ايامج سعيده و كل عام و انتي بخير و صحه و عافيه يا عسل
مشاركات الملف الشخصي آخر النشاطات المنشورات معلومات
-
وانتي بخيييييير وصحه وسلااامه
يالله الحيين انا دوري خخ
.....كل عام وانتي بخييييير وعيدج مبارك ..
.....
وانتي بخير وصحه سلامه يقلبي
والله يجعل ايامج كلها اعياد يارب
يا بختي حياتي تسلمين وانتي بخير وصحه وسلامه
Betty عساج بخير يا رب انا الحمدلله بس شوية صداع .. وعيدج مبارك جعدتنا
قهوه برية ايامج سعيده وتسلمين كلج ذوق يا عسل
كندية حبيبتي انتي ايامج سعيده
الحين بسير اعايد على بروفايلاتكم
اهلين خيتو بشري طمنينا عليج عساج احسن الحين ؟
مشكوره حبيبتي تسلمين عالدعوه الله يسمع منج و اتخرج عن قريب
q8stylle حبيبتي انتي بالعافيه انا كنت كاتبتلج مسج اشطوله مادري وين اختفى ههه حزتها كنت اشرب هوت جوكليت ومشتهيه بلودي بيري مال لونوتغ وايييي عجيب.. نورتي يا عسل
Betty لول علامنا هم انا متخسبق وياي المسج.. ههه حبيبتي تسلمين والله يبيله باسكن روبنز قولد ميديل ريبون هههه مع اكسترا كاراميل وصلحووووو .. حبيبتي انتي الله يوفقج ونحتفل فيج وانتي متخرجه يا رب قريب على قولتج هالمتخلفين مايبون اختلاط ونجره يبون بعثات حق اعيالهم .. والله ايامنا كانت بفترة لوية المطالبه بمنع الاختلاط هههه وهم نجره وصيحه .. ساعات اقول انتخابات الجامعه ما وراها الا اللويه حالها حال المجلس الناس يبيلها تعرف شنو ديمقراطية واحترام الاختلاف قبل لا تخوض انتخابات.. وحياج يا عسل يا ام تفكير روعه
مطيرية ماركه وعليكم السلام حبيبتي انتي كلج ذوق انا بخير عساج بخير وصحه .. ايامج سعيدة انتي والبنات كلهم ان شاءالله تسلمون
السلام عليكم
شلونج حبيبتي عساج بخير ؟؟
بإسمي وبإسم ملتقى حبيباتي في الله @@ اهنيج بالعيد واقدم لج هالبطاقة وعيدج مبارك
اهلين coffee واي كتبت رد شطوله بس اختفى ماعليه
لا عادي حبيبتي معذوره ما تنلامين بشري عساج احسن الحين ؟ و العقل واي عذاب الله يعينج بس لاتفكرين بالعوار و لا تخافين ترا يزيد و قزريها بأكل البرد ماوصيج طيحي بهاغن داز و باسكن روبنز لوول :eh_s(3):
هههه حلوه قائمه المساج استغفر الله ما تشوفينهم الا ايام الانتخابات يا حبيبتي و يزاج الله خير بعدين ماكو يختفون بقدره قادر و على سالفة التكفير ماخلوا احد ماكفروه و الاختلاط امبيه معاناه شهالقانون السخيف تدرين انا شكثر متأخره ماكو شعب كله مغلقه او وقتها يعارض مواد ثانيه واي شكلي بقعد 7 سنين بالجامعه حشى ادرس طب لوول :krkrkr:
و بعدين شهالتخلف بالممرات اختلاط و بالمكتبه بعد اختلاط بس بالكلاسات مفصولين امانه يعني شراح يسوون الطلبه جدام الدكتور شهالتفكير عيل شرايج بنائبهم اللي يقول عن الاختلاط لامايصير لأنه الديج راح يلحق الديايه و ازيدج من الشعر بيت ولده كان رئيس الاتحاد اول شي نعجه و ذيب بعدين يابولنا سالفه الديج و الديايه و العام قالوا كلام عيب ما ينقال الله يستر بعد شراح يقولون :nocommint:
و صاجه مايفوزون الا بسبة دعمهم من جمعيه الاصلاح عن جد قهر لمن تكلمين البنات و تقولين لهم ترا هذولي اخوان يردون عليج اي و شفبهم ؟الوعي النقابي زيرو منعدم بجامعه الكويت للأسف ما يعرفون استراتيجيتهم و لا خططهم المستقبليه و لا تفكيرهم الانقلابي واي الله يحفظ الكويت
و الصندوق الاحمر الله وكيلج 7 اسابيع محطوط جدام البوابه الرئيسيه ما شالوا الا قبل اسبوع جنه ناس مو مصدقه تفوز و مسمين نفسهم نساء الله استغفر الله حنه الباجي نساء اليهود المتبرجات استغفر الله بس
الله يبارك فيج ياعمري احنا مافزنا بآداب بس فزنا باداريه و طب الاسنان و الصيدله و بجامعه الخليج بعد :stars:
و صج بعد مبروك ارتفاع ارقام الوسط الديمقراطي و صعوده المركز الثالث الله يليتني كنت بايامكم ايام العز بالجامعه قبل جم سنه مو الحين :eh_s(16):
صباح الكوفي >>حاليا قاعدة اشرب كوفي
