تجمع امهات 2008 حياكم

[داريني]

دردر تسلمين يا رب

عاد صج قهر لما تبين الشي وما تلقينه

وعلى فكره مثل ما قال زوجك يكسرون السيارة ويكون على شي ما يستاهل لا تحطين بالسيارة فلوس

آنا قبل مده كنت حاطه موبايل قديم ما نستعمله بالسيارة يمي جان واحد يكسر الشباك علشان يبوق الموبايل
عاد لو قايل يبيه أشرف دفعنا فلوس الشباك خمس أضعاف سعر الموبايل

وييي صج ما يسوا والله اخوي جم مره يقول حتى لو لعبه موبيال لا تخلونه بسياره
مسكينه انا حماتي كانت رايحه الممشى
ولما بتركب سياره ولا كاسرين الجامه ومبطلين الدرج وخذو الفلوس وجنطتها كانت مدعوسه تحت الكشن وفيها كل شي
وسحبو فيزا 800 دينار مره وحده
واخر شي طلع الحرامي شريف لقت جنطتها ثاني يوم محذوفه بالممشى بس محللها عدل حتى قلوس ماخذه هههههه

صاجه ام الجوج
علومه
من صجج اتخلين فلوس بسيارتج
وتخلين الهندي يغسلها
احسلج اشتري الكرت

بنات في سايت فكتوريا سيكرت
نعل فلات فلبس علي 25 الكل طلبهم

امس شفته في اثلك فوت ب 21 خخخخ

امي يابت لي من دبي فلاتات اشحلاتهم وحده منهم على ريش طاوووش زوووووغه

 

[الاستاذة]

صباح الخير بنات شلونكم؟

مبروك ماياكم داريني والحمدالله على سلامة بنت خالتج

هلا والله كويتيه وافتخر منزل مبارك شلونك شخبارك ماقلتيلنا شصار معاج ترى انحاتيج

 

[love love]

امبيه عادي منو بيدري بالدرج في فلوس ولا مافي جان كسرو كل السيااييير

بس انتو تحطون شي ينشااف اكيد بينبااق

وانا احطه تحت ملف الدرج بين الاوراق منو بينظف ويدور

________________

رقي االكرت ساعات محطات البنزيين يكون مخترب يلوعون الجبد

 

[داريني]

علومه
هههههه خلاص يبا كيفج هههههه


الاستاذه
مشكورة والله يسلمج والفال لج يالله عاد كسرو راس زيونه ويبو لها زين يديد


بروح بعد شويه بطل على بنت خالتي
مو قادره لازم اتطمن
واشوه ريلي انقذني وطلب لي بوكيه من نت وراح يوصلوونه

بط جبدي قالي عمرج ما طرشتي ورد حقي هههههه جان اقوله روح اطلب وطرش حق روحك

 

[love love]

لوووووووووووووول داريني اشفيييج قاعده اتنااقش:> مو امعصبه

امبيه شسوي اكل ولا لا؟؟ مممممممم

داريني اتذكر مره ريلي خذاني من صالون وادري كان يشتري هديه حق رفيجه الي اهو ريل اختي ولا اطل بالجيس>>>لقافه ولا اشوف عطر امغلف وورده انا اهني شبييت بس على ضحك
ايييييييييي تعطييه ورد وانا لا يالله الله كريم على الاقل رقعها واشتري اي شي اي ورده ميته على الاقل وقاعده واتحلطم واهو سااااااكت اخر شي يقولي يبي كلينكس من ورى اطل ولا بااقه اشكبرها انحررررررررررجت

كله اسويي فيه جذيه اتحلطم واخر شي يقص ويهي

 

[أم وجيه]

لووووووووووووووول دردر يشتري حق روحه حرام عليج

آنا أحب الورد وايد ووايد أهدي حق زوجي ورد حتى بدون مناسبات وعندي لو في مناسبة وشاريه هدية لازم الورد يكون مرافقها ما أقدر بدونه

 

[love love]

بنات تعبت اللوعه خفت بس ماكليت شي اخاف اكل ترد اللوعه شسوييييي

هالمره غيييييييييييييييير والله حوراء فديتها ماسوت جذيه فيني

 

[الاستاذة]

لوول ام وجيه عكسي انا ماحب الورد احس ماله قيمه هي هيهي احب الاشياء القيمه اونس مره اول ماتزوجت ريلي ياب لي ورد حس اني مو وايد مستانسه وعقبها ياب هديه ساعه استانست وشكرته لوول ابي شي استفي منه كلش مافيني رومانسيه

داريني والله ودي انشاالله بس بروح الحج باذن الله انشالله عقبها الله يزرقنا

 

[love love]

استاذه انا اي شي ايبلي امثل علييه انه واااااااااااو واينن ومشكووووور وحدي مستاانسه اهو يستانس واييب زياده >>>>>>>>>هههههه هذا الهدف

 

[أم وجيه]

له له الاستاذه ماديه بحته خخخخخخخخخخخخخخخ

لا آنا أحب لو شنو تكون الهدية يكون معاها ورد ما أدري ليش أموت بالورد وأحسه قمة الرومانسية والمشاعر

وان شاء الله ربنا يكتبلج الحجة على خير وعقبها عاد تييبي أخو ولا اخت لزيونه ان شاء الله

 

[داريني]

بخخخخخخخخ
توني رديت من بنت خالتي
وااي فديتها تعبانه ويها منتفخ تعور القلب
و ولدها تعب وحطووه بالشيشه
الله يقومه ويقومها بالسلامه
على قولت خالتي هالايام اليهال اييون بزرو ويتمنون على ما يطلعون

 

[داريني]

