سوفليه الكاكاو…
الكمية بتسوي لج اربع حبات راح نحتاج الى …
قوالب السوفليه الفخارية او قوالب ورق الزبدة
50 غرام كاكاو نص محلى
بياض بيضتين
3 م.ك سكر
2م.ك طحين ابيض او متعدد الاستعمالات
2م.ك نشا
صفار بيضتين
م.ك فانيلا
10 غرام زبدة غير مملحة
سخني الفرن حرارة ميتين سيليزي وحطي رف الفرن تحت المنتصف… دهني القوالب بزيدة وغطيهم بسكر من جميع الجهات
ذوبي الكاكاو والزبدة اما بالمايكرويف مدة دقيقتين او بحمام ماي
خفقي صفار البيض والفانيلا والنشا والطحين لين يصير خليط متجانس سايل خلطي هالمزيج مع الكاكاو واتركيه على صوب… خفقي بياض البيض بروحه لين يرغي من تتكون رغوة ابدي ضيفي له السكر بالتدرج ملعقة في كل مرة وكملي خفق لين يصير بياض البيض مثل الكريمة البيضا ماسكة وتلمع..ضيفي ربع خليط بياض البيض لخليط الكاكاو وابدي حركي بطريقة الثني من النص ثم ضيفي باقي المقدار وخلطي وحافظي على الهوا يالخليط عشان تنفخ وياج وايد بالفرن.. حطي الخليط بقوالب وبالفرن ولاتفتحين عنه لين يرتفع فوق يفضل اكله وهو دافي … بالنسبة لوقت الفرن يعتمد حسب حجم القالب وحرارة وحجم الفرن انا هالقوالب خذت عندي حوالي ست او سبع دقايق زينيها بالسكر وممكن تاكلينها مع ايس كريم فانيلا او كريما..
بالعافية