حفلة بفمك

لذيذه وهشه لكن كميتها كبيره
اللي حاب كميه صغيره يقسم المقادير الى نصفين
طبعاً حلاتها ساخنه .
.
. ‎المقادير :
٢ كوب ونصف دقيق ابيض
ملعقة كبيرة خميرة فوريه
‎ملعقه كبيره كاكاو بودره ‎
ملعقه كبيره قرفه ( اللي مايحبها يستغني عنها )
٣ ملاعق كبيره حليب بودرة
ربع كوب سكر 
ربع كوب زيت
رشة ملح 
كاس ماء دافي يمكن نحتاجه كله ويمكن نزيد على حسب ‎
الحشوه :
‎شوكولاه جالكسي اي نوع تحبين ‎او ميني كت كات او مارس او كيندر او مالتيزر او مارشملو ‎الحشوه تعتمد على ذوقك ‎
التزيين :
‎جالكسي مذوب ‎
شوكولاه بيضاء ( اختياري ‎
كسر بسكوت الاوريو ‎
سكر بودره ‎

الطريقه :
‎ننخل جميع المواد الجافه مع بعض وتحرك بالمضرب السلك ثم نضيف السايله عليها ويكون الماء اخر شيء ومانصبه كله ونبدا نعجن ونضيف الماء واذا احتاج نزيد ماء يكون مثل قوام عجينة الفطاير وندهنها اخر شيء بالزيت وتغلف وتوضع بمكان دافيء نصف ساعه ثم نبدا نشتغل فيها ‎
ونبدا ناخذ منها قطع صغيره
ونحشيها باي حشوه تحبون حشيتها هون بشوكولاه جالكسي قصصته صغار وحشيته به ونوزعها بالصينيه مفرقه عن بعض نخليها تخمر ١٠ دقايق ثم تدخل بفرن مسبق التسخين من تحت ثم من فوق حتى تتحمر نطلعها ونسوي خطوط بالجالكسي المذوب وشوي فتات من بسكوت الاوريو واذا تحبين تفنني بشوكولاه بيضاء 
ورشة سكر بودره
تتهنوا فيها يارب