لكل وحدة تتداول بالبورصة ... ساعدونا !

[Nokia N95]

السلام عليكم ورحمة الله وبركاته

شلونكم كويتيات ؟ ان شاء الله بخير

كثر السؤال عن البورصة ...
خاصة مع وجود التداول الالكتروني .... صارت الوحدة تقدر تبيع وتشتري الاسهم وهي في بيتها .. كل اللي تحتاجه كمبيوتر وانترنت

بحط لكم المواضيع اللي قريتها بكويتيات عن البورصة

بناءا على طلب العضوات دورة مبسطه عن البورصه للاخت kuwaitya_zoGaa


للمتداولات في بورصة الكويت .. كيف تحققين 3000 دينار شهريا دخل صافي من البورصة للاخت مستثمرة بورصوية

كيف تجمعين ثروة مالية باقل جهد ممكن ( عندج كمبيوتر ؟؟؟ ) اذن فمع @ الرسامة @ انطلقي للاخت @ الرسامة @


البورصة .. فرصة ما تعوض للاخت منيرة خالد


الحين بعد ما عرضت لكم المواضيع اللي قريتها
توكلت على الله وقررت اني ادخل البورصة بمبلغ صغير

رحت بيت التمويل .... لان عندهم خدمة بيتك للتداول

اللي تبي تعرف معلومات عن هالخدمة تدخل موقع بيت التمويل
لاني اعتقد ان وضع روابط لغير منتدى كويتيات مخالف للقوانين

المهم ... توكلت على الله ورحت بيت التمويل ومعاي بطاقتي المدنية وبطاقة البنك
وقالوا لي بعد 3 ايام نطرش لج مسج او ايميل باسم المستخدم و كلمة السر

وفعلا طرشوا لي اسم المستخدم وكلمة السر بالايميل

الحين لازم اودع في الحساب 500 دينار ( اقل ممبلغ ممكن ايداعه علشان الواحد يقدر يستخدم خدمتهم )

وان شاء الله بس احط الـ 500 دينار وابتدي معاهم اقول لكم عن خدمتهم
ملاحظة : هالـ 500 دينار علشان اقدر اشتري فيهم .. يعني مو رسوم للخدمة

اول مرة اجرب البورصة ... علشان جذي ماودي اغامر
والواحد لازم يجرب

اتمنى اني اشوف مواضيع بكويتيات عن الاسهم و البورصة .... تحاليل فنية ... رسومات بيانية ... خلونا نتعاون ونكتب كل اللي نعرفه وياليت من اللي عندها ولو معلومة صغيرة تكتبها حتى لو كان بموضوع مختلف بس تحط الرابط هني بالموضوع علشان يكون مرجع للكل

واتمنى كل وحدة تتداول بالبورصة تكتب لنا عن الاسهم اللي تنصح فيها او على الاقل اللي تستاهل ان الواحد يراقبها

دعواتكم بالتوفيق ...

 

[منيرة خالد]

السلام عليكم / اختي nokia n95

قريت موضوعج صراحه احيج على اتخاذ الخطوه بالتداول بالكتروني عن طريق موقع بيتك للتداول ......... وان كان المفروض بديتي من الوقت اللي نزلت فيه الموضوع جان جنيتي الارباح اللي جنيتها ( لأنه اللحين بدى السوق ينتعش )

بالنسبه لي أنا شريت مباشره عن طريق وسيط بالبورصه - واللحين اتداول عن طريق الانترنت ببعض الاسهم بنسب قليله

أهم الشركات اللي تعاملت معاها بالبيع والشراء ( وهذا عباره عن مثال مو تروحون تشترون نفس الشركات ترا في شركات افضل )

شركة جيزان ( كانت 50 فلس ) واللحين 96 فلس .................. بالمستقبل راح ترتفع 1.500

شركة أدنك ( كانت 51 فلس ) اللحين واصله 67 فلس قابله للارتفاع والانخفاض استغلي الفرصه اذا ارتفعت بيعي واذا انخفضت اشتري وراح تشوفين الفرق بالبدايه مبلغ صغير لكن بعدين راح يكبر

