أفضل كاتب .. ؟! حياكم

[rawona]

م. عبد الوهاب السيد

مع اني كلش ماحب الخيال العلمي بس شدتني كتاباته
حتى لما خذيت الأبعاد المجهولة وقعلي خخخخ

ماشالله اسلوبه اينن سلس ويخليج غصب تكملين الكتاب .. غير القصص ماشالله عليه شلون يفكر فيها تكونين متوقعة شي والنهاية شي ثااااااااني
والأحلى الهوامش اللي يكتبها فيها معلومات عامة وشغلات اول مرة اسمع فيها

الأبعاد المجهولة .. اول كتاب قريته له وما عليه كلام
قصص من الجانب المظلم .. عجيب تنصدمين من الأحداث اللي تصير بكل قصة تضحكين وتخترعين بنفس الوقت
وفي كتاب ثاني نسيت شسمه
كان فيه 3 قصص وحدة اتينن وثنتين مو ذاك الزود :/

:

قماشة العليان

كـ كاتبة قصصية ممتازة أسلوبها حلو
أما كقصص وأفكار لج عليها .. مو مال تقرين كل رواياتها حيل حيل مأساوية وتضيق الخلق
قريتلها عيون على السماء حلوة وعجبتني ومت من البجي عليها بعد .. بس مو مستعدة اقرالها رواية ثانية
وهم قريت دموع في ليلة الزفاف مجموعة قصصية بس ما كملتها لاااااعت جبدي !!

:

امبي جني قرقت وايد
انشالله اذا تذكرت كتاب ثانين برد مرة ثانية =)

انا من رايج في الكاتبه قماشه العليان .. وايد وايد قصصها مأساويه واتحسين نظرتها تشائميه وتحسسج ان الدنيا مافيها خير ..بس روائية ممتازة ..

​

انا احب اقر حق الكاتب احسان عبدالقدوس واى كتاب يكون اهو كاتبه ما اتراد اقراه و الكتاب يصور على طريقه فليم الفليم يصير طريقته مو مفصله اكثر الكتاب يكون تفاصيل اكثر ويشدنا واابد معطم الافلام يقوم بتمثيلها سعاد حسنى فاتن حمامه عبدالحليم حافظ واااايدد
بس صج انصحكم تقرون حق احسان عبدالقدوس كاتب له اسلوب جميل ومثقف جدا ونستفيد منه وايد وهو كاتب قديم مصرى متوفى الله يرحمه
سئلو الوالده عند راح تكون قرايه كتبه واهى قدنا انا وامى قرينا نقس الكتب

احسان عبدالقدوس لا يعلي عليه .. رواياته رائعه وقريتله وايد اهوا ويوسف السباعي ونجيب محفوظ .. ورواياتهم غير عن الافلام اشوي
​

 

[Eng.shosha]

حياكم الله

شوقتوني أجرب احسان عبد القدووس :>

 

[ام عبدالوهاب555]

حبايبي لازم تفكرون
بين الكتاب

اسلوب القصص غير اسلوب الافكار

افض كتاب روائيين
اجاثا
دانييل ستيل
نورا روبرتس
خولة القزويني
يوسف السباعي
نجيب الكيلاني

كتاب فكر
عائض القرني
محمد الصلابي
ابن القيم
ابن الجوزي
صلاح الراشد
محمد العريفي

 

[Eng.shosha]

هلا وهج

صح كلامج وآنا هذا اللي كنت اقصده بس ما كنت عارفه أعبر لوول

حبيبتي والله نورتيني بهالمشاركه الحلوه

 

[.]

بالنسبه لي قريت وايد بس الكتاب اللي قريت لهم اكثر من شغله:

1- د. احمد توفيق اهو افضل كاتب بالنسبه لي قريت له وايد سواء مجموعات قصصيه او روايات او سلاسل الحلو فيه انه مثقف اقراءه له يعني متعه و اثاره و فايده ..

2- قماشه العليان : قريت لها 4 كتبها تمتاز بقدر عالي من النكد مع انها متمكنه و اسلوبها حلو وسردها احلى بس اللي يعيب اصدراتها الكابه ..

3-د.نبيل فاروق: قريت له بس مو بمجال اللي ابدع فيه واهو رجل المستحيل لا قريت له من سلسلة زهور قصتين كانت رومانسيه ومتحترم عقلية القارئ.

