تجمع المسافرات الى لندن شهر 7 وشهر 8 ؟

[khokha_Q8]

مرحبااا بنات منو يدل جيييز كيك فكتوري بلندن دلوني ومشكورين

 

[te2cher]

مشكووورة شمايخ ماقصرتي الله لا يقصر بعمرج آآآمين
بس تدرون بعد ماشفت برنامج الوطن اللي اعرضوه اليوم عن انفلونزا الخنازير خفت وغيرت راييي عن السفرة

الصراحة شي يخوف وديرتنا أبرك لنا
ولا اشرايكم بنات

العمر مش بعزأة على قولتهم ههههههه

 

[شوكلاتة سويسرية]

مشكووورة شمايخ ماقصرتي الله لا يقصر بعمرج آآآمين
بس تدرون بعد ماشفت برنامج الوطن اللي اعرضوه اليوم عن انفلونزا الخنازير خفت وغيرت راييي عن السفرة

الصراحة شي يخوف وديرتنا أبرك لنا
ولا اشرايكم بنات

العمر مش بعزأة على قولتهم ههههههه

توكلي على الله وروحي استانسي انتي شوفي بس الخطوط وشلون مليانة وزحمة والفنادق مافية حجز
كلن رايح ومتوكل على الله
(يدرككم الموت ولو كنتم في بروج مشيدة)

 

[..ليالي..]

السلام عليكم بنات

شلونكم وشخباركم


انا بعد وياكم

ان شاء الله بروح لندن هالسنه بشهر ثمانيه

مع زوجي

وانا واهو مانعرف شي هناك واول مره نروح

انا اسمع من كلام الناس انهم يطلعون اماكن ومناطق برا لندن ويمدحونها

شرايكم شنو اكثر مكان مناسب لان العيال مو معانا

وبالنسبه للسكن شنو احسن شارع بلندن

لان سمعت ان في اماكن مافيها امان والبوق منتشر عندهم

ومشكورين بنات

 

[te2cher]

توكلي على الله وروحي استانسي انتي شوفي بس الخطوط وشلون مليانة وزحمة والفنادق مافية حجز
كلن رايح ومتوكل على الله
(يدرككم الموت ولو كنتم في بروج مشيدة)

مادري والله محتارة (ولا ترمو بأنفسكم إلى التهلكة)

زوجي متلهف على السفرة بس انا خايفة عليه وعلى بنتي لأن مناعته ضعيفة ومناعة بنتي كونها طفلة

افكر نسافر ديرة خليجية او عربية مافيها هالمرض

ترا لوية وحوسة ... بالمطار يفحصونج اذا فيج حرارة ولا انفلونزا ولا يقولولج اذا فيج انفلونزا لا تسافرين!!!!:0bee2e8d89:

 

[جوجو.]

طبعا انا مو معاكم بالتجمع اللندني هذا
بس بعرف شغله

وين المدارس الداخليه اللي ياخذون الطلبه بالصيف ويدرسونهم ؟
شلون أوصلهم ؟

 

[sha66ora]

حسافة توني اشوف موضوعكم انا بلندن (مراجعة ) صارلي شهرين و قاعدين ليشهر 8
يضيق خلقي لما ارروح السوق بروحي ... شرايكم نتيمع على يوم نتعرف على بعض ونتسوق
الماركات من حلاتها تحير والله
شرايكم بجنطة ال في ال kalahari GM شوفوها وقولولي موجودة بالسايت بعد

 

[q8tia27]

هلا شطوره ماتشوفين شر انشالله
انتي بروحج مامعاج احد؟
جم عمرج مادري عشان شفت الجنطة اهي حلوه مسكتها اعجبتني والله بس الي مو حلو فيها الخرزه الي طالعه منها هذي مخليتها جنها مو ماركة مادري في بنات يحبون جذي انا لا احب الكلاسيك

 

[sha66ora]

هلا حبيبتي انا معاي بنتي عمرها سنتين
وانا عمري 29
عاد انا بعد احس انها حلوة وايد لو مو هالخيط اصلا راح يخليها تبين قديمة بعد مايخلص السيزن حسافة لو شايلينه

 

[جوجو.]

