سمبوسة الفرن

العجينه : ثلاث كاسات دقيق اوممكن ازود شوي _ علبه زبادي ( روب ) دافئ بحرارة الغرفه _ نص كاس لبن سايل دافئ بحرارة الغرفه _ نص ملعقة طعام خميره فوريه _ نص ملعقه صغيره بكن بودر _ ملعقة طعام سكر _ ربع كاس زيت زيتون _ نص ملعقه صغيره ملح

الحشوه : لحم مفروم وبصل مفروم اكثر من كمية اللحم وبهارات وملح مخلوطه تشوح على النار لماتستوي اللحمه ونطفيها ونضيف لها كزبره وشبث والشبث اكثر من كمية الكزبره كلها مفرومه والي يحب بيض مسلوق مقطع يضيفه بالاخير.
اوممكن تكون الحشوه دجاج مسلوق مفتت وخضار بصل وجزر وملفوف وفلفل رومي وفلفل حار وثوم تشوح في شوية زيت ويضاف لها الدجاج والبهارات والملح وشوية بقدونس وملعقة طعام صوص الترياكي اوالورشستر وبعد ماتبرد يضاف لها جبن قشقوان اوموزوريلا اوشدر حسب الرغبه .
الطريقه
في العجانه اخلطي جميع المواد ماعدا الدقيق والملح لما تتجانس واضيفي الدقيق والملح واعجني لسبع دقايق وادهنيها بشوية زيت زيتون وغطيها وخليها ساعه تخمر وافرديها على سطح طاوله مرشوشه بشوية دقيق وقطعيها دوائر واحشيها وظفريها اوقطعيها بقصاصة السمبوسه المشرشره وحطيها بصينية فرن مدهونه وادهنيها بملعقة ماء مخلوط معاها ملعقة حليب بودره وغطيها بسفره وخليها ربع ساعه تخمر زياده واخبزيها بفرن حار لما تستوي وحمريها من فوق وبالعافيه
ممكن تستبدلي كاس دقيق ابيض بكاس دقيق بر.
وكمان جربي احشي كم حبه بجبن مثلثات اوكيري يمي مع الشاي