الورق عنب :
ورق عنب
بقدونس
كزبره
جزر
بصل
فليفله
طماطم
ملعقه صغيره سماق
شوي كركم
شوي معجون طماطم
رز مصري
دبس الرمان ( الكميه حسب الرغبه )
عصير ليمون ( حسب الرغبه )
شوي ليمون اسود مطحون
شوي كمون
ملح
ملعقتين زيت زيتون
الطريقه :
ننتقع رز مصري في ماء
نطحن ( البصل ، الفليفله، الجزر، الطماطم ، البقدونس و الكزبره )
نضيف عليهم زيت الزيتون و البهارات والملح وعصير الليمون و معجون الطماطم و دبس الرمان
نصفي الرز المصري من الماء ونخلط معاه الخليط السابق
يحشى به الورق عنب ( نحتفظ بالورق الممزق او التالف لان راح نستفيد منه )
بعدين في قاع الجدر ( انا اتكلم عن جدر الضغط الفرق في وقت النضج فقط )
نحط بصل حلقات وطماطم حلقات تعطي نكهه حلوه للورق عنب
وبعدين فوقهم بطاطس حلقات
نصف الورق عنب بجانب بعض بالضبط
لين انتهاء الكميه
نخلط كاس ونصف ماء ساخن نذوب فيه مكعب ماجي ( سواء صنع بيتي او الجاهز ) ونحط عصير ليمون طبعا حسب الرغبه و دبس الرمان كذالك و ثلث كاس زيت زيتون
ونصبه ب رفق في الجدر ونحط من فوق الورق المتشقق يغطي سطح الورق عنب
نحط ثقل ع الورق عنب ونغطيه نخليه تقريبا ساعه ونصف ونطفي عليه
مانفتح الجدر ابدا لين يبرد تماما ( هالنقطه مهمه لان اذا لامس الهوا البارد الورق عنب الساخن يصير لونه اسود وحتى يحافظ ع لونه الاخضر لازم بعد مايبرد تماما نفتح الجدر