استفتاء لافضل مناطق بالكويت الكل يشارك00000

[بسبوسه]

والله انا اشوف ان العديلية من المناطق اللي تعجبني . ما ادري من ادخلها احس بشرااااحه ونفسيتي تتغير .
يارب ترزقني بيت فيها .​

 

[Dandona]

احب الجهــــــــــــــــرااااااااا واحب اهلــهاا ..

صج صــايره ضيقه من المناطق اللي استحدثوهاا بس يــازينها زينـــاااه

 

[طماشه]

الخالديه & العديليه & الروضه


اهمه التوب بلا مناااااازع


ويسلمووووو ع الموضووع ​

 

[q8q]

بالنسبه لي احلى منطقه (--)وجمعيتهم روعه جنها ببلاش وفيها العاب داخل الجمعيه زحلاقيه كبيره بين الدرج المتحرك يتزحلقون فيها اليهال واذا خلصو راحو شربو عصير سانكست وردو القواطي مكانهم وبعدين راحو هجمو على محل سابليه وصار سباق بينهم وبين الفلبينيات من يجمع اكثر حلويات واذا خلصو هجمو على اي محل ثاني واكلو اللي فيه

 

[Amory]

اخت q8q شنو هذا لغز؟ :eh_s(6): واللي يحله ياخذ الجائزه لووووووووووول حلوه منج .... بس ياريت اتوضحنلنا أي منطقه.

بس عندي سؤال اصغيرونو واهو: منطقة ابو الحصاني وين صايره؟؟لأني اول مره اسمع فيها ابصراحه.

 

[لازوردي]

اشكر كل من ذكرت منطقة قرطبه وفعلا انا هالمنطقه احبها لأنه فيها حياتي و ذكرياتي :eh_s(22): وعاشت عاشت قرطبه :eh_s(9): :eh_s(9): :eh_s(9):

و هم احب الخالديه و العديليه والضاحيه وهم هم هم بنيدر :eh_s(9): :eh_s(22):

 

[حاااايره]

q8q ههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههههههههههههههه
جني عرفت المنطقه:eh_s(6):
والأشكال كل ما رحت الجمعيه شفتها خخخخخخخ

 

[الشقردية]

انا اموت على القادسيه منطقت طفولتي شعبيه اهلها طيبين و عيالهم كله بالجمعيه امتحانات فاينل عطله لوول نايمين نوم بالجمعيه ..

و اموت على العديليه و جان زين الله يرزقني انا وريلي و نشتري بيت فيها
طبعا اذا طاحت القروض لول انطر يا ...

العديليه احبها لان شوارعها سعيه و دوامي فيهاا

و من المناطق اليديده طلعا ((( غرب مشرف )) كلها اجانب و ناس راقيه محد له شغل باحد اللي يتمشى مع جلبه عزكم الله
و الله اتسوي رياضه من الصبح

الخيران الخيران لوول مو غرب مشرف


تحياتي​

 

[supermarket]

الشويخ وبس

 

[candels]

الرمييييثية فوووور ايفر ...
منطقتي وحبيبتي واهلها طيبييين
وجمعيتها حللوة والكل يمدح فييها ...
والله يخليها لــنا ...

 

[atooma]

بصراااحه استفتائج واااايد روووعه بس برأي آنا كل قطعه بالكويت حلووووه ومستحيل اغير رايي

 

[q8i-grl]

أحب الشعب هادية وشوارعها زينة وموقعها حلو

 

[(بنت النور)]

بيان بدون منااااااااااازع
بس بيان الصورب الثاني اللي جبال الجابريه

واحب الشاميه لما ادخل لها احس براحه ولي فيها ذكريااااات​

 

[الجــادل]

الفحيحيل وبلا منازع منطقتنا من عمر

 

[سبائك]

