(تجمع مراجعات السلام)

[dlo3a81]

رد: تجمع مراجعات الاستشارية د.امل عبدالعزيز الراشد فقط

شلونكم بنوتات انه ولدت والحمدالله ويبت بنوته

 

[وحده كويتيه]

رد: تجمع مراجعات الاستشارية د.امل عبدالعزيز الراشد فقط

هلااااا دلووووعه الحمدلله على السلامه شسميتي البنوته ؟؟ وشلووون الولاده

 

[7bebta bs]

رد: تجمع مراجعات الاستشارية د.امل عبدالعزيز الراشد فقط

هلوووووووووووووو بنات والله ولهة على سوالفكم شخباركم ؟؟
الي ولدوااااااااااااااا الله يتمم عليكم ويجعلهم من الذريه الصالحه والي ما ولدواااااااا الله يسهل عليهم وعلي واااااااااااااااااي مليت مو قادره اداوم تعبت الصبح ما احس بنصي الي تحت من ظهري الىريولي وااااااااااااي مادري شسوي
صج يعني قبل ال 5 ما يبين البيبي
ابي اشوفه

 

[قمري]

رد: تجمع مراجعات الاستشارية د.امل عبدالعزيز الراشد فقط

انتي قوليله تعال معاي انجرب يوم .. اهو بروحه راح يحبها ..
انا لما ادخل التاسع اتملل ساعات اقول حق ريلي ماني رايحه هالاسبوع .. من ايي موعدنا وتتصل علينا اللي بالمستشفى .. ما اشوف الا ريلي يلبس قبلي
حتى اول الاشهر اقوله توة الناس ماني رايحه .. الحين .. لما يصير البيبي 3 اشهر على الاقل يبين بالسونار .. ما يرضة يقول انا بشوف السونار .. انتي غمضي عيونج هههههههههه
وايد حابها .. لانها تسولف معاه .. ويتغشمرون ..حليوه حددها
فــ انتي وددي ريلج على يوم .. وخليه يجرب راح يرتاحلها صدقيني

ماكو الا جذيه اقوله خنجرب و اشوف حظي وشوركم و هداية الله :tek: مشكورين و ماقصرتووا و الله يعطيكم اللي بنيتكم ان شاء الله

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

شلونكم بنوتات انه ولدت والحمدالله ويبت بنوته

الحمدلله على السلامه .. اشوفج غطيتي شخبارج مع الولاده .. يا بعد عمري .. واشلون البيبيه .. وناسه كلنا بنات ..

 

[فرحه عمر]

رد: تجمع مراجعات الاستشارية د.امل عبدالعزيز الراشد فقط

شلونكم بنات امل هههههههههههههه
بنات اللي ولدو عندها برويال حياه جم طلع عليهم امس اصدمتني وحده ولدت عند خالده طلع عليها 1600!!!! شدعوه؟؟؟

اذا صج يامعودين عشان نضبط الميزانيه ناوي اسافر عقب الاربعين

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

على حسب الغرفه اللي ماخذتها .. واذا ولاده طبيعيه والا قيصريه
واذا خياط تجميلي
اتعاب الدكتورة 250
الغرفه الصغيره 450
الخياط التجميلي 100

وجذي .. اذا كانت الغرفه اكبر .. اكيد اغلا

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

حوامل كساله .. كله نايمين الصبح وسهارية تالي الليل

 

[وحده كويتيه]

رد: تجمع مراجعات الاستشارية د.امل عبدالعزيز الراشد فقط

هلاااا بايلوت شخبااارج ؟؟

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

تمام الحمدلله .. انتي الحين ما تعرفين النوم عاذرينج .. ههههههه .. انا لما اولد يمكن منتو شايفين ويهي ..هههههه

 

[وحده كويتيه]

رد: تجمع مراجعات الاستشارية د.امل عبدالعزيز الراشد فقط

لووووووووووول بايلوت انا النوم نساني ونسيته الله يعين

 

[mrs_pilot]

رد: تجمع مراجعات الاستشارية د.امل عبدالعزيز الراشد فقط

اي ادري .. حاسه فيج والله .. انا يوم ولدت بجري ,, كنت انطر نطره البيبي ينام علشان انام .. لو خمس دقايق ..لو اغمض وانا واقفه يمكن انام .. ما عندي ما نع . تحسفت على لحظه بحياتي سهرت فيها ..