وفي روايات حبيتها المتاب مثل موستيك لوليد الرجيب .

 

[Eng.shosha]

ما شاء الله ..

ما قلتي شو قريتي من كتب د.أحمد توفيق عشان نجرب

ومشكوره حبيبتي عالمرور الحلو

 

[@رنوده@]

احلى الروايات
رجل جاء وذهب
العصفوريه
سبعه
الجنيه
طبعا هذولي لغازي القصيبي اموووووووووووووووت على اسلوبه

وفي كتاب روعه اسمه رجال من المريخ ونساء من الزهره مفيد للحياه روعه ويشوق بالقراءه

وبس لا الزواج مسئوليه القراءه تبي وقت فاضي

احب الروايات ياليت اللي عندها تكتب لي اسم الروايه الحلوه

مو نفس بنات الرياض اللي لوعة جبدي

 

[Bq]

بعطيج العافيه أم عبد المحسن على الموضوع الحلوو
وهذيل الكتب ألي قريتهم
أجواء ورديه للكاتبه سهام العامر أسلوبه كان واااايد حو وراقي <<< الكلام باللغة العربيه الفصحة
طعم الفرح للكاتبه منال العتيبي زين يعني مو وااايد الكتاب أحسه عاادي
مذكرات غربة للكاتبه خولة الغزويني الكتاااااب كااان وااااااايد حلوووو

 

[.]

ما شاء الله ..

ما قلتي شو قريتي من كتب د.أحمد توفيق عشان نجرب

ومشكوره حبيبتي عالمرور الحلو

هلا ام حسون..

قريت له من الرعب :

1- حظك اليوم :واهي عجيبه لي مسكتي الكتاب ماتقدرين تسكرينه ماشاءالله ..

مو بس انا قلت هالحجي خواتي وزميلتي بعد..

قصة 12 محرر صحفي سو تحقيق كشفوا فيه الاعيب دجال بسبتهم انسجن الدجال وجنه انتحر بالسجن ودز لهم رسايل يقول برجك بينقم منك عاد الاحداث بتكون ع هالاساس ..


2- قوس قزح :اهي عباره عن مجموعة قصصيه وهي مشتركه بين وبين تامر ابراهيم و كل قصه عن لون معين من الوان قوس قزح بالاضافه القصتين غير عن الالوان لتامر ابراهيم حبيت طراقات واللون الازرق منهم..

3-الان نفتح الصندوق :اهي جزئين انا ماقريت الا الاول وبشتري ال2 ان شاءالله هي هم مجموعة قصصية بطلها دكتور ادب انجليزي مات ورث اهله صندوق لما فتحوه ولا عباره عن قصص لاحداث اللي مر فيه مثل الاحتراق الذاتي والرساله القديمه وتجربة الدنو من الموت واكل لحم البشر وغيره..

4- 207 : هم مجموعه قصصيه بطلها جمال الصوفي موظف الاستقبال ومكان حدوثها غرفة 207 بالفندق..

واللي مو رعب قريت له :

عقل بلا جسد وحبيت البطل عصام فتحي اهو بسبب حادث الله يكافينا الشر صار مقعد مع هذا اهو عبقري وخاصة بالرياضيات ورفيجه الراوي اهو عسكري ويتمتع بالقوة البدنيه بس مايضاهي عبقرية عصام وايد استفدت منه ..

وعندي منه سلسلتين :

نص فانتازيا وبطلتها عبير عبدالرحمن اللي تتميز بخيالها و بفضل شريف اللي عقب تزوجها تقدر تبحر بخيالها بواسطة استخدامها لجهاز (دي- جي)..

ام قريت منها بس 3 اعداد للحين اهما الاول وال2 وال19 عن المغامرين ال5..

واي تذكرت بلشت بععد شكسبير بس ماكملته كنت ابي اشتري الاعداد الاول واقراها بالترتيب..

ودي اقرر بعد بس تعبت..

اخر شي سلسلة ماوراء الطبيعه عندي اياها كامل بس ماقريت منها الا 5 اهما الاول وال2 والحين بلشت بال3..

وقريت عددين عن التوام..

ماعطيتها حقها..

لي عجبج ملخصب لي عوده ان شاءالله..

والعفو ولوو..

