وصفه مبتكرة وتجميع عدة وصفات بوصفه واحده .. جدا لذيذة وطعمها غني جدااا راح تعجبكم خصوصا لمحبي الفول السوداني
.
◾القاعدة عملتها كالتالي:
.
🔸كيك شوكولاته قديم حطيته بطبق عميق وقمت بتفتيتهم وطلعوا حوالي كوبين .. وفوقهم ملعقتين كبار قيمر (قشطه) وحوالي ربع كوب زبدة مذابة
.
🔸خلطت الجميع باليد .. ورصيتهم بقالب تارت بعد مادهنته زبده (ممكن استخدام قالب تشيز كيك عادي)
.
🔸ودخلت القالب بالثلاجه لمدة ساعه على ما عملت طبقة الجبن
.
🔸طبعا ممكن استخدام اي كيك جاهز او موجود عندكم والكميه عالنظر حسب حجم القالب (حوالي ثلاث ارباع قالب كيك جاهز سارالي وامثاله)
.
🔹كوب كريمه سائله حطيت عليها نقطه لون اصفر (اختياري) وملعقتين سكر بودرة وخفقتها لما صارت كريمه ثقيله (وخليتها على جنب)
.
🔹الان بطبق عميق حطيت جبن فيلادلفيا علبة وربع 250جرام .. تكون بحرارة المطبخ
.
🔹نص كوب سكر بودرة
.
🔹علبة حليب مكثف محلى (نستله) اصغر حجم
.
🔹كوب زبدة فول سوداني (استخدمت الخشنه) علشان استمتع بقرمشة الفول السوداني 😍 تكون بحرارة المطبخ
.
🔹خلطت الجميع بالملعقه السيليكون .. بس الخليط ثقيييل تعبني الصراحه والافضل تخلطوه بالمكينه (ركبو شفرة التقليب وليس الخفق)
.
🔹اذا الخليط ثقيييل اضيفوو ملعقتين قيمر او قشطه
.
🔹بعد مايتجانس .. اضيفوا الكريمه اللي خفقناها بالاول واخلطو حتى يتجانس
.
🔹صبوها فوق طبقة الكيك القاعدة .. وساوو السطح بالملعقه ودخلوها الثلاجه نص ساعه على مانجهز الغاناش الشوكولاته
.
🔸الان نقوم بتجهيز غاناش الشوكولاته وهو كالتالي:
.
🔸ثلاث ارباع كوب كريمه سائله .. ضعوها بطبق عميق وسخنوها عالنار او بالميكروويف لدرجه السخونه ⚠ وليس الغليان
.
🔸اضيفوا كوب قطع شوكولاته اي نوع تحبوه (انا استخدمت قطع هيرشي) وخلوها تذوب انتو وتحركوهاا .. رجعوها الميكروويف نص دقيقه وارجعو اخلطو لين تذوب
.
🔸اضيفو وحده من هالثلاثه حسب المتوفر (يا اما ملعقتين كبيرة قيمر أو زبدة فول سوداني الناعم أو زبدة عادية)
.
🔸رجعوها الميكررويف نص دقيقه وحركوو جيدا لما يتجانس الخليط
.
🔸صبوو طبقه رقيقه فوق الجبن وساوو السطح بالملعقه
.
🔸زينوها علطول على كيفكم (انا زينتها بفول سوداني وقطع شوكولاته بالبسكوت ماركه ريسيز اللي فيها حشوة فول سوداني)
.
🔸دخلوها الثلاجه ساعه ومليون عافيه 😊👌