي وقطي راس بصله مفلوشه نصين وجم عود دارسين وجم ورقة قار وجم حبة هيل وخليه يفوووح ليييييييييما يستوي الللحم تشيلين اللحم وتشخلين الماي وتحطينه علي كتر لانه نبيه حق المرق

عندج بصل وبطاط مقطع وزاهب وعندج ثوم مدقوق ون حبيتي تحطين قرع حطي ون ماحبيتي كيفج ون حبيتي الباميا حطيها ون مابغيتني كيفج هههههه وعندج سلق مقطع بعد

المهممممممممم

عقب مايستوي اللحم اتييبين جدر المرق وتحطين البصل وتحمسينه شوي وتقطين عليه الثوم وتحمسينه نتيفه وتالي تحطين اللحم وتحمسينه مع البصل والثووم وعقبببببب تحطين طماطج المقطع حتت حتت هههههه وتحطين عليه البطاط والقرع وتحطين شوي كركم وملح وتقصرين عالجوله وتغطين جدرج علشان ياخذ اللحم نكهة الخضره وآنا مرات احط عودين كرفس مفرومين حق النكهه بس وبعدين تحطين معجون الطماط و عندج مروق اللحم تكبينه عالحمسه وتاخذين جدرج تحطينه بالفرن وتقصرين الفرن وتخلينه يستوي وقبل لايستوي بشوي قطي الباميا فيه وخليه يقلب يقلب لييما يدوخ ههههههههه

الحين كل شي تمام مرقتج زاهبه وخاثره بس مووايديامده يعني نص ونص

وصلنا لنقطه الصفر بتسويت تشريبتج

اتييبين باديه كبيره وتقطعين الخبز وتكبين شوي مرق وتحطين بعد شوي خبز وتكبين عليها مرق

في بعض الحريم يسوون حمسه بصل مع ليمون مطحون وكمون يحطونها عالتشريبه بس انا ماسوي جذي عيالي مايحبونها بهالطريقه
وعقب ماحطيتي خبزج طبقات ومرقتج بعد طبقات ترزين عليها الخضره واللحم وتاكلينها بالعافيه

بعض الحريم يحطون الخبز بجدر ويصبون عليه المرق ويحطونه عالجوله شوي ويقلبوون الخبز وبعدين ينجبونه وبعضهم يسوون المرق ويقطعون الخبز ويصبون عليه المرء" مرء بالمصري هههههههههه

وهذى تشريبتي وان شاء الله تحووز علي كرشتج الميمونه ههههه وشكرا فديتج

 

[Snow angel]

رد: التشريبة الكويتيه الاصليه عااجل دشوا كلكم

هلا حبيبتي

طريقة الماما رهيبه بصراحه ماشاء الله تحمسين البصل والثوم واللحم فتره طويله على شان الطعم يصير احلى وتحطين بس كركم وكاري وبعدين تحطين معجون طماط وتحمسينه شوي بعد على شان الزفرة تروح وبعدين صبي الطماط المطحون وخليه يطبخ الى ان ينشف وبعدين صبي موية ويكون عندك شوية قرع امريكي وبراحتك تحطين الخضار اللي تبغينها بس انا احب القرع الامريكي بس وفلفل حار ولومية عدله والملح لا تنسونه الى ان يطبخ كويس المرق ويثقل شوي بعدين شيلي الخضار واللومي والفلفل واللحم وحطي الخبز اللي تحبينه سواء قرصان ولا ايراني بالتدريج والكمية حسب رغبتك وبعدين تحطين فوقهم اللحم والخضار واللومي والفلفل وخليه على نار هاااااااديه ساعه تقريبا او اقل براحتك

 

[الغاليه نونو]

رد: التشريبة الكويتيه الاصليه عااجل دشوا كلكم

صاجه صاجه نسيت اقووول لج عن اللومي السحاري قطيه عالحمسه فديتج نسيييييييت اعوذ بالله من الشيطان"

لاتلوميني من ونااستي بكيبوردي ههههههههههههههههههههه

 

[أم علاوي حبيبي]

رد: التشريبة الكويتيه الاصليه عااجل دشوا كلكم

طريقة الغاليه نونو خوش شي مضبوطه بس اختي ام بنتها ترى المرق يبيله تكثرين المعجون والطماط المطحون علشان يصير ثقيل وتحطين اخر شي ثوم وبصل عدل بدون تقطيع وهم بطاط بعد
انا اخلي اللحم لحد ما يخلص الماي وبعدين احمسه