شركة المستثمرون ( كانت 55 فلس ) اللحين واصله 70 فلس .................. فرصه تتعاملين مع اسهم الشركه اول الاسبوع مرتفعه وبعدين يصير عليها جني ارباح للبيع

شركة منازل ( كانت 50 فلس ) واصله 69 فلس ........................المستقبل راح توصل 250 فلس

طبعا اللي اقوله عباره عن قراءه البيانات التاريخيه لبعض الشركات وفيه شركات ثانيه اسعارها أفضل بس عاليه قيمة السهم حاليا

واللي تبي تشتري لازم تطلع على ماضي الشركة من خلال موقع سوق الكويت للاوراق المالية

نصيحه ثانية : اللي تبي تشتري تحاول تتعامل مع شركة قيمة سهمها أقل من 100 فلس علشان ما تتكلف بالمبلغ .

وتقبلي مروري ويسعدني التعامل مع أي عضوه لتبادل المعلومات عن الشركات المتداوله بالبورصه

 

[عيون حسين]

هلا نوكيا الله يوفقج ويفتح لج مغاليق رزقه

تجربتي بسوق الاوراق المالية يعني البورصة كان فيها امور حلوة وامور مو حلوة وعشان جذي قررت اتجه للمضاربات بالنفط والغاز والذهب والمؤشرات العالمية وكانت النتائج فوق الوصف ولله الحمد.

 

[اسرار الغلا]

موضوع مهم جدا


خصوصا البنات حابين يدشون هالمجال بس حيل متخوفين من الخساره او مو عارفين الطريقه

 

[dress-shop]

وااااي ما شاء الله عليكم ابي اجرب حظي معاكم شلون انا مييييييييييييييييييييييييييح صفر على الشمال علموني من طأ طأ الى سلام عليكم
اذا ما عندكم مانع ؟

 

[مضاوي 16]

صراحة حلو الموضوع . وودي اتداول بالبورصة .. عادي 500 اتداول فيها يعني مو لازم اكثر لاني سامعة اقل شي 2000 لاول مرة

ياليت تفيديني. وشاكرتلج

 

[Nokia N95]

السلام عليكم / اختي nokia n95

قريت موضوعج صراحه احيج على اتخاذ الخطوه بالتداول بالكتروني عن طريق موقع بيتك للتداول ......... وان كان المفروض بديتي من الوقت اللي نزلت فيه الموضوع جان جنيتي الارباح اللي جنيتها ( لأنه اللحين بدى السوق ينتعش )

بالنسبه لي أنا شريت مباشره عن طريق وسيط بالبورصه - واللحين اتداول عن طريق الانترنت ببعض الاسهم بنسب قليله

أهم الشركات اللي تعاملت معاها بالبيع والشراء ( وهذا عباره عن مثال مو تروحون تشترون نفس الشركات ترا في شركات افضل )

شركة جيزان ( كانت 50 فلس ) واللحين 96 فلس .................. بالمستقبل راح ترتفع 1.500

شركة أدنك ( كانت 51 فلس ) اللحين واصله 67 فلس قابله للارتفاع والانخفاض استغلي الفرصه اذا ارتفعت بيعي واذا انخفضت اشتري وراح تشوفين الفرق بالبدايه مبلغ صغير لكن بعدين راح يكبر

شركة المستثمرون ( كانت 55 فلس ) اللحين واصله 70 فلس .................. فرصه تتعاملين مع اسهم الشركه اول الاسبوع مرتفعه وبعدين يصير عليها جني ارباح للبيع

شركة منازل ( كانت 50 فلس ) واصله 69 فلس ........................المستقبل راح توصل 250 فلس

طبعا اللي اقوله عباره عن قراءه البيانات التاريخيه لبعض الشركات وفيه شركات ثانيه اسعارها أفضل بس عاليه قيمة السهم حاليا

واللي تبي تشتري لازم تطلع على ماضي الشركة من خلال موقع سوق الكويت للاوراق المالية

نصيحه ثانية : اللي تبي تشتري تحاول تتعامل مع شركة قيمة سهمها أقل من 100 فلس علشان ما تتكلف بالمبلغ .

