مرحبااا ياحلوين
انا الحين بديت استوعب ونظمت اغلبية الاشياء وطبعاا ماقصرتوااا والله استفدت واااايد من هالتجمع ومن سوالفكم الحلوه وخصوصا الاخت رونا وشروقه ووايد بنات
الحين ابيكم تشوفون المخطط وتعطوني رايكم
على الخطوط الاماراتيه في تاريخ 23 /7 دايركت لين لوس انجلوس
وبسكن في روزفيلت في هوليد 8 ايام
وبنتقل لسانت ديغوو بس مادري اي فندق؟؟4 ايام
وبعدها لاس فيغس فندق بيلاجيو؟4 ايام
وبعدها طيران داخلي من لاس فيغس الى نيويورك وبتم 5 ايام
وبرد عن طريق مطار نيويورك
شرايكم؟؟
وشلون جو كليفورنيا بهالفترة حار؟؟او معتدل؟؟ ماني خلق حنة ريلي
وبغيت اسألكم شترشحون لي فندق قريب من الاماكن السياحية في سانت يغوو؟؟
وشنو الاماكن اللي اقدر ازورها في هالمنطقه؟؟
واي طيران داخلي ترشحون؟؟
وفي نيويورك اب اسكن عند التايم سكوير شنو افضل فندق قريب منه؟؟ وبعدين اسم المطار ماعرفت في كذا مطار ؟؟
شنو اسم المطار اللي بيكون قريب من هالساحه؟؟
وانا احب الاماكن الطبيعيه هل في امكاني ازور اماكن طبيعيه من نيويورك ؟؟ووين ؟؟وكم تبعد؟؟
وتسلمون حبايبي
miu miu
انا اقدر افيدج بالاماكن اللي انصحج تروحين لها بسانديغو
عندجlegoland
sea world
والتمشي بالبيج مالهم هم حلو وفي بعد العاب اللي تكون تركيب "مؤقته"
خبري فيها قبل 8سنسن >>>قديمه
والجو عموما حلو حار بالنهار "شمس" وبراااد بالليل عليل >>>شاعريه الاخت
وفي بعد مدينه العاب بعد اسمها six flags تصلح حق الكبار اكثر شي قريبه من سان فرانسسكو ولاس فيغاس
مارحت لها لانه عيالي كانو صغار
وبالنسبه حق نيويورك
niagara falls جانب الامريكي
ترى وااايد حلوه وتسوى العنوه
احنا 29-6 ليين 12-8
شهر و نص تقريبا ... بنروح الكويت - هيثرو - نيويورك
الرجعه ميامي- هيثرو - الكويت
التذاكر 2 كبار و 2 صغار 1300
بنروح نيويورك و اورلاندو و ميامي ... و في عندنا مده بنفرفر على ولايات ثانيه انشالله
عروس
دام رحلتكم طويله ليش ما تروحون كندا niagara falls canada
ترى وااايد حلوه وتسوى العنوه وحتى لوما نروحون كندا
niagara falls جانب الامريكي هم حلو
وميامي
ترى ما فيها اشياء واايد
اللهم Parrot Jungle Island
وBayside Miami
وتنسين تروحين
bush gardens ب تامبا
حلوه وتونس العاب وحديقة حيوانات وزهور وكلو كلو
تقريبا ساعه ونص عن اورلاندو
تقدرين تروحين وتردين بنفس اليوم
و4july وين راح تكونين
