يطلب مني فلوس بالهبل نص معاشي له وان طلب منه يقولي ..................................

[ليمونه2009]

بنات مشكلتي مع زوجي اني موظفه ومعاشي اكثر من معاش زوجي فرق 100 دينار بس المهم انا زوجي وايد يطلب مني وايد وماخذ قرض على راسي يقولي ديون ويبي يسكرها المهم الحين كل شهر لوع جبدي يطلب 300 او 400 مايبقى من معاشي الى القليل ولما يصير اخر الشهر يكون اهو عنده فلوس اقوله عطني فلوس يقولي ليش اشتبن فيها مو مكفيج معاشج اقوله ابي اشتري ملابس او ابي امشي نفسي لين اخر الشهر يقولي دامج فسفستي فلوسج عالفاضي اكليها علشان مره ثانيه تعرفين شلون تحافظين على فلوسج واخر شي وبالحنه جم يعطيني؟؟؟؟؟؟؟














5 نانير وجم دينار يعني مايعدون 7 دنانير ورب الكعبه طراره واشوف ببوكه عشرينات اقوله شنو 5 دنانير ابي 20 او 30 دينار على الاقل يقولي عبي رصيدج واحمدي ربج

ووهذا الشهر طلب مني 250 دينار وقلت له ماراح اعطيك لاني كل شهر اكل هوه ومايصير عندي فلوس وانت تعطيني 5 دنانير زعل وزفني زف وسكر الباب وراه ومايكلمني ولما رد قالي انتي تمنين لما تعطيني حسافه خذيت منج وانا عبالي تعطيني بنفس حلوه طلعتي منانه ومن الكلام اللي يجرح ماجني اعطيه كل شهر


انا شسوي فيه اذا ماعطيته زعل ولما اراضيه مايرضى واتفاهم معاه واقوله حبيبيي عمري قلبي انا ماعندي فلوس بروحه عندي قرض ومن هالكلام يقولي انتي دلوعه وكل فلوسج عالسوق وماتعرفين تصرفين عدل مثل اليهال ويرقعها بكلام غبي

انا شسوي والله لو قاعده بالبيت ابرك

 

[طـير7]

الله يعينج

الرياييل مثل اليهال

مايوون الا بالمساحل

اخذي دايما بالهدوء والكلمة الطيبة

 

[الجارحـــــة**]

بعد فلبي نفس المعانات بس انا لو بطيعه بياخذ معاشي كله


يزعل ويطق راسه بالطوفه


رياييل اخر زمن المرة تكد عليهم



واهم اللي فاهمين كل شي

 

[عاشقه القيصر]

مثل ريل اختي واختي مسكينه ماتشتغل بس ريلها عليه اقروض واقساط ومعاااشه حيل قليل .ويطلب من اختي واختي اتقوله انت تدري انا ماشتغل ويقولها استلفي من اهلج@@

 

[كويتيه وكلي فخر]

يا اختي جلستج بالبيت بتزيدك حاجه للفلوس اكثر الحل انك تقطين 200 دك وهو نفس الشي مره تكون له ومره تكون لج ولازم تعرفون الفلوس وين تروح هل بالحرام او الحلال حتى تتبارك اتمنى اني اكون ساعدتج

 

[om_7san]

اوكي اساعد ريلي بالمعقول بس مو على حساب اني اضل اخر شئ على الحديد وبعدين اطر منه طراره
اللحين فلوسج وفلوسه واحد بس ريلج قاعد يحط حد اني ياخذ بس مايعطي دام معاشه مو خالص ليش ياخذ منج
لا تعودينه كل شهر ياخذ منج ولا تقوليله مابي اعطيك يبيله ياها بطريقه حلوه عشان لا يحس انج تتمنين عليه
بس نصيحه لا تعودينه دام اهوا لا اخر الشهر مايساعدج ويكون بجيبه بالله شيبي فيهم اهواا

 

[um hamed]

الله يعينج
اناا من راي ما تعطينه دام الفرق 100 دينار وانتي اساسا ماخذه قرض علشان ديونه
اختي وفري فلوسج ماتدرين شنو خاشتلج الايام دشي جمعيات فتحي حساب توفير المهم يكون عندج التزامات بمصلحتج على الاقل الفلوس بترد لج بالنهايه من غير مذله واعذريني بس طفارتي الرياييل اللي من هالنوع

 

[Miss.6Mo7]

والله زمن أغبرر اللي المرآ تصرف فيه على الريآل !