وتقبلي مروري ويسعدني التعامل مع أي عضوه لتبادل المعلومات عن الشركات المتداوله بالبورصه

يشرفني اختني منيرة خالد تكونين اول وحدة ترد علي
وفعلا .... لما قريت موضوعج حطيت عيني على جم سهم بس المشكلة بالحالة المادية .... وماكان ودي آخذ قرض و الحمدلله احس ان لي الحين في مجال الواحد يدخل البورصة .... ودي بالمضاربة الصراحة

وعسى ربي يوفقج ويزيدج ويبارك لج ... اللهم آمين

هلا نوكيا الله يوفقج ويفتح لج مغاليق رزقه

تجربتي بسوق الاوراق المالية يعني البورصة كان فيها امور حلوة وامور مو حلوة وعشان جذي قررت اتجه للمضاربات بالنفط والغاز والذهب والمؤشرات العالمية وكانت النتائج فوق الوصف ولله الحمد.

الله يوفقج اختي عيون حسين ومعاج حق ... البورصة فيها الحلو و المر .... و ان شاء الله ما نشوف المر ابد

موضوع مهم جدا


خصوصا البنات حابين يدشون هالمجال بس حيل متخوفين من الخساره او مو عارفين الطريقه

حياج الله اختي اسرار الغلا ....
اتوقع ان اللي يبي يدخل هالمجال لازم يحط احتمال الخسارة اكبر من الربح .... بس عليه يدرس الاسهم اللي يبي يشتريها ويشوف اذا كانت تستاهل او لا .... على الاقل ياخذ ارباح الشركة اذا كانت شركة قوية

وااااي ما شاء الله عليكم ابي اجرب حظي معاكم شلون انا مييييييييييييييييييييييييييح صفر على الشمال علموني من طأ طأ الى سلام عليكم
اذا ما عندكم مانع ؟

هلا اختي dress-shop ....

اتمنى تقرين المواضيع اللي حطيتهم في بداية الموضوع ... ان شاء الله يفيدونج واي سؤال ان شاء الله محد راح يقصر معاج

صراحة حلو الموضوع . وودي اتداول بالبورصة .. عادي 500 اتداول فيها يعني مو لازم اكثر لاني سامعة اقل شي 2000 لاول مرة

ياليت تفيديني. وشاكرتلج

هلا اختي مضاوي ...
الصراحة انا راح ابتدي بـ 500 دينار .. يعني راح اشتري من سوق الكسور

انا ما اعرف وايد بالبورصة بس اللي اعرفه ان في شي اسمه السوق الرسمي ... وهو اللي ما تقدرين تدخلين فيه الا اذا كان عندج على الاقل 2500 دينار

وفي سوق الكسور وتقدرين تدخلين باي مبلغ تقريبا ...

وبالتوفيق اختي ....

 

[الشوق والوله]

هلا إختي نوكيا موضوعج وايد حلو ياريت يتثبت

قصتي مع البورصة واللع عجيبة

بغت ذهبي 6,5 لما ألح علي زوجي لما صارت الازمة العام وقالولا ربعة إشتري بالدولية م أ طبعا بإسمي

المهم زوجي ما يعرف اي شي عنها وطلعت شركة خسرانة وعلي وشك الإفلاس واندمجت مع الديرة وطاحت الاسهم

وخسرنا فيها المهم قلت أنا بعوض خسارتي اطلعت أكثر علي البورصة وعرفت أشياء وايد وراقبت حركات المؤشر والتداول

ودخلت منتديات البورصة وعرفت عن الشركات وأكثر

وفتحت تداول بالنت عن طريق الوطنية للوساطة

بسوي لولدي حليب بعدين اكملكم​

 

[مضاوي 16]

