بوبيس كيك

😊 حلو ل حفلات الاطفال
المقادير :
كيكه بيتي كروكر شوكلاته
حلاوه للزينه
قالب شوكلاته ( انا استخدمت ٣ الوان ، ابيض و بني غامق و فاتح ) حسب اللي تحبين .. قشطه + دريم ويب
بسكويت و مكسرات عند الرغبه
الطريقه :
تخبز الكيكه حسب التعليمات الموجوده ع الكرتون ( يمكن استبدال الماء ب حليب بنفس المقدار )
اذا نضجت تفتت وتترك ل تبرد قليلا في الفريزر
نحطها في الخلاط ومع الخلط بتصير كانها شوكلاته غليظه مذابه ،، نحطها ع جنب .. نخلط القشطه مع الدريم ويب
نحط منه مقدار ع خليط الكيك ونخلط حتى تتكون عندنا عجينه سهله التشكيل
انا اضفت بسكويت فستق وممكن الاستغناء عنه .. شكلتها ع شكل دوائر ونحطها شوي تجمد في الثلاجه
نذوب الشوكلاته في المكرويف ( نصائح ل تذويب الشوكلاته في المكرويف : * ناخذ اناء مايسخن مع حراره المكرويف * نكسر الشوكلاته الى قطع صغيره * نتاكد انه الاناء مافيه ولا قطره ماء حتى ماتخترب الشوكلاته *نحطه لمده ثواني فقط. ونطلعه نحركه لان احيان يكون ذايب بس مايبين عليه واذا احتاج نرجعه من جديد
* ننتبه لايحترق لان لو احترق راح يتكتل .. )
نذوب شي بسيط من قالب الشوكلاته ل تثبيت العود .. نحط بدايه العود في الشوكلاته ونحطه في كل قطعه ونتركه في الفريزر شوي ( حتى يثبت العود داخل الكره )
اخيرا نغمس الكره ب العود داخل الشوكلاته وع طول نزينها حتى تثبت الحلاوه فيه .. بعد الانتهاء يوضع في الثلاجه ليجمد وبس بالعافيه 😊 انا اسويها ع يومين لانها شغله شوي