 

[Athwaq]

رد: التشريبة الكويتيه الاصليه عااجل دشوا كلكم

سووا المرق ثقيل شوي .. الظاهر امج تسوي نفس خالتي .. يعني على ابو يبون الخبز يتشرب المرق عدل يقومون يخففونه بماي و تصير التشريبه فاهيه

انا امي تسوي المرق مركز عادي و احنا تشريبتنا بخبز رقاق .. تصير متسبكه شغل عدللل

في ناس يسوونها بخبز ايراني

انا طفارتي مرق خفيف و خبز ايراني الله يزيد النعمه

ماعلى تشريبة امي فديتها

 

[ام بنتها]

رد: التشريبة الكويتيه الاصليه عااجل دشوا كلكم

ونااااااااااااااااسه
فدييييتكم صج تبردوون الجبد
و اشالله اسويها و تضبط بس سؤاال
طريقتكم تكون حمره جنهاا مرق ؟؟
ام الي تسويها مو حمره لا بس يكون فيها طمااط مقطع ؟؟

و انا ماادري شنو الي يقصدهااا ؟؟ يبيبلي اسأله ؟
والقرع ضرووري ؟؟؟
و اقشره ؟ لاني ولا مره شاريه قرع و لا اعرفله
افشـــل


ام نونو بسوي طريقتج عجبتني
و مو تزعلووون الباااااجي عففيه

بس شكثر ملح احط و متى ووين ؟؟
و الطماط و المعجوون شكثر ؟؟
عفيييه حطيلي مقادير لاني مااعرف ؟؟

ناااااااااااااااااطرتج غاليتي نونو

 

[جارة القمر]

رد: التشريبة الكويتيه الاصليه عااجل دشوا كلكم

مشكورييييييييييييييين

 

[meskq8]

رد: التشريبة الكويتيه الاصليه عااجل دشوا كلكم

ما شاء الله البنات كفوا ووفوا

 

[روحي سعوديه]

التشريبه



صباح الخير ياكويتيات اتمنى انكم ماتخيبون ظني فيكم ابي منكم مساعده ابي طريقه التشريبه الكويتيه ووش الخبز مالها تكفوووووووووووووووووووووووووون ظروريوانا عارفه ماراح تقصرون :yaaaaaarb:

تحييييييييييييييييييييييييييييياتي

 

[صلاتي-حياتي]

رد: التشريبه

هلا ياقلبي ابشري يالغالية

سوي مرقة لحم عاديه فيها خضره ولحم هبر بس كثري الماي

والخبز والله نشتريه من الجمعيه بس هو مثل خبز المسح عندكم رقيق ويابس وشربي المرق بالخبز

وبس سلامتج سهل ولذيييييذ

 

[روحي سعوديه]

رد: التشريبه

الله يعطيك الف عافيه اختي ماقصرتي هذا العشم فيكم بس بسال الخبز هو خبزالقرصان الي يجي بكرتون ولا لا او نوع ثاني

 

[ضحكة الدنيا]

رد: التشريبه

تفضلى طلبج

http://q8yat.net/showthread.php?t=12312&highlight=%C7%E1%CA%D4%D1%ED%C8

http://q8yat.net/showthread.php?t=12312&highlight=%C7%E1%CA%D4%D1%ED%C8

 

[رضينا]

رد: التشريبه

احنا نسويه بالخبز الايراني​

 

[شندوخه]

رد: التشريبه

بقاعه الصحن قبل لاتفتتين الخبز حطي ملعقه صغيره سكر واذا تحبين الفلفل حطى فلفل بودر احمر وشربي المرق عليه تصير عجييييبه

 

[مغتربة 2006]

رد: التشريبه

شندوخه اول مره اسمع بالسكر تحت التشريب سطلع حلوو؟
شلون تشريب حالي ؟؟
امبي اشتهيت تشريب تذكرت رمضان شكلي بيب معاي كرتون رقاق من الكويت

 

[جارة القمر]

رد: التشريبه

مغتربه


وايد ناس يسون التشريبة مع شوية سكر

يقولون رووووووووووووعه



بس أنا ما أحب التشريب


ومشكووورييييييييييييييييين