{ ...الدكتورة رشا الصفي تجيب على استفسارتكم ..} استضافة اسبوعية

[pe-engineer]

السلام عليكم

دكتورة آنا ولدي عمره 10 شهور, وصارله يومين امسخن , اعطيه أدول تنزل وبعدين ترد ترتفع, أمي تقول احتمال من التسنين, ووايد يقوم من النوم يبجي و يصارخ جن في شي يعوره, بس عنده ضرس واحد توه قاعد يشق, بس هالسخونه اشكثر اتطول اذا من التسنين؟ وشنو اللي أقدر أسويه عشان أخفف عليه؟

 

[فروحة الكويتية]

دكتورة شلونج

أنا بنتي عمرها 9 شهور يصير اعطيهاا روب دانينو بالفواكه او كريم كرامل او روب عادي؟


يصير اعطيها روب عادي مع العيش؟

الحليب العادي الكي دي دي بالنكهات او الابيض اقدر اعطيها؟

شرايج بقيمر وعسل مع التوست؟

 

[-ام بدر-]

السلام عليكم
دكتوره شلونج
عندي ولدي عمره سنتين ضعيف مره واكله قليل وحليبه ببيلاك 3
فا مشكلته باطنيته احس دايم لما يبي يبرز(وانتي بكرامه)يتعصر ويتزحر
واحس ريحت برازه غريبه
بشنو تنصحيني دكتوره ابي صحته زينه وابي باطنيته تنظف
وشاكره لج

 

[pink-bunny]

السلام عليكم دكتوره بنت اختي عمرها سنه وفيها نقص كالسيوم حاد وتقوس في الساق وقالولها الازم تقعد بنتها بالشمس.. ابي حل سريع لانها ماتاكل وحجمها حيل صغير...هل تنصحين في ابر فيتامين د بالوريد.؟؟

 

[opera]

مشكوره دكتوره

انا ولدي عمره 9 شهور .. مستمره للحين معاه بالرضاعه وفي اوقات الدوام يعطونه سيميلاك .. وطبعا الحين اهو ياكل

اكله صحي انا اطبخله بالبيت .. خضار او فاكهه وتوني دخلت اللحوم بأكله

مشكلته يادكتوره انه ماينام عدل بليل للحين كأنه طفل رضيع ينام ساعتين و يقوم يبجي .. مو عشان يوعان لأ بس يبجي وارد انوه ينام

بس نومته كلش مو عدله وغير جذي يتقلب وايد واهو نايم كأنه واحد فيه قلق .. يقلب شوي يمين ويروح يسار .. يعني مو عارف ينام

وديته الطبيب بس قالولي مافي اي مرض جسمي

 

[د. رشــا الصفــي]

اعتذر عن الرد عن الاستفسارات بسبب وفاة عمتي فجر اليوم

ادعوا لعمتي بالرحمة

 

[فروحة الكويتية]

عظم الله اجرج دكتورة

الله يرحمها ويغفر لهاااااااااا

 

[om_3alawy2008]

عظم الله أجرج يا دكتورة

 

[-ام بدر-]

عظم الله اجرج

 

[ZajiL]

الله يرحمها ويسكنها فيح جناته
عظم الله اجرج

 

[جنان2006]

عظم الله أجرج والله يرحمها برحمته ويسكنها فسيح جناته ويجعل قبرها روضة من رياض الجنان

 

[الباسمه]

عظم الله اجركم
والله يتقبلها بواسع رحمته

 

[shajasha]

مشكوره دكتوره علي الاستجابه
بخاخ الانف Avamys
دواء الحراره Calpol
الكمام .5 Ventolin
1.5 sodium chloride
1.0 Pulmicort
دواء كحه Primalan


يعطيكي الصحه والعافيه علي تعبج معانا
وفي انتظار ردك

 

[استبرق أم علاوي]

شلونج دكتوره
ولدي عمره شهر و3 اسابيع اعطيه ممه 120واحسه ما يشبع يصير اعطيه اكثر؟

 

[استبرق أم علاوي]

الله يرحمها
وعظم الله اجرج

 

[Karezmatia]

عظم الله اجرج دكتوره ..

الله يرحمها يارب

 

[shajasha]

عظم الله اجرج دكتورة

الله يرحمها ويغفر لها

 

[بنت العمدة]

عظم الله أجرك
وأسكنها جناته

 

[د. رشــا الصفــي]

يعطيج العافيه دكتوره
انا بنتي عمرها 10 شهور وترضع طبيعي
قبل مده كنت ادخل لها صناعي يعني مره بالاسبوع او مرتين بس الحين كلش ماتتقبل المميه ولا تحبها
شلون احببها فيها ؟؟ لان ودي افطمها
وبسألج عن حليب نيدو اللي فيه نكهات يصلح حق عمرها عادي ؟ ولا كي دي دي احسن؟؟
وشرايج بانواع الروب اللي بالفواكه اقدر اعطيها

سامحيني عالاسئله الكثيره

اول شي بالنسبة للرضاعة مرتين بالاسبوع ما راح تخليها تتقبل الصناعي

اقل شي رضعة او ثنتين باليوم علشان تتعود

بالنسبة للحليب

النيدو احسن من الكي دي دي

و الأفضل انج تعطينها اياهم بعد ما تكمل السنة و نص او سنتين لأنها كانت كل هالمدة على الرضاعة الطبيعية فتحتاج حليب الأطفال الصناعي مدة أطول من الأطفال اللي يرضعون صناعي من البداية

الروب بالفواكه ممكن تاخذه عادي

 

[د. رشــا الصفــي]

السلام عليكم

دكتورة آنا ولدي عمره 10 شهور, وصارله يومين امسخن , اعطيه أدول تنزل وبعدين ترد ترتفع, أمي تقول احتمال من التسنين, ووايد يقوم من النوم يبجي و يصارخ جن في شي يعوره, بس عنده ضرس واحد توه قاعد يشق, بس هالسخونه اشكثر اتطول اذا من التسنين؟ وشنو اللي أقدر أسويه عشان أخفف عليه؟

اذا من التسنين تطول اول ما يشق السن تروح بعد يوم تقريبا من ظهور السن

اذا استمرت وديه الطبيب يفحصون اذونه

علشان تخففين عليه عطيه ادول