مشكورة نوكيا ماقصرتي على الرد .. بس انا ودي ادخل السوق الرسمي عندج فكرة ايهو احسن التداول بالانترنت اقصد بيتك للتداول
او عن طريق وسيط بروكر؟

وكم نسبة الي ياخذونها بيتك .. وكم النسبة الي ياخذها البروكر؟

ادري وحدة غشيمة وجننتج..):

واذا اخترت الوسيط وين اقدر اسجل فيه باجيال ولا لازم البورصة

وشااااااااااااكرتلج

 

[ريماس303]

السلام وعليكم


والله مادري تداول بالاسهم ماعرف عندج تداول بالعملات يتميز بالمرونه اكثر من الاسهم وربحه معقول

 

[& أم جمال &]

أنا زوجي دخل وخسر وأنا ودي أجرب حظي بس أتوظف راح أخذ قرض بسيط وأطقطق بالبورصة بلكي أصير مليونيرة

أمين أمين أمين

 

[اسرار الغلا]

الشوق والوله ويييييييين التكمله؟؟

 

[Nokia N95]

هلا إختي نوكيا موضوعج وايد حلو ياريت يتثبت

قصتي مع البورصة واللع عجيبة

بغت ذهبي 6,5 لما ألح علي زوجي لما صارت الازمة العام وقالولا ربعة إشتري بالدولية م أ طبعا بإسمي

المهم زوجي ما يعرف اي شي عنها وطلعت شركة خسرانة وعلي وشك الإفلاس واندمجت مع الديرة وطاحت الاسهم

وخسرنا فيها المهم قلت أنا بعوض خسارتي اطلعت أكثر علي البورصة وعرفت أشياء وايد وراقبت حركات المؤشر والتداول

ودخلت منتديات البورصة وعرفت عن الشركات وأكثر

وفتحت تداول بالنت عن طريق الوطنية للوساطة

بسوي لولدي حليب بعدين اكملكم​

مشكورة اختي الشوق و الوله على مشاركتج ....
ودنا نعرف شنو صار بعدين

ومعاج حق بخصوص ان الواحد لازم ياخذ خبرة من المواقع و المنتديات اللي تتكلم عن البورصة مثل المؤشر نت و نادي المضاربة وغيره من المواقع

مشكورة نوكيا ماقصرتي على الرد .. بس انا ودي ادخل السوق الرسمي عندج فكرة ايهو احسن التداول بالانترنت اقصد بيتك للتداول
او عن طريق وسيط بروكر؟

وكم نسبة الي ياخذونها بيتك .. وكم النسبة الي ياخذها البروكر؟

ادري وحدة غشيمة وجننتج..):

واذا اخترت الوسيط وين اقدر اسجل فيه باجيال ولا لازم البورصة

وشااااااااااااكرتلج

هلا اختي مضاوي 16 ....
والله ماني عارفه شنو اقول لج .... لي الحين ما تداولت وما اعرف اي شي عن النسبة سواء في بيتك للتداول او اي شركة وساطة

اتمنى من اللي عندها خبرة تفيدنا

السلام وعليكم


والله مادري تداول بالاسهم ماعرف عندج تداول بالعملات يتميز بالمرونه اكثر من الاسهم وربحه معقول

وعليكم السلام اختي ريماس
اذا عندج تجربة حلوة مع التداول بالعملات ياريت تشاركينا ياها .... ودنا نستفيد منج

أنا زوجي دخل وخسر وأنا ودي أجرب حظي بس أتوظف راح أخذ قرض بسيط وأطقطق بالبورصة بلكي أصير مليونيرة

أمين أمين أمين

هلا اختي الورد و الريحان ....
الصراحة انا ضد ان الواحد ياخذ قرض علشان يدخل البورصة ....
حاولي تيمعين لج جم فلس او دخلي جمعية احسن الصراحة ....
ودخلي المواقع و المنتديات اللي تتكلم عن البورصة وان شاء الله تستفيدين و تصيرين مليونيرة ... آمين

الشوق والوله ويييييييين التكمله؟؟

يمكن نست الموضوع ... بطرش لها عالخاص اذكرها

 

