الامــــاكـــن الى دايم تطلعون فيها عيالكم ويستانسون .. حياكم

[Miss-LuLu]

فديتج ياقلبي ههههههههههههههههههههههه بس انا مو عجميه والنعم فيهم المان العرب

ايي والله يبيله تقوية عظام حبيبي فديته يكسر خاطري

وانشالله اقول حق امي

بس مو جنه الى بحولي يستقبل المعاقين جسديا بس؟؟

 

[HearT ChocolaTe]

امبي ودي أعرف ليش اتخربط بينج وبينها ؟؟؟؟؟
::gr4uu::gr4uu:


إحرااااااااااااااااج
:eh_s(22)::eh_s(22):

 

[Miss-LuLu]

ههههههههههههههههههههههههههههه


لا عادي عادي تصيرر وااايد

 

[HearT ChocolaTe]

والله ما ادري حياتي تسألين أفضل ..

 

[@شمس الضحى@]

مشكوووره يامس لولو ع الموضوع الحلو وانتي احلى
وماعليش زووود والنعم فيش ياقلبي..
بالنسبه لبنتي مااطلعها واجد لانها ماتشوف وماتميز وماتعرف كلش
بس مرات اوديها للبحر اقعد انا وياها بس لاني احس براحه
واخاف عليها من الجو والبرد والحر
بس بلندن افرفر فيهاا يوميا من سوق لمطعم لحديقه لان الجو روووووووعه روعه
والله يشافيهم ويخليهم لناا والله يؤاجر كل ام ويشرح صدرهاا ويمدهاا بالصحه والقوه لتواصل مسيرتهاا نحو مشوار الامل..

 

[Miss-LuLu]

مشكوووره يامس لولو ع الموضوع الحلو وانتي احلى
وماعليش زووود والنعم فيش ياقلبي..
بالنسبه لبنتي مااطلعها واجد لانها ماتشوف وماتميز وماتعرف كلش
بس مرات اوديها للبحر اقعد انا وياها بس لاني احس براحه
واخاف عليها من الجو والبرد والحر
بس بلندن افرفر فيهاا يوميا من سوق لمطعم لحديقه لان الجو روووووووعه روعه
والله يشافيهم ويخليهم لناا والله يؤاجر كل ام ويشرح صدرهاا ويمدهاا بالصحه والقوه لتواصل مسيرتهاا نحو مشوار الامل..

العفو ولو حبيبتي

الله يخليها لج و وديها البحر وحدايق علااقل تشم هوى غير وتغيير جو

امين يارب تسلمين حبيبتي:hearting:

 

[HELPFULL]

السلام عليكم خواتي
انا عن نفسي عن ولد عنده اعاقه برجله ويلبس طرف صناعي
من صغره وانا البسه شورتات عشان اخليه يقوى جدام تعليقات المتخلفين من الناس ونظراتهم الجارحه كان مايرضى نهائياااا
بس سبحان الله ما انسى شلون رب العالمين كان ايامها يخلينا نصادف معاقين باعاقات اشد من اعاقة ولدي سبحان الله جنه بس عشان يشوف ولدي ان في ناس عندهم اعاقات اكثر ومرض وعجز اكثر
ومن اهني قوى ولدي وقوى قلبي من نظرات الناس الغير مثقفه انها شلون تنظر للمعاق بالخليج عموما مو بس الكويت
اللهم لك الحمد والشكر انا كل مكان اطلعه وماخليت مكان الا وديته وماهموني بصراحه الناس انا افتخر بالنعمه اللي عندي ودايما اقول له يما حبيبي احمد ربك شوف الله شكثر يحبك ميزك عن وايد ناس عندهم ريول ويمشووون وكل شي بس ما يقدرون يسووون اللي انت تسويه
اسفه على الاطاله

 

[HearT ChocolaTe]

