عيش الباجيلا مع الشبنت والدجاج.......يهبل...لا يطوفكم!!

[سمسميه]

امي سوت لنا بالزواره عيش اينن خذيت منها الطريقه...

المقادير
صدور دجاج
شبنت مفروم
باجيلا مثلج (يباع بالجمعيات)
شوية ثوم
بهارات
عيش

الطريقه
تقطع صدور الدجاج وتسلق في ماء مع بصل مقطع وبهارات(كركم-فلفل اسود-كاري-بهارات الحشو)

اذا شرب الدياي الماء نحمسه مع شوية ثوم

نضيف عليه شبنت مفروم

نزيل قشر الباجيلا بعدج ان يذوب عنها الثلج ونضيفها على الخليط

نضع قليل من الملح

يسلق العيش مع ربع ماجي ثم نشخله

اخرلا شي نضع في الجدر طبقه من خلطة الدجاج ثم نغطيها بطبقه من العيش ثم الدجاج...وهكذا

نخليه على الجوله 10 دقايق لما يتسكر

وبالعافيه

 

[السفيرة عزيزة]

رد : عيش الباجيلا مع الشبنت والدجاج.......يهبل...لا يطوفكم!!

الله يعافيج سمسميه

انا ذايقته من قبل يهبل

بس ما كنت اعرف الطريقه

مشورة بجربها ان شاء الله

 

[سمسميه]

رد : عيش الباجيلا مع الشبنت والدجاج.......يهبل...لا يطوفكم!!

عليج بالعافيه

 

[أنا وين ؟؟]

رد : عيش الباجيلا مع الشبنت والدجاج.......يهبل...لا يطوفكم!!

شوقتيني ومثل ما قالت عزيزه ذايقه هالعيش بس ما اعرف طريقته باجربه ان شاء الله

مشكووووووووره

 

[^^دموع الكويت^^]

رد : عيش الباجيلا مع الشبنت والدجاج.......يهبل...لا يطوفكم!!

انا امي تسويه عجييييييييييييييب مشكورة على الطريقة

 

[سمسميه]

رد : عيش الباجيلا مع الشبنت والدجاج.......يهبل...لا يطوفكم!!

عليكم بالعافيه
والي جربته تقول لنا رايها

 

[fulla]

رد : عيش الباجيلا مع الشبنت والدجاج.......يهبل...لا يطوفكم!!

وااااي سعابيلي هاذي احلا اكله
اموت عليها الصراحه
يعطيج الف عافيه

 

[السفيرة عزيزة]

رد : عيش الباجيلا مع الشبنت والدجاج.......يهبل...لا يطوفكم!!

سمسميه جربته يوم الخميس بالزوارة

الكل امدحه و استانس عليه


يسلمو

 

[سمسميه]

رد : عيش الباجيلا مع الشبنت والدجاج.......يهبل...لا يطوفكم!!

فله...يالله جربيه ترى حلو
عزيزه...اشوه الي عجبكم..عليكم بالعافيه

 

[حبنا الله عليه]

رد : عيش الباجيلا مع الشبنت والدجاج.......يهبل...لا يطوفكم!!

يسلمو سمسميه

ويامال العافية يارب

 

[xxx]

رد : عيش الباجيلا مع الشبنت والدجاج.......يهبل...لا يطوفكم!!

تسلم ايدج سمسمية

انا طريقتي تختلف مااسويه مشخول اجبس العيش على ماي الدياي

والدياي مثل المجبوس مقلي

 

[سمسميه]

رد : عيش الباجيلا مع الشبنت والدجاج.......يهبل...لا يطوفكم!!

بنت الكويت..اول شب الحمدلله على سلامتج
وانا المشخول اسهل لي لاتن المجبوس احيانا يطلع معاي لين

 

[jolie_q8]

رد : عيش الباجيلا مع الشبنت والدجاج.......يهبل...لا يطوفكم!!

تهبل الطريقه وسهله
انشالله اجربها واعلمج..شنو صار
مشكوره

 

[سمسميه]

رد : عيش الباجيلا مع الشبنت والدجاج.......يهبل...لا يطوفكم!!

جولي عليج بالعافيه ناطرين النتايج

 

[آلجفوول ~]

يسلمووووووووو

 

[آلجفوول ~]

يسلمووووووووو

 

[مضاوي النفيعي]

يعطيج العافيه قلبي





​

 

[ورده ودلوعه الكويت]

الله يعطيج العافيه حبيبتي

 

[سمسميه]

حياكم الله بنات

 

[كيت كات]

ماشاء الله
بالعافية عليكم يارب
والله يخليها لكم يارب