بف التشدر ~
.
حده سهل وطعمه لذيذ

المقادير :
اصبع زبده
رشة ملح
كاس ماء فاتر
كاس دقيق
٤ بيضات كبيره
جبنة التشدر الوسط مبشوره مقاس كاس
ملعقه كبيره فلفل رومي احمر مقطع صغير
الافضل احمر لانه طعمه الذ
ملعقة شاي اوريقانو

الطريقه:
نحضر القدر ونحط فيه الزبده والملح وكاس الماء ع نار عاليه حتى تذوب الزبده بعدها نقصر ع النار ونحط الدقيق عليه ونحركه بملعقه خشبيه لحد مايكون كتله وحده ونرفعه عن النار ونحطه بالخلاط الكيك ونشغله ونخليه يخلط العجينه حتى تبرد لان لو كملنا وهي حاره بتطبخ المقادير وهيك غلط للي ماعنده خلاط كهربائي يخلي العجينه فتره تبرد ويكون يحركها بالملعقه لتسهيل تبريدها اسرع
بعد ماتبرد العجينه نبدا نضيف البيض والخلاط شغال حبه حبه لما تتمازج العجينه معه بعدها نضيف الجبن المبشور والفلفل الرومي والاوريقانو
نكون مجهزين الصينيه مفروشه بورق زبده ومشغلين الفرن وناخذ بملعقه صغيره ونحط بالصينيه انا استخدمت ملعقة الايس فكانت القطع كبيره بس الذ تتحمر من تحت ونشغل اللي فوق لما تبدا تتشقق وتنتفخ بقوه وبدت تحمر نطفي عنها هي لما نطلعها برا الفرن تكون منفوخه بعدها بتبدا تهبط لان هذا شكلها طبيعي