طرقها كتيرة وبينضافلها منكهات كل شخص حسب زوؤه وان شاء الله تعجبكم الطريقة 😊

2كوب ونص طحين
2 كوب ونص سميد ناعم
نصف كاسة زيت ذرة
كوب مي بحرارة الغرفة
كوب حليب بحرارة الغرفة
م.ص بيكنج باودر
نصف م.ص ملح
ربع كوب زبدة سائلة
وبالنسبة للنكهة انا ضفت 2 م.ك ماء زهر ممكن تستغني عنهم او تسابدليهم بشوية يانسون مطحون
الطريقة .. ننخل الطحين ونضيف كل المكونات سوا ما عدا ماء الزهر .. بس تصير عنا عجينة بنضيف ماء الزهر ..طبعا العجينة في البداية رح تكون لينة شوي لانو السميد بيكون لسا ما تشرب الوائل منيح .. بنغطيها وبنتركها لمدة نصف ساعة وبعد نص ساعه رح تلاحظي انها صارت عجينة متماسكة .. بنكورها لكرات حسب الحجم المطلوب .. وبنشكلها بالطريقة اللي بتحبوها .. طبعا الشكل التقليدي لالها معروف رح تجيبي مبرشة او مصفاية ورح تجيبي قطعه وتفريدها باصابعك ع المصفاية لحتى تاخد شكل النتوء وترجعيها تبرميها متل الرول
القلي: الزيت حامي ع نار وسط لانو لو كانت النار عالية ما رح تضل نية من جواتها .. اثناء القلي نتجنب نحط القطع فوق بعضها والتقليب بيكون بنعومةوبس تتحمر نطلعها بصفاية ومن المصفاية ع القطر .. بنكون مجهزين قطر لازم القطر يكون بارد وبنترك القطع بالقطر حوالي عشر دقايق لحتى تتشرب القطر منيح
وصحتين ع قلبكم 💜