تعالو شوفو شو صارلي بعد سحب البويضات

[لحن التناهيد]

هلا خواتي انا من الامارات .. سويت تنشيط للبويضات في مركز انانبيب

الدكتور عطاني اول شي ابره تحضيرية 2 يوم دورة فيها بودر وماي ويمزجون ابرتين ببعض ..

المهم بعدها باربع ايام بديت تنشيط تركيز 300 جونال اف ابره قلم .. لمدة اربع ايام وزايد يومين بعد ماشافوو البويضات

حسيت انه يحسبوون وايدات

قبل العملية انا تعبانة وايد وايد والدكتور قال عادي تطمني هذي اعراض انه البويضات ناظجة وممتازة

بعد العملية كنت ازوووع وقالي الدكتور انهم طلعوولي عدد كبير من البويضات ماشاء الله عشان جي بتعب.. المهم رديت البيت بمووت من الاوجاع صح قالي ضروري تاخذي هالمصل يويما مثل المغذي يتركب في الوريد يمنع السوائل من البطن ويوبعد اربع ايام يكون الترجيع للاجنه.. المهم كل يووم انا في الطواري ووالمستشفى الي سووووالي الانابيب بعيد مش في منطقتي بعيد جدا في امارة ثانية .. رحت طواري حكومي وبعد الالتراساوند طلع عندي اكياس حجمها 9 و10 سم وماعرف كم عددها حول المبايض وعندي تظخم في المبيض وسوائل بسيطة ولكن اغلب الالام كلها من الاكياس .. انصدمت .. وماسوووولي شي قالولي ارجعي لدكتورج الدكتور قالي مابرجعلج اجنه بالتلفون طبعا كلمته وحسيته مش مهتم ابدا .. قال ماحليه بنشوف لك حل للموضوع .. وكانه مايعرف وين الله حاطنه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


حاطنه


ساعدوني بنات نفسيتي تعبانة وماقدر اتنفس من الالم

شو الحل والعلاج

ادعوووووولي

 

[ماي الورد]

حبيبتي اول مرة اسمع بهالموضوع ة=وما حبيت ادخل من غير ما ارد عليج

وعسى الله يرزقج يارب

 

[شمخانيه]

الله ياجرك
اللي اعرفه انه اللي فيها تكيسات تروح بالمنشطات
حالتك غريبه
لا يكونون فيك من اول وانتي ماتدرين

 

[لحن التناهيد]

انا في حياتي من تزوجت مافيني تكيس وكل شي عندي تمام


ساعدووني خواتي انا اظطريت اسوي الانابيب لان المشكله من زوجي مش مني

وانا كل شي عندي سليم ساعدوني

 

[eng.q8]

تصير حبيبتي عادي
هذا من الاثار الجانبيه للابر المنشطه ...وصارت حق رفيجتي بس هذا اللي عرفته

 

[لحن التناهيد]

شكرا حبيبتي للرد بس ربيعتج رجعت اجنه؟؟

 

[كبْرٍيآء]

عادي في بنات يطلع معاهم تكيسات بسبب المنشطات وتختفي مع نزول الدوره واذا ما راح سوي منظار لثقب للتكيس

او جربي المردقوش عجيب للاكياس

الله يشفيج يارب ويرزقج الذريه الصالحه

 

[faro7a_el7elwa]

ربي يشفيج ويرزق بالذريه اللي تقر عينج اللهم آميييييييييين

 

[لحن التناهيد]

انا ماعندي تكيسات عندي اكياااااااااااااااااس حجمها كبير جدا

 

[لحن التناهيد]

ياريت تساعدوني

 

[رشروش]

حبيبه قلبى والله غريب انا كان عندى كيس على المبيض الايسر واخذت الابر 300 جونال اف القلم بس مع الابر اختفى الكيس المفروض المنشطات تخفى الكيس ما تكبره ربى يرزقج الذريه ويعوض تعبج خير قادر يا كريم

ربى لاتذرنى فردا وانت خير الوارثين

 

[ام تركي2008]

الله يشافيج ويرزقج بالذريه الصالحه
ترا عادى الاكياس والتضخم تطلع من الابر المنشطه المفروض ان دكتورج يتابع التبويض بالسونار وبين معاج اذا فى اكياس اوتضخم


عندكم دكتور عبدالله ابو الخير منتاز راحعى عنده
وماتشوفين شر

 

[ركااز81]

الله يعيينج حبيبتي ويشافيج روحي للمستشفيات الحكوميه الخاص يتاجرون بارواح البشر

 

[لحن التناهيد]

الله يعين شكرا عالردود .. اختي وين الدكتور عبد الله بو الخير ليكون تقصدين المطرب؟؟

 

[كويتيه مذهله 87]

ان شالله مافي شي خطير بس لازم تسألين دكتوورج

وان شالله تحملين ياارب

 

[WaChoCha]

عسى الله يشفيج ويرزقج يا رب ... استشيري دكتور ثاني اذا في مجال

 

[نيبال الايمان]

ياعسى الله يشفيج ويرزقج ويفرح قلبج بالذرية الصالحه اللهم امين يارب \

ياعمرى اللى اعرفه اذا كان عندج تضخم بالرحم ما يردون لج الاجنة الا اذا صارت نسبة التضخم زينة لان التضخم ما يخلى الاجنة تثبت بجدار الرحم 000

على العموم الله يشفيج ويرزقج بالذرية الصالحه البارة عاجلا غير اجلا اللهم امين يارب

انتى روحى حق دكتور ثانى واستشيريه واذا لزم الامر روحى حق كذا دكتور والله يوفقج ياعمرى

وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[دمـوع الشـموع]

عزيزتي وجود السوائل هذا من فرط التنشيط وعادة يحدث اذا اخذتي كمية منشط اكبر من اللازم
تابعي مع الدكتور لا تكثر السوائل انا اصارت معيوتجمعت السوائل وتعبت منه وسوولي عملية شفط السوائل
كثري من شرب الماء قد ماتقدرين

 

[++The DuchesS++]

حبوبه اهم شي سحبوا البويضات الحمدلله
يعني لو ما سويتي هالشهر ان شاء الله الشهر الياي
وان شاء الله هالاكياس تروح مع الدوره مثل ما قالوا البنات
الله يرزقج الذريه الصالحه

 

[um katkot]

حبوبة ما تشوفين شر عسى الله ياجرج على صبرج و تعبج حبيبتي و يشافيج
لا تخافين اختى صار معاها جذيه في حريم مع التنشيط يصير معاها متلازمة فرط التنشيط يتجمع سوائل بالبطن و هذي يسحبونها بابرة او ان المريضة تاخذ درب لغاية ما يخف و يخلونها تشرب ماي وايد لأن هذا زلال بس ما يزيد الا عقب ما يسحبون البويضات و يبلش عقبها يخف بالتدريج بس في الحالة هذي الاجنة يجمدونها لغاية ما تصير المريضة زينه و صحتها زينه بعدين يردونهم لج عرفتي
و اذا احتجتي انابيب النره الياية توارينهم ملفج يخففون لج الجرعه و انشالله ما يتكرر هالشي
لأن هالحالة اثر شي تصير حق اللي يسوون التنشيط اول مره
الله يشافيج يارب
بس حبوبة صيري زينة و بعدين سوي عملية الترجيع احسن لج و انشالله الاكياس بتختفي باذن الله