بالنسبه للتوست طازج استخدمت حبة توست وحده قصصت اطرافها وفردتها بس مالضغطها مره عشان يكون فيها شوي انتفاخ وقطعتها بالقطاعه الدائره ثم غمستها ببيض وبقسماط وقليتها وانتم تقلونها رشوا الزيت عليها وهي راح تنتفخ تقصونها وتحشونها بالحشوه اللي تفضلونها .
. ‎اول شي قبل ساعه من العمل وممكن قبل يوم نتبل الدجاج ونحطه بالثلاجة واذا بغينا طلعناه وسوينا فيه ساندوتشات الكودو 🌯 ‎تتبيلة دجاج كودو 🌯 ‎3 صدور مقطع مكعبات ‎3 ملاعق كاتشب ‎2 ملعقة كبيرة مايونيز ممكن تستبدل ( قشطة طازجة ‎المراعي وغيرها ) ‎ملعقتين صلصة صويا صوص معتدله ‎نص ملعقة ليمون ‎نص ملعقة خل ‎فصين الى 3 ثوم مفرومين ‎بهارات صينية لو موجود
‎بهارات عادية وفلفل اسود مطحون ‎بعد كذا بمقلاتين ع النار وحدة نحط فيها قطرات زيت ونخليها تحمى مررره وعقب نحط الدجاج بتتبيلته ونقلبه لما تجف مويته ويتحمر ومقلاة ثانيه نحط قطعة زبدة ونحط بصل مقطع مكعبات وفلفل بارد ملون وبعدها نضيف الطماطم ونتبله ببهاراتنا وملح وفلفل وممكن مكعب ماجي اخر شي نضيف عليه بصل مقطع جوانح طويله بعدها نضيف الخضار ع الدجاج ونخلطهم سوا .. الساندوتشات ندهنها بخليط من الجبن والخردل والمايونيز وبعدين نحط الحشوة وشرايح الجبن والخس
تتهنوا فيها يارب
دعواتكم 🍃