ما شاء الله عليج helpfull
الله يبارك لج بأحمد وتفرحين فيه .. حياج الله فديتج ولا تقاطعينا

 

[Emanova]

امس ودييت حمودي ماجيك بلانيت وايد حلو العابه حلوه و المكان درايشه كبيره و انا وديته الظهر علشان هم نتغدى و هم يلعب و كان المكان منور م مقموت و لا مزعج مثل طفل المستقبل

اسم الله عليه ما بغى يطلع

و سأألتهم اذا في خصم للاحتياجات الخاصه قالوا لي احنا تونا فاتحين جدام ان شاء الله يمكن نسوي لم خصم

 

[ناني سيكرتس]

وناسه عاد انا ابي اماكن يديده حق اليهال, بروح اكتسف ديسكفري..

يوسف يحب سيتي سنتر لان يلعب فيه بولغ, اهو يحب البولنغ, ويحب بروي يلعب فيها لعبة ماريو..
ساعات نروح العاب بيان , هدوء ومافيه زحمه كلش..

 

[bint_looda]

قبل ان في الغابه الصغيره بس حسافه شالوها

ايييييي ذيج المره قعدنا ندوورها وعبالنا نضيعين لمن اخر شي قالو الظاهر شايلينها !!
عااد حسافه كانت اتونسسسس حييييييييييل

 

[bint_looda]

اختي تستااانس عالمطااعم بانواعها يعني بسم الله تقعد تاكل ماتقول شي بس ساعات لاملت خلاص تشوفونها تعزم ويركب راسها تبي تقوم

الالعاب قبل كنه نوديها كل مكان الحين طفل المستقبل وجذي خفينه لان اذا راحت تبي تركب العاب ماتصلح لها تكون مالت صغار حيل واهي بسم الله عليها متنت ....

اهي تروح نادي مدرستها كل يوم عصر ( التربيه النموذجيه ) وفي عندهم رحلات

قبل كانت تروح نادي الخيل والفرووسيه حدددددها تكييف عالخيوول

الحدايق والتمشي كله وييانا الحمدالله

 

[ريمه الكويت]

والله زين يبيلنا نوديهم الدسكفري ماادري انهم فتحوه نروح ليش لاء

 

[الصابرة المحتسبة]

هيلب فل حياج الله بينا

 

[الصابرة المحتسبة]

يوسف مايحب الإزعاج والأصوات العالية واحب أوديه حزة الظهاري يكون المكان هادي

 

[غرنوووقه]

السلام عليكم

بالنسبه لاخواني اوديهم مطاعم ماكدونلز وكنتاكي او البحر اخوي يموووووت على بحر وبعد انا دايم اييبلهم اشرطة دي في دي يستانسون عليها

 

[الصابرة المحتسبة]

رفع

 

[ريمه الكويت]

وديته الالعاب الجديده الي يم السكيتنج وايد استانس انطلق اسم الله عليه حتى كل ساعه ادوره مااشوفه الا راكب هالالعاب وركضه انا وراه لوووووووول ويحليلهم اليهال اللي اهناك احس اغلبهم حالات خاصه حتى سولفت مع بنت صغيره فيها 6 او7 سنين مسكينه احس من كلامها انها من الاحتاجات الخاصه وتلحقني مسكينه ماتبيني اطلع تقول لاتروحون عفيه قعدو عورت قلبي يارب يشفيها ويشفي كل مريض يارب

 

[shadona]

والله اانا ولدي يحب برووي .. و وندر لاند و شرق و المنشر ... تقريبا كل مكان في العاب يحبه بسمالله عليه سمح ...

بس المشكله هالركض يا ربي أخاف عليه كله بيركض و بس مادري وين يبي يروح !!
و ولا يهمه يضيع ولا ما يلقانا لا طااااااااف !! وانتو عيالكم جذيه ؟:eh_s(1):

 

[مها2009]

انا مو كويتيه بس اتمنى تلاقى مكاان

يريحك ..