السلام عليكم
شلونكم بنات
أول شي قولو آمييييييييييييين
يللا قولو
الله يكفينا شر هالخدم والله لا يعوزنا حقهم
انا اليوم حابة أغرس في قلب كل وحدة الاستغناء التام عن الخدم
صج تعب صج نداوم صج عيالنا يوصخون
حتى رياييلنا مو مقصرين بالدثرة
بس ميخالف
كل شي يهون في سبيل ان البيت يكون بدون خدامة
طبعا انا ما أواطن الخدم
ودعائي دايما في صلاتي ان ربي ما يخليني أحتاجهم
أكيد تبون تعرفون الأسباب
لأن الخدامة حكرة تصك عليج في كل شي قعدتج ولبسج وكلل شي محسوب عليج
وفوق هذا كله وجود خدامة في البيت معناه تكونين أكثر حرص على أغراضج يعني لازم تقفلين غرفج وغيره من الحرص
المهم اختي حيوووووووووووووته صدقيني اني حاسة في البداية بتعب لأن الخدامة توها رايحة والانسان عقب الراحة صعب يوقف على حيله
بعطيج بعض النصايح اللي اكتسبتها من حياتي لأني صامدة ليما الحين بدون خدامة وعندي بنية وحده وانا موظفة وانشالله أفيدج:
أولا:قبل النوم قولي سبحان الله 33 مرة والحمدلله 33 مرة والله أكبر 34 مرة (هذا دعاء عطاه الرسوال الكريم حق السيدة فاطمة لمن اطلبت خادم فرد عليها وقال :ألا أدك على خير خادم وعطاها هذا الدعاء)مهم جدا هذا الدعاء لا تنسينه
ثانيا:لاتراكمين الشغل اي شي شفتيه طايح شيليه والمواعين على طول لا تكودين
ثالثا:لا تمسحين السيراميك،اكنسيه بالمكنسه والمسح اذا توصخ حل
ثالثا:الطباخ خليه بعد صلاة المغرب عقب ما يبرد دخليه الثلاجه وثاني يوم يتسخن، وبين فترة وفترة كسري الروتين وطلبي من مطعم بس مو علطول
رابعا:اذا عيالج صبيان وكبار قطيهم على ابوهم خل يطلعون مع ابوهم ،يقضون معاه مشاوير،واذااستصعبتي هالشي عوديهم اي شي يقطونه يشيلونه وحتى بو عيالج لازم يقدر
خامسا:ديري بالج ترهقين روحج اذا حسيتس نفسج تعبتي لا تكملين الشغل ريحي نفسج وبالنسبة للتنظيف العميق للبيت خليه بالأسبوع مررة ولا تسوين كل شي مرة وحده ، مثال:اليوم بس تنظيف المطبخ لا تسوين شي صعب معاه
سادسا:بالنسبة للغسيل حطي جدول يم الغسالة تنسقين فيه ايام الغسيل يوم لهدومج ويوم اهدوم ريليج ويوم هدوم اليهال واذا ابو الشباب يرضى خلي يودي دشاديشه المصبغة ما فيها شي الفلوس اللي كنتو تقطونها على الخدامة خليها على المصبغة(بس اهم شي اهو يوافق)
سابعا:في اشيا يومية سهلة يعني تكرمين الزبالة تكون بآخر الليل وكل واحد يشيل الكيس اللي بغرفته
اممممممممممممممم وبس
تصدقين انا اول ما تزوجت قزرتها بصحوون ورقية
وهذا يعتمد عليج وعلى ريلج اذا تتقبلون هالشي
اي تذكرت شي حلو ومريح اذا انكت شي على السجاد أو السيراميك وتبين شي على السريع شفتي كلينكس ديتول مسحي فيه علطول يوخر البقعة على طول
يعني مرات بنتي توصخ الغنفة علطول امسحها بكلينكس ديتول
امممممممممممممم وبعد
اذا امج او وحده من خواتج عندها خدامه ما فيها شي اذا خذيتيها يوم بالاسبوع بس ساعتين تنظف لج
وحطي ببالج انا عايشة بدون خدامة صج تعبانة جسديا بس نفسيا مرتاحة وصدقيني حلو الوحده تشتغل بيدها أصلا مأجورة عند ربج وأزيدج من الشعر بيت ترى ربج يسهل اصلا مرات اقعد فاضية وعندي وقت فراغ وترى مهتمة بنفسي وبكشختي عكس اختي اللي عندها خدامة وشكلها داثر
يعني ملخص كلامي الوحده ما تموت اذا ما عدها خدامه
وشوفي انا افكر اييب خدامه بس اذا وصلت حدي وحسيت ان الشغل أثر على صحتي وما تدرين يمكن اذا صار عندي يهل ثاني احتاجها بس هم راح أستمر بالدعاء اني ما احتاجها
وسلامتج وسوري على الإطاله