 

[Eng.shosha]

رونه واااااااااااو مشالله

شوقتيني أقراله .. يبيله بعد الامتحانات

مشكورين بنات عالمرور منورييييييييين

 

[Artist Q8]

د أحمد خالد توفيق التوب

عبدالعزيز الحشاش احب اسلوبه سلس

 

[Eng.shosha]

حياج الله حبيبتي

 

[.]

موفقه يارب بامتحانتج..

خلصتي ولا بعدج..

بكمل..

سلسلة فانتازيا..

العدد الاول يعرفنا ع عبير وع شريف وع جهاز الدي -جي حشى طقاقه خخ و نعيش معاهم باول مغامره كانت مع شارك هولمز وبوروا بطل اجاثا كرستي..

العدد ال2 تجربه للجهاز بعد تطوير وغامره خطيره برومانيا هناك بتشوف مصاص الدماء و المذؤب (الرجل الذئب)..

ال19 مثل ماقلت المغامرين ال5 تختخ ومحب وعاطف ولوزه ونوسه ..

اشتقت لعبير

اما ماوراء الطبيعه..

1- العدد الاول : عباره عن جزئين الجزء الاول لقاء مع مصاص الدماء وال2 لقاء مع الرجل الذئب.
2- النداهه : من الخرفات المصريه مثل احنا عندنا حمارة القايله وام السعف والليف والطنطل شغلات اهلنا يخرعونا منهم جذي ..
3- هالمره باسكتنلدا : وحش بحيرة لوخ وقصة حب رفعت

وقريت تقريبا اعدد بالثلاثينات جنه 38 و39 واحد اسمه النصف الاخر وال2 التؤمين اهما جزئين لنفس القصه اللي عباره عن بنتين تؤم وحده ذكيه وخلصت الجامعه وحده حلوه وتعثرت بالثانوي وشلون اذا وحده تعورت ال2 تحس بنفس العوار بنفس الوقت ونفس المكان بدون لا تتعرض لمسبب العوار..

وبس حبيت اكمل نبذتي

 

[ذبحني صمتي]

..........هلا ام عبد المحسن....مشكووورة حبيبتي على المووضووع الروعة...وشكلي انا بقط فيس واجد هنيه:ggdw:

شوووفي اناا مجنوونة قراءة....بس للأسف كان في تخبط بقرآتي بس الحين انا في مرحلة تجميع الأفكار وترتيب الاورااق...

وبقوولكم الكتب الحلووة بنظري....بس كل شووي بدش واسدحلكم كتااب اذا خلصت منه......بسم الله..

1- احلى كتاب قريته كان السيرة الذاااتية لمليكة اوفقير..السجينه....وربي اعجز اقوول حلو عنه....يخليج تحسين انه مااعشتي دنيااا وتحمدين ربك 100000000 باليووم على نعمته عليك....بس صج الكتااب روعة....ليت احد قااريه خااطري اتنااقش فيه....

2- قريت لتركي الحمد جرووح الذااكرة حلوة وممتعة....وواقعية....

3- احلااام مستغانمي هااذي امووت عليهاا وصديقتي من ايام الجاامعة....احلى رواياتهاااا ذاكرة الجسد....عجيبة
وفيها تعبير عن الاأنثى بأروع ماايمكن وفيها مووواضيع سياسة وحب ودين......ولها فوووضى الحوااس...شووي فلسفية
بس العبارات والحوارات بين البطلة وبااقي الشخصياات رااائعة بس كحبكة مااعجبتني.....ولهاا عاابر سرير فاااشلة وصرااحة خيبة لأحلاام بعد روايتها الاووووليه.....

4-غادة السماان......رواياتهاا حلوووة بس الأحلى شعرهاا ونثرهااااا...خطير....تتكلم بلساان وقلب الف إمرأة....
صج تعجبني...

5-اجاثاا كررريستي....ماعليهاا كلاام تقريبا قاارية كل قصصهااااا....

6_الاعماال الكااملة للمنفلووووطي.......هالكتااب كبيررررررررحيل بس الحلوو انه على شكل رسااائل مبسطة
عن موااضيع كبيرة بس اسلووبة بليغ وررااقي انصحكم فيه.....

بكتفي الحين بالكتب هاذي وودي نتنااقش فيهااا بيناا...لان ماازال في جعبتي الكثيررررر....