لووووووووووووووول دردر يشتري حق روحه حرام عليج

آنا أحب الورد وايد ووايد أهدي حق زوجي ورد حتى بدون مناسبات وعندي لو في مناسبة وشاريه هدية لازم الورد يكون مرافقها ما أقدر بدونه

لا زوجي دفش ما عليج منه
مره يبت له ورد وكاكاو قالي لو يايبه صحن ماكون كباب احسن هههههههههه

بنات تعبت اللوعه خفت بس ماكليت شي اخاف اكل ترد اللوعه شسوييييي

هالمره غيييييييييييييييير والله حوراء فديتها ماسوت جذيه فيني

والله حتى انا مساعه طلعت وياتني لوووووعه وراسي قام يفتر وحسيت ببروده
شعووور باااييخ

لوول ام وجيه عكسي انا ماحب الورد احس ماله قيمه هي هيهي احب الاشياء القيمه اونس مره اول ماتزوجت ريلي ياب لي ورد حس اني مو وايد مستانسه وعقبها ياب هديه ساعه استانست وشكرته لوول ابي شي استفي منه كلش مافيني رومانسيه

داريني والله ودي انشاالله بس بروح الحج باذن الله انشالله عقبها الله يزرقنا

وي اي حج مه انفلونزا خنازير لله يكفينه الشر
يالله انشالله تروحين وتصيرين حجيه

 

[داريني]

الاستاذه انا نفسج ما اقبل ورد بروحه لازم شي قيم معاها
مره ياب لي ورد وقعدت ادور مني ومناك واقوله وييييين الهديه
قالي بس هالورد
قلت له مو مقبوله خخخخخخخخ طبعا على غشمره
ومن يومها ما طب في بيتي ورد ههههههه

 

[love love]

داريني اظاهر الجو بروحه يلوع الجبد

 

[أم وجيه]

لووووووووووووول دردر لا عاد ورد بروحه ما يصلح صج الورد لازم معاه شي ثاني

دردر لا يكون ؟؟؟؟؟؟؟ من جذي اللوعه ؟؟؟

بنات بستشيركم شرايكم شنو أسوي مانع هالمره

يعني الحبوب خذيتها ثلاث سنين كانت ذابحتني موت وكل جم شهر أغير النوع وماكو فايده
تأثر وايد على نفسيتي وعلى جسمي
اللولب ما أدري خايفه منه مع اني شريته علشان أركبه بس كل ما قلت جدام أحد يقولي سالفه وأخاف
العد ما نفع وياي ولا العازل وكاني حامل من وراهم خخخخخخخخخخ

شرايكم قولولي من تجاربكم شنو أفضل مانع للحمل

 

[كويتيه وافتخر]

هلا فيكم

اخباري تمام -- عيالي مالين حياتي بالطول والعرض

والحمدلله

مشغوله بولدي البجر اللي بيروح اولى ابتدائي اشكثر احاتيه لان للاسف ماقبلوه بالمدارس الخاصه يقولون لازم متخرج من روضه خاصه
الحين مشركته بنادي المدرسه الانجليزيه يوميا من تسع الى الساعه 5 لمده شهر
وافكر بالشهر الجاي ان الله عطانا عمر اكمل معاهم او اغير له

مشغوله بترتيب البيت ايه صج يبارك فيج الاستاذه وعقبال بيت العمر يارب تباركون لي وابارك لكم


ولدنا البطل -- حي يرزق دلييل ان الامر وحده لله يحي العظام وهي رميم
واتصل فيني دكتور من امريكا ومتعجب انه وصل الكويت وهو حي

صج الولد كلش مو طبيعي بس عايش يعني الامل بالله وحده يتبدل كل شيء

انا عني نسيت شيء اسمه مرض واعامله كطفل عمره يوم واحد يومياعني ماقمت اقول مختلف غير متى يتطور ؟؟؟ كل هذا حذفته ورى ظهري

باجي اسبوعين واعطل
ودي اروح عمره او دبي ثلاث ايام بس عشان العيال متعلقه فيهم ومتعلقين مااقدر اخليهم بعد

وبس هذي اخباري

 

[الاستاذة]

والله مادري ام وجيه احسن شي كل واحد يقد بدار وبس هيهيهيهيهي

داريني لوووووول ياحليله ريلج طماشه يبي كباب ضحكني صاج الريال شسوي بالورد

واي خرعتيني انشالله تعدي سالفة انفلونزا الخنازير يارب واحج كل سنه يصير شي

 

[أم وجيه]

كويتية وافتخر زين سمعنا أخبارك
والله يباركلك بعيالج كلهم ان شاء الله وزين تسوين مع الكبير يلهى عن اخوانه وتتفرغين لهم شوي والله يعينج على ترتيب البيت
وان شاء الله يتعافى البطل والله يشافيه لا تستبعدين شي عن رحمة رب العالمين

وعاد لا تقطعين مره ثانية وايد ولهنا عليج ووايد حاتيناج

الاستاذه خخخخخخخخخخخ الحل مالج فاشل اي قوليلي انتي شنو اجراءاتج ؟؟
عاد لك وحده تقولي شنو جربت وكان الأحسن بنظرها
بسوي استفتاء

 

[أم وجيه]

مافي وحده منكم استعملت الاصق لمنع الحمل
قالتلي دكتورتي شرايج تجربينه

 

[كويتية1]

شلونكم بنات
ام جوجو للحين ما ولدتي اشعندج يالله اورلدي هههههههه اختي طافت شهرها وللحين ما ولدت لوعت جبدي هههه
كويتية وافتخر الحمد الله على سلامه البطل ومنزل مبارك وصج فقدناج
دردر مبروك ماياكم وضحكتيني على صحن كباب شكل ريلج مكرش\