- 50
- 0
- الأربعاء, 18 أكتوبر, 2017 - 11 , مساءً
- التقييم:
الطريقة و المقادير
قالب البودينق
بالخلاط: علبة حليب محلى مكثف وكاس ماء وعلبة قشطة وثلاث بيضات. تخلط ونضيف لها بالاخير بشر برتقاله ونقلبها وتترك جانبا.
ندهن شرايح من التوست بالزبده وندهن قالب توست بالزبده و نرص القطع في القاع وفي جوانب القالب عشان تمسك وتعطي شكل القالب ونرش عليها زبيب اومشمش مجفف مقطع ومكسرات اوممكن بدون حسب اختياركم ونصب عليها شوي من الخليط ونرص طبقه اخرى من التوست ونرش عليها المكسرات والزبيب وشوكلاته اذا حبيتو ونصب من الخليط وطبقه من التوست ونصب عليها باقي الخليط اوحسب ماتحتاج منه وبفرن حار لثلث الى نصف ساعه وبعد مايستوي نتركه برى عشر دقايق ويقدم. وبالعافيه عليكم
ممكن تستبدلوا الحليب المحلى المكثف والقشطه والماء بكاس كريمه خفق وكاس ونص حليب سايل وكاس سكر بني اوعادي ويخلط مع البيض.
وممكن ترصوا شرايح التوست بعد دهنها بالزبدة في صينيه دائريه فوق بعضها بشكل مائل ويصب فوقها الخليط وبالفرن لما تتحمر