بس جد نبي تفاااعل عشان نفيد ونستفيد مع بعض بخصووووص قرااااااآتناااا....سامحيني على الإطااااله و تقبلي مرووري ام عبد المحسن....

 

[.]

هلا اذبحني..

انا قريت السجينه والغريبه بعد..

وقريت كتاب اختها الحياة بين يدي وودي اقرا كتاب امهم..

ولو تدشين رابطة دوادات الكتب بتشوفين الاغلبيه قروها اذا تبين نتناقش هونيك احس انسب ..

ام عبدالمحسن لزقت بموضوعج عادي مو

هم بعد اذنج ام حسون..

ذبحني كنت بشتري ماجدولين للمنفلوطي بس ماحسيت اسلوب سلس حسيت شويه غلج؟؟

انتي قريت هالرواية له؟؟

ودي اقراها وابي رايج فيها اذا قاريتها..

ومشكوره..

وناطرين الباجي خيتو...

 

[منيرة خالد]

السلام عليكم /

مشكوره اختي ام عبد المحسن على الموضوع ( افضل كاتب )

صراحه استفدت من ردود المشاركات

بالنسبة لي ما اقدر احدد منو عندي افصل كاتب ................... والسبب تنوع القرآءة .....بس بحاول

بالنسبة للروايات

أحسان عبدالقدوس / نجيب محفوظ ( مع انهم يعتبرون من كتاب ادب الفراش - يعني فيه ايحاءات جنسية ) بس قصصهم روعه

القصص الاجنبيه روعه واحلى قصة قريتها ( ذهب مع الريح ) الكاتبه مارغريت ميتشل ( تصدقون قريتها وعمري 12 سنه وبجيت وبجيت ورديت قريتها وعمري 17 و19 و 25 و اللحين برد اقراها ما نى قايله جم عمري )

واحب اقرى كتب التاريخ وقريت لكتاب واجد بس مو قادره احدد اسم افضل واحد فيهم لأنه كتب متنوعه حسب التاريخ
بس نصيحه لا تقرون لقصص التاريخ اللي كاتبها جرجي زيدان لأنه فيها تحريف وتجني على الصحابه وابنائهم وخلفاء الدوله الامويه والعباسيه ( هذا تحذير للي ناويه تقرا له )

وحبيت اسلوب عائض القرني بكتاب هكذا قال المعلم / وكتاب اسعد امرأ بالعالم

وفيه كاتب اسلامي اسلوبه جميل ويشد هو الدكتور على محمد الصلابي / الكتاب السيرة النبويه ....... عجيب

وان شاء الله اذا تذكرت راح ارد عليكم ونتواصل

 

[ذبحني صمتي]

............خلااص ابشري انا تووني جديدة ع القسم ومضيعة الدررب شووية خخخخخخ

........لالا لا ماانصحج تاخذين كتاب امهم لان عادي حييييييييييييييييييييل واختصار لكتاااب السجينة مافي شي جديد....؟؟

..........بالنسبة للمنفلووطي..انا قريت البداية مالت ماجدولين حلووة بس للاسف ماكملتهاا بس الكتاب ككل روعة....وبالذات رسائلة

قصيرة.....اقري رسالته الدفين الصغير.....عجيبة.......مادري هالكتااب حبيته ككل...انصحك فيه.....

وخلااص ابشري ان شاء الله بنزلك الكتب الثااانية.....قريتي لأحلام مستغااانمي؟؟؟؟؟؟؟؟؟؟؟؟؟؟

 

[.]

مرسو ع التنبيه منوره..

ولكم باك ذبحني..
اي حتى الاخت نفس الحاله لا وفي تناقض بموقف شلون دروا الحراس بهروبهم..

اها مرسي..

لا والله ماعمري قريت لها..

مشكوره خيتو..

 

[غزلان عبدالكريم]

اممممممم
ام عبد المحسن يعطيج العافيه
انا احب اقرأ لفيغتور هيغو
اميل زولا
باولو كويلو
ماركيز
وبعض كتاب لكويت اللي يكتبون مقالات بس.

 

[rawona]

اممممممم
ام عبد المحسن يعطيج العافيه
انا احب اقرأ لفيغتور هيغو
اميل زولا
باولو كويلو
ماركيز
وبعض كتاب لكويت اللي يكتبون مقالات بس.

وين احصل كتب حق ماركيز؟؟؟​