 

[dlo3a81]

رد: تجمع مراجعات الاستشارية د.امل عبدالعزيز الراشد فقط

شلونكم بنات حبيت اكتب [لكم قصة ولادتي باحلى البنات منورة ]طبعا انه كنت احس بالطلق من بداية دخولي التاسع وكانت دكتورتي تقولي انتي احتمال ماراح تكملين شهرج وانه عشت طول فترة حملي بالتاسع متوقعة باي لحظة اولد المهم؛يوم الخميس داومت دوامي وكان الوضع حدة طبيعي بس حسيت بالم بالحوض لدرجة ماقدرت ارفع ريولي مع انه دكتورتي معطتني اجازة اني مااداوم لان احتمال ولادتي تكون خلال هاليومين لكن رئيسة قسمي قالت لي تعال داومي لو ساعة عشان ماينحسب لي انقطاع عن العمل ولاني بشهري ومااقدر اسوق لان انه مثل ماقلت من بداية دخولي شهري احس بتقلصات الولادة فكانت الوالدة بعد عمري اهيا اللي تكفل توديني دوامي وريلي يردني طبعا ماكنت اقد اني اطول اقعد تقريبا 4 ساعات واستئذن فاليوم الخميس قبل الولادة داومت وحسيت بالالم مثل ماقلت لكم وكنت اقول حق امي وانه بالطريج قربت وجني راح اولد هاليومين وكنت حاسة اني راح اولد اليمعة ودكتورتي بعد كانت تقولي تكفين لاتولدين بالهيوم هذا يوم اجازتي هههههههههه المهم استئذنت من الدوام ورحت بيت اهلي نمت شوي الظهر وانه حاسة اني مو طبيعية فيني شي بالهيوم طبعا فصلت على اخوووووي فصلة وضغطته ضغاط مو طبيعي لدرجة احرجته جدام الكل وكسر خاطري بعد عمري بس قتله موقصدي والله تذكرت ايام الطفولة والشطانة وخصوصا اني البجر فكنت اتذكر شلون انه واختي بدعنا فيه خخخخخخخ المهم وانه فاطسة من الضحك اقول حق امي صدقيني راح اولد اليوم او باجر المهم دقيت على اختي قتلها طلبتج كان بخاطري اروح سوق الكويت ماادري ليش وترجييييتها لين ودتني ورحت هناك وفطست من الضحك شكو ماادري وكنت احس وانه امشي بالالم جان تقولي اختي اذا سويتها وولدتي والله لااخليج وامشي ومشيت مشي وعقب قعدنا تعشينا المهم ردينا البيت على 11 بالليل طبعا اول مرة نتاخر على البيت ولحقت على حلقت خالد العبدالجليل اللي مع سعاد المطيري اذا انه مو غلطانة باسمها وطبعا بلشت فصلة الضحك مرة ثانية وقلت الله يستر من هالضحك خلصت الحلقة ورحت داري نومت ولدي ونمت وريلي سهران بالصالة المهم طول الليل كنت احس بالتقلصات تروح وترد مثل الام الدورة بس على خفيف وكانت تروح وترد كل نص ساعة وكنت احس فيها حتى وانه نايمة وكنت حاسة بالتعب والثقل مو طبيعي
صار الضحى كنت قاعدة اسمع اذان الظهر قعدت ريلي للصلاة وطبعا دايم يطلب مني هالشي لما يقوم من النوم اني احك ظهره وانه قايمة على حيلي عشان بحك ظهره ولااحس تكرمون بشي ينزل مني مثل الماي بس شوي مو وايد مت من الخرعة ورحت ع طوول الحمام تكرمون غسلت ولااشوف نازل مني مخاط ودم خفيف قمت اصارخ من الخرعة وانادي ريلي ماني عارفة شسوي دقيت على امي ماحصلتها وادق مرة ثانية ولامشغول صرنا ندق على بعض بنفس الحزة المهم دقيت على اختي جان تقولي هذي الولادة وطبعا اختي حالة خاصة ماتعرف شنو الطلق الطبيعي لان دايم تاخذ صناعي قبل لادش شهرها المسكينة شوي سكرته منها ولاامي جنها حاسة وكانت مخترعة قالت لي نطري لين يزيد الالم وانه مييييييته من الخرعة وقعدت ابجي وااقول حق ريلي خلاص ماابي اولد حدييييي خقيت رحت خذيت شور ووبدلت ولدي بروح زوارة اهل ريلي وانه قتله قطني بيت اهلي شفت امي ولا لابسة عبايتها مت من الخرعة بزيادة دقينا عالدكتورة ماردت وخفت انه ماتييني كنت احاتي هالشي لان مثل ماقلت انه يوم اليمعة يوم اجازتها@@:eh_s(1):راح اكمل لكم الاحداث بعد شوي بنتي قعدت من النوم .سي يووو[/b][/COLOR]