الخالدية و بس

شوارع واسعة و نظافة و الحين الكلينك الجديد قاعدين يبنونه و الجمعية كذلك

بيوت ذات مساحة كبيرة 1000 متر مربع مع ارتداد ما لقيت مثله بمناطق ثانية

فيها كلية الهندسة ( كليتي سابقا ) و كلية العلوم

فيها الجمعية الثقافية النسائية

اللي صممت هالمنطقة مهندسة و صممت منطقة العديلية

أي والله صدقتي:eh_s(15):

وزياده على كلامج ذكريات طفولتي كلها في الخالديه:eh_s(16):

 

[atooma]

صح لسانج اختي مزيوونه ومجنونه صج صبااااح السالم وبسسسسس كل شي فيها صج او ماكانت الا منطقه عاديه بس الحين والحمدلله ثلاث ارباع اهل لكويت يجونها فيها مدارس خاصه وفيها عيادات ومراكز طبيه خاصه وصالونات وحضانات لليهااال روعه واهم شي المطاااعم وااااي شكثرها الله يبارك ويزيد يعني بالمختصر المفيييد كل شي فيها حلوو ورجاءااا لا تقارنونها بباجي المناطق اللي فيها مدارس خاصه ومراكز طيبه لسبب واااحد انها مافيها زحمه مثل سلوى والجابريه وحولي والحق ينقال صج المناطق اللي ذكرتها على عيني وراسي بس عيبها زحمههه مو مثل عين السيح منطقتنا شرحه وحلوه وكفايه ان انا فيها

 

[Amory]

عيل ليش محد قال رايه ابجنوب السره؟

جنوب السره تنقسم الى خمس مناطق : السلام والصديق وحطين والشهداء والزهراء.

تعتبر من المناطق الحديثة والجديدة بكل شيء وهذا الشيء يجملها لكون المنازل كلها جديدة وتصاميمها جديدة أيضا وهي قريبة من غالبية المناطق الداخلية القريبة من مدينة الكويت وسكانها اغلبهم من الشباب.... تعتبر السلام هي افضل قطعة في جنوب السرة تليها حطين والزهراء ثم الشهداء وقطعة الصديق لا تزال غير مأهولة بالسكان ولم تباع قسائمها الى الآن ولكن فيها مطعم بورجر كنج وكذلك مطعم ماكدونالد وحديقته الجميلة... وكانوا سكان جنوب السرة يخيمون في الشتاء في الصديق ا وكان هذا الأمر مريح لهم لكون الخيام قريبة من منازلهم ولم يحتاجون لوضع تكرمون ( w.c ) بجانب الخيمه وكلما ارادوا شيئا من المنزل ذهبوا له بدقيقتين
وكانوا سكان جنوب السرة يعملون مسيرة لهم لوحدهم بالعيد الوطني بمنطقتهم .... كذلك عندما أتى بشار الشطي وهو يسكن في جنوب السرة احتفل به الشباب بعمل مسيرة داخل المنطقة أيضا.

منطقة الزهراء ستكون من المناطق الترفيهية والعمرانية حيث انها يبنا فيها حاليا أكبر مجمع سينمائي بالشرق الاوسط وكذلك فيها جمعيتين جمعية الشرطة الاستهلاكية وكذلك جمعية الزهراء....
الى جانب ذلك المدارس ذات التصميم الحديث وذات الالوان الزاهية في عموم جنوب السرة.


حلوه جنوب السره والا اشرايكم؟؟؟

 

[Pink GirL]

مــشرف

الشامية

المنصورية

الفحيحيل

 

[الأماكن]

الفنطاس وبس منطقة هادية و حلوة وشرحة وبرحة وجمعيتها كل شئ فيها والمدارس مستواها قوي واييييييد لان فيها عماير وكلها مصريين وسوريين وطبعا هذيل شطار ومتفوقين حتى المدرسات اكثرهم مو كويتيات مع احترامي مع اني معلمة كويتية لكن الحق ينقال

 

[جورية كويتية]

والله انا احب الكويت كلها

بس السالميه لان كل الاهل هناك
بس الحين صايره ما تنددددددددددددددددش
يا ربي زحمممممممممممممممممممممه