Betty يا جعدتنا لا تواخذيني مع التسكرب ما ثبت ردج :ssssso: لاجد يبيلي ليزك حياتي انتي شخبارج ؟ حبيبتي ويحفظج الله ويبارك لج ادروبج .. سكتي يقولي بيشلع ضروس العقل :eh_s(11): بروح نص العقل طار لوول.. بس ان شاءالله اشيلهم بعد شهر مالي خلق الحين كلش والاسبوع الياي مراجعه مشكله هالحشوات لازم تغيير كل جم سنه محد مرتاح الا الفلبن شايلين كل الضروس وبس ولبهم بهالطقم المتحرك لوول .. حسافه ما فتح اللنك الثاني .. وييييه يا بيتي رجعتيني اسنين ورا ايام القوائم والجامعه انا كنت وسط ديمقراطي وعلى ايامنا كانو ائتلافيه انا مسميتهم قائمة المساج لووول لان من يلقون وحده سوولها مساج حق زندها ويزاج الله خير ويزاج الله خير علشان نصوت لهم وان شافو وسط كفروهم وانتو اهل الاختلاط مادري بكيفهم حرمو الاختلاط هالمتخلفين ومحد كثرهم كان يترزز حق المصبنه ايام الانتخابات وادري بسوالفهم هالمتاسلمين واكبر مثال نوابهم بالمجلس اذا اللي وراهم الاخوان المسلمين ماوراهم غير المشاكل ومحد عطاهم شعبيه غير جمعية الاصلاح تحت شعار الدين والرك على الحكومه اللي مخليه هالجمعيات هههه والله الصندوق طماشه ومسخره ولعب بالدين يالله لا تبلانا وبعض الكويتيين مع الخيل يا شقرا من يقولون دينين يعني زينين حتى ما يكلفون خاطرهم يجيكون على ماضي الاخوان المسلمين واهدافهم.. ومبروك حبيبتي فوز قائمتكم والله يحفظنا ويحفظ ديرتنا من كل شر :hjy5jewf:
يا بختي هههه الله يسلمج ويحفظج ماني قايله الكبر شين ههه تدرين احنا صبايا :wqedqw:الظاهر معتصمين على بو قربت الذبيحه خنت حيلي على الخرفان الله يرحمهم ام شاءالله مقدما :denya:
حناين نورتي يا ام الحنان كله والله انا متابعه المواضيع وصار المنتدى للمطالعه فقط واهني ادردش مع الحبايب .. تسلمين على السؤال والله انج تنحبين ومن المشرفات اللي ينحطون على الجرح يبرى ومن اشوف نكج ابتسم واحس بتفاؤل وحماس لا تساليني ليش هههه يمكن تكونين وحده من اللي كنت احبهم ايام الدراسه؟ ما استبعد لانج صج تنحبين :hjy5jewf:
كوفي مختفيه عن الساحه هاليومين
عسى المانع خير ؟؟
سلامات يالغالي سلامات... اشفينا متسكربين وقاعدين..
اهلين coffee سلامات حبيبتي ماتشوفين شر ضيقتي خلقي عاد كلش و لا الضروس واي مأساه الله يعينج و يشافيج يارب
مشكوره عكلامج حبيبتي و عسى الله يحفظج بحفظه :eh_s(7):
و تسلمين عالمقالات قريتهم و شنحجي شنقول يا قلبي عيل انتي ما شفتي يوم فازوا عندنا بالآداب شسووا ههههه جيكي عالرابط
فتح اسلامي جديد في كيفان :eh_s(10):
http://http://193.200.40.42/aljarida/Article.aspx?id=82370
و هني شوفي شسوو بالقوائم الثانيه بعد فوزهم
http://http://www.q8yat.net/showthread.php?t=233542&page=28
اساسا الاخوان المسلمين حركه سياسيه مغلفه بالدين هدفهم الوصول للسلطه فقط من خلال اتباعهم للنهج الميكيافيللي
عيل تخيلي رئيس الاتحاد بكبره يقول احنا نقبل بدخول الطلبه المسيحين لقائمتنا و اسم قائمتهم قائمة كل مسلم محب لشرع الله شهالتناقض كل هذا عشان جم صوت ؟ الحمد الله الذي عافانا ممن ابتلاهم به و فضلنا على كثير ممن خلقت تفضيلا
لا و فوق هذا ينكرون تبعيتهم لحدس و حزب الاخوان المصري :eh_s(12):
عاد كلش و لا لمن تقرب الانتخابات و يقعدون يقولون الصوت امانه لا و في سنه من السنين بعض اعضاء هالقائمه قاموا يخرعون الطلبه تخيلي يقولون لهم ما يجوز تصوت لقوائم ثانيه غيرنا اهمه مو قوائم اسلاميه :eek: شوفي استغلال الدين لي وين وصل استغفر الله
عسى الله يحفظ الكويت من هالاحزاب :yaaaaaarb:
يا بختي يا بعد عمري الله يسلمج ان شاءالله من كل شر :blueSmCLR:
جايووووووووو هههههه متاكده هذي حواجبي ؟ :krkrkr: ههههه بس ابداع الرسمه صراحه شكلنا حمقانين ماندري وين اعيالنا الاستكانات والفنايين .. آآآآآآآآه يا قلبي لا تيبين طاري الضروس حدهم يعوروني شق لي حلجي الدكتور اليوم يوعانه مو قادره آكل :eh_s(11):
كنت بتشيطن و أحطلج صورة ضروس ودرل بس قلت لا لا خل أصير خوش بنية وحط صورتي أنا وياج!
انتي قهوة وأنا جاي ويلي يجمعنا الهوت جوكلات....شكلنا قاعدين نتخانق عليه...ههه...جيكي على الحواجب....
-
جار التحميل…
-
جار التحميل…
-
جار التحميل…