[روقاء]

الصراحه موضوعكم حلو وايد
يصير ادخل في البورصه بمبلغ 500 دك ولا لا
وابي مساعدتج معاي يا احلا نوكيا

 

[Nokia N95]

الصراحه موضوعكم حلو وايد
يصير ادخل في البورصه بمبلغ 500 دك ولا لا
وابي مساعدتج معاي يا احلا نوكيا

هلا اختي روقاء

يصير تدخلين بمبلغ 500 دينار ( انا بسوي جذي الصراحة )

مثل ماقلت في البداية .... رحت بيت التمويل وفتحت معاهم حساب بيتك للتداول

بس باقي احول 500 دينار للحساب اللي راح اتداول فيه



بنات شرايكم نسوي ورشة تجارب ؟

الحين انا دخلت موقع البورصة

وحاطة عيني على سهم زين

وبما ان المبلغ اللي راح اتداول فيه ما اقدر اشتري فيه بالسوق الرسمي ... راح اشوف سوق الكسور واشوف جدول الاوامر

وادور سهم زين

ولقيت 250 سهم بسعر 1.140 يعني اذا شريت هالاسهم راح تكون التكلفة = 285 دينار
هالكلام الحين ( يوم الاثنين 15-6-2009 الساعه 11:40 )

وبخصوص العمولة
دخلت على موقع بيتك للتداول و لقيتكم كاتبين

تحتسب العمولات على الصفقات المنفذة كما هو محدد من قبل سوق الكويت للأوراق المالية وهي كما يلي:

0.125% لقيمة الصفقات التي تقل قيمتها الاجمالية عن مبلغ 50,000 د.ك خلال اليوم.
% للقيمة التي تزيد عن مبلغ 50,000 د.ك.
500 فلس رسم تنفيذ (كوبون أو بون) لكل صفقة.

وهذا من موقع بورصة الكويت

تحسب العمولة دينار وربع عن كل ألف دينار من قيمة الصفقة ولغاية 50 ألف دينار . تحسب عمولة دينار واحد عن كل ألف دينار من قيمة الصفقة ما فوق 50 الف دينار .
يصدر شيك المقاصة للعملاء كل يوم (الأحد – الأربعاء ) من كل أسبوع .
يحسب نصف دينار عن كل صفقة لحساب السوق

يعني راح ادفع عمولة دينار وربع + نص دينار = 1.750

يعني الصفقة كلها راح تكلفني 286.750



اتمنى اذا كنت غلطانة باي شي احد يصحح لي ....

 

[روقاء]

يا حبيبتي نوكيا مشكوره
وان شاء الله راح اسال ناس عندهم خبره بالبورصه وايدي بيدج ان شاء الله
يعني تنصحيني اسجل بزين احسن

 

[روقاء]

وينج نوكيا انا اشوف اسهم الصفاه حلوه وصاعدا فوق وانتي شوفي وقوليلي رايج بلييزالحين

 

[Nokia N95]

هلا اختي ....

سوري كان النت فاصل عندي

والله انا ما اعرف بالاسهم .... يعني لا تسئليني هالسهم زين او لا

انا حطيت مثال

واتمنى من البنات اللي عندهم خبرة بالاسهم ينصحونا بالشركات القوية ....

 

[روقاء]

خلاص خلينا ا انا وياج ع الاتصال مع بعض علشان نتواصل ونساعد بعض ونساعد البنات اللي معانا بس الاسهم حطي الخساره تكون شي عادي بالنسبه البورصه يعني مافي ياليت وياليت وانا اشتشير اصحاب الخبره واوافيكم بالجديد واتمنى التوفيق للجميع

 

[ogany]

شرايكم بالشركة الوطنية للوساطة ؟؟ تقدرين تتداولين وانتي بالبيت و بدون رسوم ...التمويل ليش ياخذ 500 !! انا فتحت الموقع لي بس و تفعل بس لازم أوقع عالورقة عساس أقدر أبدي بعملية البيع والشراء ...