سويت تامين صحي ... ورحت المواساة .. تعالو شوفو شصار ؟؟

[السمرة~القمرة]

مرااحب يابنات
من فترة حطيت موضوع عن التامين الصحي
والحمدلله سويت حقي وحق ولدي

المهــــــــــــــم
ولدي تعب شوي
جان اخذه واروح المواساة وايدي على قلبي ( مومصدقه )
المهم دشينا الطواري طبعا عطاني الفاتورة والا 1.600 ( دينار و 600 فلس )
ههههههههههههههه:dddds:
والله وناسة
طبعا الدخول ب 8 دنانير مع الخصم 80% طلع دينار و600 فلس
ودشينا عالدكتور وقولبه وقولبه وشرح لي حالته ---> عاد ماصدقت يبتله امراض السنين اللي طافت وشرحلي وفحه
ووصفلي الادوية

والحيــــــــــــــن دور الصيدلية
عطاني كود ادوية وكريمات وايضا ايدي على قلبي
وطلع الحساب 20 دينار تقريبا جـــــان يقولي 3.960
هههههههه


يعني روحتي للمواســاة ما وصلت 6 دنانير


يا بنات فكرو بالتامين ترا اهو باب من بيبا التوفير وخاااااصة اللي يروحون المستشفيات الخاصة
والشكر موصول للاخت " ام وهابي "
اللي ساعدتني بهالشغلة



حيـــاتي لكم ،،،

 

[Nokia N95]

الحمدلله على سلامة ولدج

بس بغيت اسألج اختي ... باي شركة مسوية التأمين وبجم ؟

 

[السمرة~القمرة]

هلا وغلا
الله يسلمج

سويته ياطويلة العمر بشركة الخليج للتأمين والأخت " أم وهابي " موظفة هناك يزاها الله الف خير

 

[baby_sweet]

فيدونيا اكثـــــــــــر يجزاكم خير
الف سلامه على وليييدج حبيبتي

 

[رؤى القلوب]

أنا هم تأميني وتأمين ريلي وبنتي عن طريق شركة الخليج يا حليلهم في كثير مستشفيات وعيادات خاصة وصيدلايات تقبل تأمينهم

 

[رؤى القلوب]

وطبعا اعتقد بس تدفعين قيمة 10% او 15% من قيمة المراجعة

 

[أمواج البحر]

اي صح التأمين فكرته وايد حلو

وخاصه للي يراجعون على طول مستشفيات خاصه

انا مثلج تأميننا الخليج

انا لاني اشتغل بشركه خاصه فعندي تأمين و اضيف زوجي و عيالي

بس الفرق احنا ما ندفع شي يعني اروح اعالج و اطلع ابلاش

الله يخلي اللي اخترع شركات التأمين

 

[اوراد وبس]

اي صح التأمين فكرته وايد حلو

وخاصه للي يراجعون على طول مستشفيات خاصه

انا مثلج تأميننا الخليج

انا لاني اشتغل بشركه خاصه فعندي تأمين و اضيف زوجي و عيالي

بس الفرق احنا ما ندفع شي يعني اروح اعالج و اطلع ابلاش

الله يخلي اللي اخترع شركات التأمين

الصراحه شي وين تشتغلين؟

 

[فراولة حمرة]

ممكن رقم الشركة على الخاص وهل التامين يشمل التحاليل والاشعه وكل شي؟؟؟؟؟؟؟؟؟؟

 

[بطوووطة الكويت *-*]

انا بعد تأمين الخلييج صج عجيييب وناااسه كل ما حسييت بشي رحت المستشفى ومو اي مستشفى كله خااص

 

[مشتاقة لأمي]

بس التامين يفترض يتحمل كل شي انا ماادفع ولا فلس

يكفي اللي ادفعه سنوي يمكن حتى مااروح للطبيب خير شر طوال السنه.

 

[أم وهابي]

ممكن رقم الشركة على الخاص وهل التامين يشمل التحاليل والاشعه وكل شي؟؟؟؟؟؟؟؟؟؟

اتصلى على تلفونى 97503131 واعطيج الطريقه بالتفصيل

التأمين يشمل كل شى ما عدا

الحمل والولاده بالسنه الاولى
التجميل والليزر

 

[أم وهابي]

بس التامين يفترض يتحمل كل شي انا ماادفع ولا فلس

يكفي اللي ادفعه سنوي يمكن حتى مااروح للطبيب خير شر طوال السنه.

التأمين يا قلبى نوعين

النوع الاول بوبا وما تدفعين ولا شى بس غالى ويحتاجونه الناس اللى يسافرون بره وايد
يغطى كل شى داخل وبره الكويت وكل المستشفيات


النوع الثانى واهو المفضل لسبب :

الاقل سعرا على مستوى الكويت

حبيبتى انا دايما اقول اللى ما يحتاج الطبيب وانشاء الله محد فينا يحتاجه ليش يسوى تأمين

الله يشهد على حتى عملائى ابلغهم اللى ما تحتاج وما تحب المستشفيات الخاصه لا تسوى تأمين


انا عن نفسى موظفه ومو مسويه تأمين مو عشان شى الا انى ما احب المستشفيات الخاصه

 

[أم وهابي]

هلا وغلا
الله يسلمج

سويته ياطويلة العمر بشركة الخليج للتأمين والأخت " أم وهابي " موظفة هناك يزاها الله الف خير

يا قلبى عن جد احرجتينى ترى انا ما سويت شى وكل اللى سويته شغلى بس

ما قصرتى

وما يشوف شر ولدج وما عليه الا العافيه

 

[أمواج البحر]

اوراد وبس ... اشتغل بقطاع خاص ( شركه ) بس عاد ما يصير اقول اسم الشركه

والتأمين اللي عندنا يغطي المستشفيات داخل و خارج الكويت

ويشمل المستشفيات و العيادات و الصيدليات و المختبرات

 

[S.O.S]

عجبتني فكرة التامين الصحي
بس جم تدفعين بالسنه ؟؟

 

[HERMITAGE]

جم بالسنه ؟؟؟؟

 

[james546613]

صج جم بالسنه للشخص الواحد او في عروض للعائلة

 

[@ فدك @]

جم بالسنه حبوبات ياريت تفيدونا ...

 

[&شوارفسكيه&]

فديتج ام وهابي
انا اللي دقيت استفسر منج عن علاج الاسنان ياريت تراسليني بالخاص
وهل الخصومات تشمل عياات الاسنان
بليز ابي الرد على الخاص لاني من النوع اللي انسى ارجع للموضوع مره ثانيه
وانا مفكره في الموضوع بشكل جدي