 

[وحده كويتيه]

رد: تجمع مراجعات الاستشارية د.امل عبدالعزيز الراشد فقط

هلا دلوووعه يلله شوقتينا كملي اذا منوره نامت

 

[dlo3a81]

رد: تجمع مراجعات الاستشارية د.امل عبدالعزيز الراشد فقط

هاي بنات رديت لكم
المهم بعد ماقطني ريلي بيت اهلي ولقيت امي مزهبة العدة وقاعدة تنطرني مت من الخرعة وقعدت تحن انها تبي دق على الدكتورة وانه اقولها ماراح ترد لان اليوم اجازتها وماراح ترد الا على المستشفى جان تقولي خل نجرب دقينا اول مرة ماردت وطرشت لها مسج عشر قايق جان ترد علي بالمسج وامي كانت تكلمها جان تقول لها خل تنطر شوي لين يزيد العوار :eh_s(1):طبعا سمعت كلامها وكل ماله العوار يزيد صار كل 5 دقايق وامي دق عليها جان تقول طيري الحين فيها المستشفى لان وراكم طريج وادق على ريلي ويلي طيراااان من الزوارة على بيت اهلي:ada:وياخذني انه وامي واختي اللي بالثانوية مع قشنا على مستشى رويالوطول الطريج قاعد يطفروني يبوني اضحك وانه حدي خايفة وابجي من الخرعة
شوي ولايوصل مسج حق امي سيل في فيلامودا خمسين بالامية جان تقولي هااااااا تبين تولدين ولانروح افيلاموداطبعا انه بقلبي ابي اروح فيلاموا فرصة لاتعوض:وصلنا رويال حطوني بالويل جير وودوني الدور 5 فحصوني ولاانه مفتوحة4ونص سم دخلوني الولادة وانه ميته من الخرعة دشوا معاي امي وريلي واختي حطولي جهاز الضغط والطلق واجهزة ماادري شسالفتها عقب يات الدكتورة المصرية شكلها حددة يخرع تبي تفحصني انه خفت منها شكلها كان يخرع وايد عقب ماافحصتني :tomato2:حسيت بالالم لان ايدها كانت كبيرة شوي وطلعت برة تشتكي مني عند دكتورتي وتقول اني مو متعاونه وماساعدتها اصدمتني مع انها قالت لي جم مفتوحة @@طبعا دكتورتي مارضت علي وقالت لي عاد الا هذي غير شوي وبدى الالم يزيد والسسترات يسالوني تتحملين الالم ولاتبين الابرة وانه اقولهم كيفكم :krkrkr:شرايكم ؟حطولي الكمام ريحته وايد قوية دخت من اول شفطة ماتحملت ريحته كلش طبعا نسيت اقولكم هلووووووست بالكمام قمت اضحك وفصلت على السسترات وريلي وامي مستغربين مني وريلي كان يبي يجرب الكمام وكل ماكانوا السسترات يسولفون انه قاطة اذني ابي اصيد شي منهم واقعد اضحك حتى ريلي مصورني بس طبعا وانه حاطة الكمام احس بالام يزيد شوي ولاينقطع الهوز واقول حق امي مو قادرة اتحمل ابي الابرة ويني الدكتور ركض :ada:
كان ماشاءالله خوش دكتور ماحسيت بيدة وقمت اتنافض من الخرعة لدرجة الفراش قام يهتزز والسسترات يهدوني وانه ماكو احد ماترجيته مايخليني :krkrkr:حتى الفراشة اللي دشت ترجيتها لاتخليني انه خايفة والسسترات ماقصروا كلش وككان في وحدة مااعرف شسمها اعتقد لبنانية طوول الوقت معاي وماسكتني وتهديني وتمسح علي مع اني ماكنت حاسة بالام بس الخوف حيييييل كنت خايفة اني اتالم لان بصراحة كلش مااتحمله :tomato2:وكان مع دكتور البنج مساعد من كثر مو كاسرة خاطرهم موقادرين يرفعون عيونهم علي وطبعا انتوا عارفين اللبس مال الولادة مفتوح من جهة الخلف وطبعا مارفع المساعد عيونه علي كلللللش وانه قاعدة اترجى الدكتور مايخليني وماابي احس بالعوار قالي والله مااخليج وانه عند الباب اذا تبين اي شي وفعلا امي تقولي قعد ينطرج لييين ولدت
شوي ولا يزيد الطلق وانه مبنجة مااحس بشي كلش من تحت ولا السستر تشب اللون الاحمر وصلت لي مرحلة الولادة ولا الدكتورة تيي تفحصني وتقولي يالله دلوووووعة بووووووووش وانه اقولها مااعرف يعوووووور _03BAعياره خخ بس للامانه انه ماحسيت بالولادة حسيت بضغط طلعت الراس وانه ماكنت عارفة اضغط لي تحت كنت اسوي بووش لي فوق كنت حدي متشنجة ولين قرب الراس يطلع سكرت عليه وتقولي الدكتورة حرام عليج يالله دلوووعة مابقى شي ليييييييي تمت العملية بحمد الله وطلعت احلى بنوته منورة وحبيت اقولكم بنات الدكتورة ماقصرت معااي كللش جزاها الله خير حتى الاستاف الله سخرهم لي ماخلوني كلش وولادتي كانت من يوم الخميس اطلق بس ع خفيف لي الساعة 2 الظهر وولدت الساعة 5ونص العصر وباي سؤال انه حاضرة بنوتات_03BA:

