سمبوسة البف
تتميز بوجود قليل من الخميره لتعطي طراوه للعجينه

ثلاث كاسات دقيق_ ربع كاس زيت زيتون_ ربع ملعقه صغيره خميره فوريه_ ملعقه صغيره سكر_ ملعقة طعام حليب بودره _نص ملعقه صغيره ملح_ كاس ماء او ازود شوي بحيث تكون العجينه متوسطة الشده.
الطريقه
بالعجانه نخلط الدقيق والحليب والسكر والزيت ونفركهم جيدا ونخلط الخميره مع الماء ونضيفها ونعجن لدقيقه ثم نضيف الملح ونعجنها سبع دقايق ونغطيها ونخليها في مكان دافي لمدة ساعه.
نقسم العجينه لثلاث اقسام ونفرد كل قسم بالنشابه بشكل طولي وبعدين نفردهم بماكينة الفرد على مقاس اربعه اوخمسه ونقطعها دوائر ونحشاها ونظفرها اونشكلها مثلثات اومستطيلات زي ماتحبو اونكورها كرات صغيره ونفردها بالنشابه ونحشيها ونطبقها ونقص اطرافها بقصاصة السمبوسه وتقلى في الزيت على حراره اقل من متوسطه وتقدم مع سلطة الدقوس الحاره او مع السلطه المكسيكيه الحاره وبالعافيه

الحشوه : في مقلاه على النار نضع لحم مفروم ونقلبه لما يستوي نص استوا ونضيف له بصل مفروم كثير تقريبا ضعف كمية اللحم وشوية كمون وفلفل اسود وكركم وبابريكا وكزبره ناشفه وملح ونقلبها لما تستوي اللحمه ونطفي عليها وبعد ماتبرد شوي نضيف لها كزبره وبقدونس وشبث مفرومه وممكن تضيفو بالاخير بيض مسلوق مقطع لها للي يحب.
ضروري يفرك الدقيق بالزيت عشان تطلع السمبوسه مقرمشه