- 77
- 0
- الجمعة, 20 أكتوبر, 2017 - 1 , صباحًا
- التقييم:
الطريقة و المقادير
الخلاصه اوالرضيفه
عباره عن زبده ودقيق وملح وحجر مروه ابيض يسخن الحجر ويقلب في الدقيق ويضاف للزبده هذا اساسها
انا سويتها بهالطريقه الي راح انزلها لكم صراحه روووعه ولذيذه
اول خطوه :
سخني حجر مروه متوسط على العين الصغيره.
الخطوه الثانيه :
قالبين زبده كبيره ام ميتين جرام غير مملحه نضيف لها ملعقه صغيره حلبه حب وغصنين اوثلاث ريحان طازج مغسول ومصفى واحطها بقدر لما تسيح وتغلي على نار هادئه.
الخطوه الثالثه :
بالخلاط :
علبه زبادي ( روب ) وربع كاس حليب سايل اوماء وحبتين جبن كيري وثلاث ملاعق طعام دقيق بر فاتح اودقيق ابيض وثلاث ارباع ملعقه صغيره ملح. تخلط وبعد ماتغلي الزبده بدقيقتين ضيفي لها خليط الزبادي وغطيها لخمس دقايق بدون تحريك وعلى نار هادئه وبعدها حركيه شوي.
قلبي الحجر في ملعقة طعام دقيق برفاتح اودقيق ابيض وكبيها على الزبده الحجر والدقيق وغطيها ثواني وقلبيها وبعد ثلاث دقايق طفي عليها وبالعافيه
