كوكيز 😋🍪

المقادير :
كوبين دقيق
ملعقه صغيره بيكربونات الصوديوم
ملعقه صغيره بكينج بودر
نص ملعقه صغيره ملح
اصبع زبده ١٠٠ جرام
كوب سكر بني
نص كوب سكر ناعم
بيضتين
ملعقه صغيره فانيليا
كوبين حبيبات الهرشي
ملعقه كبيره كاكاو بودره مُر
للحشوة : جالكسي
⠀⠀⠀⠀⠀⠀⠀⠀⠀⠀⠀⠀⠀⠀
الطريقة :
ننخل الدقيق وبيكربونات الصوديوم والبكينج بودر والملح ، وبزبديه نحط اصبع زبده وتكون بدرجة حرارة الغرفه والسكر البني والابيض ونخلطهم بالخلاط الكهربائي او اليدوي وبعدين نضيف عليها بيضتين بدرجة حرارة الغرفه والفانيليا ونخلطهم لمدة ٥ دقايق اذا صار شكله كريمي نبدأ نضيف الدقيق اللي نخلناه شويه شويه الين مايختفي الدقيق اهم شيء لاتطولو بالخلط ، نقسم الخليط لنصين ونحط بالنص الاول ملعقه كبيره كاكاو ونخلطهم واذا احتاج كاكاو اكثر زيدو الين ماتوصلو للون المطلوب بعدين نضيفله كوب من حبيبات الهرشي وكمان كوب للخليط الابيض ونخلطهم خلط خفيف وندخلها الثلاجه تتماسك من نص ساعه الى ساعه ، نجهز الصينيه بورق زبده ونولع الفرن على ١٨٠ ونخليه يسخن بعدين نطلع الخليط من الثلاجه وناخذ كوره متوسطه ونحشي الخليط الاسود بشوكلاتة بيضاء والخليط الابيض بشوكلاته سوداء ونرصها بالصينيه وتكون كل كوره بعيده عن الثانيه ، بعد مانخلص ندخلها الفرن بالرف الوسط والنار تكون من تحت وننتبه لانفتح الفرن الا بعد١٠ دقايق ونطلعه راح تلاحظو الكوكيز مره طري بس نتركه يبرد راح يصير متماسك اكثر ، جربوه لذيذ وذايب وغرقان شوكلاته