 

[*نور الكويت*]

رد: تجمع مراجعات الاستشارية د.امل عبدالعزيز الراشد فقط

السلام عليكم بنات ,,

تكلمتوا عن الدكتورة أمل ونفسيتهاا وماشاالله الكل يمدحهاا

بس ماتكلمتوا عن الخياط ؟ زين ؟

 

[قمري]

رد: تجمع مراجعات الاستشارية د.امل عبدالعزيز الراشد فقط

اخت dlo3a81 الف الحمدالله على سلامتج و مبروووووووووووووووووووك ماياج و عقبالنا يارب ان شاء الله انزين قوليلي شلون خياطها و وضع المستشفى وودي اعرف جم الاسعار يعني عطينا تفاصيل اكثر لو سمحتي

 

[وحده كويتيه]

رد: تجمع مراجعات الاستشارية د.امل عبدالعزيز الراشد فقط

انا عن نفسي خياطي تجميلي وزين الحمدلله ومبين مو كبير حده صغير ... وانا خذيت غرفه ليلي واليوم الثاني سويت استقبالي بجاردينيا يعني طلع علي كله 1000 و200 تقريبا واايد زين الحمدلله مع الادويه وكل شي .. وللعلم انا طلق صناعي بعد

 

[toto2006]

رد: تجمع مراجعات الاستشارية د.امل عبدالعزيز الراشد فقط

انا بعد ولدتني الشهر اللي طاف .. المستشفى روعه و الدكتوره تينن.. الولاده قيصريه مع ابره ظهر و قعدت بالياسمين خذوا مني 3600 دينار .. بس حلال عليهم

 

[Karezmatia]

رد: تجمع مراجعات الاستشارية د.امل عبدالعزيز الراشد فقط

هاااي بنات شلوووونكم ؟؟

انا باجر عندي موعد الصبح عند د.أمل وانشالله تحددلي شنو فيني بنت ولا ولد

ابي مجلس طبي عادي تكتبلي تقرير منو مجربه طالبه منها تقرير للمجلس الطبي ؟؟

ومنو باجر موعدها عند الدكتوره