يابنات محد رد علي

 

[نونيا]

جوري في واايد معاهد بلندن شوفي ايست براون بجنوب لندن ودشي المسافرون العرب يعلمونج اكثر

 

[رميحيه]

مرحبا بنات
انا بإذن الله باروح لندن من26\7 الى 16\8 انا وريلي وبناتي 2 حجزنا على البرتش نهاية شهر 4 عن طريق النت والله ما اذكر السعر بس اللي اذكرة ان عرض مغري وحجزنا شقة في EUSTON بعد عن طريق النت وبشهر 4 والسعر ب1050 دينار تقريبا مغري صح؟
الصراحة شفت صورها دشت قلبي نظيفة وحلوة http://www.choiceapartments.co.uk/ هذي لنك للي يبي شوف الشقق والحجوزات على فكرة هذي اول مره اروح لندن فضلت الشقة لان فيها مطيبخ صغير وابنيتي ما تستغني عن العيش والصراحة ما اضمن المطاعم 3 اسابيع عرب لازم اعيوش عاد ما يمنع نستفيد منكم فمطاعم عربية حلوة فيها عيش طبعا انا سمعت عن مطاعم ايرانية بس ماعندي تفاصيل ابي شوركم؟بنات صج دبنهامز في مكان حق ريوق حلو؟؟؟ انزين السوق الساعة جم يصك؟انزين بسالكم شتسون فالهايد بارك تمشون تقعدون وبعدين انا احس ملل اللي اسمعة ان متروسة عرب رايح ياي رايح ياي انزين وبعدين؟؟؟؟ شكلي باتملل وانا ريلي يموت عليها وقثاني عليها شكلي بسطة معاه وطالعني واطالعك
باقولكم عن احسن شي سويته اني صرفت فلوسي ن زمان يم كان اليورو نازل شرايكم فيني شاطرة؟؟؟؟؟

طبعا اكيد بتعرفوني اذا جفتو 2 متجابلين فالهايد بارك معاهم بنوتين هههههههههه او اذا طفتو علة الشقة وشميتو العيش عاد لاتخلون تفضلو

 

[نونيا]

رميحيه هو لندن جنيه استرليني مو يورو !

 

[رميحيه]

بالغلط

 

[mr000]

أختي رميحيه زين سويتي أنج صرفتي فلوسج مبكر آنا كنت رايحه لندن بشهر 4 بس صرفت فلوسي بشهر 3 كان بين ال416 فلس لي 420 فلس يعني كل يوم له سعر بس الوالد كان صارف بشهر 1 كان أقل من 400 فلس! بس أن شاءالله راح تستانسون فيها وايد ومادري شنو تبين تعرفين عنها أنا وايد رايحه لندن أذا تحبين تسألين عن شي بس ماأعرف المنطقه اللي فيها شقتج بالضبط! عموما حق اليهال وديهم لندن زوو حديقة الحيوان موجوده داخل ريجينت بارك وعندج محل هامليز مال الألعاب بريجينت ستريت ولو تروحون برايتون يوم يعني من الصبح لي المغرب هم حلوه عالبحر وفيها ألعاب وأكواريوم برايتون تروحون لها بالقطار من محطة فكتوريا موبعيده أقل من ساعه بالقطار وفيها سوق حلو بعد! وأذا تبين جناط ماركه أخذي من لندن وايد أرخص من الكويت! وعندج منطقة بستر فيليج فيها هم حلوه وفيا الماركات نص السعر! واذا تبين تسألين عن أي شي آنا حاضره

 

[q8tia27]

ماقصرت الخوات رميحيه بس انا افضل تقرين الصفحات كلها لان فيها اشيا بتسفيدين حيل منها خاصه للطلعات والوناسه وترا الهايدبارك انا مثلج قبل عبالي ملل بس هواها يرد الروح ومن كبرها ماراح تحسين بالزحمه مالت الخليجين لان اهم يتكودون صوب البحيره بس والكافيه بس حدها شرحه وتحسين صيحه وتمشي وناسه لاتحاتين بالسلامه انشالله

 

[..ليالي..]

مساء الخير على الكل


شلونكم اليوم

بنات


اي والله كويتيه 27 البنات ما قصروا بالصفحات اللي قبل وانا قريت كل الردود وطبعا سيفت اللي ابي بجاهزي

بس بنات يقولون لندن بعد الساعه عشر بالليل ما فيها حياه خلاص كل من يروح بيته <<فندقه

عاد انا من اهل السهر

وما احب انام بدري <<قصدج ما تعودتي

اخاف احس بالملل

برايكم شنو اسوي بالله

بس اقعد مع ابو العيال <<والله راح يزهق مني

وصج في مناطق مافيها امان هناك

زياليت تقولون لنا عن احسن الفنادق

لان انا بروح بروحي مع زوجي

والله يعطيكم العافيه

 

[black_arno0oBa]

بنات الي يبي يروحون من منطقه لي منطقه بالقطار دايما لما تحجزون حجزوا جيبست تكت عشان تطلع التذكرة اوفر

 

[black_arno0oBa]

والي يحب يطلع مناطق بره لندن يروح مانشتر تشستر زووو حيل حلوه واكو مجمع اسمه ترفود سنتر وايد كبير وحيل حلو

 

[جوجو.]

جوري في واايد معاهد بلندن شوفي ايست براون بجنوب لندن ودشي المسافرون العرب يعلمونج اكثر

شكرا نونيا حبيبتي