 

[بحر الذكريات]

الله يعينج

لا تعطينه ولا جا يطلبج قولي ابقلبج او ابصوت واطي دخلت عليك بلا اله الا الله والجمت فمك بلا حول ولا قوة الا بالله 3 مرات

والله يكون ابعونج

 

[eman84]

قوليله داشه جمعية و ماعندي و الا البنك قصو مني اقساط زيادة و الا سلفت اختي او اخوي محتاج وطلبني ! يعني كل مره عذر لما يزهق

ياربي شصاير بالرياييل !! بس عاد تأكدي على شنو يصرفهم ,, 300 و 400 ترى مو مبلغ قليل !!

الواحد يطلب 30 50 من زوجته ممكن بس اكثر مادري !! الله يعينج

 

[xtina-90]

اذا قالج فسفستيهم قوليله فسفستهم عليك ولا قطي نغزه انه اهو الي يخلص معاشجج
شنو والله قوات عين ياخذ ويزفج بعد
اصلا المفروض ماتعطينه عشان يتعلم شلون يدبر نفسه

 

[~*~الملكة~*~]

مافيهاشي لي عطيتي زوجج فلووس بالعكس حلوه منج تساعدينه

بس موقف زوجج غريب ليش لما تحتاجين مايعطييج !!

تكلمي معاه بهالموضوع والله يسخرلج زوجج ان شاءالله

 

[ارنوبه]

انا اقول عطيه كل معاشج احسن ؟؟؟؟؟؟؟؟؟؟؟؟؟؟؟؟


انا ما ابي اشيشج على ريلج بس والله مو لصاااااالحج


وعامليه مثل مايعاملج .. واذا طلب منج ثاني مره قوليه اول شي شتبي فيهم ؟؟؟؟؟؟؟

مالك حاااجه ؟؟؟؟؟؟؟؟؟ انت تلعب فيهم وتخربط ؟؟؟؟؟؟؟؟؟ وعطي خمس دنانير او عشره

وغيرهم والله ما اقدر محتاجه فلوسي لشغلات اهم ..

يزعل ؟؟؟؟؟؟؟؟ عادي خل يزعل شنو بتموتين اذا زعل

بوكه متروووس عشرات وعشرينات ويستخسرهم فيج .. يعني انتي ماتسوين الا خمس او سبع دنانير بنظره .. واهو بنظرج يسوى

اميات ؟؟؟؟؟؟؟؟؟؟؟

وعلى فكره مهما اهو حب ياخذ منج .. صدقيني اهو مايحب تصرفين علي ..

كل رياااااال بالدنيا يحب يحس برجووولته ويصرف على بيته واهل بيته ..

وشرعا من حقج انه يصرف عليج وعلى عيالج ويجيب لج خدامه هذا باشرع بديينه .. واذا تبين تعطينه هذا من طيبج ..

بس لا تزيدين الطيب ترى الرياييل مايستاهلون ماراح اقولج النص ؟؟ لا كلهم وكثر ماتعطينه ماراح يبين بعيونه

وكل رياااال حتى اللي عنده عزت نفس وشاف زوجته تعطييه بالاول بيتضايق وبعدين بيتعود على الطراره من مرته ..



واسفه اذا ردي ضايقج او ضايق احد

 

[رتو الكيوت]

لاتعططينه واذا عصبي

جيبيها بططريقه ثانيه امي تبي مبلغ جذي تبي تشتري شي طبعا اختااري شي غالي ههه

اجمع ابي اشتري الشي الفلاني دشيت جمعيه

حوسي عليه بس لاتعطينه

 

[e3feni]

واااي قطيعه نفس اللي عندي الله يعينج حبيبتي

لا تعطينه وقولي امي تسلفته مني والله لا تعودينه انج بتصرفين عليه لان هالاشكال مو كفو احد يصرف عليها
اوكي في رياايييل والله لو تعطينهم عيونج ييستاهلونها بس هالفئه مايبيلها الا جذي

ان عطيتيه ليته يبين بعينه وان ماعطيتيه بيقعد يتزعل ولا يكلمج ومعامله زفت وحجي حشاكم

من الناحيتين مبتلشه طيعيني اول ما ينزل المعاش سحبي نصه عالاقل ووديه خشيه عند امج واذا سألج قولي صرفته او احد تسلفه مني

وحتى اذا بيتأكد من البطاقه راح يشوف ماكو

انا موبي اشيشج بس مايبون الا هالمعامله

وانتي ابخص بريلج والله يسخره لج وويوفقج

 

