سمبوسه تايلنديه

شرايح سبرنق رول
ماء ودقيق مخلوطين نلصق به اطراف السمبوسه

الحشوه : نص دجاجه مسلوقه ومفتته باليد تفتيت ناعم _ خمس اوراق كبيره ملفوف صيني مقطعه شرايح طوليه رقيقه اوممكن ملفوف عادي _ فلفل حار مفروم حسب رغبتكم _نص حبة فلفل بارد ملون مفرومه _ فصين ثوم مفروم _ ملعقة طعام صلصة الترياكي اوممكن صويا صوص _رشة ملح وفلفل اسود وبابريكا _ ربع كاس بصل اخضر مفروم

زيت للقلي

الطريقه

في مقلاه عميقه على النار ضعي ثلاث ملاعق طعام زيت زيتون وقلبي فيها الملفوف والفلفل البارد لما تتحمر شوي وضيفي لها الفلفل الحار والثوم وصلصة الترياكي والملح والبهارات وقلبي وضيفي الدجاج وبعد دقيقه طفي النار وضيفي البصل الاخضر.
قطعي شريحة السبرنق رول المربعه الى اربع مثلثات واحشي كل قطعه وادهني اطرافها بالدقيق المخلوط بالماء وقفليها زين اما الرولات فقطعي كل شريحة سبرنق رول الى نصفين يصير عندك مستطيلين احشيها وادهني اطرافها بالدقيق المخلوط ولفيها واقليها وتقدم مع الصوص التايلندي كتغميسه وبالعافيه

ممكن تزيدوها خضار اذا حبيتو بطاطس وجزر وكوسه وبروكلي

الي مايحب القلي يحط ملعقتين زيت زيتون في مقلاه عميقه مو مسطحه ويسخنه ويحط السمبوسه ويخفض النار مره ويغطي المقلاه ويقلبها كل شوي
لذيذه وخفيفه بهالطريقه وماتنشف زي لو كانت بالفرن