رحلة كوووول الى اسطنبول

[فراولة^فوشيا]

اليوم بنغير شوي عن الأماكن الشعبيه
وباخذكم بجوله High Class

جمعت لكم صور من كذا يوم للأماكن والمطاعم الراقيه

بنشوف جم فندق وشوية تسوق شرايكم _03BA:

يالله نبلش باسم الله

** فندق سويس Swissotel**

قريب جدا من فندقنا الانتركونتينانتل .. ونفس طريقته مرتفع

قالولنا شوفوه عنده قعده تطل على منظر بانوراما وايد حلو

ذكرني بفندق جراند حياة في القاهره اللي يطل على النيل

مطعم الريوق عندهم تحت

 

[فراولة^فوشيا]

نصعد نشوف المنظر ونشرب عصير قبل لا نطلع

خدمة تلميع الجواتي عزكم الله :dddds:

حلو الفندق بس احس مافي يمه شي

اذا نزلنا بالسياره عالبحر .. هناك في فندقين يطلون دايركت على البحر .. فور سيزون و الكمبنسكي

 

[فراولة^فوشيا]

** فندق الفور سيزون Four Session **

طبعا فندق جدا جدا فخم ،، سمعت انه كان قصر وحولوه الى فندق

حديقة الفندق اللي تطل عالبحر

حدها شرحه القعده

 

[فراولة^فوشيا]

المناظر اللي تطل عليه

زميل المهنه

خلصنا من فندق الفور سيزون

 

[فراولة^فوشيا]

** فندق الكمبنسكي Kempiniski Hotel **

بينه وبين فندق فور سيزون خطوتين

ايضا فندق فخم جدا

المدخل

الكافيه

حتى الحلقوم كشخه عندهم :dddds:

اللي عاليسار قاعه بس حق اليهال

 

[فراولة^فوشيا]

والقعده اللي بره تطل على حمام السباحه والبحر

ساحة الفندق .. وفيه قاعات وايد

المنظر اللي تطل عليه

وهذي لقطات خذيتها بالليل من الفندق

هذي بعض الفنادق اللي سمعنا عنها وتسوى الواحد يروح يشوفها

 

[فراولة^فوشيا]

** شارع نشانتاشي Nisantasi **

هذا الشارع قريب من فندقنا يمكن 5 دقايق بالتاكسي

اهو شارع كبير ومتفرع .. على يمينكم ويساركم كله محلات وكافيهات

بس اذا تبون شي يديد وغريب روحوا الشارع اللي يكون فيه الماركات الكبيره

انا اقولكم ليش .. لأن اذا رحتوا هناك تحسون نفسكم بأجواء ثانيه غير .. المحلات كشخه والقهاوي كأنها قهاوي باريس والا اوربا حتى السيايير والناس غير .. تشوفون بناتهم كاشخين

وفي محلات تكون ماركات تركيه بس وايد وايد حلوه

هذا محل اسمه فاكو وايد مشكور عندهم http://www.vakko.com/

وهذا اسمه ماشكا http://www.machka.com.tr/

تشوق هدومه

شرينا منه

 

[فراولة^فوشيا]

وهذا ستور اسمه بيمن مثل فيلا مودا

فيه ماركات برادا غوتشي ميوميو ....

هذا اسمه مابا

كان عاجبني القلب بس حسافه المحل كان مسكر
المحلات تسكر الساعه 8

محل اماعيين قالولنا في استكانات حلوه
اسم المحل باشا باقشا شي جذي

 

[فراولة^فوشيا]

وهناك قعدنا في كافيه جدام كارتيه (في نشانتشي شارع الماركات) اسمها كريسيني

حلوه القعده فيها وتطمش على الناس

طلبنا كوفي و حلو كريم بروليه ومارينغ

هالشارع بعد رحناله مره ثانيه وتغدينا بمطعم يم هالكافيه على طووووول
اسمه براسيري

أكله ايطالي

نكمل معاكم ..

 

[المالديف]

ما شالله تقريرج يشوق ممكن رقم السايق لان احتمال اروح

 

[فراولة^فوشيا]

** مطعم بورصه **

هالمطعم هم قريب من فندقنا وقريب من شارع نشانتشي اللي كنا فيه قبل شوي
رايحين الساعه 5 ماكو أحد

بس المطعم كشخه وغالي شوي .. وعلى حجي المدير يقول ان بابا صباح زارهم وأكل سمج عندهم :ggdw:

المقبلات ..

الخرشوووف يم يم

الحمص شي شي

دولما وروب عذااااب

بيديان

وطلبنا طبق بابا صباح ومشاوي بس مادري ليش دايما ننسى نصور الطبق الرئيسي



انشالله استمتعتوا بهالجوله

ونكمل معاكم اهم الأماكن اللي الواحد لازم يشوفها ويزورها اذا طب تركيا
مثل ما شفنا اول شي البازار المصري

راح نشوف مسجد السلطان أحمد (المسجد الأزرق) .. قصر توبكابي .. آيه صوفيا .. غراند بازار

هالأربع اماكن كلهم يم بعض بس الأفضل تقسمونهم على يومين

بجهز الصور وراجعة لكم انشالله

 

[فراولة^فوشيا]

ما شالله تقريرج يشوق ممكن رقم السايق لان احتمال اروح

مشكووره حبيبتي .. انشالله ادزلج الرقم

 

[FoOosHiia]

الحمد لله على السلامة
و عليكم بالعافية

شوقتيني أرووووووح

 

[.]

باختصار وناسه ماشاءالله..

متابعينج..

 

[كوب حليب]

عليكم بالعافية والله يديم جمعتكم على خير آمين .... تيينن صور الشوبينغ غرامي بسجل عندي لستت المحلات والمطاعم والفنادق ودي نروح لها بالعيد اذا الله كتب لنا واذا ما عليج كلافة كثري لنا من سوالف الشوبينغ والتسوق والفناتق الغربيه الي تستاهل الشوفه

 

[foofo]

متااااااااااابعه

 

[بتبوتااا]

لا رايحه تركياا انا !!

ماشاء الله عجيـــــــــــبه حدي توشوووقت

كملـــــــــي متااابعه ياقلبي معـــــــــــاج

 

[حلوه الأطباع]

امبيه شنو هالديره ماشالله لا إله إلا الله تهببببببل

شوقتينا والله على تركيا مع تقريرج الحلو وصورج الاحلى

متابعينج فراوله حبيبتي كملي الصور والتقرير والله رووووووعه ​

 

[om yousif]

متابعين ياحلوة ,,, الله يعطيج العافية على التصوير

 

[Pink GirL]

يا مشوقنااا يا انت يا فوشيااا

ياحلات السوق هههههه

يالله نبي نكمل لا تعلقينا يا بنية