[đeɱɛɼɑ™]

ما اقول الا الله يعينج ويسخر ريلج لج ان شاء الله ~

 

[متواضعة]

حبيبتي لا تعطينه ولا فلس حمر

شنو هالكلام سمحيلي ريلج يبط الجبد

لازم من البداية ماكنتي تعطينه اللحين تعود عليج

قولي له ماعندي صرفتهم عاد مو بالهواش لا باللين وبالكلمه الطيبه

وسالي شيخ دين بهالموضوع وقولي له يطلب مني وايي اطلب منه ويكون عنده فلوس مايعطيني

حبيبتي خشي لج جم بيزه حق اليوم الاسود

دشي جمعيات على الاقل احسن لج وخليهم بالبنك ولا تلمسينهم

ترا محد بيندم الا انتي بالاخير

اذا عنده بعد رقم بطاقتج غيري حسابج

ياحبيبت قلبي المرأه معليش اتضحي وتعطي ريلها لما يكون محتاج بس مو بالهطريقه

بس اهم شي قولي له ان على طول مفلسه ودايما طلبي منه خليه يتعلم انه يعطيج

بالتوفيق

 

[الشهد كله]

حبيبتي أهو شنو دوره كرجل إذا انتي تصرفين عليه ؟؟؟؟

شوارب عالطل ، ورياييل آخر زمن اللي يمدون إيدهم حق الحريم !!!!

تبين الصج الغلطة الأولى والأخيرة عليج إنج فتحتي له المجال من الأول ، ولا شكو تدفعين له 300 و 400

باردة مبردة من غير ما تعرفين وين راحوا ؟؟؟؟؟؟

يا ليت يعوضج خير ، باجر يجمع هالفلوس من وراج ويحط عليج ثانية و يدفع مهرها من فلوسج ، بذمتج

تحترين ولا لأ ؟؟؟؟؟؟؟؟؟؟

لا يا بعد قلبي فتحي عينج وقلبج زين ورديه مرتين وثلاث وأربع ، وإذا قالج انتي تمنين علي قولي له من حقي

شوف آنا شنو أدفع لك وانت شنو تعطيني بالمقابل !!!!

ولا تساحلينه ولا تراضينه خليه على هواه ، متى ما رد رد .......

آنا ما أشيشج عليه بس اللي قاعد يصير مو طبيعي ، آنا أهلي درسوني وحطوا الوظيفة بيدي عشان أصرف

على ريال غامض ، ماني ملزومة ..........

هالفلوس اللي تدفعينها له انتي أولى فيها ، وخلي بوزه يوصل الشارع ، لو فلوسج بجيبج ماراح تحتاجين منه

حتى 100 فلس حق ماي صحة ، مو تطلبين منه ويعطيج دنانير وأرباع وأنصاص ...........

حتى مصروف بيت منتي مجبورة تدفعين ، هذي من التزاماته ( المصروف والإيجار والخدامة ) كلها أهو اللي

لازم يدفعها لا تصيرين كريمة زيادة عن اللزوم ترى يستغفلج !!!!!!!!!! ​

 

[dm al'3azal]

والله ان مشكلتج نفس مشكلتي بالضبط بس انا تعلمت قمت اصرف واقوله ماعندي واشتري جدامه شي غالي ان سالني قلته عطني ماعندي شريت جنطة شريت بدله انعزمت وخرابيييط وايد ما قام يحاجيني اللي كان يطلب 200 وفوق وعلى قولتج التزامات و ما شوف دفعهم حق شنو ؟ قام يطلب مني 50 حده ترى 100/100 بيقول ما تحسين ولبا تصرفين ولا تقدريين ما جنج زوجة اروح حق الغريب وبيزعل زعلة جايدة حقريه حقريه حقريه وقولييه بالديين ان الزوج اهو اللي يصرف ولو مرته مليونيره ما يجيس من معاشها ولا يخليها تصرف عليه والمفروض تعطيني حتى لو عندي معاش انت عليك كسوة الصيف والشتا والعيد هذا الله مشرلاعه مو من عندي بس بهالمواقف لازم تصيرين قويه ما يفيد بكل شي دلع خل يعرف اصرارها بشي وان اهي مو ضعيفة ولا بيركب فوق راسج

 

[cherry kisses]

ريلج زودها
سوي استقطاع جق معاشج حق حساب ثاني اهوا مايدري عنه و دايما قوليله ماعندي فلوس
استغفر الله صج هالزمن مافيه رياييل ويقولولي تزوجي !!!